 |
| ຫ໋າຍເຢືອງມອບເງິນເປັນຈຳນວນ 500 ລ້ານດົ່ງ ໃຫ້ແກ່ປະຊາຊົນລາວ ເພື່ອປ້ອງກັນ, ຕ້ານໂລກລະບາດໂຄວິດ - 19 |
ຫວ່າງແລ້ວນີ້ ຕາມຂໍ້ສະເໜີຂອງສະມາຄົມມິດຕະພາບ ຫວຽດນາມ - ລາວ ແຂວງຫ໋າຍເຢືອງ ກ່ຽວກັບການສະໜັບສະໜູນປະຊາຊົນ ລາວ ໃນການປ້ອງກັນ, ຕ້ານໂລກລະບາດໂຄວິດ - 19, ຄະນະປະຈຳຄະນະພັກແຂວງ ແຂວງຫ໋າຍເຢືອງ ໄດ້ຫັດເງິນເປັນຈຳນວນ 500 ລ້ານດົ່ງຈາກອງທຶນປ້ອງກັນ, ສະກັດກັ້ນໂລກລະບາດໂຄວິດ - 19 ຂອງແຂວງ ຫ໋າຍເຢືອງ ເພື່ອສະໜັບສະໜູນປະເທດລາວ ປ້ອງກັນ, ສະກັດກັ້ນໂລກລະບາດໂຄວິດ - 19.
ຢູ່ສຳນັກງານຄະນະກຳມະການແນວໂຮມປະເທດຊາດ ແຂວງຫ໋າຍເຢືອງ, ທ່ານ ຫງວຽນກວາງຢຸກ, ກຳມະການຄະນະປະຈຳ, ຫົວໜ້າຄະນະໂຄສະນາເຜີຍແຜ່ຄະນະພັກແຂວງ ແຂວງ ຫ໋າຍເຢືອງ, ປະທານສະມາຄົມມິດຕະພາບ ຫວຽດນາມ - ລາວ ໄດ້ສົມທົບກັບຄະນະກຳມະການປະຊາຊົນແຂວງຫ໋າຍເຢືອງດຳເນີນການມອບເງິນເປັນຈຳນວນ 500 ລ້ານດົ່ງ ເພື່ອໜູນຊ່ວຍປະຊາຊົນລາວໃນການປ້ອງກັນ, ສະກັດກັ້ນໂລກລະບາດໂຄວິດ - 19 ຢ່າງທັນການ. ໃນນັ້ນມີ 300 ລ້ານດົ່ງໃຫ້ແກ່ປະຊາຊົນລາວ, ແລະ 200 ລ້ານດົ່ງໃຫ້ແກ່ແຂວງວຽງຈັນ (ໂດຍເປັນແຂວງຮັກສ່ຽວກັບແຂວງຫ໋າຍເຢືອງ).
ຈຳນວນເງິນດັ່ງກ່າວໄດ້ຫັດຈາກກອງທຶນປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງຫ໋າຍເຢືອງ, ສູນກາງສະມາຄິມມິດຕະພາບ ຫວຽດນາມ - ລາວ ຈະຮັບ ແລະ ພ້ອມກັບແຫຼ່ງງົບປະມານໜູນຊ່ວຍຂອງສະມາຄົມບັນດາແຂວງ, ນະຄອນໃນທົ່ວປະເທດຊື້ອຸປະກອນການແພດທີ່ຈຳເປັນເຊິ່ງລະບົບການແພດລາວພວມຂາດເຂີນ.
ມາຮອດປັດຈຸບັນ, ປະເທດລາວໄດ້ຢັ້ງຢືນຈຳນວນຜູ້ຕິດເຊື້ອພະຍາດໂຄວິດ - 19 ເກືອບ 1.400 ຄົນ. ໃນນັ້ນສ່ວນຫຼາຍແມ່ນຕິດເຊື້ອໃນຊຸມຊົນ. ໃນໄລຍະທີ່ໂລກລະບາດໂຄວິດ - 19 ພວມມີການຜັນແປຢ່າງສົບສົນທີ່ສຸດນັ້ນ, ນ້ຳໃຈບ້ານໃກ້ເຮືອນຄຽງສະໜິດແໜ້ນ ລະຫວ່າງ ຫວຽດນາມ ແລະ ປະເທດ ລາວ ຍິ່ງລ້ຳຄ່າກ່ວາເວລາໃດໝົດ. ທາງແຂວງຫ໋າຍເຢືອງມີຄວາມຫວັງວ່າ ການໜູນຊ່ວຍເຖິງວ່າໜ້ອຍນີ້ຂອງແຂວງ ຫ໋າຍເຢືອງ ຈະປະກອບສ່ວນໃດສ່ວນໜຶ່ງເຂົ້າການຜ່ານຜ່າຄວາມຫຍຸ້ງຍາກ, ສິ່ງທ້າທາຍ ຈາກໂລກລະບາດໂຄວິດ - 19 ຂອງປະຊາຊົນໃນປັດຈຸບັນ.
 | ສະມາຄົມພຸດທະສາສະໜາ ຫວຽດນາມ ມອບເຄື່ອງຊ່ວຍຫາຍໃຈ 100 ອັນ ແລະ ເຄື່ອງຜະລິດອົກຊີ ໃຫ້ແກ່ປະຊາຊົນອິນເດຍ ຍສໝ - ພິທີມອບຮັບໄດ້ດຳເນີນໃນຕອນເຊົ້າວັນທີ 12 ພຶດສະພາ, ຢູ່ສຳນັກງານສູນກາງສະມາຄົມພຸດທະສາສະໜາ ຫວຽດນາມ ດ້ວຍຍອດມຸນຄ່າເກືອບ 14 ຕື້ດົ່ງ. |
 | ສະມາຄົມມິດຕະພາບ ຫວຽດນາມ ກຳປູເຈຍ ມອບເງິນເປັນຈຳນວນ 500 ລ້ານດົ່ງ ເພື່ອໜູນຊ່ວຍໃຫ້ແກ່ປະຊາຊົນ ກຳປູເຈຍເພື່ອປ້ອງກັນສະກັດກັ້ນໂລກ ຍສໝ - ທີ່ການມອບຮັບ, ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການມິດຕະພາບ ຫວຽດນາມ ໄດ້ແຈ້ງໃຫ້ຊາບກ່ຽວກັບສະພາບການປ້ອງກັນສະກັດກັ້ນໂລກລະບາດໂຄວິດ - 19 ຢູ່ ຫວຽດນາມ ໃນຊຸມວັນຜ່ານມາ, ພ້ອມທັງແບ່ງປັນຄວາມຫຍຸ້ງຍາກ ແລະ ຄວາມມານະພະຍາຍາມສະກັດກັ້ນໂລກລະລາດໂຄວິດ - 19 ຂອງລັດຖະບານ ແລະ ປະຊາຊົນກຳປູເຈຍ. |
 | ດ້ຽນບຽນມອບວັດຖຸອຸປະກອນການແພດເພື່ອປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 6 ແຂວງທາງພາກເໜືອຂອງລາວ ຍສໝ - ດ້ວຍງົບປະມານກ່ວາ 600 ລ້ານດົ່ງ, ຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດຽນບຽນໄດ້ລົງທຶນເຂົ້າການຊື້ບັນດາອຸປະກອນການແພດທີ່ຈຳເປັນເພື່ອຮັບໃຊ້ໃຫ້ແກ່ວຽກງານປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 6 ແຂວງທາງພາກເໜືອລາວ, ແຕ່ລະແຂວງລວມມີ: ຜ້າອັດປາກດັງ 32.000 ອັນ, ຢາລ້າງມືຂ້າເຊື້ອ 200 ຕຸກ, ຊຸດປ້ອງກັນຕ້ານເຊື້ອລະດັບ 3.300 ຊຸດ. |
ບຸນຄົງ
