ເພີ່ມລະດັບການສະຫນັບສະຫນູນລາຍບ້ວງຈ່າຍບຳລຸງສ້າງສໍາລັບນັກສຶກສາ ລາວ ແລະ ກໍາປູເຈຍ

	ສົມກັບເປັນເສົາຄໍ້າທີ່ສໍາຄັນໃນການພົວພັນສາມັກຄີມິດຕະພາບ, ການຊ່ວຍເຫຼືອເຊິ່ງກັນແລະກັນລະຫວ່າງ ຫວຽດນາມ - ລາວ - ກໍາປູເຈຍ
	ສານກ່ຽວກັບນໍ້າໃຈສາມັກຄີມິດຕະພາບ, ການຊ່ວຍເຫຼືອເຊິ່ງກັນແລະກັນລະຫວ່າງ ຫວຽດນາມ - ລາວ - ກໍາປູເຈຍ: ນໍາການຮ່ວມມືລະຫວ່າງກອງທັບ ຫວຽດນາມ-ລາວ-ກໍາປູເຈຍ ຂຶ້ນສູ່ລະດັບສູງໃໝ່

ອີງຕາມຈົດໝາຍທາງການ ສະບັບເລກທີ 75, ງົບປະມານລາຍຈ່າຍບຳລຸງສ້າງ, ໜູນຊ່ວຍເບື້ອງຕົ້ນ ແລະ ຄ່າໃຊ້ຈ່າຍໃນການດຳລົງຊີວິດ ໄດ້ອອກໃຫ້ຜ່ານຮາກຖານບຳລຸງສ້າງ ​ທີ່​ມີ​ສິດອຳນາດ ຮັບໜ້າທີ່ບຳລຸງສ້າງສໍາລັບນັກສຶກສາ ລາວ ແລະ ກໍາປູເຈຍ.

ສໍາລັບງົບປະມານລາຍຈ່າຍບຳລຸງສ້າງ, ເນື້ອໃນລາຍຈ່າຍລວມມີ: ບັນດາບ້ວງຈ່າຍໃຫ້ວຽກງານການສິດ​ສອນ ແລະ ຮ່ຳຮຽນ, ລວມ​ທັງ​ງົບປະມານລາຍຈ່າຍໃນການຮຽບຮຽງ ແລະ ແປພາສາ​ເອ​ກະ​ສານ (ຖ້າ​ມີ); ​ຈ່າຍ​ໃນ​ການຮ່ຳ​ຮຽນ, ການ​ລົງຕົວຈິງສໍາ​ລັບຊຸດບຳລຸງ​ໄລ​ຍະ​ສັ້ນ (ຖ້າ​ມີ), ຈ່າຍ​ຊ່ວຍ​ເຫຼືອດ້ານທີ່​ຢູ່​ອາ​ໄສ​ສໍາ​ລັບ​ນັກ​ສຶກ​ສາ; ຈ່າຍໜູນ​ຊ່ວຍອຸ​ປະ​ກອນ​ການ​ສອນ, ການ​ປະ​ຕິ​ບັດ ແລະ ອຸປະກອນຮັບໃຊ້ໃນຊີວິດປະຈຳວັນຂອງນັກສຶກສາທີ່ພັກໃນຫໍພັກ...

ນັກສຶກສາ ລາວ ຢູ່ມະຫາວິທະຍາໄລ ຮ່າລອງ (ແຂວງ ກວາງນິງ) ສະແດງສິລະປະ

ອັດຕາກຳນົດລາຍຈ່າຍລະອຽດຄື: ລະ​ບົບບຳລຸງສ້າງໄລ​ຍະ​ຍາວ​ບໍ່​ເກີນ 3.350.000 ດົ່ງ/ຄົນ/ເດືອນ. ລະບົບບຳລຸງສ້າງໄລ​ຍະສັ້ນ, ບໍ່ເກີນ 7.150.000 ດົ່ງ/ຄົນ/ເດືອນ.

ໜູນ​ຊ່ວຍຄ່າໃຊ້ຈ່າຍໃນຊີວິດປະຈຳວັນ ເຖິງ 6.750.000 ດົ່ງ/ຄົນ/​ເດືອນ

ຈົດໝາຍທາງການ ໄດ້ກຳນົດ, ຄ່າໃຊ້ຈ່າຍໃນຊີວິດປະຈຳວັນ ລວມມີເງິນອຸດໜູນຊື້ເຄື່ອງໃຊ້ສອຍຕ່າງໆ ແລະ ເງິນກິນ,ໂດຍຮາກຖານບຳລຸງສ້າງ ເບີກໃຫ້ນັກ​ສຶກສາ​ຕ່າງປະ​ເທດ​ຕາມການກຳນົດ​ດັ່ງ​ນີ້: ນັກ​ສຶກສາ​ຕ່າງປະ​ເທດ​ທີ່​ບຳລຸງສ້າງໄລຍະ​ຍາວ​ ລະບົບມັດທະຍົມ​ປາຍ, ລວມມີ​ ຫຼັກສູດ​ກຽມພາສາ​ ຫວຽດນາມ ​ເພື່ອສອບເສັງສະໝັກເຂົ້າຮຽນລະບົບມັດທະຍົມ​ປາຍ ແມ່ນ 4,300,000 ດົ່ງ/ຄົນ/ເດືອນ.

ນັກສຶກສາຕ່າງປະເທດທີ່ບຳລຸງສ້າງໄລຍະຍາວ ລະບົບມະຫາວິທະຍາໄລ, ລວມມີຫຼັກສູດກຽມພາສາ ຫວຽດນາມ ສຳລັບການສອບເສັງເຂົ້າລະບົບຂັ້ນມະຫາວິທະຍາໄລ ແມ່ນ 4,750,000 ດົ່ງ/ຄົນ/ເດືອນ. ນັກສຶກສາຕ່າງປະເທດທີ່ບຳລຸງສ້າງໄລຍະຍາວ ລະບົບຂັ້ນຫຼັງມະຫາ, ລວມທັງຫຼັກສູດກຽມພາສາ ຫວຽດນາມ ສໍາລັບການສອບເສັງເຂົ້າ ລະບົບຫຼັງມະຫາ ແມ່ນ 5,350,000 ດົ່ງ/ຄົນ/ເດືອນ. ນັກສຶກສາຕ່າງປະເທດສຳລັບການບຳລຸງສ້າງ, ເຝິກອົບຮົມໄລຍະສັ້ນ ແມ່ນ 6,750,000 ດົ່ງ/ຄົນ/ເດືອນ.

ການສະຫນັບສະຫນູນເບື້ອງຕົ້ນ

ກ່ຽວກັບການໜູນຊ່ວຍອຸປະກອນເບື້ອງຕົ້ນ, ອີງຕາມຈົດໝາຍທາງການສະບັບໃໝ່ຂອງກະຊວງການເງິນ, ເນື້ອໃນລວມມີ: ການໜູນຊ່ວຍອຸປະກອນສ່ວນຕົວທີ່ຈຳເປັນໃນເບື້ອງຕົ້ນແມ່ນໄດ້ສະໜອງຄັ້ງດຽວໂດຍຮາກຖານການສຶກສາສະໜອງໃຫ້ແກ່ນັກສຶກສາຕ່າງປະເທດ ເພື່ອນຳໃຊ້ຕະຫຼອດຫຼັກສູດການຮຽນ ລວມມີບັນດາເຄື່ອງໃຊ້ທີ່ຈຳເປັນເຊັ່ນ: ເຄື່ອງນຸ່ງຫົ່ມ, ກະເປົ໋າ, ຜ້າຫົ່ມ, ມຸ້ງ, ຊາມ... ໃນກໍລະນີທີ່ເສຍ ຫຼື ມີການເສຍຫາຍ, ນັກສຶກສາຕ່າງປະເທດຈະບໍ່ໄດ້ຮັບການທົດແທນຄືນອີກ.

ອັດຕາກຳນົດສະ​ຫນັບ​ສະ​ຫນູນ: ນັກ​ສຶກ​ສາ​ຕ່າງປະເທດທີ່ບຳລຸງສ້າງໄລ​ຍະ​ສັ້ນ ແມ່ນ 5.800.000 ດົ່ງ​ຕໍ່​ຄົນ. ນັກສຶກສາຕ່າງປະເທດທີ່ບຳລຸງສ້າງໄລຍະສັ້ນ ແມ່ນ 4,650,000 ດົ່ງ/ຄົນ. ນັກ​ສຶກສາຕ່າງປະເທດໃນ​ຂົງ​ເຂດ​ປ້ອງ​ກັນ​ຊາດ, ປ້ອງກັນຄວາມສະຫງົບ, ກົດລັບ, ໄດ້ຮັບເພີ່ມເຕີມສຳລັບເຄື່ອງແບບ ມີມູນຄ່າ: 100.000 ດົ່ງ/ຄົນ/​ເດືອນ.

ດ້ານ​ຄ່າ​ເດີນທາງໄປ-ກັບ, ສຳລັບ​ນັກ​ສຶກສາ​ຕ່າງປະ​ເທດລະບົບ​ໄລຍະ​ຍາວ ​ແລະ ​ໄລຍະ​ສັ້ນ: ​ໄດ້​ຮັບ​ຄ່າ​ປີ້​ຍົນ​ໄປ​ກັບ​ຊັ້ນທຳມະດາ 01 ​ປີ້ (ປີ້​ມາຮຽນຢູ່ ​ຫວຽດນາມ ​ ​ແລະ ປີ້​ກັບ​ຄືນ​ປະ​ເທດ​ເມື່ອ​ຮຽນ​ຈົບ) ​ແລະ ຄ່າ​ບໍລິການ​ສະໜາມ​ບິນ, ​ເພີ່ມຄ່າເຄື່ອງ​ເກີນ (20 ກິ​ໂລ) ຕາມຕົວຈິງທີ່ປະຢັດທີ່ສຸດ.