ທີ່ການໂອ້ລົມທາງໂທລະສັບ, ສອງຝ່າຍຢືນຢັນຄວາມຖືເປັນສຳຄັນ ແລະ ສະແດງຄວາມປິຕິຊົມຊື່ນຕໍ່ບາດກ້າວພັດທະນາອັນດີງາມ ຂອງການພົວພັນ ລະຫວ່າງ ຫວຽດນາມ - ສະຫະປະຊາຊາດ ໃນໄລຍະຜ່ານມາ. ທ່ານປະທານປະເທດ ຫງວຽນຊວນຟຸກ ໄດ້ຕີລາຄາສູງບັນດາການປະກອບສ່ວນຂອງ ທ່ານເລຂາທິການໃຫຍ່ Antonio Guterres ໃນອາຍຸການຜ່ານມາ, ພ້ອມທັງສະແດງການສະໜັບສະໜູນບັນດາບຸລິມະສິດ ແລະ ທິດທາງຂອງທ່ານເລຂາທິການໃຫຍ່ໃນໄລຍະ 5 ປີຕໍ່ໜ້າ.
ທ່ານປະທານປະເທດ ຫງວຽນຊວນຟຸກ ໄດ້ຢືນຢັນວ່າ ໃນຖານະເປັນສະມາຊິກທີ່ມີຄວາມຮັບຜິດຊອບຂອງສະຫະປະຊາຊາດ, ຫວຽດນາມ ໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານລວມຂອງສະຫະປະຊາຊາດ, ໃນນັ້ນ ມີໜ້າທີ່ເປັນສະມາຊິກບໍ່ຖາວອນຂອງສະພາຄວາມໝັ້ນຄົງ, ເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ປະຕິບັດບັນດາເປົ້າໝາຍການພັດທະນາແບບຍືນຍົງ (SDGs) ແລະ ກຳລັງສະໝັກຮັບເລືອກຕັ້ງເຂົ້າໃນສະພາສິດທິມະນຸດ ສຳລັບອາຍຸການ 2023-2025.
 |
| ທ່ານປະທານປະເທດ ຫງວຽນຊວນຟຸກ ມີການໂອ້ລົມທາງໂທລະສັບສະແດງຄວາມຊົມເຊີຍ ທ່ານ Antonio Guterres. (ພາບ: TTXVN) |
ທ່ານປະທານປະເທດ ຫວຽດນາມ ໄດ້ສະແດງຄວາມຂອບໃຈຕໍ່ການສະໜັບສະໜູນຂອງສະຫະປະຊາຊາດ ໃຫ້ແກ່ຫວຽດນາມ ໃນໄລຍະຜ່ານມາ ແລະ ສະເໜີໃຫ້ບັນດາອົງການສະຫະປະຊາຊາດ ສືບຕໍ່ເອົາໃຈໃສ່ ແລະ ສະໜັບສະໜູນ ຫວຽດນາມ, ໂດຍສະເພາະໃນການຈັດຕັ້ງຜັນຂະຫຍາຍວັກຊີນ ແລະ ໃຫ້ຄຳປຶກສາແນະນຳນະໂຍບາຍຟື້ນຟູຫຼັງຈາກໂລກລະບາດ.
ສ່ວນ ທ່ານເລຂາທິການໃຫຍ່ສະຫະປະຊາຊາດ Antonio Guterres ກໍ່ໄດ້ຕີລາຄາສູງບັນດາຜົນງານພັດທະນາເສດຖະກິດ - ສັງຄົມຂອງຫວຽດນາມ ແລະ ໃນການຕໍ່ສູ້ຕ້ານໂລກລະບາດ COVID-19. ທ່ານເລຂາທິການໃຫຍ່ ໄດ້ສະແດງຄວາມຂອບໃຈເປັນພິເສດ ທີ່ຫວຽດນາມໄດ້ຮັບເອົາ ແລະ ປະສົບຜົນສສຳເລັດໃນການປິ່ນປົວໃຫ້ແກ່ພະນັກງານສະຫະປະຊາຊາດທີ່ຕິດເຊື້ອ COVID-19.
ເມື່ອແລກປ່ຽນກ່ຽວກັບສະພາບການສາກົນ ແລະ ພາກພື້ນ, ສອງຝ່າຍໄດ້ແບ່ງປັນຄວາມສຳຄັນຂອງການຮັກສາ ແລະ ຊຸກຍູ້ສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ແລະ ຄວາມເສລີໃນການເດີນທະເລ ບົນພື້ນຖານກົດໝາຍສາກົນ, ໂດຍສະເພາະ ແມ່ນສົນທິສັນຍາສະຫະປະຊາຊາດ ກ່ຽວກັບກົດໝາຍທະເລປີ 1982, ຢືນຢັນບົດບາດໃຈກາງຂອງອາຊຽນ ໃນການແກ້ໄຂບັນຫາໃນພາກພື້ນ.
 | ທ່ານປະທານປະເທດ ຫງວຽນຊວນຟຸກ ໄດ້ຍ້ອງຍໍບັນດາອົງການສື່ມວນຊົນ ໃນແນວຮົບປ້ອງກັນ ແລະ ຕ້ານໂລກລະບາດ COVID-19 ຍສໝ - ໃນໄລຍະເກືອບ 2 ປີທີ່ຜ່ານມາ, ພັກ, ລັດ ແລະ ພໍ່ແມ່ປະຊາຊົນ, ແລະ ນັກຮົບໃນທົ່ວປະເທດ ໄດ້ເຫັນຢ່າງຈະແຈ້ງເຖິງບົດບາດທີ່ສຳຄັນ ແລະ ບໍ່ອາດຂາດສື່ມວນຊົນໄດ້ ໃນການຕໍ່ສູ້ຕ້ານການລະບາດຂອງພະຍາດ COVID-19. |
 | ທ່ານປະທານປະເທດຫວຽດນາມ ຫງວຽນຊວັນຟຸກ ຕ້ອນຮັບລັດຖະມົນຕີການຕ່າງປະເທດສິງກະໂປ ທ່ານປະທານປະເທດ ຫງວຽນຊວັນຟຸກ ສະເໜີໃຫ້ 2 ປະເທດເພີ່ມທະວີການແລກປ່ຽນ, ການພົບປະຂັ້ນສູງ ແລະ ທຸກຂັ້ນ ດ້ວຍຮູບແບບຢ່າງມີໄຫວພິບ, ເໝາະສົມກັບການຜັນແປຂອງໂລກລະບາດໂຄວິດ-19. |
 | ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ມີການໂອ້ລົມທາງໂທລະສັບ ອວຍພອນທ່ານ Antonio Guterres ໃນໂອກາດທ່ານຫາກໍ່ໄດ້ສະມັດຊາໃຫ່ຍ ສປຊ ແຕ່ງຕັ້ງເປັນເລຂາທິການໃຫ່ຍ ສປຊ ຄືນໃໝ່ ອາຍຸການ 2022-2026 ຍສໝ - ໃນຕອນເຊົ້າວັນທີ 19 ມິຖຸນາ 2021, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ມີການໂອ້ລົມທາງໂທລະສັບ ອວຍພອນທ່ານ Antonio Guterres ໃນໂອກາດທ່ານຫາກໍ່ໄດ້ສະມັດຊາໃຫ່ຍ ສປຊ ແຕ່ງຕັ້ງເປັນເລຂາທິການໃຫ່ຍ ສປຊ ຄືນໃໝ່ ອາຍຸການ 2022-2026 ແລະ ແລກປ່ຽນກ່ຽວກັບການເພີ່ມທະວີການພົວພັນລະຫວ່າງ ຫວຽດນາມ-ສປຊ. |
ຄຳຮຸ່ງ
