 |
 |
ທ່ານ ສັນຕິພາບ ພົມ ວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງໆສະ ຫວັນນະເຂດ ພ້ອມບັນດາທ່ານຄະນະນຳຂອງແຂວງ ສະຫວັນນເຂດ ເຂົ້າໄຫວ້ອາໄລຕໍ່ການເສຍຊີວິດຂອງ ທ່ານປະທານປະເທດ ເຈີ່ນດ້າຍ ກວາງ.
ເຂົ້າຮ່ວມໃນການເຂົ້າໄຫວ້ອາໄລຄັ້ງນີ້, ນຳໂດຍທ່ານ ສັນຕິພາບ ພົມ ວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງໆສະ ຫວັນນະເຂດ ພ້ອມບັນດາທ່ານຄະ ນະນຳຂອງແຂວງ, ຫົວໜ້າພະແນກ ການອ້ອມຂ້າງແຂວງ, ພ້ອມນີ້ ກໍ່ມີກຸ່ມການເມືອງ, ກຸ່ມເສດຖະກິດ, ກຸ່ມວັດທະນະທຳ-ສັງຄົມ ແລະ ອື່ນໆອ້ອມຂ້າງແຂວງລວມມີ 12 ຄະນະ ໄດ້ເຂົ້າວາງພວງມາລາເພື່ອໄຫວ້ອາໄລເຖິງເຖິງດວງວິນຍານ ຂອງສະຫາຍ ເຈີ່ນດ້າຍ ກວາງ ປະທານປະເທດ ສສ ຫວຽດນາມ ເຊິ່ງເສຍຊີວິດໃນວັນທີ 22 ກັນຍາ 2018 ລວມອາຍຸ ໄດ້ 62 ປີ.
ສະຫາຍ ເຈິ່ນ ດ໋າຍ ກວາງ ເປັນຜູ້ໜຶ່ງທີ່ປະກອບສ່ວນອັນສໍາຄັນ ເຂົ້າໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ຂອງ ສສ.ຫວຽດນາມ ໂດຍສະເພາະ ໃນຂົງ ເຂດ ວຽກງານປ້ອງກັນຊາດ, ປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ ພາຍໃນ ຂອງ ສສ.ຫວຽດນາມ. ສະຫາຍ ເຈິ່ນ ດ໋າຍ ກວາງ ຍັງເປັນຜູ້ໜຶ່ງ ທີ່ປະກອບສ່ວນອັນສຳຄັນ ເຂົ້າໃນການ ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມື ຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຕະຫລອດມາ.
ໃນຊວງເວລາໂສກເສົ້າອາໄລຢ່າງສຸດຊຶ້ງນີ້, ຄະນະນຳພັກແຂວງສະຫວັນນະເຂດ ແລະ ປະຊາຊົນຊາວແຂວງສະຫວັນນະເຂດທຸກທົ່ວໜ້າ ສະແດງຄວາມອາໄລອາວອນຢ່າງສຸດຊຶ້ງ ແລະ ຂໍແບ່ງເບົາຄວາມທຸກ ເສົ້າໂສກເສຍໃຈ ມາຍັງ ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ລັດຖະບານ ແຫ່ງ ສາທາລະນະລັດ ສັງຄົມນິຍົມຫວຽດນາມ, ແລະ ປະຊາຊົນຫວຽດນາມອ້າຍນ້ອງ, ໂດຍສະເພາະຕໍ່ຄອບຄົວ, ຍາດຕິພີ່ນ້ອງ ແລະ ເພື່ອນມິດ ສະຫາຍ ເຈິ່ນດ໋າຍ ກວາງ ມານະໂອກາດນີ້ດ້ວຍ.
（ຫັດທະບູນ）
