ພັກກອມມູນິດເຢຍລະມັນ ໄດ້ບໍລິຈາກເງິນຊ່ວຍເຫຼືອປະຊາຊົນພາກກາງຫວຽດນາມ ເພື່ອຜ່ານຜ່າຜົນສະທ້ອນຈາກໄພທຳມະຊາດ

	ການພົບປະເຈລະຈາແລກປ່ຽນບົດຮຽນທາງໄກ ລະຫວ່າງ ພັກ ສປປ ລາວ ແລະ ພັກກອມມູນິດຈີນ
	ຊາວຫວຽດນາມ ອາໄສຢູ່ລາວ ຜູ້ທໍາອິດໄດ້ຮັບຫຼຽນກາອາຍຸພັກ 70 ປີ

ພາຍຫຼັງໄດ້ຮູ້ຂ່າວພາຍຸຝົນຕົກໜັກ ແລະ ດິນເຈື່ອນພັງ ຢູ່ເຂດພາກກາງຫວຽດນາມ, ພັກກອມມູນິດເຢຍລະມັນ ໄດ້ລົງພິມບົດຂຽນສອງບົດເພື່ອຮຽກຮ້ອງການບໍລິຈາກເງິນເພື່ອສະໜັບສະໜູນປະຊາຊົນ ໃນເຂດພາກກາງຫວຽດນາມ ທີ່ໄດ້ຮັບຜົນກະທົບຈາກໄພນໍ້າຖ້ວມ ແລະ ດິນເຈື່ອນພັງ. ຕອບສະໜອງຕາມຄຳຮຽກຮ້ອງ, ຜູ້ອ່ານໜັງສືພິມ ແລະ ສະມາຊິກພັກກອມມູນິດເຢຍລະມັນ ໄດ້ບໍລິຈາກຈຳນວນເງິນທັງໝົດແມ່ນ 12.150 ເອີໂຣ.

ພັກກອມມູນິດເຢຍລະມັນ ໄດ້ບໍລິຈາກເງິນຊ່ວຍເຫຼືອປະຊາຊົນພາກກາງຫວຽດນາມ ເພື່ອຜ່ານຜ່າຜົນສະທ້ອນຈາກໄພທຳມະຊາດ. (ພາບ: thoidai.com.vn)

ກ່າວຄຳເຫັນທີ່ພິທີ, ທ່ານຫງວຽນມິງວູ້ - ເອກອັກຄະລັດຖະທູດຫວຽດນາມ ປະຈຳ ເຢຍລະມັນ ໄດ້ສະແດງຄວາມຂອບອົກຂອບໃຈ ແລະ ຮູ້ບຸນຄຸນຢ່າງເລິກເຊິ່ງ ຕໍ່ນໍ້າໃຈ, ການສະໜັບສະໜູນ ຈາກພັກກອມມູນິດເຢຍລະມັນ ແລະ ຊາວເຢຍລະມັນ ສະຫງວນໃຫ້ແກ່ປະຊາຊົນຫວຽດນາມ.

ທ່ານເອກອັກຄະລັດຖະທູດ ຫງວຽນມິງວູ້ ໃຫ້ຮູ້ວ່າ ສາຍພົວພັນອັນເປັນມູນເຊື້ອ ລະຫວ່າງ ພັກກອມມູນິດສອງປະເທດ ແລະ ປະຊາຊົນສອງປະເທດ ຈະສືບຕໍ່ໄດ້ຮັບການພັດທະນາຢ່າງບໍ່ຢຸດຢັ້ງ. ຈໍານວນເງິນດົ່ງກ່າວຈະໄດ້ໂອນໄປຍັງຄະນະກຳມະການສູນກາງແນວໂຮມແຫ່ງຊາດຫວຽດນາມ ໃນເວລາໄວທີ່ສຸດ.

ທີ່ການພົບປະ, ສອງຝ່າຍ ຍັງໄດ້ປຶກສາຫາລືຫຼາຍບັນຫາ, ເຊັ່ນ: ການກະກຽມໃຫ້ແກ່ກອງປະຊຸມໃຫຍ່ພັກທົ່ວປະເທດຄັ້ງທີ 13 ຂອງຫວຽດນາມ, ແຜນການຮ່ວມມື ແລະ ແລກປ່ຽນຄະນະຜູ້ແທນລະຫວ່າງ ພັກກອມມູນິດຫວຽດນາມ ແລະ ພັກກອມມູນິດເຢຍລະມັນໃນໄລຍະຈະມາເຖິງ.

Samsung ຫວຽດນາມ ໜູນຊ່ວຍ 5 ຕື້ດົງ ເພື່ອຊ່ວຍເຫຼືອພາກກາງຜ່ານຜ່າໄພທຳມະຊາດ ຍສໝ - ເພື່ອຊ່ວຍເຫຼືອປະຊາຊົນພາກກາງຫວຽດນາມ ແກ້ໄຂຜົນຮ້າຍຢ້ອນຫລັງຈາກໄພທຳມະຊາດ, ບັນດາໂຮງງານ ແລະ ພະນັກງານຂອງ Samsung ຫວຽດນາມ ໄດ້ສະໜັບສະໜູນບໍລິຈາກ 5 ຕື້ດົງ ແລະ ສ້ອມແປງເຄື່ອງໄຟຟ້າໂດຍບໍ່ເສຍຄ່າໃຫ້ແກ່ປະຊາຊົນເຂດພາຍຸນໍ້າຖ້ວນ.

ADB ໜູນຊ່ວຍເງິນ 2,5 ລ້ານ USD ໃຫ້ແກ່ຫວຽດນາມເພື່ອຮັບມືກັບໄພທຳມະຊາດ ຍ​ສ​ໝ - ທຶນຊ່ວຍເຫຼືອນີ້ແມ່ນໄດ້ຮັບການສະໜັບສະໜູນຈາກກອງທຶນຕອບໂຕ້ໄພພິບັດອາຊີປາຊີຟິກ, ເຊິ່ງຖືກອອກແບບມາເພື່ອຊ່ວຍເຫຼືອບັນດາປະເທດສະມາຊິກທີ່ກຳ ລັງພັດທະນາຂອງ ADB ທີ່ໄດ້ຮັບຜົນກະທົບຈາກໄພພິບັດ.

ອັງກິດ ໃຫ້ການຊ່ວຍເຫຼືອມີມູນຄ່າ 500.000 ປອນ ໃຫ້ແກ່ປະຊາຊົນຢູ່ເຂດພາກກາງຫວຽດນາມ ຍສໝ - ບ້ວງເງິນຊ່ວຍເຫຼືອຂອງອັງກິດ ທີ່ໄດ້ຊ່ວຍໃນການຂະຫຍາຍການຈັດແຈງທີ່ຢູ່ພັດພາອາໄສ, ສະໜອງນ້ຳສະອາດ, ອາຫານ ແລະ ການດຳລົງຊີວິດໃຫ້ປະຊາຊົນປະມານ 160.000 ຄົນ ທີ່ຖືກຮັບຜົນກະທົບຈາກໄພພິບັດທຳມະຊາດຢູ່ຫວຽດນາມ.