ທ່ານປະທານປະເທດ ຮັບສານຕາຕັ້ງທູດປະເທດເພື່ອນມິດຄົນໃໝ່ ປະຈຳລາວ

11:29 | 10/02/2020

ທ່ານ ບຸນຍັງ ວໍລະຈິດ ປະທານປະເທດ ສປປ ລາວ ຕ້ອນຮັບເອກອັກຄະລັດຖະທູດບັນດາປະເທດເພື່ອນມິດ ເຂົ້າຍື່ນສານຕາຕັ້ງເພື່ອມາດຳລົງຕຳແໜ່ງເປັນເອກອັກຄະລັດຖະທູດຄົນໃໝ່ ປະຈຳ ສປປ ລາວ ວັນທີ 7 ກຸມພາ 2020 ຢູ່ທຳນຽບປະທານປະເທດ ເຊິ່ງມີລາຍລະອຽດດັ່ງນີ້:

ທ່ານປະທານປະເທດ ຮັບສານຕາຕັ້ງທູດປະເທດເພື່ອນມິດຄົນໃໝ່ ປະຈຳລາວ

ທ່ານ ບຸນຍັງ ວໍລະຈິດ ປະທານປະເທດ ສປປ ລາວ ຮັບສານຕາຕັ້ງທູດປະເທດເພື່ອນມິດຄົນໃໝ່ ປະຈຳລາວ.

ເວລາ 8:30 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານ Peter Mark Haymond ເອກອັກຄະລັດຖະທູດວິສາມັນຜູ້ມີອຳນາດເຕັມ ສ ອາເມຣິກາ ຄົນໃໝ່ ປະຈຳ ສປປ ລາວ ໂດຍມີສຳນັກງານສະ ຖານທູດຕັ້ງຢູ່ນະຄອນຫຼວງວຽງຈັນ ເຊິ່ງກ່ອນຈະມາດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ສ ອາເມຣິກາ ປະຈຳ ສປປ ລາວ ທ່ານ Peter Mark Haymond ເປັນຮອງຫົວໜ້າຫ້ອງ ການສະຖານທູດ ສ ອາເມຣິກາ ປະຈຳບາງກອກ ລາຊະອານາຈັກໄທ ລາວ ແລະ ອາເມຣິກາ ສ້າງຕັ້ງສາຍພົວພັນການທູດນຳກັນ ໃນວັນທີ 10 ສິງຫາ 1955.

ເວລາ 9:00 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານນາງ Jayasuriya Arachachige Samantha Kumari Jayasuriya ເອກອັກຄະລັດຖະທູດວິສາມັນຜູ້ມີອຳນາດເຕັມສາທາລະນະລັດ ສັງ ຄົມນິຍົມ ປະຊາທິປະໄຕ ສີລັງກາ ຄົນໃໝ່ ປະຈຳ ສປປ ລາວ ໂດຍມີສຳນັກງານການທູດຕັ້ງຢູ່ບາງກອກ ລາຊະອານາຈັກໄທ ກ່ອນຈະມາຮັບຕຳແໜ່ງນີ້ ທ່ານນາງ Jayasuriya Arachachige Samantha Kumari Jayasuriya ເປັນເອກອັກຄະລັດຖະທູດສີລັງກາ ປະຈຳບາງກອກ ລາຊະອານາຈັກໄທ ເປັນຜູ້ຕາງໜ້າຖາວອນ ປະຈຳອົງການ UNESCAP ລາວ ແລະ ສີລັງກາ ສ້າງຕັ້ງສາຍພົວພັນການທູດນຳກັນ ໃນວັນທີ 20 ກໍລະກົດ 1965.

ເວລາ 9:30 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານ Bernardo Cordova Tello ເອກອັກຄະລັດຖະທູດວິສາມັນຜູ້ມີອຳນາເຕັມ ສ ເມັກຊິກ ຄົນໃໝ່ ປະຈຳ ສປປ ລາວ ໂດຍມີສຳນັກງານສະ ຖານທູດຕັ້ງຢູ່ບາງກອກ ລາຊະອານາຈັກໄທ ກ່ອນຈະມາຮັບຕຳແໜ່ງນີ້ ທ່ານ Bernardo Cordova Tello ເປັນເອກອັກຄະລັດຖະທູດເມັກຊິກ ປະຈຳຕວັກກີ ລາວ ແລະ ເມັກຊິກ ສ້າງຕັ້ງສາຍພົວພັນການທູດນຳກັນ ໃນວັນທີ 29 ພະຈິກ 1976.

ເວລາ 10:00 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານ John McCullagh ເອກອັກຄະລັດ ຖະທູດວິສາມັນຜູ້ມີອຳນາດເຕັມອຽກລັງ ຄົນໃໝ່ ປະຈຳ ສປປ ລາວ ໂດຍມີສຳນັກງານສະຖານທູດຕັ້ງຢູ່ຮ່າໂນ້ຍ ສສ ຫວຽດນາມ ກ່ອນຈະມາຮັບຕຳແໜ່ງນີ້ ທ່ານ John McCullagh ເປັນຫົວໜ້າກົມການຄ້າ ກະຊວງການຕ່າງປະເທດອຽກລັງ ລາວ ແລະ ອຽກລັງ ສ້າງຕັ້ງສາຍພົວພັນການທູດນຳກັນ ໃນວັນທີ 7 ສິງຫາ 1998.

ເວລາ 10:30 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານ Kanesh Prasad Dhakal ເອກອັກຄະລັດຖະທູດວິສາມັນຜູ້ມີອຳນາດເຕັມເນປານ ຄົນໃໝ່ ປະຈຳ ສປປ ລາວ ໂດຍມີສຳນັກງານສະຖານ ທູດຕັ້ງຢູ່ບາງກອກ ລາຊະອານາຈັກໄທ ກ່ອນຈະມາຮັບຕຳແໜ່ງນີ້ ທ່ານ Kanesh Prasad Dhakal ເປັນເອກອັກຄະລັດຖະທູດເນປານ ປະຈຳລາຊະອານາຈັກໄທ ລາວ ແລະ ເນປານ ສ້າງຕັ້ງສາຍພົວພັນການທູດນຳກັນໃນວັນທີ 20 ພຶດສະພາ 1970.

ເວລາ 11:00 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານ Bogdan Badea ເອກອັກຄະລັດ ຖະທູດວິສາມັນຜູ້ມີອຳນາດເຕັມໂຣມາເນຍ ຄົນໃໝ່ ປະຈຳ ສປປ ລາວ ໂດຍມີສຳນັກງານສະຖານທູດຕັ້ງຢູ່ບາງກອກ ລາຊະອານາຈັກໄທ ກ່ອນຈະມາຮັບຕຳແໜ່ງນີ້ ທ່ານ Bogdan Badea ເປັນເອກອັກຄະລັດຖະທູດໂຣມາເນຍ ປະຈຳລາຊະອານາຈັກໄທ ລາວ ແລະ ໂຣມາເນຍ ສ້າງຕັ້ງສາຍພົວພັນການທູດນຳກັນ ວັນທີ 25 ພະຈິກ 1962.

ເວລາ 11:30 ໂມງ ໄດ້ຕ້ອນຮັບການຍື່ນສານຕາຕັ້ງຈາກທ່ານນາງ Sarah Taylor ເອກອັກຄະລັດຖະທູດວິສາມັນຜູ້ມີອຳນາດເຕັມການາດາ ຄົນໃໝ່ ປະຈຳ ສປປ ລາວ ໂດຍມີສຳນັກງານສະຖານທູດຕັ້ງຢູ່ບາງກອກ ລາຊະອານາຈັກໄທ ກ່ອນຈະມາດຳລົງຕຳແໜ່ງນີ້ ທ່ານນາງ Sarah Taylor ເປັນຮອງຫົວໜ້າຫ້ອງການສະຖານທູດການາດາ ປະຈຳປັກກິ່ງ ສປ ຈີນ ລາວ ແລະ ການາດາ ສ້າງຕັ້ງສາຍພົວພັນການທູດນຳກັນ ໃນວັນທີ 15 ມິຖຸນາ 1974.

（ແຫຼ່ງຂໍ້ມູນ： vientianemai.net）