 |
| ທ່ານພົນໂທ ຫງວຽນຈີວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ເປັນປະທານຮ່ວມກອງປະຊຸມ. ພາບ: TTXVN |
ທີ່ກອງປະຊຸມ, ສອງຝ່າຍເຫັນດີເປັນເອກະພາບຖືວ່າ ໃນປີຜ່ານມາບັນດາການເຄື່ອນໄຫວວິທະຍາສາດເຕັກໂນໂລຢີຂອງສູນເຂດຮ້ອນຫວຽດນາມ-ລັດເຊຍ ໄດ້ປະຕິບັດຖືກຕາມແຜນການປີ 2020 ແລະໂຄງການຄົ້ນຄວ້າວິທະຍາສາດ, ເຕັກໂນໂລຢີ ໄລຍະ 2020-2024 ເຊິ່ງໄດ້ຮັບການອະນຸມັດຜ່ານທີ່ກອງປະຊຸມ ຄັ້ງທີ 30 ຄະນະກໍາມະການປະສົມ.
ທີ່ກອງປະຊຸມ, ບັນດາຜູ້ແທນໄດ້ຮັບຮອງເອົາແຜນການຄົ້ນຄວ້າວິທະຍາສາດຂອງສູນເຂດຮ້ອນຫວຽດນາມ-ລັດເຊຍ ໃນປີ 2021; ສະເໜີໃຫ້ສູນເຂດຮ້ອນ ສືບຕໍ່ເພີ່ມທະວີບັນດາການເຄື່ອນໄຫວຮ່ວມມືຖ່າຍທອດເຕັກໂນໂລຢີ, ຍູ້ແຮງການໝູນໃຊ້ບັນດາໝາກຜົນຄົ້ນຄວ້າເຂົ້າໃນພຶດຕິກໍາຕົວຈິງ, ສົມທົບກັນຜັນຂະຫຍາຍບັນດາໂຄງການວິທະຍາສາດເຕັກໂນໂລຢີຢ່າງມີປະສິດທິຜົນ. ສອງຝ່າຍເຫັນດີເປັນເອກະພາບຕໍ່ໂຄງການດໍາເນີນງານໃຫ້ແກ່ກອງປະຊຸມ ຄັ້ງທີ 32; ເຊັນບົດບັນທຶກກອງປະຊຸມ ຄັ້ງທີ 31 ຄະນະກໍາມະການປະສົມລະຫວ່າງລັດຖະບານກ່ຽວກັບສູນເຂດຮ້ອນຫວຽດນາມ-ລັດເຊຍ.
ສູນເຂດຮ້ອນຫວຽດນາມ-ລັດເຊຍ ແມ່ນອົງການໜຶ່ງຂອງກະຊວງປ້ອງກັນປະເທດຫວຽດນາມ, ໄດ້ຮັບມອບໝາຍໜ້າທີ່ໃຫ້ຮ່ວມມືກັບສະຫະພັນລັດເຊຍ ກ່ຽວກັບຂົງເຂດວິທະຍາສາດເຕັກນິກທີ່ກ່ຽວຂ້ອງເຖິງການທະຫານ-ການປ້ອງກັນຊາດ ກໍ່ຄືບັນດາບັນຫາກ່ຽວກັບເສດຖະກິດ, ສັງຄົມ ແລະວິທະຍາສາດ, ເຕັກໂນໂລຢີ. ສູນເຂດຮ້ອນຫວຽດນາມ-ລັດເຊຍ ມີປະຫວັດສາດພິເສດທີ່ສຸດ.
ປີ 1988, ຫວຽດນາມ ແລະໂຊວຽດ ໄດ້ສ້າງຕັ້ງສູນຄົ້ນຄວ້າວິທະຍາສາດ ແລະທົດລອງເຂດຮ້ອນປະສົມລະຫວ່າງຫວຽດນາມ-ໂຊວຽດ (ຕົ້ນກໍາເນີດຂອງສູນເຂດຮ້ອນຫວຽດນາມ-ລັດເຊຍ) ເພື່ອຮ່ວມມືຄົ້ນຄວ້າບັນດາບັນຫາກ່ຽວກັບເຂດຮ້ອນ, ລວມມີ: ຊີວະພາບເຂດຮ້ອນ, ຄວາມທົນທານເຂດຮ້ອນ, ແພດສາດເຂດຮ້ອນ. ນີ້ແມ່ນບັນດາບັນຫາໃໝ່ທີ່ສຸດກ່ຽວກັບວິທະຍາສາດ, ເຕັກໂນໂລຢີໃນຄາວນັ້ນ ກໍຄືປະຈຸບັນ, ຮັບໃຊ້ໃຫ້ແກ່ວຽກງານຮັບປະກັນບັນດາການເຄື່ອນໄຫວກ່ຽວກັບວິທະຍາສາດ, ເຕັກໂນໂລຢີທີ່ກ່ຽວຂ້ອງເຖິງຂົງເຂດການທະຫານ-ການປ້ອງກັນຊາດ, ພ້ອມທັງຮັບໃຊ້ໃຫ້ບັນດາບັນຫາກ່ຽວກັບເສດຖະກິດ, ສັງຄົມ, ພິເສດແມ່ນບັນດາບັນຫາກ່ຽວກັບສິ່ງແວດລ້ອມ.
 | ຫວຽດນາມ ເຂົ້າຮ່ວມ Army Games 2020 ຢູ່ ລັດເຊຍ ຍສໝ - ຄະນະຜູ້ແທນຂັ້ນສູງຂອງກອງທັບປະຊາຊົນຫວຽດນາມ ເຂົ້າຮ່ວມງານແຂ່ງຂັນດັ່ງກ່າວ ນຳໂດຍທ່ານພົນຕີ ໂຫງມິງຕຽນ - ຮອງຫົວໜ້າເສນາທິການກອງທັບປະຊາຊົນຫວຽດນາມ ເປັນຫົວໜ້າຄະນະ. |
 | ເພີ່ມພຸນຄູນສ້າງສາຍພົວພັນມິດຕະພາບ ລະຫວ່າງ ຫວຽດນາມ ແລະ ລັດເຊຍ ຍສໝ - ຄູ່ຮ່ວມມືຍຸດທະສາດຮອບດ້ານຫວຽດນາມ - ລັດເຊຍ ຈະສືບຕໍ່ຂະຫຍາຍຕົວ, ຜ່ານຜ່າທຸກສິ່ງທ້າທາຍ ແລະ ຄວາມຫຍຸ້ງຍາກ... |
 | ການກໍ່ສ້າງທີ່ເປັນເອກະລັກສະເພາະຢູ່ສະໜາມຫຼວງ ໂຮ່ຈິມິນ ຢູ່ມົດສະກູ ແລະຄວາມມິດຕະພາບ ຫວຽດນາມ - ລັດເຊຍ ຍສໝ - ສະໜາມຫຼວງ ໂຮ່ຈິມິນ ຢູ່ມົດສະກູ ຢູ່ນະຄອນຫຼວງມົສກູ (ຣັດເຊຍ) ເປັນໂຄງການທີ່ເປັນເອກະລັກສະເພາະຂອງມິດຕະພາບຫວຽດນາມ - ຣັດເຊຍ, ເປັນສະຖານທີ່ທີ່ໜ້າສົນໃຈສຳລັບຊາວລັດເຊຍກໍ່ຄືນັກທ່ອງທ່ຽວຕ່າງປະເທດຈຳນວນຫຼາຍ. |
ໄຊພອນ
