ເຂົ້າສານຫອມງວດທຳອິດຂອງຫວຽດນາມ ໄດ້ສົ່ງອອກຂາຍໃຫ້ຕະຫຼາດອັງກິດ ຕາມສັນຍາການຄ້າເສລີອັງກິດ-ຫວຽດນາມ

	ກອງປະຊຸມໃຫຍ່ພັກກອມມູນິດຫວຽດນາມຄັ້ງທີ 13: ເຄົາລົບແລະເສີມຂະຫຍາຍສິດເປັນເຈົ້າຂອງປະຊາຊົນ
	ປະ​ຊາ​ຊົນ​ທົ່ວ​ປະ​ເທດ​ເຊື່ອ​ໝັ້ນ​ວ່າ ກອງ​ປະ​ຊຸມ​ໃຫຍ່​ຄັ້ງ​ທີ 13 ຂອງ ພັກ ຈະ​ສ້າງ​ບາດ​ກ້າວ​ກະ​ໂດດ​ຂັ້ນ

ພາບປະກອບ

ປັດຈຸບັນ, ອັງກິດ ພວມຈັດວາງອັດຕາພາສີນຳເຂົ້າເຂົ້າສານຫອມຂອງ ຫວຽດນາມ ດ້ວຍອັດຕາ 17,4%, ເຖິງຢ່າງໃດກໍຕາມ, ຕາມສັນຍາ UKVFTA ແລ້ວ, ເຂົ້າສານຫອມຂອງ ຫວຽດນາມ ມີຄຸນນະພາບສູງ, ເມື່ອນຳເຂົ້າຕະຫຼາດ ອັງກິດ ຈະໄດ້ຍົກເວັ້ນພາສີ, ນີ້ແມ່ນສິ່ງທີ່ເຮັດໃຫ້ເຂົ້າສານ ຫວຽດນາມ ມີກຳລັງແກ້ງແຍ້ງທີ່ດີກວ່າເມື່ອທຽບໃສ່ປະເທດອື່ນໆ ທີ່ສົ່ງອອກເຂົ້າສານຫອມໄປຍັງ ອັງກິດ.

ຕະຫລາດສົ່ງອອກເຂົ້າສານປີ 2020 ຂອງບັນດາວິສາຫະກິດເຂດທົ່ງພຽງແມ່ນ້ຳຂອງເວົ້າສະເພາະ ແລະ ຂອງຫວຽດນາມ ເວົ້າລວມ ມີສັນຍານດີຂຶ້ນ. ຄາດວ່າ ການສົ່ງອອກເຂົ້າສານບັນລຸ 6 ລ້ານໂຕນ. ໄລ່ຮອດເດືອນພະຈິກປີ 2020 ຫວຽດນາມ ໄດ້ສົ່ງອອກເຂົ້າສານປະມານ 5,74 ລ້ານໂຕນ, ບັນລຸ 2,85 ຕື້ ໂດລາສະຫະລັດ, ເພີ່ມຂຶ້ນກວ່າ 10% ກ່ຽວກັບມູນຄ່າເມື່ອທຽບໃສ່ໄລຍະດຽວກັນຂອງປີກາຍ.

ນີ້ເປັນຄັ້ງທຳອິດໃນ 5 ປີຜ່ານມາ, ລາຄາເຂົ້າສານສົ່ງອອກຂອງຫວຽດນາມ ໄດ້ລື່ນກາຍລະດັບ 450 ໂດລາສະຫະລັດ/ໂຕນ. ມີວິສາຫະກິດຫລາຍແຫ່ງຢູ່ເຂດທົ່ງພຽງແມ່ນ້ຳຂອງຖືວ່າ ເຂົ້າສານຫວຽດນາມ ຂາຍໄດ້ລາຄາສູງ ກໍ່ຍ້ອນວ່າ ຄຸນນະພາບເຂົ້າສານຫວຽດນາມ ໄດ້ມີການປ່ຽນແປງ.

ນັບແຕ່ຕົ້ນເດືອນສິງຫາປີ 2020 ເມື່ອສັນຍາການຄ້າເສລີ ຫວຽດນາມ - ສະຫະພາບເອີລົບ ມີຜົນສັກສິດ, ສ້າງກຳລັງຫນູນສຳຄັນເພື່ອໃຫ້ບັນດາວິສາຫະກິດເພີ່ມທະວີສົ່ງເຂົ້າສານແຊບ ມີຄຸນນະພາບສູງ, ລາຄາເໝາະສົມ.. ເຂົ້າຕະຫລາດ ເອີລົບທີ່ເຕັມໄປດ້ວຍແງ່ຫວັງ.

ຄາດຄະເນວ່າ ການສົ່ງອອກເຂົ້າສານຂອງຫວຽດນາມ ໃນໄຕມາດ 1 ປີ 2021 ຍັງຈະ ບັນລຸການເຕີບໂຕດີ ເມື່ອບັນດາຕະຫລາດສົ່ງອອກຕົ້ນຕໍຄື ຟີລິບປີນ, ອາຟິຼກາ.. ສືບຕໍ່ເຊັນສັນຍາການຄ້າຊື້ເຂົ້າສານ. ນີ້ແມ່ນພື້ນຖານເພື່ອສາມາດເພີ່ມປະລິມານເຂົ້າສານສົ່ງອອກ.

ມີວິສາຫະກິດຫລາຍແຫ່ງກໍ່ໃຫ້ຮູ້ວ່າ ເຖິງວ່າມີຄວາມສົນໃຈເຖິງການຍາດແຍ່ງບັນດາກາລະໂອກາດຈາກ EVFTA ເວົ້າລວມ ແລະ ບັນດາສັນຍາ FTA ເວົ້າສະເພາະ ແຕ່ປະຈຸບັນ ຍັງບໍ່ທັນເຂົ້າໃຈເນື້ອໃນ ແລະ ບັນດາຄຳໝັ້ນສັນຍາທີ່ກ່ຽວຂ້ອງເຖິງຂົງເຂດທີ່ວິສາຫະກິດຕົນພວມເຄື່ອນໄຫວຢ່າງເຖິງຖອງ. ສະນັ້ນ ເພື່ອຫັນບັນດາກາລະໂອກາດໃຫຍ່ ຊື່ງ EVFTA ນຳມາໃຫ້ປະກົດຜົນເປັນຈິງ, ບັນດາວິສາຫະກິດ ຕ້ອງມີຄວາມເຂົ້າໃນບັນດາຄຳໝັ້ນສັນຍາລະອຽດທີ່ກ່ຽວຂ້ອງເຖິງການເຄື່ອນໄຫວດຳເນີນທຸລະກິດ. ຈາກນັ້ນ ກໍ່ຈະມີການກະກຽມ, ຍາດແຍ່ງບັນດາຄຳໝັ້ນສັນຍາຢ່າງເໝາະສົມ.

ຕາມທ່ານ ຫງວຽນແກ໋ງເກື່ອງ ທູດການຄ້າຫວຽດນາມ ປະຈຳ ອັງກິດ ແລ້ວ, ຍ້ອນມີສັນຍາ UKVFTA, ສະນັ້ນ, ການສົ່ງອອກເຂົ້າສານຫອມຂອງຫວຽດນາມ ທີ່ມີຄຸນນະພາບສູງໄປຍັງຕະຫຼາດອັງກິດ ໃນປີ 2021 ຈະເພີ່ມຂຶ້ນຢ່າງແຮງ.

ສັນຍາການຄ້າເສລີ ຫວຽດນາມ - ສະຫະພາບເອີລົບ ໄດ້ຮັບການປະຕິບັດ ອັນໄດ້ເປີດອະນາຄົດອັນດີງາມໃນການພົວພັນລະຫວ່າງ ຫວຽດນາມ ແລະ ອີຢູ. ນີ້ແມ່ນຫນັງສືອະນຸຍາດໃຫ້ບັນດາວິສາຫະກິດ ແລະ ພື້ນຖານເສດຖະກິດຫວຽດນາມ ເຂົ້າໄປຍັງຕະຫລາດຫນຶ່ງທີ່ເຕັມໄປດ້ວຍຄວາມສາມາດບົ່ມຊ້ອນ.

ບົດລາຍຕໍ່ງານກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ ວາງອອກມາດຕະການແກ້ໄຂມີລັກສະນະບຸກທະລຸ, ຍຸດທະສາດ ພ້ອມກັບການສືບທອດ, ບົດລາຍການສືບຕໍ່ມີຈຸດໃໝ່ຕິດພັນກັບຄວາມຮຽກຮ້ອງຕ້ອງການຂອງການພັດທະນາ, ສະແດງໃຫ້ເຫັນຢ່າງຈະແຈ້ງບາດກ້າວ “ບຸກທະລຸໃນບຸກທະລຸ”.

ພັກກອມມູນິດຫວຽດນາມ ເອົາໃຈໃສ່ຕອບສະໜອງຄວາມມຸ່ງມາດປາດຖະໜາອັນຊອບທຳຂອງປະຊາຊົນ ຖ້າຫາກສົມທຽບ ຫວຽດນາມ ກ່ອນນີ້ 30 ປີ ກັບຫວຽດນາມ ໃນປະຈຸບັນ, ຈະເຫັນວ່າ ພັກ ແລະ ລັດຫວຽດນາມ ໄດ້ປະຕິບັດຄຳຂວັນທີ່ວ່າ “ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸຕິທຳ, ສີວິໄລ ແລະ ປະຊາທິປະໄຕ”.

ຫວຽດນາມ ເຂົ້າຮ່ວມກອງປະຊຸມຖ່າຍທອດສົດຂອງສຳພັນລັດຖະສະພາພາສາຝຣັ່ງ ຍສໝ - ເຂົ້າຮ່ວມກອງປະຊຸມມີຜູ້ແທນປະມານ 40 ຄົນທີ່ເປັນສະມາຊິກຂອງຄະນະກຳມະການບໍລິຫານ APF, ຜູ້ຕາງໜ້າຈາກອົງການສາກົນພາສາຝຣັ່ງ ແລະ ບັນດາອົງການຈັດຕັ້ງສາກົນຈຳນວນໜຶ່ງ.