ປ່ຽນແປງໃໝ່ເນື້ອໃນ, ວິທີການເຄື່ອນໄຫວ ຂອງລະບົບແນວໂຮມປະເທດຊາດທຸກຂັ້ນ

	ຮັກສາບົດບາດກຳນົດທິດທາງ ແລະ ນຳພາຂະແໜງວິທະຍາສາດ ເຕັກໂນໂລຊີ ຫວຽດນາມ
	ກົດໝາຍວ່າດ້ວຍການປ້ອງກັນ ແລະ ຕ້ານໄພພິບັດສະບັບໃໝ່ ມຸ່ງໄປສູ່ການຄຸ້ມຄອງຄວາມສ່ຽງ ແລະ ການຫັນເປັນດິຈິຕອນ

ທ່ານ ຮອງປະທານຄະນະກຳມະການສູນກາງແນວໂຮມປິຕຸພູມ ຫວຽດນາມ ຮ່ວາງກົງຖຸຍ ກ່າວປາໄສຊີ້ນຳກອງປະຊຸມ.

ຕາມທັດສະນະຂອງທ່ານ ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຮ່ວາງກົງຖຸຍ ແລ້ວ, ກອງປະຊຸມຄັ້ງນີ້ມີຄວາມໝາຍອັນສຳຄັນຍິ່ງ, ແມ່ນບັ້ນດຳເນີນຊີວິດການເມືອງຢ່າງເລິກເຊິ່ງ ແລະ ກວ້າງຂວາງ ຢູ່ພາຍໃດທົ່ວລະບົບແນວໂຮມ. ຜ່ານກອງປະຊຸມ, ຖັນແຖວພະນັກງານແນວໂຮມທຸກຂັ້ນ ຈະກຳແໜ້ນບັນດາເນື້ອໃນຈິດໃຈຫຼັກແຫຼ່ງ, ບັນດາຈຸດໃໝ່ ພາຍໃດມະຕິຂອງກອງປະຊຸມໃຫຍ່; ຈາກນັ້ນ ສ້າງຄວາມເປັນເອກະພາບທາງດ້ານຄວາມຮັບຮູ້, ຄວາມເດັດດ່ຽວໜຽວແໜ້ນທາງດ້ານການເມືອງ ແລະ ການກະທຳ, ຮັບປະກັນການນຳເອົາມະຕິຂອງກອງປະຊຸມໃຫຍ່ ເຂົ້າສູ່ຊີວິດຕົວຈິງໂດຍໄວ.

ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສະເໜີໃຫ້ບັນດາຜູ້ແທນ ເສີມຂະຫຍາຍຈິດໃຈຄວາມຮັບຮັບຜິດຊອບ, ສຸມໃສ່ຄົ້ນຄວ້າ, ແລກປ່ຽນ, ສົນທະນາຢ່າງເລິກເຊິ່ງ ຕໍ່ກັບບັນດາເນື້ອໃນທີ່ໄດ້ຮັບການຖ່າຍທອດ; ຕິດພັນຢ່າງສະໜິດແໜ້ນກັບພຶດຕິກຳຕົວຈິງ ພາຍໃດວຽກງານຂອງທ້ອງຖິ່ນ, ຫົວໜ່ວຍຕົນເອງ; ເຮັດໃຫ້ຈະແຈ້ງບັນດາໜ້າທີ່ຈຸດສຸມ, ວິທີການແກ້ໄຂແບບບຸກທະລຸ ເພື່ອຈັດຕັ້ງປະຕິບັດມະຕິຂອງກອງປະຊຸມໃຫຍ່ ຢູ່ພາຍໃດທົ່ວລະບົບໃຫ້ມີປະສິດທິຜົນ.

ບັນດາຜູ້ແທນ ຈຳເປັນຕ້ອງສຸມໃສ່ກຳແໜ້ນຢ່າງເລິກເຊິ່ງ ບັນດາໜ້າທີ່ກ່ຽວກັບການເສີມຂະຫຍາຍປະຊາທິປະໄຕສັງຄົມນິຍົມ; ເພີ່ມທະວີຄວາມເປັນເອກະພາບພາຍໃດສັງຄົມ; ຍົກສູງຄຸນນະພາບວຽກງານການຕິດຕາມກວດກາ ແລະ ວິພາກສັງຄົມ; ເຂົ້າຮ່ວມການສ້າງສາພັກ, ສ້າງສາລັດ; ຊຸກຍູ້ບັນດາຂະບວນການແຂ່ງຂັນຮັກຊາດ, ບັ້ນຂົນຂວາຍຕ່າງໆ; ເສີມຂະຫຍາຍບົດບາດຂອງບັນດາການຈັດຕັ້ງພາກສ່ວນສະມາຊິກ, ຊັ້ນຄົນຕ່າງໆພາຍໃດສັງຄົມ, ພີ່ນ້ອງບັນດາເຜົ່າ, ສາສະໜາ, ຊາວຫວຽດນາມຢູ່ຕ່າງປະເທດ; ສ້າງສາລະບົບແນວໂຮມ ໃຫ້ມີຄວາມກະທັດຮັດ, ເປັນມືອາຊີບ, ທັນສະໄໝ, ເຄື່ອນໄຫວຢ່າງມີສະມັດຖະພາບ, ສັກສິດ, ສະມັດຖະຜົນ ແລະ ມີປະສິດທິຜົນຢ່າງແທ້ຈິງ.

ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສະເໜີໃຫ້ບັນດາຜູ້ແທນ ຮີບຮ້ອນຜັນຂະຫຍາຍມະຕິ ແລະ ແຜນງານການກະທຳຂອງກອງປະຊຸມໃຫຍ່ ໃຫ້ກາຍເປັນບັນດາແຜນງານ, ແຜນການວຽກງານ ທີ່ສອດຄ່ອງກັບເງື່ອນໄຂຕົວຈິງຂອງແຕ່ລະທ້ອງຖິ່ນ, ຫົວໜ່ວຍ; ກຳນົດຈະແຈ້ງຄວາມຮັບຜິດຊອບ, ແຜນວາດການດຳເນີນງານ ແລະ ໝາກຜົນຂາອອກ, ຮັບປະກັນຄວາມເປັນໄປໄດ້ ແລະ ປະສິດທິຜົນ ພາຍໃດການຈັດຕັ້ງປະຕິບັດ.

ຢູ່ພາຍໃດກອງປະຊຸມ, ບັນດາຜູ້ແທນໄດ້ຮັບການເຜີຍແຜ່, ກຳແໜ້ນບັນດາເນື້ອໃນພື້ນຖານ ພ້ອມດ້ວຍໜ້າທີ່, ວິທີການແກ້ໄຂ ພາຍໃດເອກະສານກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ອາຍຸການ 2026-2031; ແຜນງານການກະທຳຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ ກ່ຽວກັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI; ໄດ້ຮັບການແນະນຳການນຳໃຊ້ບາງແພລດຟອມດິຈິຕອນ (Digital platforms) ຂອງແນວໂຮມປະເທດຊາດ ຫວຽດນາມ; ໃນຂະນະດຽວກັນ ກໍໄດ້ຮ່ວມກັນແລກປ່ຽນ, ສົນທະນາບັນດາເນື້ອໃນທີ່ໄດ້ຮັບການຖ່າຍທອດ, ຜ່ານນັ້ນ ສ້າງຄວາມເປັນເອກະພາບທາງດ້ານຄວາມຮັບຮູ້, ຍົກສູງຄວາມຮັບຜິດຊອບ ແລະ ຄວາມເດັດດ່ຽວໜຽວແໜ້ນທາງດ້ານການເມືອງ ຂອງຖັນແຖວພະນັກງານແນວໂຮມທຸກຂັ້ນ ພາຍໃດການຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI.

ພາບລວມຂອງກອງປະຊຸມ.

ໃນຕອນບ່າຍຂອງວັນດຽວກັນ, ຄະນະກຳມະການແນວໂຮມປະເທດຊາດ ຫວຽດນາມ ກຸ່ມແຂ່ງຂັນບັນດາແຂວງເຂດພູດອຍ ແລະ ທົ່ງພຽງແມ່ນ້ຳແດງ ໄດ້ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ 2026. ໃນໄລຍະ 6 ເດືອນຜ່ານມາ, ພາຍໃຕ້ຄວາມເອົາໃຈໃສ່ ແລະ ການແນະນຳຈາກຄະນະປະຈຳການ ຄະນະກຳມະການສູນກາງແນວໂຮມປະເທດຊາດ ຫວຽດນາມ ພ້ອມກັບການນຳພາ, ຊີ້ນຳ ແລະ ສ້າງເງື່ອນໄຂອຳນວຍຄວາມສະດວກຈາກຄະນະພັກແຂວງ, ແນວໂຮມປະເທດຊາດ ບັນດາແຂວງພາຍໃດກຸ່ມແຂ່ງຂັນ ແມ່ນໄດ້ຕັ້ງໜ້າ ແລະ ເປັນເຈົ້າການພາຍໃດການຜັນຂະຫຍາຍຈັດຕັ້ງປະຕິບັດໜ້າທີ່, ບັນລຸໄດ້ໝາກຜົນອັນສຳຄັນ ແລະ ພົ້ນເດັ່ນ ເຊັ່ນ: ວຽກງານຂໍ້ມູນຂ່າວສານ, ການໂຄສະນາເຜີຍແຜ່ ໄດ້ຮັບການປ່ຽນແປງໃໝ່ຢ່າງຕໍ່ເນື່ອງ, ເພີ່ມທະວີການນຳໃຊ້ການຫັນເປັນດິຈິຕອນ ເພື່ອຍົກສູງປະສິດທິຜົນການໂຄສະນາ, ເປັນພິເສດແມ່ນກ່ຽວກັບ ມະຕິກອງປະຊຸມໃຫຍ່ຂອງພັກ, ມະຕິກອງປະຊຸມໃຫຍ່ຜູ້ແທນແນວໂຮມປະເທດຊາດ ຫວຽດນາມ ແລະ ບັນດາການຈັດຕັ້ງການເມືອງ - ສັງຄົມທຸກຂັ້ນ.

ແນວໂຮມປະເທດຊາດ ທຸກຂັ້ນ ໄດ້ຕັ້ງໜ້າເຂົ້າຮ່ວມການຈັດຕັ້ງການເລືອກຕັ້ງສະມາຊິກສະພາແຫ່ງຊາດ ຊຸດທີ XVI ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2026-2031 ໃຫ້ປະສົບຜົນສຳເລັດຢ່າງຈົບງາມ ດ້ວຍອັດຕາສ່ວນຜູ້ມີສິດປ່ອນບັດໄປໃຊ້ສິດໃນລະດັບສູງ, ເລືອກຕັ້ງໄດ້ຄົບຕາມຈຳນວນ, ຖືກຕ້ອງຕາມໂຄງປະກອບ ແລະ ບໍ່ມີຫົວໜ່ວຍໃດທີ່ຕ້ອງຈັດການເລືອກຕັ້ງຄືນໃໝ່. ວຽກງານການຕິດຕາມກວດກາ, ວິພາກສັງຄົມ, ການປະກອບຄຳເຫັນ ແລະ ເຂົ້າຮ່ວມການສ້າງສາພັກ, ສ້າງສາອຳນາດການປົກຄອງ ຂອງແນວໂຮມປະເທດຊາດ ຫວຽດນາມ ແລະ ບັນດາການຈັດຕັ້ງພາກສ່ວນສະມາຊິກ ແມ່ນໄດ້ຮັບການຈັດຕັ້ງປະຕິບັດຢ່າງຕັ້ງໜ້າ, ຮັບປະກັນທາງດ້ານຄຸນນະພາບ ແລະ ປະສິດທິຜົນ, ທັງໄດ້ຮັບການຮັບຮູ້ ແລະ ຕີລາຄາສູງຈາກຄະນະພັກ, ອຳນາດການປົກຄອງທຸກຂັ້ນ.

ບັນດາບັ້ນຂົນຂວາຍ ແລະ ຂະບວນການແຂ່ງຂັນຮັກຊາດ ໄດ້ສືບຕໍ່ຜັນຂະຫຍາຍຢ່າງກວ້າງຂວາງ ແລະ ເລິກເຊິ່ງລົງຮອດຮາກຖານ, ດຶງດູດປະຊາຊົນເຂົ້າຮ່ວມ ແລະ ສະໜັບສະໜູນຢ່າງຫຼວງຫຼາຍ; ວຽກງານການເບິ່ງແຍງດູແລຜູ້ທຸກຍາກ, ສະຫວັດດິການສັງຄົມ ແລະ ການບັນເທົາທຸກ ໄດ້ຮັບການຈັດຕັ້ງປະຕິບັດຢ່າງທັນການ, ຖືກເປົ້າໝາຍ, ອັນໄດ້ນຳມາເຊິ່ງປະສິດທິຜົນຕົວຈິງ.

ຄຽງຂ້າງນັ້ນ, ເນື້ອໃນ ແລະ ວິທີການເຄື່ອນໄຫວຂອງແນວໂຮມປະເທດຊາດ ທຸກຂັ້ນ ກໍໄດ້ຮັບການປ່ຽນແປງໃໝ່ຢ່າງຕໍ່ເນື່ອງ, ທີ່ພົ້ນເດັ່ນແມ່ນການນຳໃຊ້ເຕັກໂນໂລຊີຂໍ້ມູນຂ່າວສານ ແລະ ການຫັນເປັນດິຈິຕອນ ຢູ່ພາຍໃດລະບົບທີ່ມີການຫັນປ່ຽນຢ່າງຕັ້ງໜ້າ, ປະກອບສ່ວນຍົກສູງຄຸນນະພາບ, ປະສິດທິຜົນວຽກງານ, ເປັນກ້າວໆເພື່ອຕອບສະໜອງໄດ້ຕາມຂໍ້ກຳນົດໜ້າທີ່ພາຍໃດສະພາບການໃໝ່.

ມອບຫ້ອງຄອມພິວເຕີອັດສະລິຍະ ໃຫ້ແກ່ໂຮງຮຽນ Kiwanja cha Ndege Dodoma CC (Tanzania) ຍສໝ - ພາຍໃດຂອບເຂດການໄປເຄື່ອນໄຫວວຽກງານ ຢູ່ທີ່ນະຄອນຫຼວງບໍລິຫານ Dodoma, ທ່ານນາງເອກອັກຄະລັດຖະທູດຫວຽດນາມ ປະຈຳ Tanzania ຫວູ ແທັງຮວຽນ ໄດ້ເຂົ້າຮ່ວມພິທີເປີດນຳໃຊ້ ແລະ ມອບຫ້ອງຄອມພິວເຕີອັດສະລິຍະ (Smart Computer Lab) ໃຫ້ແກ່ໂຮງຮຽນ Kiwanja cha Ndege Dodoma CC.

ຊຸກຍູ້ສາຍພົວພັນການຮ່ວມມື ລະຫວ່າງ ກວາງນິງ ແລະ Hokkaido ຍສໝ - ວັນທີ 23 ມິຖຸນາ, ທ່ານເລຂາຄະນະພັກແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ ກວາງນິງ ກວ່ານມິງເກືອງ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ Takebe Tsutomu, ທີ່ປຶກສາພິເສດພັນທະມິດສະມາຊິກສະພາແຫ່ງຊາດມິດຕະພາບ ຍີ່ປຸ່ນ - ຫວຽດນາມ, ທີ່ປຶກສາພິເສດຂອງມະຫາວິທະຍາໄລ ຮ້າລອງ.