ໃນວັນທີ 17 ກັນຍາ 2019, ທ່ານ ນາງ ໃບຄຳ ຂັດຕິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໄດ້ຕາງໜ້າຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ຮັບເງິນຊ່ວຍເຫລືອ ຈາກສະມາຄົມເຟີນີເຈີລາວ ຈຳນວນ 15 ລ້ານກີບ, ເຊິ່ງມອບໂດຍ ທ່ານ ກອງມະລາ ພົມມະໄລ ຮອງປະທານສະມາຄົມເຟີນີເຈີລາວ ແລະ ຮັບເງິນ ຈຳນວນ 10 ລ້ານກີບ ຈາກ ທ່ານ ຟານ ຫຍົງເມົາ ປະທານ ບໍລິສັດ ວຽງຈັນ ເຊີນຈ່ານ ການຄ້າສາກົນຈຳກັດ ເພື່ອປະກອບສ່ວນຊ່ວຍເຫລືອ ບັນເທົາທຸກໃຫ້ປະຊາຊົນ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ພາກກາງ ແລະ ພາກໃຕ້ຂອງລາວ.
ຍສໝ - ວັນທີ 14 ເດືອນກັນຍາ, ຄ້າຍທະຫານປ້ອງກັນຊາຍແດນ ດ່ານຊາຍແດນສາກົນ ລາວບ້າວ, ທະຫານປ້ອງກັນຊາຍແດນ ແຂວງ ກວ້າງຈີ້ ສົມທົບກັບຄະນະກຳມະການປົກຄອງຕົວເມືອງນ້ອຍ ລາວບ້າວ, ເມືອງ ເຫື໋ອງຮ໋ວາ (ກວ້າງຈີ້) ໄດ້ ມອບຂອງຂວັນ ແລະ ສິ່ງທີ່ຈຳເປັນໃຫ້ຊີວິດປະຈຳວັນ ໃຫ້ປະຊາຊົນບັນດາບ້ານຂອງລາວ ຢູ່ຝ່າຍນັ້ນຊາຍແດນ.
ໃນວັນທີ 15 ກັນຍາ 2019, ຢູ່ສະໂມສອນຫຼັກ4 ແຂວງຈຳປາສັກ ໄດ້ຈັດພິທີມອບ-ຮັບຈັດເງິນຊ່ວຍເຫຼືອບັນເທົາທຸກຜູ້ປະສົບໄພນໍ້າຖ້ວມຢູ່ແຂວງຈໍາປາສັກ, ໂດຍການມອບຂອງ ທ່ານ ວໍ້ຊວນກາ ກໍາມະການປະຈໍາພັກແຂວງ,ຫົວໜ້າຄະນະຂົນຂວາຍແຂວງ,ປະທານແນວໂຮມແຫ່ງຊາດ ສສ ຫວຽດນາມ ແຂວງກວາງນາມ ພ້ອມຄະນະ ແລະ ຮັບໂດຍ ທ່ານ ບົວລິນ ວົງພະຈັນ ຮອງເຈົ້າແຂວງໆ ຈໍາປາສັກ ພ້ອມດ້ວຍຄະນະກໍາມະການປ້ອງກັນ,ຄວບຄຸມ ແລະຟື້ນຟູ ໄພພິບັດແຂວງຈໍາປາສັກ ແລະ ພະແນກການທີ່ກ່ຽວຂ້ອງ.
ຍສໝ - ຕອນເຊົ້າວັນທີ 15 ກັນຍາ, ທີ່ນະຄອນຫຼວງວຽງຈັນ, ສະຖານທູດຫວຽດນາມປະຈຳ ລາວໄດ້ປຸກລະດົມການບໍລິຈາກເງິນ ເພື່ອສະໜັບສະໜູນ ປະຊາຊົນລາວບັນດາແຂວງພາກກາງ ແລະ ພາກໃຕ້ທີ່ໄດ້ຮັບຜົນກະທົບໜັກ ຈາກໄພນ້ຳຖ້ວມ ໃນຕົ້ນເດືອນກັນຍາ.
ກອງປະຊຸມປຶກສາຫາລືກ່ຽວກັບການປະເມີນການຊ່ວຍເຫຼືອຈາກສາກົນ ເພື່ອຟື້ນຟູໄພພິບັດຢູ່ເມືອງສະໜາມໄຊ ແຂວງອັດຕະປຶ ຈັດຂຶ້ນໃນອາທິດແລ້ວນີ້ ທີ່ ກະຊວງການຕ່າງປະເທດ ເປັນປະທານຂອງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ມີຮອງລັດຖະມົນຕີຈາກກະຊວງ ຜູ້ຕາງໜ້າອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.
ພາຍຫຼັງໄດ້ມີການລາຍງານຈາກປະຊາຊົນ ແລະ ທາງສື່ສັງຄົມອອນລາຍ ຕໍ່ຜູ້ບໍລິການສິນຄ້າດ້ານການບໍລິໂພກ ຢູ່ໃນ ແຂວງ ອັດຕະປື ທີ່ວ່າຜູ້ຂາຍສິນຄ່າຕ່າງໆມີການສວຍໂອກາດຂຶ້ນສິນຄ້າເກີນລາຄາເກີນທີ່ທາງຂະແໜງການກ່ຽວຂ້ອງກຳນົດໃຫ້ ເຊິ່ງສ່ວນຫຼາຍແມ່ນປະເພດ ເຂົ້າ, ອາຫານການກິນ ແລະ ເຄື່ອງໃຊ້ສອຍຕ່າງໆ ຢູ່ຕາມຕະຫຼາດ ແລະ ຮ້ານຂາຍເຄື່ອງຍ່ອຍຈຳນວນໜຶ່ງ ເຊິ່ງຕໍ່ກັບບັນຫານີ້ເຈົ້າໜ້າທີ່ການຄ້າພາຍໃນ ແຂວງ ອັດຕະປື ໄດ້ລົງກວດກາຕົວຈິງແລ້ວ ຢູ່ຕະຫຼາດ ບ້ານ ຫຼັກ3 ເມືອງ ສາມັກຄີໄຊ ແລະ ຢູ່ບັນດາເມືອງໃນ ແຂວງ ອັດຕະປື ເພື່ອບໍ່ໃຫ້ມີການສວຍໂອກາດໃນຊ້ວງທີ່ປະຊົນໄດ້ຮັບຜົນກະທົບທາງທຳມະຊາດນ້ຳຖ້ວມ ໄປຫຼາຍກວ່ານີ້.
ຍສໝ - ສະພາບນໍ້າຖ້ວມ ຢູ່ ບັນດາແຂວງພາກໃຕ້ ແລະ ພາກກາງຂອງລາວ ມາຮອດ ຕອນເຊົ້າວັນທີ 9 ກັນ 2019 ນໍ້າ ຍັງສືບຕໍ່ຍຶ່ງຂຶ້ນ, ປະຊາຊົນສືບຕໍ່ ຍົກຍ້າຍອອກຈາກເຮືອນ ຂອງ ເຂົາເຈົ້າທີ່ຖືກນໍ້າຖ້ວມຂຶ້ນໄປຢູ່ ບ່ອນສູງ, ທັງບ່ອນທີ່ທາງອໍານາດ ການປົກຄອງຈັດໃຫ້ ແລະ ໄປອາ ໄສນໍາເຮືອນພີ່ນ້ອງຢູ່ເຂດໃກ້ ຄຽງທີ່ປອດໄພ.
ວັນທີ 4 ກັນຍານີ້, ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມຄະນະ ໄດ້ລົງຕິດຕາມເບິ່ງສະພາບການນ້ຳຖ້ວມ ພ້ອມທັງວາງແຜນການຮັບມື ຮັບມືນ້ຳຖ້ວມ ແລະ ຕິດຕາມສະພາບການນ້ຳຖ້ວມພ້ອມທັງມອບນ້ຳດື່ມ ໃຫ້ເມືອງໄຊບູລີ ໂດຍການຕ້ອນຮັບຂອງທ່ານ ອ່ອນລຳພັນ ບົວສີແກ້ວ ເຈົ້່າເມືອງໄຊບູລີ ພ້ອມດ້ວຍໍຄະນະ.
ໃນວັນທີ 10 ສິງຫາ 2019, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໄດ້ຮຽກຮ້ອງມາຍັງທຸກພາກສ່ວນ ທົ່ວສັງຄົມ ທັງນິຕິບຸກຄົນ, ພາກລັດ ແລະ ເອກະຊົນ ຈົ່ງພ້ອມໃຈກັນປະກອບສ່ວນຊ່ວຍເຫລືອ ຜູ້ປະສົບໄພພິບັດນ້ຳຖ້ວມ ຢູ່ບັນດາແຂວງພາກກາງ ແລະ ພາກໃຕ້ ໂດຍສະເພາະແມ່ນ ເຕັ້ນພັກຊົ່ວຄາວ, ເຄື່ອງອຸປະໂພກ-ບໍລິໂພກ, ເຂົ້າສານ, ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ຢາປົວພະຍາດ, ເຮືອພ້ອມຄົນຂັບ, ງົບປະມານຮັບໃຊ້ ແລະ ອື່ນໆ ເພາະປະຊາຊົນຜູ້ຖືກຜົນກະທົບ ຍັງມີຄວາມຕ້ອງການຢ່າງຫລວງຫລາຍ.
ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດກອງປະຊຸມສຸກເສີນຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ເພື່ອປືກສາຫາລືການແກ້ໄຂບັນຫາໄພນ້ຳຖ້ວມຢູ່ 6 ແຂວງ ຂຶ້ນວັນທີ 9 ກັນຍາ 2019 ທີ່ກະຊວງ ຮສສ ເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງ ຮສສ ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ມີທ່ານຮອງລັດຖະມົນຕີ ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.
ທຸກຄັ້ງຍາມທີ່ເກີດໄພພິບັດທາງທຳມະຊາດ ເປັນຕົ້ນແມ່ນໄພນ້ຳຖ້ວມ ອັນເປັນເຫດທີ່ສົ່ງຜົນກະທົບຢ່າງຮ້າຍແຮງຕໍ່ຊີວິດ, ຊັບສິນ, ພື້ນຖານໂຄງລ່າງເສດຖະກິດ-ສັງຄົມ, ເນື້ອທີ່ທຳການຜະລິດ ແລະ ອື່ນໆ ໃນປະເທດລາວ. ສະນັ້ນ, ພີ່ນ້ອງຊາວລາວທຸກຖ້ວນໜ້າ ແມ່ນບໍ່ເຄີຍຖິ້ມກັນ, ບໍ່ເຄີຍປະໃຫ້ຜູ້ປະສົບໄພ ຕ້ອງຜະເຊີນໜ້າຕາມລຳພັງ, ບໍ່ຖິ້ມໃຫ້ເຂົາເຈົ້າຕ້ອງດຽວດາຍ ແລະ ອຶດຫິວ; ທຸກໆຄົນ ຈະຫາທາງ ໃຫ້ຄວາມຊ່ວຍເຫລືອ ຕາມຄວາມສາມາດ ຂອງຕົນ ມີທັງເງິນສົດ, ເຄື່ອງອຸປະໂພກ-ບໍລິໂພກທີ່ຈຳ ເປັນ, ຢາປົວຍາດ ລວມທັງກຳລັງໃຈ.
ຈາກສະພາບຝົນຕົກລິນຕິດຕໍ່ກັນຫຼາຍວັນຍ້ອນພະຍຸໂພດູ ບວກໃສ່ພະຍຸດີເປຼເຊິນກຳລັງ ພັດຜ່ານ ເຮັດໃຫ້ຫຼາຍພື້ນທີ່ໃນເວລານີ້ທີ່ແຂວງສະຫວັນະເຂດ, ສາລະວັນ, ເຊກອງ, ຈຳປາ ສັກ ແລະ ອັດຕະປື ເກີດມີເຫດນ້ຳຖ້ວມ ເນື້ອທີ່ທຳການຜະລິດ, ຖະໜົນຫົນທາງ, ເຮື່ອນ ຊານບ້ານຊ່ອງ ແລະ ສັດລ້ຽງຂອງປະຊາຊົນໄດ້ຮັບຜົນກະທົບຢ່າງໜັກ.
ລັດຖະບານລາວ ກະຊວງກະສິກຳ ແລະ ປ່າໄມ້ ໄດ້ມີແຜນການສືບຕໍ່ ໂຄງການຄຸ້ມຄອງ ແລະ ຫລຸດຜ່ອນຄວາມສ່ຽງ ຈາກໄພນ້ຳຖ້ວມ ແລະ ແຫ້ງແລ້ງ (ຄຖລ) ໃນໄລຍະທີ 2 ໂດຍໄດ້ຮັບງົບປະມານ ການສະໜັບສະໜູນເພີ່ມຈາກ ທະນາຄານພັດທະນາອາຊີ (ADB) ຈໍານວນ 63 ລ້ານໂດລາສະຫະລັດ ໂດຍຈະໄດ້ກໍ່ສ້າງຄູປ້ອງກັນ ນ້ຳຖ້ວມຕາມແຄມແມ່ນ້ຳຂອງ ເພື່ອປ້ອງກັນນ້ຳຖ້ວມ ໃນພື້ນທີ່ການຜະລິດ, ຊຸມຊົນ ແລະ ເຂດເສດຖະກິດ ຕົວເມືອງວຽງຈັນໃຕ້ ແລະ ກໍ່ສ້າງລະບົບຊົນລະປະ ທານ ເພື່ອສະໜອງນ້ຳໃຫ້ແກ່ການຜະລິດ ແນໃສ່ຫລຸດຜ່ອນໄພແຫ້ງແລ້ງ ໃນພື້ນທີ່ດັ່ງກ່າວ.
ສຳລັບຜູ້ປະສົບໄພພິບັດ ຢູ່ແຂວງບໍລິຄຳໄຊ ໄດ້ຮັບເຂົ້າ 149.040 ກິໂລ ມູນຄ່າ 1,1 ຕື້ກວ່າກີບ ເຄື່ອງນຸ່ງຫົ່ມ ແລະ ເກີບ 100 ແກັດ ມູນຄ່າ 150 ລ້ານກີບ ແຂວງຄຳມ່ວນ ໄດ້ຮັບເຂົ້າ 100.000 ກິໂລ ມູນຄ່າ 805 ລ້ານກວ່າກີບ ເຄື່ອງນຸ່ງຫົ່ມ ແລະ ເກີບ 100 ແກັດ ມູນຄ່າ 150 ລ້ານກີບ.
ຍສໝ - ເນື່ອງຈາກຝົນຕົກໜັກນັບແຕ່ ກາງຄືນຂອງວັນທີ 29 ກໍລະກົດ ຈົນເຖິງຕອນເຊົ້າຂອງວັນທີ 30 ກໍລະກົດ 2019 ຈຶ່ງເຮັດໃຫ້ມີນໍ້າ ປ່າໄຫຼປ່ອງໃສ່ນໍ້ານານໄຫຼສຸເຂົ້າຖ້ວມເຮືອນຊານບ້ານຊ່ອງ ແລະ ພື້ນທີ່ທໍາການຜະລິດຂອງປະຊາຊົນຕາມລ້ອງແມ່ນ້ຳນານ.
ຍສໝ - ການປຶກສາຫາລືຫວ່າງແລ້ວນີ້ລະຫວ່າງບັນດາເຈົ້າໜ້າທີ່ຈາກລັດຖະບານກໍາປູເຈຍ, ລາວ, ມຽນມາ, ໄທ ແລະ ຫວຽດນາມ ຢູ່ບາງກອກ ປະເທດ ໄທ ທີ່ ປິ່ນອ້ອມກອບນະໂຍບາຍແຫ່ງຊາດ ແລະ ປະຈຸບັນສໍາລັບເຂດດິນຖືກນ້ຳຖ້ວມໄດ້ສະໜອງພື້ນຖານ ເພື່ອສ້າງນະໂຍບາຍຕ່າງໆສຳລັບດິນຖືກນ້ຳຖ້ວມຢູ່ເຂດຕອນລຸ່ມແມ່ນໍ້າຂອງ ໃຫ້ມີປະສິດທິຜົນ.
ອີງຕາມການຕົກລົງເຫັນດີຂອງສູນກາງ ແຂວງອັດຕະປື ກໍໄດ້ສົມທົບກັບຄະນະກຳມະ ການ ແລະ ກະຊວງກ່ຽວຂ້ອງ ພ້ອມກັນຈັດຕັ້ງຄະນະກຳມະການ ເພື່ອກະກຽມງານແຂ່ງຂັນກີລາກ໊ອຟ ເພື່ອການກຸສົນຄັ້ງນີ້ ຢ່າງຮີບດ່ວນ ໂດຍງານດັ່ງກ່າວຈະຈັດຂຶ້ນວັນທີ 29 ມິຖຸນາ 2019 ຢູ່ສະໜາມກ໊ອຟລ່ອງແທງ ເມືອງຫາດຊາຍຟອງ ນະຄອນຫຼວງວຽງຈັນ.
ກອງປະຊຸມລັດຖະບານເປີດກວ້າງຄັ້ງທີ II ປີ 2018 ໄດ້ໄຂຂຶ້ນຢ່າງເປັນທາງການໃນວັນທີ 17 ກັນຍາ 2018, ໂດຍເນັ້ນໃສ່ການປຶກສາຫາລື ກ່ຽວກັບສະພາບ ແລະ ການແກ້ໄຂໄພພິບັດ ໃນຂອບເຂດທົ່ວປະເທດ ແລະ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ.
ໃນຕອນເຊົ້າວັນທີ 6 ກັນຍາ 2018, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ ແລະ ຢ້ຽມຢາມປະຊາຊົນຜູ້ໄດ້ຮັບຜົນກະທົບ ຈາກໄພພິບັດນ້ຳຖ້ວມ ຢູ່ ບ້ານບຸ່ງພ້າວ ແລະ ຫາດໄຊ ເມືອງທຸລະຄົມ ແຂວງວຽງຈັນ.
ປັດຈຸບັນ, ຫລາຍທ້ອງຖິ່ນໃນຂອບເທດທົ່ວປະເທດ ໂດຍສະເພາະ ແມ່ນປະຊາຊົນທີ່ອາໃສຢູ່ຕາມລ້ອງແມ່ນ້ຳຂອງ ແລະ ສາຂາຕ່າງໆ, ລວມທັງແມ່ນ້ຳສາຍຫລັກອື່ນໆ ຍັງສືບຕໍ່ໄດ້ຮັບຜົນກະທົບ ຈາກໄພນ້ຳຖ້ວມຢ່າງໜັກໜ່ວງ, ຊຶ່ງໄດ້ສ້າງຄວາມເສຍຫາຍນັບທັງຊີວິດ, ຊັບສິນ ແລະ ເນື້ອທີ່ການຜະລິດຕ່າງໆ.
