ທ່ານປະທານປະເທດ ຮັບສານຕາຕັ້ງທູດປະເທດເພື່ອນມິດຄົນໃໝ່ ປະຈຳລາວ
	ການນຳແຂວງສະຫວັນນະເຂດ ເຂົ້າວາງພວງມາລາ ແລະ ໄຫວ້ອາໄລ ທ່ານປະທານປະເທດ ຫວຽດນາມ ເຈີ່ນດ້າຍ ກວາງ

ຫວ່າງແລ້ວນີ້, ທີ່ທຳນຽບປະທານປະເທດ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ ເວີຍເຟືອງເຄືຶຶອ - ລັດຖະມົນຕີກະຊວງປ້ອງກັນປະເທດຈີນ ໄດ້ນຳໜ້າຄະນະຜູ້ແທນການທະຫານຂັ້ນສູງຂອງສາທາລະນະລັດປະຊາຊົນ ປະເທດຈີນ ມາຢ້ຽມຢາມຫວຽດນາມຢ່າງເປັນທາງການ.

ທີ່ການພົບປະ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ສະແດງຄວາມຍິນດີຕ້ອນຮັບທ່ານລັດຖະມົນຕີ ເວີຍເຟືອງເຄືຶຶອ ຢ້ຽມຢາມຫວຽດນາມ; ເຊື່ອໝັ້ນວ່າ ການຢ້ຽມຢາມຈະປະກອບສ່ວນຢ່າງຕັ້ງໜ້າເຂົ້າ ໃນການຊຸກຍູ້ການພົວພັນຫວຽດນາມ - ຈີນ. ທ່ານປະທານປະເທດ ຫງວຽນຊວນຟຸກ ກໍ່ສະແດງຄວາມປິຕິຊົມຊື່ນ ຍ້ອນການຢ້ຽມຢາມຄັ້ງນີ້ ມີຄວາມປະທັບໃຈຫຼາຍຢ່າງກ່ຽວກັບການແລກປ່ຽນ ແລະ ຄວາມຮັກແພງກັນລະຫວ່າງບັນດາສະຫາຍ, ອ້າຍນ້ອງ, ລະຫວ່າງກອງທັບ ແລະ ປະຊາຊົນສອງປະເທດຢ່າງເລິກເຊິ່ງສະໜິດສະໜົມ.

ທ່ານປະທານປະເທດ ຫວຽດນາມ ຫງວຽນຊວນຟຸກ ຕ້ອນຮັບ ທ່ານ ເວີຍເຟືອງເຄືຶຶອ ລັດຖະມົນຕີກະຊວງປ້ອງກັນປະເທດຈີນ. (ພາບ: vietnamplus)

ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ຕີລາຄາສູງໝາກຜົນຂອງການເຈລະຈາລະຫວ່າງທ່ານພົນໂທຟານວັນຢາງ - ລັດຖະມົນຕີກະຊວງປ້ອງກັນປະເທດຫວຽດນາມ ແລະ ທ່ານພົນໂທ ເວີຍເຟືອງເຄືຶຶອ - ລັດຖະມົນຕີກະຊວງປ້ອງກັນປະເທດຈີນ.

ທ່ານປະທານປະເທດ ຫງວຽນຊວນຟຸກ ຖືວ່າ ການຮ່ວມມືທີ່ປະສົບຜົນສຳເລັດລະຫວ່າງທະຫານ 2 ປະເທດ ຈະສືບຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງພັກ, ສອງປະເທດເວົ້າລວມ ແລະ ກະຊວງປ້ອງກັນປະເທດສອງປະເທດເວົ້າສະເພາະ, ເພື່ອຜົນປະໂຫຍດຂອງປະຊາຊົນຂອງສອງປະເທດ, ເພື່ອສັນຕິພາບ, ຄວາມໝັ້ນຄົງ, ການຮ່ວມມື ແລະ ການພັດທະນາໃນແຕ່ລະປະເທດ ກໍ່ຄື ໃນພາກພື້ນ ແລະ ໃນໂລກ.

(ພາບ: TTXVN)

ທ່ານປະທານປະເທດ ຫງວຽນຊວນຟຸກ ໄດ້ຊີ້ແຈ້ງວ່າ ຫວຽດນາມ ຖືການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານກັບ ຈີນ ໃຫ້ພັດທະນາຢ່າງໝັ້ນຄົງເຂັ້ມແຂງ, ມີສະຖຽນລະພາບ, ຍືນຍົງ, ຍາວນານ, ມີການຮ່ວມມືຢ່າງສະເໝີພາບ, ຕ່າງຝ່າຍຕ່າງມີຜົນປະໂຫຍດເປັນສຳຄັນທີ່ສຸດ. ທ່ານປະທານປະເທດ ຫວຽດນາມ ຫງວຽນຊວັນຟຸກ ຖືວ່າ ໃນສະພາບການໂລກລະບາດໂຄວິດ - 19 ມີການຜັນແປຢ່າງສັບສົນນັ້ນ, ສອງປະເທດໄດ້ຮ່ວມມືກັນຄວບຄຸມໂລກລະບາດໂຄວິດ - 19 ໃຫ້ເປັນຢ່າງດີ, ສ້າງເງື່ອນໄຂເພື່ອພັດທະນາການຄ້າ 2020 ໃຫ້ບັນລຸລະດັບສະຖິຕິ ແມ່ນ 133 ຕື້ USD.

ທ່ານລັດຖະມົນຕີ ເວີຍເຟືອງເຄືຶຶອ ໄດ້ຊີ້ແຈ້ງວ່າ ການຢ້ຽມຢາມຫວຽດນາມ ຄັ້ງນີ້ຂອງ ຄະນະຜູ້ແທນ ແມ່ນການສະແດງໃຫ້ເຫັນຄວາມເຄົາລົບ ຂອງພັກ, ລັດ ຈີນ ໃນການພັດທະນາການພົວພັນກັບ ຫວຽດນາມ. ເມື່ອເຕື້ອງເຖິງໝາກຜົນອັນດີງາມຂອງການໂອ້ລົມສົນທະນາ ກັບທ່ານ ຟານວັນຢາງ ລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານ ເວີຍເຟືອງເຄື໊ອ ໃຫ້ຮູ້ວ່າ ສອງຝ່າຍໄດ້ເຫັນດີເປັນເອກະພາບກັນກ່ຽວກັບຫຼາຍເນື້ອໃນໃນການຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ຈີນ ໃຫ້ນັບມື້ນັບດີງາມກ່ວາອີກ ໃນໄລຍະຈະມາເຖິງ.

ຫວຽດນາມ ໃຫ້ຄວາມສຳຄັນໃນການຮັກສາ ແລະ ພັດທະນາການພົວພັນກັບ ປະເທດຈີນ ຍສໝ - ຫວ່າແລ້ວນີ້, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ມນການໂທລະສັບກັບທ່ານລັດຖະມົນຕີກະຊວງການຕ່າງປະເທດຈີນ, ທ່ານ ຫວາງອີ.

ແຂວງ ເວີນນານ (ປະເທດຈີນ) ໄດ້ມອບຜ້າບັງປາກໃຫ້ແຂວງ ຮ່າຢາງ ເພື່ອສະກັດກັ້ນຕໍ່ກັບ COVID-19 ຍສໝ - ເມື່ອບໍ່ດົນມານີ້, ທີ່ດ່ານຊາຍແດນສາກົນແທ່ງຖູຍ - ທຽນບາວ, ພະແນກພົວພັນຕ່າງປະເທດແຂວງຮ່າຢາງ ໄດ້ປະສານສົມທົບກັບສະຖານກົງສຸນໃຫຍ່ຫວຽດນາມ ປະຈຳເມືອງ ກົນໝິງ ແລະ ຫ້ອງການພົວພັນຕ່າງປະເທດ ວັນເສີນ (ສປ.ຈີນ) ໄດ້ຈັດພິທີມອບ - ຮັບເຄື່ອງມືທາງການແພດ ເພື່ອຮັບໃຊ້ໃນການປ້ອງກັນການລະບາດຂອງ COVID-19.

ທ່ານນາຍົກລັດຖະມົນຕີຫງວຽນຊວນຟຸກ ຕ້ອນຮັບລັດຖະມົນຕີກະຊວງຕຳຫຼວດປະເທດຈີນ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ ເຈົາເຄືອຈື້, ລັດຖະມົນຕີກະຊວງຕຳຫຼວດປະເທດຈີນ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ ແລະ ເປັນປະທານຮ່ວມກອງປະຊຸມຄັ້ງທີ 7 ກ່ຽວກັບການຮ່ວມມືປ້ອງກັນ ແລະ ຕ້ານອາຊະຍາກຳ.