| ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໂອ້ລົມກັບ ທ່ານນາຍົກລັດຖະມົນຕີກຳປູເຈຍ Hun Sen | |
| ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເຂົ້າຮ່ວມກອງປະຊຸມສຸດຍອດ G20 |
ໃນຕອນບ່າຍວັນທີ 25 ພະຈິກ, ຢູ່ສຳນັກງານລັດຖະບານຫວຽດນາມ, ທ່ານນາຍົກລັດຖະມົນຕີຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Philipp Rosler - ອະດີດຮອງລັດຖະມົນຕີແຫ່ງສາທາລະນະລັດສະຫະພັນເຢຍລະມັນ ແລະ ບັນດາວິສາຫະກິດເຢຍລະມັນ ມາຢ້ຽມຢາມຫວຽດນາມ.
ທີ່ການຕ້ອນຮັບ, ທ່ານ Philipp Rosler ສະແດງຄວາມຍິນດີຢ່າງສຸດໃຈຕໍ່ຫວຽດນາມ ໃນການຄວບຄຸມພະຍາດ COVID-19 ຢ່າງສຳເລັດຜົນ, ແລະ ເຊິ່ງເປັນແບບຢ່າງທີ່ຫລາຍໆປະເທດທົ່ວໂລກຕ້ອງການຮຽນຮູ້. ທ່ານອະດີດຮອງລັດຖະມົນຕີ Philipp Rosler ໃຫ້ຮູ້ວ່າ ຄະນະຜູ້ແທນມາຢ້ຽມຢາມຫວຽດນາມ ໃນຄັ້ງນີ້ ແມ່ນບັນດາວິສາຫະກິດຂະໜາດໃຫຍ່ຂອງເຢຍລະມັນ, ສະວິດເຊີແລນ ແລະ ອິດສະຣາແອນ, ແລະ ປາດຖະໜາຢາກດຳເນີນທຸລະກິດ, ໜູນຊ່ວຍຫວຽດນາມ ພັດທະນາພາຍຫຼັງການລະບາດ COVID-19 ໄດ້ຄວບຄຸມເປັນຢ່າງດີ.
 |
| ທ່ານນາຍົກລັດຖະມົນຕີຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Philipp Rosler - ອະດີດຮອງລັດຖະມົນຕີແຫ່ງສາທາລະນະລັດສະຫະພັນເຢຍລະມັນ ແລະ ບັນດາວິສາຫະກິດເຢຍລະມັນ. (ພາບ: TTXVN) |
ຄະນະຜູ້ແທນນັກລົງທຶນດັ່ງກ່າວ ໄດ້ຕັດສິນໃຈລົງທືນ ຈຳນວນ 350 ລ້ານໂດລາສະຫະລັດ ເຂົ້າໃນບັນດາຂົງເຂດບຸລິມະສິດຂອງຫວຽດນາມ, ເຊັ່ນ: ການທ່ອງທ່ຽວ, ການຜະລິດອຸປະກອນການແພດສ່ວນບຸກຄົນ.
ຜູ້ຕາງໜ້ານັກລົງທຶນ ໄດ້ສະແດງຄວາມປິຕິຊົມຊື່ນຕໍ່ສະພາບແວດລ້ອມແຫ່ງການລົງທຶນດຳເນີນທຸລະກິດ ຂອງຫວຽດນາມ; ປາດຖະໜາຢາກຊຸກຍູ້ການຮ່ວມມືລົງທຶນ ກັບວິສາຫະກິດຫວຽດນາມ; ມີຄວາມສົນໃຈຫຼາຍໃນການລົງທຶນເຂົ້າໃນຂົງເຂດທ່ອງທ່ຽວຫວຽດນາມ ເພາະວ່າຂົງເຂດແມ່ນໜຶ່ງໃນເສົາຄ້ຳຂອງການພັດທະນາຂອງຫວຽດນາມ; ປາດຖະໜາຢາກໃຫ້ລັດຖະບານ, ບັນດາກະຊວງ, ຂະແໜງການ, ທ້ອງຖິ່ນຕ່າງໆຂອງຫວຽດນາມ ປະຕິບັດແກ້ໄຂທຸກຄວາມຫຍຸ້ງຍາກ, ພິເສດແມ່ນກ່ຽວກັບລະບຽບການ, ເພື່ອສ້າງເງື່ອນໄຂສະດວກໃຫ້ບັນດານັກລົງທຶນດຳເນີນທຸລະກິດຢ່າງສຳເລັດຜົນ.
ຕີລາຄາສູງຄຳເຫັນຂອງທ່ານ Philipp Rosler ແລະ ບັນດານັກລົງທຶນ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ, ໃນສະພາບການທີ່ຫຍຸ້ງຍາກ ແລະ ໄພພິບັດທຳມະຊາດ, ຫວຽດນາມຍັງມີຄວາມມານະພະຍາຍາມ ໃນການຄວບຄຸມການແຜ່ລະບາດຢ່າງຕັ້ງໜ້າ; ຈັດຕັ້ງປະຕິບັດເປົ້າໝາຍຄວບຄູ່, ທັງປ້ອງກັນການລະບາດຂອງພະຍາດ ແລະ ພັດທະນາການຜະລິດ ແລະ ປະຕິບັດທຸລະກິດ, ຮັບປະກັນການສ້າງວຽກເຮັດງານທຳ.
ທ່ານນາຍົກລັດຖະມົນຕີຢືນຢັນວ່າ ຫວຽດນາມສືບຕໍ່ດຶງດູດບັນດາໂຄງການ FDI ກ່ຽວກັບເຕັກໂນໂລຢີສູງ, ຫົວຄິດປະດິດສ້າງ, ໜູນຊ່ວຍການພັດທະນາອຸດສາຫະກຳ, ການບຳລຸງສ້າງ ແລະ ພັດທະນາແຫຼ່ງຊັບພະຍາກອນມະນຸດ. ຫວຽດນາມ ພວມມານະພະຍາຍາມ ໃນການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ສ້າງເງື່ອນໄຂສະດວກໃຫ້ບັນດານັກລົງທຶນຕ່າງປະເທດ, ຢັ້ງຢືນວ່າ ລັດຖະບານຫວຽດນາມ ຍາມໃດກໍ່ຮັບປະກັນດ້ານກົດໝາຍຢ່າງຖືກຕ້ອງສໍາລັບບັນດານັກລົງທຶນຕ່າງປະເທດຢູ່ຫວຽດນາມ.
ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ທ່ານ Philipp Rosler ລະດົມບັນດາບໍລິສັດໃຫຍ່ຂອງໂລກ ມາລົງທືນຢູ່ຫວຽດນາມ; ຕີລາຄາສູງ ບັນດາໂຄງການລົງທຶນຂອງບັນດານັກລົງທຶຢູ່ຫວຽດນາມ, ພິເສດແມ່ນການທ່ອງທ່ຽວ ເຊິ່ງແມ່ນພາກສ່ວນໜຶ່ງທີ່ສຳຄັນຂອງເສດຖະກິດ.
 | ພັກກອມມູນິດເຢຍລະມັນ ໄດ້ບໍລິຈາກເງິນຊ່ວຍເຫຼືອປະຊາຊົນພາກກາງຫວຽດນາມ ເພື່ອຜ່ານຜ່າຜົນສະທ້ອນຈາກໄພທຳມະຊາດ ຍສໝ - ໃນວັນທີ 25 ພະຈິກ, ທີ່ສຳນັກງານໃຫຍ່ຂອງສະຖານທູດຫວຽດນາມ ປະຈຳ Berlin (ເຢຍລະມັນ), ທ່ານເອກອັກຄະລັດຖະທູດ ຫງວຽນມິງວູ້ ໄດ້ມີການຕ້ອນຮັບ ທ່ານ Patrik Köbele - ປະທານພັກກອມມູນິດເຢຍລະມັນ (DKP) ແລະ ທ່ານ Stefan Kühner - ສະມາຊິກພັກກອມມູນິດເຢຍລະມັນ ເຊິ່ງມາບໍລິຈາກເງິນເພື່ອສະໜັບສະໜູນປະຊາຊົນ ... |
 | ພັກກອມມູນິດຫວຽດນາມ ແລະ ພັກປະຊາທິປະໄຕສັງຄົມ ເຢຍລະມັນ ເຂົ້າຮ່ວມ ການໂອ້ລົມສົນທະນາແລກປ່ຽນທາງອອນລາຍ ຍສໝ - ສອງຝ່າຍຢັ້ງຢືນວ່າ ຈະພ້ອມກັນມານະພະຍາຍາມເພື່ອສາມາດດຳເນີນການເຈລະຈາທິດສະດີ ຄັ້ງທີ 7 ລະຫວ່າງສອງພັກໃນປີ 2021; ຖືການເຈລະຈາທິດສະດີແມ່ນກົນໄກສຳຄັນ ແນໃສ່ຊຸກຍູ້ປະສິດທິຜົນຂອງການພົວພັນຮ່ວມມືລະຫວ່າງສອງພັກໃນຊຸມປີຜ່ານມາ ແລະ ພິເສດແມ່ນໃນໄລຍະຈະມາເຖິງ. |
 | ປະຊາຄົມຊາວຫວຽດນາມ ອາໄສ ໄທ ບໍລິຈາກເງິນ ໄດ້ປະມານ 3,7 ຕື້ດົ່ງ ສະໜັບສະໜູນພໍ່ແມ່ປະຊາຊົນພາກກາງ ສສ.ຫວຽດນາມ ຍສໝ - ວັນທີ 1 ພະຈິກ, ສະຖານທູດຫວຽດນາມ ປະຈໍາ ລາຊະອານາຈັກໄທ ໄດ້ຈັດຕັ້ງພິທີຮັບເງິນບໍລິຈາກຂອງປະຊາຄົມຊາວຫວຽດນາມ ອາໄສຢູ່ໄທ ທີ່ສະໜັບສະໜູນພໍ່ແມ່ປະຊາຊົນພາກກາງ ເພື່ອແກ້ໄຂຜົນຮ້າຍຢ້ອນຫຼັງຈາກພາຍຸນໍ້າຖ້ວມ. |
ຄຳຮຸ່ງ
