ຈຳນວນວັດຖຸເຄື່ອງມືທາງການແພດດັ່ງກ່າວ ແມ່ນມາຈາກສະຖານກົງສຸນໃຫຍ່ຫວຽດນາມ ປະຈຳເມືອງກົນໝິງ (ຈີນ), ທີ່ໄດ້ລະດົມຂົນຂວາຍການສະໜັບສະໜູນການປະກອບສ່ວນ ຂອງລັດຖະບານ ແລະ ບັນດາວິສາຫະກິດ.
ເນື່ອງໃນໂອກາດນີ້, ສະຖານກົງສຸນໃຫຍ່ຫວຽດນາມປະຈຳເມືອງ ກົນໝິງ (ສປ.ຈີນ) ໄດ້ຮ່ວມມືຢ່າງ ແໜ້ນແຟ້ນກັບພະແນກການຕ່າງປະເທດແຂວງຮ່າຢາງ, ໃນເວລາສັ້ນໆ ໄດ້ປະສົບຜົນສຳເລັດໃນການລະດົມຂອງຄະນະຊີ້ນຳການປ້ອງກັນການລະບາດຂອງແຂວງເວີນນານ ແລະ ແຂວງວັນເສີນ (ປະເທດຈີນ) ແລະ ກຸ່ມບໍລິສັດຂະໜາດໃຫຍ່ 2 ແຫ່ງຂອງແຂວງເວີນນານ ໄດ້ສະໜັບສະໜູນແຂວງຮ່າຢາງ ພ້ອມດ້ວຍອຸປະກອນການແພດຫຼາຍຢ່າງ, ຄື: ຜ້າບັງປາກ N95 ຈຳນວນຫຼາຍກວ່າ 30.000 ແຜ່ນ; ຊຸດປ້ອງກັນພະຍາດ 1.000 ຊຸດ; ນໍ້າຢາຂ້າເຊື້ອ 400kg.
 |
| ແຂວງ ເວີນນານ (ປະເທດຈີນ) ໄດ້ມອບຜ້າບັງປາກໃຫ້ແຂວງ ຮ່າຢາງ ເພື່ອສະກັດກັ້ນຕໍ່ກັບ COVID-19 |
ກ່າວຄຳເຫັນທີ່ພິທີ, ທ່ານນາງ ຫຼິຖິລານ - ຫົວໜ້າພະແນກການຕ່າງປະເທດ ໄດ້ຮັບຮູ້ ແລະ ຕີລາຄາສູງຕໍ່ການປະສານງານ, ຕິດຕໍ່ພົວພັນເປັນປົກກະຕິ, ສະໜອງຂໍ້ມູນຂ່າວສານ ແລະ ການສະໜັບສະໜູນໃຫ້ແຂວງຮ່າຢາງໃນທຸກຂົງເຂດ, ໂດຍສະເພາະ ແມ່ນການປ້ອງກັນ ແລະ ຄວບຄຸມ COVID-19 ໂດຍກົງສຸນໃຫຍ່ຫວຽດນາມປະຈຳເມືອງ ກົນໝິງ (ສປ.ຈີນ).
ພ້ອມດຽວກັນນີ້, ທ່ານນາງ ຫຼິຖິລານ ໄດ້ສະແດງຄວາມຂອບອົກຂອບໃຈຕໍ່ການສະໜັບສະໜູນຢ່າງທັນການ ຂອງຄະນະກຳມະການຊີ້ນຳການປ້ອງກັນການລະບາດຂອງແຂວງຢຸນນານ, ຫ້ອງການການຕ່າງປະເທດ ວັນເສີນ (ສປ.ຈີນ) ໃນໄລຍະທີ່ຜ່ານມາ. ຜ່ານການປະສານສົມທົບກັນ ໃນການປ້ອງກັນການລະບາດ, ພ້ອມທັງຈັດຕັ້ງປະຕິບັດວິທີແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ທຸລະກິດ ແລະ ການສົ່ງອອກສິນຄ້າລະຫວ່າງສອງຝ່າຍ ໄດ້ປະກອບສ່ວນຮັກສາສາຍພົວພັນມິດຕະພາບທີ່ເປັນມູນເຊື້ອ, ຊຸກຍູ້ການຮ່ວມມືເພື່ອພັດທະນາເສດຖະກິດລະຫວ່າງສອງທ້ອງຖິ່ນ.
ການມອບເຄື່ອງອຸປະກອນການແພດໂດຍແຂວງຢຸນນານໃຫ້ການປ້ອງກັນການລະບາດພະຍາດ Covid-19 ແຂວງ ຮ່າຢາງ ໃນຊ່ວງເວລາທີ່ບັນດາແຂວງ, ນະຄອນຂອງຫວຽດນາມ ກຳລັງປະສົບກັບສະພາບການຜັນແປທີ່ສັບສົນຍ້ອນພະຍາດດັ່ງກ່າວໄດ້ປະກອບສ່ວນຮັດແໜ້ນຄວາມມິດຕະພາບລະຫວ່າງສອງທ້ອງຖິ່ນ, ສະແດງໃຫ້ເຫັນຄວາມວິຕົກກັງວົນ ແລະແບ່ງປັນຄວາມຫຍຸ້ງຍາກເຊິ່ງສອງທ້ອງຖິ່ນພວມປະເຊີນໜ້າ...
 | COVID-19: ນຳສົ່ງພົນລະເມືອງຫວຽດນາມ 368 ຄົນ ຈາກມາກາວ (ປະເທດຈີນ) ກັບຄືນປະເທດ ຍສໝ - ໃນວັນທີ 28 ພະຈິກ, ບັນດາອົງການທີ່ມີໜ້າທີ່ຫວຽດນາມ, ສະຖານກົງສຸນໃຫຍ່ຫວຽດນາມ ປະຈຳ ໄຕ້ຫວັນ ແລະ ສາຍການບິນແຫ່ງຊາດຫວຽດນາມ ໄດ້ຮ່ວມມືກັບ ບັນດາອົງການທີ່ມີໜ້າທີ່ມາກາວ ເພື່ອນຳສົ່ງພົນລະເມືອງຫວຽດນາມ 368 ຄົນກັບເມືອບ້ານຢ່າງປອດໄພ. |
 | ພະຍາດ COVID -19: ນຳສົ່ງພົນລະເມືອງຫວຽດນາມ ຈາກປະເທດເຢຍລະມັນ ແລະ ໂຮງລັງ ກັບຄືນບ້ານ ຍສໝ - ຜູ້ໂດຍສານໃນຖ້ຽວບິນທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ, ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ. |
 | 63 ມື້ແລ້ວທີ່ ຫວຽດນາມບໍ່ພົບຜູ້ຕິດເຊື້ອພະຍາດ Covid – 19 ໃໝ່ໃນຊຸມຊົນ ໄລ່ຮອດຕອນບ່າຍວັນທີ 4 ພະຈິກ, ຫວຽດນາມໄດ້ປິ່ນປົວຜູ້ຕິດເຊື້ອພະຍາດໂຄວິດ - 19 ຫາຍດີ 1069/1206 ຄົນ. |
ຄຳຮຸ່ງ
