ສົ່ງເສີມຄວາມສະເໝີພາບລະຫວ່າງ ຍິງ - ຊາຍ, ມອບສິດຫຼາຍກວ່າເກົ່າໃຫ້ແກ່ຜູ້ຕາງໜ້າທີ່ຖືກເລືອກຕັ້ງທີ່ເປັນແມ່ຍິງ, ຄົນພິການ

	ເອກອັກຄະລັດຖະທູດເບລາຣູດ ປະຈຳຫວຽດນາມ: ຂ້າພະເຈົ້າຮູ້ສຶກຄວາມສະໜິດສະໜົມ ໃນວັນເລືອກຕັ້ງ ຢູ່ ຫວຽດນາມ
	ການເລືອກຕັ້ງຢູ່ຫວຽດນາມໃນຄວາມຮູ້ສຶກໄດ້ຂອງເພື່ອນມິດສາກົນ: ຫຼາຍກວ່າຄວາມເຊື່ອໝັ້ນ

ທ່ານນາງ Caitlin Wiesen, ຫົວໜ້າຜູ້ຕາງໜ້າ ຫ້ອງການໂຄງການພັດທະນາສະຫະປະຊາຊາດ (UNDP) ປະຈຳ ຫວຽດນາມ

ໃນອາທິດນີ້, ຖະໜົນຕ່າງໆໃນນະຄອນຫຼວງຮ່າໂນ້ຍ ແລະບັນດາແຂວງ, ນະຄອນຕ່າງໆໃນທົ່ວປະເທດຫວຽດນາມໄດ້ຖືກປະດັບປະດາດ້ວຍທຸງຊາດ, ປ້າຍໂຄສະນາ ແລະໂປສເຕີ ເພື່ອຂໍ່ານັບຮັບຕ້ອນວັນເລືອກຕັ້ງທີ່ຈະມາເຖິງ.

ອໍານາດການປົກຄອງທ້ອງຖິ່ນ ກຳລັງເຮັດວຽກຢ່າງໜັກເພື່ອຮັບປະກັນຄວາມປອດໄພໃນການເລືອກຕັ້ງທ່າມກາງການລະບາດຂອງພະຍາດ COVID-19. ຄວາມສົນໃຈທີ່ເພີ່ມຂື້ນຕໍ່ສະພາແຫ່ງຊາດ ແລະອິດທິພົນຂອງສະພາແຫ່ງຊາດ ຕໍ່ຊີວິດຂອງປະຊາຊົນແມ່ນ ໄດ້ສະແດງໃຫ້ເຫັນໃນລະດັບສູງຂອງການມີສ່ວນຮ່ວມໃນກິດຈະກຳ ການເລືອກຕັ້ງຂອງປະເທດ. ຜູ້ມີສິດເລືອກຕັ້ງຫລາຍກວ່າ 69 ລ້ານຄົນຈະໄປປ່ອນບັດເລືອກຕັ້ງໃນທົ່ວປະເທດເພື່ອເລືອກເອົາຜູ້ແທນສະມາຊິກສະພາແຫ່ງຊາດຊຸດທີ XV ແລະສະພາປະຊາຊົນທຸກຂັ້ນໃນໄລຍະ 2021-2026 ໃນວັນອາທິດນີ້.

ການເລືອກຕັ້ງທົ່ວປະເທດຈະເປັນໂອກາດທີ່ສຳຄັນສຳລັບປະຊາຊົນໃຊ້ສິດຂອງພວກເຂົາໃນການເລືອກຜູ້ແທນຂອງພວກເຂົາ. ການຄົ້ນຄ້ວາຫຼ້າສຸດຂອງອົງການ UNDP ປະເທດຫວຽດນາມ ໄດ້ໃຫ້ຫຼັກຖານທີ່ເປັນຕົວຕົນຂອງບົດບາດ ແລະການປະກອບສ່ວນທີ່ສຳຄັນຂອງຜູ້ຕາງໜ້າທີ່ເປັນຜູ້ເລືອກຕັ້ງເພດຍິງໃນການພັດທະນາຂອງປະເທດ. ບົດສຶກສາທີ່ວ່າ “ບົດບາດ, ຜົນງານ ແລະການປະກອບສ່ວນຂອງບັນດາຜູ້ແທນແມ່ຍິງ ຫວຽດນາມ 2016-2021” ສະແດງໃຫ້ເຫັນວ່າເຖິງແມ່ນວ່າຂົງເຂດຈຸດສຸມຂອງພວກເຂົາອາດຈະແຕກຕ່າງກັນ, ທັງເພດຍິງ ແລະ ເພດຊາຍທຸກຄົນທີ່ຖືກເລືອກເປັນຜູ້ແທນຮັບຮູ້ວ່າມັນແມ່ນຄວາມສົນໃຈຂອງຜູ້ມີສິດເລືອກຕັ້ງຈາກບັນດາເຂດເລືອກຕັ້ງຂອງພວກເຂົາແມ່ນປັດໃຈທີ່ສຳຄັນທີ່ສຸດ ທີ່ມີອິດທິພົນຕໍ່ຄວາມຄິດເຫັນຂອງພວກເຂົາຕໍ່ບັນຫາໃດໜຶ່ງ.

ການຄົ້ນຄ້ວາສະແດງໃຫ້ເຫັນວ່າຜູ້ແທນເພດຍິງມີແນວໂນ້ມທີ່ຈະພົບປະກັບຜູ້ມີສິດເລືອກຕັ້ງຜ່ານທາງເຄືອຂ່າຍສັງຄົມຫຼາຍກ່ວາຜູ້ແທນເພດຊາຍ. ໃນແຜນປະຕິບັດງານຂອງພວກເຂົາ, ບັນດາຜູ້ແທນເພດຍິງເອົາໃຈໃສ່ເຖິງຂະແໜງ ການສຶກສາ - ບໍາລຸງສ້າງ ແລະສາທາລະນະສຸກຫຼາຍກວ່າຜູ້ແທນເພດຊາຍ. ເຊັ່ນດຽວກັນ, ຜູ້ແທນເພດຍິງໄດ້ຕອບສະໜອງໄດ້ດີກວ່າຕໍ່ບັນດາຂໍ້ສະເໜີ ຂອງຜູ້ມີສິດເລືອກຕັ້ງໃນອະຍຸການຄັ້ງນີ້.

ສົ່ງເສີມຄວາມສະເໝີພາບລະຫວ່າງ ຍິງ - ຊາຍ, ມອບສິດຫຼາຍກວ່າເກົ່າໃຫ້ແກ່ຜູ້ຕາງໜ້າທີ່ຖືກເລືອກຕັ້ງທີ່ເປັນແມ່ຍິງ, ຄົນພິການ

ສຳລັບຄົນພິການ (NKT), ການປະເມີນຜົນຢ່າງວ່ອງໄວຂອງ UNDP ທີ່ເຜີຍແຜ່ໃນຕົ້ນປີນີ້ສະແດງໃຫ້ເຫັນວ່າຄົນພິການມີຄວາມສົນໃຈເປັນພິເສດໃນການຢາກໃຫ້ຕົວແທນຂອງເຂົາເຈົ້າເຂົ້າຮ່ວມການເລືອກຕັ້ງ ແລະເປັນຕົວແທນໃຫ້ເຂົາເຈົ້າໃນບັນດາອົງການນິຕິບັນຍັດ. ມີເຖິງ 92% ຂອງຜູ້ຕອບສຳພາດຫວັງວ່າຈະມີຕົວແທນທີ່ເປັນຜູ້ພິການເປັນສະມາຊິກສະພາແຫ່ງຊາດ ແລະສະພາປະຊາຊົນ, ໃນຂະນະທີ່ມີ 63% ຂອງຜູ້ຕອບສຳພາດເຕັມໃຈທີ່ຈະອອກສະ ໝັກເລືອກຕັ້ງໃນການເລືອກຕັ້ງ, ອີງຕາມການສຳ ຫຼວດຂອງອົງການ UNDP.

ເອກອັກຄະລັດຖະທູດປາແລັສຕິນ: ຢູ່ຫວຽດນາມ, ຜູ້ໃດກໍ່ຕາມແມ່ນສະມາຊິກສະພາແຫ່ງຊາດ ກໍ່ຖືເອົາຈິດໃຈຮັບໃຊ້ປະຊາຊົນ ແລະ ປະເທດເປັນເປົ້າໝາຍຕົ້ນຕໍ ຍສໝ - ທ່ານ Saadi Salam - ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງລັດປາແລດສະຕິນ ປະຈຳ ຫວຽດນາມ ໄດ້ເຊື່ອໝັ້ນວ່າ ຫວຽດນາມຈະຈັດຕັ້ງການເລືອກຕັ້ງສະມາຊິກສະພາແຫ່ງຊາດຊຸດທີ XV, ເລືອກຕັ້ງສະພາປະຊາຊົນທຸກຂັ້ນໃນໄລຍະ 2021-2026 ຢ່າງສຳເລັດຜົນ. ທ່ານ Saadi Salam ໄດ້ກ່າວວ່າ, ຜູ້ມີສິດເລືອກຕັ້ງເມື່ອໄປປ່ອນບັດ ຈະເລືອກເອົາຜູ້ຮັກຊາດ ແລະ ເປັນຜູ້ທີ່ມີຄວາມຮັບຜິດຊອບຕໍ່ປະຊາຊົນ.

ການເລືອກຕັ້ງຢູ່ຫວຽດນາມໃນຄວາມຮູ້ສຶກໄດ້ ຂອງເພື່ອນມິດສາກົນ: ແມ່ນວັນບຸນການເມືອງພິເສດ ຍສໝ - ສິ່ງທີ່ໜ້າສົນໃຈ, ກິດຈະກຳການເມືອງນີ້ບໍ່ພຽງແຕ່ມີຄວາມສຳຄັນ ໃນດ້ານການເມືອງເທົ່ານັ້ນ, ແຕ່ຍັງມີຄວາມກະຕືລືລົ້ນ, ມີຄວາມກົມກຽວ, ມີຄວາມເບີກບານມ່ວນຊື່ນ ໃນຊີວິດຂອງທຸກຊັ້ນຄົນ...ນັ້ນແມ່ນຄວາມຮູ້ສຶກທົ່ວໄປຂອງເພື່ອນມິດທົ່ວໂລກ ເຊິ່ງໄດ້ແບ່ງປັນກັບນັກຂ່າວ ວາລະສານຍຸກສະໄໝ.

ການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະສະມາຊິກສະພາປະຊາຊົນທຸກຂັ້ນ ອາຍຸການ 2021-2026 ຢູ່ຫວຽດນາມ ຈະປະສົບຜົນສໍາເລັດຢ່າງຈົບງາມ ຍສໝ - ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດລາວ ປະຈໍາ ຫວຽດນາມ ໄດ້ເນັ້ນໜັກວ່າ: ພາຍໃຕ້ການນໍາພາຂອງພັກກອມມູນິດຫວຽດນາມ, ສະພາແຫ່ງຊາດ, ລັດຖະບານ ແລະສະພາປະຊາຊົນທຸກຂັ້ນໄດ້ມີມາດຕະການຮັບມືຢ່າງມີໄຫວພິບ, ເໝາະສົມກັບສະພາບການຂອງພະຍາດ. ບັນດາການພົບປະແລກປ່ຽນກັບຜູ້ມີສິດເລືອກຕັ້ງໄດ້ດໍາເນີນບົນພື້ນຖານຮັບປະກັນຄວາມປອດໄພສຸຂະພາບໃຫ້ແກ່ຜູ້ສະໝັກເລືອກຕັ້ງ ແລະຜູ້ມີສິດເລືອກຕັ້ງໝົດທຸກຄົນ, ຮັບປະກັນໃຫ້ການເລືອກຕັ້ງສາມາດໄດ້ຈັດຕັ້ງຖືກຕາມແຜນການທີ່ໄດ້ວາງອອກ.