ມີ 7 ບ້ານທີ່ຖືກຜົນກະທົບ ຢ່າງໜັກຄື: ບ້ານນາຝາຍ, ບ້ານ ປ່າໄຜ່, ບ້ານສີມຸງຄຸນ, ບ້ານສີບຸນ ເຮືອງ, ບ້ານນາເລົາ, ບ້ານໂພນ ຫີນ ແລະ ບ້ານນາເຄີນຖືກຜົນ ກະທົບໜັກປະຊາຊົນບາງຄອບ ຄົວໄດ້ພຽງເຄື່ອງນຸ່ງຄາຄີງ ແລະ ຍັງມີບາງຄົນຍັງຄ້າງຢູ່ໃນເຮືອນ ຕາມການເກັບກໍາຂໍ້ມູນເບື້ອງຕົ້ນ ມີພຽງຜູ້ໄດ້ຮັບບາດເຈັບ, ບໍ່ມີຄົນ ເສຍຊີວິດ ສ່ວນຄວາມເສຍຫາຍ ຍັງຢູ່ໃນຂັ້ນຕອນການເກັບກຳຂໍ້ມູນ.

ມີ 7 ບ້ານຂອງ ແຂວງຫຼວງພະບາງທີ່ຖືກຜົນກະທົບໄພນ້ຳຖ້ວມ.

ເບື້ອງຕົ້ນອົງການປົກ ຄອງເມືືອງໄດ້ຈັດຕັ້ງກຳລັງເຈົ້າ ໜ້າທີ່ທະຫານກອງພັນ 414, ກອງບັນຊາການທະຫານເມືອງ ນານສົມທົບກັບກຳລັງປ້ອງກັນຄວາມສະຫງົບເມືອງນານເຂົ້າ ຊ່ວຍເຫຼືອປະຊາຊົນທີ່ຕິດຄ້າງຢູ່ ໃນເຮືອນ ແລະ ຂົນເຄື່ອງຂອງທີ່ ຈຳເປັນ ແລະ ພາຫະນະວັດຖຸອຸປະກອນ, ພ້ອມທັງຊ່ວຍປ້ອງກັນຜົນກະທົບ ແລະ ຈັດຕັ້ງການປ້ອງກັນເວນຍາມເຝົ້າລະວັງຕະຫຼອດ 24 ຊົ່ວໂມງ. ເຫດການດັ່ງກ່າວ ໄດ້ສ້າງຄວາມເສຍຫາຍຫຼາຍກ່ວາທຸກປີຜ່ານມາ, ປັດຈຸບັນ ປະຊາຊົນຕ້ອງການສະບຽງອາຫານ ແລະ ນ້ຳດື່ມເພື່ອບັນເທົາທຸກໃນເບື້ອງຕົ້ນ.

（ຄໍາຮຸ່ງ）