| Army Games 2020 ໄຂຂຶ້ນຢ່າງເປັນທາງການໃນວັນທີ 23 ສິງຫາ | |
| ສະຫະພັນລັດເຊຍ ຊົມເຊີຍ ຫວຽດນາມ ທີ່ໄດ້ຈັດສົ່ງກໍາລັງເຂົ້າຮ່ວມ Army Games 2020 ເປັນຈໍານວນຫຼວງຫຼາຍ |
ວັນທີ 23 ສິງຫາ, ທີ່ຫໍປະຊຸມ - ວາງສະແດງ Patriot, ຢູ່ຊານນະຄອນຫລວງ ມົດສະກູ (ສະຫະພັນ ລັດເຊຍ) ໄດ້ດຳເນີນພິທີໄຂຮ່ວມເວທີປາໄສເຕັກນິກການທະຫານ “Armya 2020” ແລະ ງານແຂ່ງຂັນກິລາການທະຫານສາກົນ Army games 2020.
ຍ້ອນການລະບາດຂອງພະຍາດ COVID-19, ນີ້ແມ່ນຄັ້ງທຳອິດທີ່ເວທີວິທະຍາການດ້ານການທະຫານສາກົນ (Army 2020) ແລະ ງານແຂ່ງຂັນການທະຫານສາກົນ Army Games ໄດ້ຈັດຂື້ນໃນເວລາດຽວກັນ. ແຕ່ວ່າ, ເຫດການເຫຼົ່ານີ້ກໍ່ມີຄວາມດຶງດູດຢ່າງຫຼວງຫຼາຍ.
 |
| ຫວຽດນາມ ໄດ້ເຂົ້າຮ່ວມງານແຂ່ງຂັນການທະຫານສາກົນ Army Games ຢູ່ສະຫະພັນລັດເຊຍ. (ພາບ: TTXVN) |
ຕາມນັກຂ່າວຂອງສຳນັກຂ່າວສານຫວຽດນາມ ປະຈຳຣັດເຊຍ, ເຂົ້າຮ່ວມພິທີເປີດດັ່ງກ່າວມີທ່ານ Mikhail Mishustin - ນາຍົກລັດຖະມົນຕີລັດເຊຍ ແລະ ທ່ານ Segei Shoigu - ລັດຖະມົນຕີກະຊວງປ້ອງກັນປະເທດລັດເຊຍ. ທ່ານ Vladimir Putin - ປະທານາທິບໍດີຣັດເຊຍທ່ານ ໄດ້ສົ່ງວີດີໂອສະແດງຄວາມຊົມເຊີຍໄປຍັງພິທີເປີດເວທີວິທະຍາການດ້ານການທະຫານສາກົນ (Army 2020) ແລະ ງານແຂ່ງຂັນການທະຫານສາກົນ Army Games ປີ 2020. ທ່ານ Vladimir Putin ໄດ້ເນັ້ນໜັກວ່າ ສອງເຫດການໃຫຍ່ນີ້ຈະ “ຮັບໃຊ້ຈຸດປະສົງເພື່ອເພີ່ມທະວີການພົວພັນ ລະຫວ່າງບັນດາປະເທດໃນຂົງເຂດປ້ອງກັນຊາດ”.
ກ່າວຄຳເຫັນຕໍ່ວົງການນັກຂ່າວ, ທ່ານພົນຕີ ໂຫງມິງຕຽນ - ຮອງຫົວໜ້າເສນາທິການກອງທັບປະຊາຊົນຫວຽດນາມ ໃຫ້ຮູ້ວ່າ ຫວຽດນາມໄດ້ກຳນົດວ່າ ປະເທດລັດເຊຍແມ່ນຄູ່ຮ່ວມມືຍຸດທະສາດສຳຄັນທີ່ສຸດ, ໃນນັ້ນມີການຮ່ວມມືດ້ານການທະຫານລະຫວ່າງສອງປະເທດ ແມ່ນໜຶ່ງໃນບັນດາເສົາຄ້ຳຫຼັກແຫຼ່ງຢ່າງສຳຄັນທີ່ສຸດ.
ທ່ານພົນຕີ ໂຫງມິງຕຽນ ໄດ້ສະແດງວ່າ ດ້ວຍຜ່ານການແຂ່ງຂັນຄັ້ງນີ້, ທີມຄັດເລືອກຫວຽດນາມ ຈະຢັ້ງຢືນທັກສະການຝຶກຊ້ອມສູ້ຮົບຂອງພວກເຂົາ ແລະ ແລກປ່ຽນ, ຮຽນຮູ້ປະສົບການຂອງປະເທດອື່ນໆ ເພື່ອວ່າໃນການເຂົ້າຮ່ວມການແຂ່ງຂັນລະດັບສາກົນຄັ້ງຕໍ່ໄປ ຈະປະສົບກັບຜົນສໍາເລັດຫຼາຍ.
ສ່ວນງານແຂ່ງຂັນກິລາການທະຫານສາກົນ Army games 2020 ຈະດຳເນີນແຕ່ວັນທີ 23 ສິງຫາ - ວັນທີ 5 ກັນຍາ ຢູ່ 5 ປະເທດ ລວມມີ: ອາແຊກໄບຊານ, ອາເມນີ, ເບລາຣຸດ, ອຸດສະເບກິດສະຖານ ແລະ ລັດເຊຍ. ເຂົ້າຮ່ວມງານແຂ່ງຂັນກິລາການທະຫານມີ 156 ທິມມາຈາກ 32 ປະເທດ, ລວມມີ ລັດເຊຍ, ປະເທດຕາງໜ້າໃຫ້ ເອີຣົບ, ອາຊີ ແລະ ອາຟຣິກາ.
 | ຊາວຫວຽດນາມ ອາໄສຢູ່ລາວ ຜູ້ທໍາອິດໄດ້ຮັບຫຼຽນກາອາຍຸພັກ 70 ປີ ຍສໝ - ຕອນບ່າຍວັນທີ 21 ສິງຫາ, ຢູ່ນະຄອນຫຼວງວຽງຈັນ, ຄະນະພັກຢູ່ລາວ ໄດ້ຈັດຕັ້ງພິທີປະດັບຫຼຽນກາອາຍຸພັກ 70 ປີ ໃຫ້ແກ່ທ່ານ ເຈິ່ນວັນມີ່ ຊາວຫວຽດນາມ ອາໄສຢູ່ລາວ. |
 | ຫວຽດນາມ ໄດ້ມອບເຄື່ອງອຸປະກອນການແພດມູນຄ່າ 1 ຕື້ດົ່ງ ເພື່ອຊ່ວຍກອງທັບລາວ ສະກັດກັ້ນໂລກລະບາດ COVID-19 ຍສໝ - ໃນຕອນເຊົ້າວັນທີ 20 ສິງຫາ, ຢູ່ດ່ານຊາຍແດນສາກົນເກົ່າແຈວ, ເມືອງເຮືອງເຊີນ, ແຂວງຮ່າຕິ້ງ, ກອງບັນຊາການທະຫານເຂດ 4 ໄດ້ຈັດຕັ້ງພິທີມອບວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ຄັ້ງທີ 2 ໃຫ້ແກ່ກອງທັບປະຊາຊົນລາວ. |
 | ກົມໃຫຍ່ພະລາທິການ ກອງທັບປະຊາຊົນຫວຽດນາມ ໄດ້ຈັດຕັ້ງພິທີມອບ-ຮັບລະບົບເຕົານໍ້າມັນ 150-K18 ລວມ 5 ຊຸດ ໃຫ້ແກ່ກົມໃຫຍ່ພະລາທິການ, ກະຊວງປ້ອງກັນປະເທດລາວ ຍສໝ - ເມື່ອບໍ່ດົນມານີ້, ທີ່ດ່ານສາກົນເກົ່າແຈວ (ຮ່າຕິ້ງ), ກົມໃຫຍ່ພະລາທິການ ກອງທັບປະຊາຊົນຫວຽດນາມ ໄດ້ຈັດຕັ້ງພິທີມອບ-ຮັບລະບົບເຕົານໍ້າມັນ 150-K18 ລວມ 5 ຊຸດ ໃຫ້ແກ່ກົມໃຫຍ່ພະລາທິການ, ກະຊວງປ້ອງກັນປະເທດລາວ. |
ຄຳຮຸ່ງ
