ນຳເອົາ “ນາງກຽວ” ມາສູ່ມວນຊົນເຢຍລະມັນ ຈາກມຸມມອງໃໝ່

	ປະທານ VUFO ຫງວຽນເຟືອງງາ ໄດ້ມອບຜ້າໃຫ້ແກ່ໂຄງການສິລະປະສາກົນ “ຜ້າຂອງແມ່”
	ລາຍການສະແດງສິລະປະ “ທະເລ, ໝູ່ເກາະ-ຫົວໃຈຫວຽດນາມ”

ໃນວັນທີ 1 ມິຖຸນາ, ອົງການວັດທະນະທຳລັດ Saxony-Anhalt ແລະ ກອງທຶນສິລະປະ ລັດ Saxony-Anhalt ຂອງເຢຍລະມັນ ໄດ້ຈັດກອງປະຊຸມຂ່າວ ເພື່ອແນະນຳກ່ຽວກັບງານວາງສະແດງ "ນາງກຽວ" ທີ່ສູນວາງສະແດງກອງທຶນສິນລະປະ ຂອງລັດ Saxony-Anhalt.

ໂດຍເອົາຄວາມຮູ້ສຶກ ແລະ ອາລົມຈິດຈາກ “ເລື່ອງກຽວ” ຂອງນັກກະວີໃຫຍ່ ຫງວຽນຢູ, ນັກສິລະປິນຍິງ ເຢຍລະມັນ Franca Bartholomäi ໄດ້ປະດິດຊຸດຜົນງານສິລະປະດ້ວຍໄມ້ ແລະ ເຈ້ຍ ໂດຍມີຫົວຂໍ້ວ່າ "ນາງກຽວ" (ພາສາເຢຍລະມັນ: Das Mädchen K).

ນຳເອົາ “ນາງກຽວ” ມາສູ່ມວນຊົນເຢຍລະມັນ ຈາກມຸມມອງໃໝ່. (ພາບ: TTXVN)

ດ້ວຍສີມືຄ່ອງແຄ້ວ ແລະ ຄວາມຄິດອັນສ້າງສັນດ້ານສິລະປະ, ຜູ້ຂຽນໄດ້ນຳຜູ້ຊົມ ເຂົ້າໄປໃນຄວາມຂັດແຍ້ງກັນທີ່ປິ່ນອ້ອມແອ້ມຕົວລະຄອນນາງກຽວ ແລະ ບັນດາຫົວເລື່ອງຂອງຜົນງານບົດກະວີນິພົນທີ່ຍິ່ງໃຫຍ່ຢ່າງຕໍ່ເນື່ອງ.

ໂດຍຜ່ານຮູບທີ່ເຮັດດ້ວຍໄມ້ ແລະ ເຈ້ຍຂະໜາດໃຫຍ່ 24 ແຜ່ນ, ຜູ້ຊົມສາມາດຮັບຮູ້ໄດ້ເຖິງມຸມມອງໃໝ່ທີ່ແຕກຕ່າງກັນກ່ຽວກັບ “ເລື່ອງກຽວ” ແລະ ຊະຕາກຳຂອງນາງກຽວ, ພ້ອມກັນນັ້ນ ກໍ່ໄດ້ມີການນຶກຄິດຕຶກຕອງກ່ຽວກັບພາບພົດ ແລະ ບົດບາດຂອງແມ່ຍິງໃນໂລກປະຈຸບັນ.

ງານວາງສະແດງດັ່ງກ່າວ ໂດຍກອງທຶນສິລະປະລັດ Saxony-Anhalt ແລະ ສະຖາບັນ Goethe-Institut Hanoi ຮ່ວມກັນປະຕິບັດ ດ້ວຍການອຸປະຖຳຈາກສະຖານທູດຫວຽດນາມ ປະຈຳ ເຢຍລະມັນ.

ກອງປະຊຸມໃຫຍ່ ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ຈະຈັດຂຶ້ນໃນວັນທີ 27 ຕຸລາ 2020 ການຈັດການແຂ່ງຂັນສິລະປະເພື່ອຄັດເລືອກເອົາທີມສິລະປະເຂົ້າຮ່ວມສະແດງໃນກອງປະຊຸມໃຫຍ່ ຜູ້ແທນຊາວໜຸ່ມ ທົ່ວປະເທດ ຄັ້ງທີ VIII ຈະຈັດຂຶ້ນໃນວັນທີ 27 ຕຸລາ 2020 ເວລາ 8:30 ເປັນຕົ້ນໄປ ທີ່ໂຮງຮຽນ ສິລະປະດົນດີແຫ່ງຊາດ.

ໄຂງານຕະຫຼາດນັດການຄ້າສິນຄ້າສິລະປະຫັດຖະກຳລາວ ຄັ້ງທີ 19 ວັນທີ 10 ຕຸລາ, ງານຕະຫຼາດນັດການຄ້າສິນຄ້າສິລະປະຫັດຖະກຳລາວ ຄັ້ງທີ 19 ໄດ້ໄຂຂຶ້ນຢູ່ນະຄອນຫຼວງວຽງຈັນ. ເຂົ້າຮ່ວມງານຕະຫຼາດນັດມີຮ້ານສິນຄ້າກວ່າ 200 ຮ້ານທີ່ມາຈາກ 18 ແຂວງ, ນະຄອນໃນທົ່ວປະເທດລາວ.

ຈັດຕັ້ງບັນດາລາຍການສິລະປະ ເພື່ອສະເຫຼີມສະຫຼອງ 130 ປີແຫ່ງວັນຄ້າຍວັນເກີດປະທານໂຮ່ຈີມິນ ຍສໝ - ລາຍ​ການ​ສະ​ແດງ​ສີ​ລະ​ປະ “ຊື່​ຂອງ​ເພິ່ນ​ສ​ວຍ​ງາມ​ທີ່​ສຸດ” ໄດ້​ສົ່ງ​ສານ​ທີ່​ວ່າ ປະ​ທານ​ໂຮ່​ຈີ​ມິນ ​ແມ່ນ​ນັກແນວ​ຄິດ​ທີ່ດີ​ເດັ່ນ, ການ​ນຳ​ທີ່​ມີ​ຄວາມ​ປີ​ຊາ​ສາ​ມາດ, ພ້ອມ​ທັງ​ກໍ່​ແມ່ນ​ຜູ້​ທີ່​ມີ​ຄວາມ​ສະ​ໜິດ​ສະ​ໜົມ​ກັບ ປະ​ຊາ​ຊົນ.