ຍສໝ - ເນື່ອງໃນໂອກາດສະເຫຼີມສະຫຼອງ 78 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ (ວັນທີ 2 ກັນຍາ 1945 – ວັນທີ 2 ກັນຍາ 2023), ຫວ່າງແລ້ວນີ້, ຄະນະຜູ້ແທນສະຖານທູດລາວ ປະຈຳ ອົດສະຕາລີ ນຳໂດຍສະຫາຍ ສິນໃຈ ມະນີວັນ ເອກອັກຄະລັດຖະທູດ ລາວ ປະຈໍາອົດສະຕາລີ ໄດ້ມາອວຍພອນສະຖານທູດຫວຽດນາມ ປະຈຳອົດສະຕາລີ.
ຍສໝ - ຕາມກົມພັດທະນາການທ່ອງທ່ຽວຂຶ້ນກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວແລ້ວ, ໃນ 6 ເດືອນຕົ້ນປີ 2023, ທົ່ວປະເທດໄດ້ຕ້ອນຮັບນັກທ່ອງທ່ຽວສາກົນ 1,6 ລ້ານຖ້ຽວຄົນ, ລື່ນກາຍຈຸດໝາຍທັງໝົດຂອງປີ 2023 ແມ່ນ 1,4 ລ້ານຖ້ຽວຄົນ.
ໄຊຊະນະຂອງບັ້ນຮົບຈັ້ງທ່າ ທົ່ງໄຫຫີນ - ຊຽງຂວາງ ປີ 1972 ໃນສະໜາມຮົບ ຢູ່ລາວ ກ່ອນນີ້ 50 ປີ ເປັນຂີດໝາຍສໍາຄັນຂອງການຮ່ວມສໍາພັນສູ້ຮົບພິເສດ ລາວ-ຫວຽດນາມ, ສະແດງໃຫ້ເຫັນນໍ້າໃຈສາມັກຄີລະຫວ່າງສອງປະເທດ, ຄຽງບ່າຄຽງໄຫຼ່ໃນແຕ່ລະຂຸມຄອງເພື່ອຕໍ່ສູ້ຕ້ານສັດຕູລວມ, ເສີມສ້າງໜ້າປະຫວັດສາດອັນສະຫງ່າອົງອາດກ່ຽວກັບການພົວພັນພິເສດລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດ ລາວ ແລະຫວຽດນາມ ຕື່ມອີກ.
ຍສໝ - ໂຄງການທາງລົດໄຟ ຫວຽດນາມ-ລາວ, ໄລຍະທາງ ວູ້ງອ່າງ - ຕານເອິບ - ມູຢ້າ, ມີຄວາມຍາວ 103 ກິໂລແມັດ, ດ້ວຍຍອດຈຳນວນເງິນລົງທຶນ 27.485 ຕື້ດົ່ງ, ໂດຍບໍລິສັດຫຸ້ນສ່ວນຮ່ວມທຸລະກິດ ເເດ່ວກາ ແລະ ບໍລິສັດ Petroleum Trading Lao Public (PetroTrade) ສະເໜີການຄົ້ນຄວ້າລົງທຶນ.
ຍສໝ - ຕອນເຊົ້າວັນທີ 16 ສິງຫາ, ທີ່ກອງ 871 (ກົມໃຫຍ່ການເມືອງກອງທັບປະຊາຊົນຫວຽດນາມ), ສະຖາບັນປະຫວັດສາດການທະຫານ/ກົມໃຫຍ່ເສນາທິການ ໄດ້ຈັດພິທີເປີດຊຸດຝຶກອົບຮົມວຽກງານປະຫວັດສາດການທະຫານ ໃຫ້ແກ່ພະນັກງານກອງທັບປະຊາຊົນລາວ ປີ 2023.
ຍສໝ - ທ່ານປະທານສະພາແຫ່ງຊາດລາວ ຢືນຢັນວ່າ ການພົວພັນຮ່ວມມືລະຫວ່າງຄະນະກຳມະການສັນຕິພາບຂອງ 2 ປະເທດ ໄດ້ ແລະ ພວມປະກອບສ່ວນຊຸກຍູ້ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
ຍສໝ - ໃນຖະໜົນອາຫານ ຕົ໋ງຢຸຍເຕີນ ທີ່ຄຶກຄື້ນຢູ່ໃຈກາງ ຮ່າໂນ້ຍ, ມີຮ້ານອາຫານລາວແຫ່ງໜຶ່ງຊື່ວ່າ ຄົວລາວ. ດ້ວຍສີນ້ຳຕານເຫຼືອງແບບດັ້ງເດີມເປັນຫຼັກ, ຮ້ານອາຫານໄດ້ສ້າງຄືນຄວາມປະທັບໃຈພາບພະທາດຫຼວງ ໄດ້ຕິດຢູ່ທາງໜ້າຂອງຮ້ານ - ຢູ່ຂ້າງປ້າຍ “ຄົວລາວ” ທີ່ໂດດເດັ່ນຢູ່ໃນບັນດາກີບດອກຈຳປາ - ດອກໄມ້ປະຈໍາຊາດລາວທີ່ສວຍງາມ.
ຍສໝ - ແຕ່ວັນທີ 22 ຫາວັນທີ 26 ພຶດສະພາ 2023, ຄະນະຜູ້ແທນອົງການກຳມະບານການຄົມມະນາຄົມຂົນສົ່ງຫວຽດນາມ ນຳໂດຍທ່ານ ຟ້າມຮວ່າຍເຟືອງ, ກຳມະການຄະນະບໍລິຫານງານສະຫະພັນໃຫຍ່ແຮງງານຫວຽດນາມ, ປະທານອົງການກຳມະບານການຄົມມະນາຄົມຂົນສົ່ງຫວຽດນາມ ນຳໜ້າຄະນະ ໄດ້ໄປຢ້ຽມຢາມ ແລະ ເຮັດວຽກທີ່ສະຫະພັນກຳມະບານ ກະຊວງໂຍທາທິການ ແລະ ຂົນສົ່ງລາວ.
ຍສໝ - ຕອນບ່າຍວັນທີ 24 ສິງຫາ, ຢູ່ຮ່າໂນ້ຍ, ຫ້ອງວ່າການກະຊວງປ້ອງກັນປະເທດຫວຽດນາມ ໄດ້ຈັດພິທີປິດຊຸດຝຶກອົບຮົມວຽກງານວຽກງານຂາເຂົ້າ-ຂາອອກ, ສຳເນົາເອກະສານໃຫ້ແກ່ພະນັກງານ, ພາລະກອນກະຊວງປ້ອງກັນປະເທດລາວ ປີ 2023.
ຍສໝ - ຕອນບ່າຍວັນທີ 21 ກໍລະກົດ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ງຕ້ອນຮັບທ່ານ ບຸນແຝງ ພູມມະໄລສິດ ລັດຖະມົນຕີກະຊວງ ສາທາລະນະສຸກ ລາວ ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ.
ຍສໝ - ພາຍຫຼັງໄດ້ຮັບຂໍ້ມູນຂ່າວວ່າມີຊາວຫວຽດນາມ ປະສົບເຄາະຮ້າຍໃນເຫດດິນເຊາະເຈື່ອນຢູ່ ລາວ, ສະຖານກົງສຸນໃຫຍ່ຫວຽດນາມ ປະຈຳສະຫວັນນະເຂດ ໄດ້ເປັນເຈົ້າການສົມທົບກັບບັນດາອົງການທີ່ມີໜ້າທີ່ຂອງລາວເພື່ອຊອກຄົ້ນ.
ຍສໝ - ຕອນເຊົ້າວັນທີ 14 ສິງຫາ, ສະຫາຍ ຟານຫງວຽນຍືເຄ, ຫົວໜ້າຄະນະໂຄສະນາສຶກສາ ຄະນະພັກ ນະຄອນ ໂຮ່ຈີມິນ ໄດ້ໃຫ້ການຕ້ອນຮັບຄະນະຜູ້ແທນວາລະສານອາລຸນໃໝ່ ລາວ ນຳໂດຍສະຫາຍ ນາງ ວິລະວອນ ພັນທະວົງ, ຮອງຫົວໜ້າກົມໂຄສະນາອົບຮົມສູນກາງພັກປະຊາຊົນປະຕິວັດລາວ.
ຍສໝ - ວັນທີ 5 ເມສານີ້, ວາລະສານຍຸກສະໄໝ ແລະ ສະຖານທູດລາວ ປະຈຳຫວຽດນາມ ໄດ້ລົງນາມໃນຂໍ້ຕົກລົງຮ່ວມມືເພື່ອແນ່ໃສ່ສົມທົບກັນຈັດຕັ້ງໂຄງການສື່ມວນຊົນພິເສດ ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (ວັນທີ 5 ກັນຍາ 1962 – ວັນທີ 5 ກັນຍາ 2022) ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ-ລາວ (ວັນທີ 18 ກໍລະກົດ 1977 – ວັນທີ 18 ກໍລະກົດ 2022).
ຍສໝ - ການພົວພັນຮ່ວມມືດ້ານກົດໝາຍ ແລະ ຍຸຕິທຳລະຫວ່າງ ຫວຽດນາມ ແລະ ລາວ ເວົ້າລວມ ແລະ ລະຫວ່າງກະຊວງ, ຂະແໜງການຍຸຕິທຳຂອງສອງປະເທດເວົ້າສະເພາະ ແມ່ນສ່ວນໜຶ່ງທີ່ສຳຄັນຂອງທັງໝົດການພົວພັນມິດຕະພາບພິເສດອັນຍິ່ງໃຫຍ່ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ. 40 ປີຜ່ານມາ, ການພົວພັນຮ່ວມມືລະຫວ່າງສອງກະຊວງ, ຂະແໜງການຍຸຕິທຳ ຫວຽດນາມ - ລາວ ນັບມື້ນັບແໜ້ນແຟ້ນ ແລະ ພັດທະນາຕາມທິດເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ, ດ້ວຍເນື້ອໃນການຮ່ວມມືທີ່ອຸດົມສົມບູນທັງຢູ່ຂັ້ນສູນກາງ ແລະ ຢູ່ຂັ້ນທ້ອງຖິ່ນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ, ນຳມາເຊິ່ງຜົນປະໂຫຍດທີ່ແທດຈິງຫຼາຍຢ່າງໃຫ້ແກ່ປະຊາຊົນສອງປະເທດ.
ຄອບຄົວຫວຽດນາມທີ່ຂ້າພະເຈົ້າໄດ້ຢູ່ນຳເປັນຄອບຄົວທຳອິດໃນເວລານັ້ນແມ່ນຄອບຄົວຂອງເອື້ອຍ ຊວັນກີມ. ຄອບຄົວຂອງເອື້ອຍມີ 3 ຄົນ(ເອື້ອຍ, ແມ່ ແລະ ນ້ອງຊາຍ). ແຕ່ລະມື້ພວກຂ້ອຍກິນເຂົ້າຢູ່ເຮືອນຄົວລວມສະເພາະສຳລັບເດັກນ້ອຍລາວລີ້ໄພ, ເມື່ອຄໍ່າມາຂ້ອຍກໍນອນກັບນ້ອງຊາຍຂອງເອື້ອຍ ຊວັນກີມ, ພວກຂ້ອຍຮັກແພງ, ສະໜິດສະໜົມກັນດີ. ຢູ່ໄດ້ 3 ເດືອນ ທາງການຈັດຕັ້ງກໍໄດ້ຍົກຍ້າຍພວກຂ້ອຍໃຫ້ໄປຢູ່ແຂວງ ວິງຟູ (ດຽວນີ້ແມ່ນແຂວງ ຟູເຖາະ) ເພາະມັນໃກ້ກັບໂຮງຮຽນ ແລະ ໄລຍະນີ້ເອງກໍແມ່ນໄລຍະທີ່ປະຊາຊົນຫວຽດນາມກຳລັງຫ້າງຫາກະກຽມຕ້ອນຮັບປີໃໝ່, ເອື້ອຍ ຊວັນກີມ ແລະ ນ້ອງຊາຍຂອງລາວໄດ້ມອບບັດອວຍພອນປີໃໝ່ໃຫ້ກັບຂ້ອຍຄົນລະໃບ ເພື່ອໄວ້ເປັນທີ່ລະນຶກໃນເວລາຈາກກັນ.
ຍສໝ - ສະຖານກົງສຸນໃຫຍ່ ສສ ຫວຽດນາມ ປະຈຳແຂວງສະຫວັນນະເຂດ, ພາກກາງຂອງລາວ ແລະ ສະມາຄົມປະຊາຊົນຫວຽດນາມ, ສະມາຄົມວິສາຫະກິດຫວຽດນາມ ປະຈໍາ 3 ແຂວງຄື: ສະຫວັນນະເຂດ, ຄໍາມ່ວນ ແລະ ບໍລິຄໍາໄຊ ໄດ້ຈັດຕັ້ງພິທີມອບຂອງຂວັນໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ, ເຫດດິນເຈື່ອນຢູ່ແຂວງສະຫວັນນະເຂດ, ຄໍາມ່ວນ ແລະ ແຂວງບໍລິຄໍາໄຊ ໃນຊຸມມື້ທີ່ຜ່ານມາ.
ຍສໝ - ຢູ່ຕາແສງ ເຊີນລາຍ, ເມືອງຍໍກວານ, ແຂວງ ນິງບິ່ງ, ມີວິຫານເຖຶອງຖາຍເຊີນ, ເຊິ່ງນັກວິທະຍາສາດບາງຄົນ ຖືວ່າແມ່ນຫໍໄຫວ້ເຈົ້າຍິງລາວ. ຕາມນິທານເລົ່າວ່າ ໃນ 6 ສະຕະວັດກ່ອນ, ເມື່ອຫວຽດນາມປະເຊີນໜ້າກັບສັດຕູເຂົ້າມາຮຸກຮານ, ປະຊາຊາດລາວ ໄດ້ສົ່ງເຈົ້າຫຍິງທີ່ສວຍງາມ ແລະ ກ້າຫານນຳພາບັນດາກຳລັງຊ້າງຮົບ ໄປຊ່ວຍເຫຼືອ. ພາຍຫຼັງສຳເລັດພາລະກິດອັນກ້າຫານ ແລະ ມີຄວາມໝາຍອັນສູງສົ່ງ, ເຈົ້າຍິງກໍເຈັບປ່ວຍ ແລະ ສິ້ນພະຊົນຢູ່ຫວຽດນາມ. ເພື່ອລະນຶກເຖິງຄວາມຮັກແພງ, ບຸນຄຸນຂອງເຈົ້າຍິງ ກໍ່ຄືປະຊາຊາດລາວ, ລາຊະວົງ ແລະ ປະຊາຊົນ ດ້າຍຫວຽດ ໄດ້ສ້າງຫໍໄຫວ້ ຢູ່ບ້ານຖ່າຍເຊີນ, ຕາແສງ ເຊີນລາ, ເມືອງຍໍກວານ, ແຂວງ ນິງບິ່ງ ແລະ ບູຊາເຈົ້າຍິງ. ປະຊາຊົນຊາວເມືອງທັງຫຼາຍຕັ້ງຊື່ຫວຽດທີ່ເຄົາລົບນັບຖື ແລະ ຮັກແພງ ວ່າ: ເຈົ້າຍິງ ໂຢຍຮວາ!
ເຖິງແມ່ນວ່າວັນເວລາຈະຜ່ານພົ້ນໄປເປັນ ສິບກວ່າປີແລ້ວກໍຕາມ ແຕ່ຕົ້ນໝາກກ້ຽງນ້ອຍກໍຍັງຄົງຂຽວສົດງົດງາມຢູ່ໃນສວນແຄມເຮືອນຂອງພວກຂ້ອຍ. ຕົ້ນໝາກກ້ຽງນ້ອຍຕົ້ນນີ້ມີຄວາມສູງປະມານ 1,2 ມ, ລຳຕົ້ນຂອງມັນໃຫ່ຍສໍ່າດ້າມພ້າ, ງ່າຂອງມັນຕາກອອກສີ່ດ້ານເປັນຟຸ່ມສະໝໍ່າສະເໝີກັນ ເມື່ອເຖິງຍາມລະດູບານໃໝ່ມັນກໍແຕກດອກອອກໝາກດົກໜາຈົນງ່າກ່ອງ, ສົ່ງກິ່ນຫອມອ່ອນໆ ໄປທົ່ວບໍລິເວນ. ຕົ້ນໝາກກ້ຽງນ້ອຍຕົ້ນນີ້ ແມ່ນຂອງຂວັນຈາກ ຄຳແກ້ວ ຝາກໃຫ້ຄອບຄົວຂອງພວກຂ້ອຍເນື່ອງໃນໂອກາດປີໃໝ່ ຫວຽດນາມ 2013.
ຍສໝ - ໃນຕະຫຼອດ 6 ປີຜ່ານມາ, ໃບຢັ້ງຢືນຫຼຽນກາທີ່ລະນຶກທະຫານອາສາສະໝັກຫວຽດນາມ ຊ່ວຍການປະຕິວັດລາວ ຍາມໃດຂ້າພະເຈົ້າກໍ່ໄດ້ແຂວນໄວ້ຢູ່ບ່ອນສະຫງ່າໃນຫ້ອງຮັບແຂກຂອງຄອບຄົວ. ແຕ່ລະເທື່ອເມື່ອເບິ່ງຄືນຂອງທີ່ລະນຶກນີ້, ຂ້າພະເຈົ້າຍິ່ງມີຄວາມຮັບຮູ້ ແລະ ເຄົາລົບຕໍ່ຄຸນຄ່າຂອງນ້ຳໃຈມິດຕະພາບ ລະຫວ່າງປະຊາຊົນສອງປະເທດ ລາວ - ຫວຽດນາມ ໃນໄລຍະຕໍ່ສູ້ຕ້ານສັດຕູກໍ່ຄືໃນຍຸກສະໄໝແຫ່ງສັນຕິພາບຫຼາຍກວ່າອີກ.
ຍສໝ - ວັນທີ 3 ກໍລະກົດນີ້, ຢູ່ໂຮງໝໍທະຫານ 108 ໄດ້ຈັດກອງປະຊຸມ ແລະ ມອບໝາຍໜ້າທີ່ໃຫ້ພະນັກງານແພດທະຫານໂຮງໝໍສູນກາງກອງທັບປະຊາຊົນລາວ 103 ທີ່ເຂົ້າຮ່ວມການຝຶກອົບຮົມຢູ່ໂຮງໝໍ. ໃນໄລຍະການຝຶກອົບຮົມ, ພະນັກງານແພດໝໍໂຮງໝໍສູນກາງກອງທັບປະຊາຊົນລາວ 103 ໄດ້ແບ່ງວຽກໃຫ້ບັນດາພະແນກອາການຄລີນິກ ແລະ ອາການຂ້າງຄຽງກັບພະຍາດເພື່ອປະຕິບັດຕົວຈິງ.
