ສະຫະພັນບັນດາສະມາຄົມມິດຕະພາບ

ສະຖານທູດຫວຽດນາມ ປະຈຳຊາອຸດີອາຣາເບຍ ເປີດຫ້ອງແນະນຳຜະລິດຕະພັນສົ່ງອອກ

14:58 | 27/03/2021

ຍສໝ - ເພື່ອຊຸກຍູ້ການສົ່ງອອກຂອງຫວຽດນາມ ໄປຍັງຊາອຸດີອາຣາເບຍ ແລະ ພາກພື້ນຕາເວັນອອກກາງ, ໃນວັນທີ 23 ມີນາ, ສະຖານທູດຫວຽດນາມ ປະຈຳຊາອຸດີອາຣາເບຍ ໄດ້ຈັດພິທີເປີດຫ້ອງແນະນຳຜະລິດຕະພັນສົ່ງອອກ.

ສະຖານທູດຫວຽດນາມ ເຮັດວຽກກັບບັນດາຄູ່ຮ່ວມມືປະເທດໂຮນລັງ ເພື່ອຊຸກຍູ້ການຮ່ວມມືສອງຝ່າຍ
ປະຊາຄົມຊາວຫວຽດນາມຢູ່ ພູເກັດ (ປະເທດໄທ) ປາດຖະໜາຢາກຊຸກຍູ້ການຮ່ວມມືກັບຫວຽດນາມ

ຜະລິດຕະພັນທີໄດ້ແນະນຳໃນຄັ້ງນີ້ ມີບັນດາຜະລິດຕະພັນຂອງຂະແໜງການກະສິກຳ ແລະ ປ່າໄມ້, ແລະ ອາຫານປຸງແຕ່ງ, ເຊັ່ນ: ເຂົ້າສານ, ໝີ່, ກາເຟ, ຊາ, ໄມ້ເກດສະໜາ, ຢາຮາກໄມ້, ອາຫານທະເລເປັນກະປອງ, ເຂົ້າໜົມ; ຜະລິດຕະພັນຂອງຂະແໜງການຕັດຫຍິບ ແລະ ແຟຊັ່ນ; ຜະລິດຕະພັນສຳລັບການກໍ່ສ້າງ, ເຄື່ອງເຟີນີເຈີ; ເຄື່ອງໃຊ້ທາງການແພດ, ການປ້ອງກັນການລະບາດຂອງ COVID-19 ແລະ ຜະລິດຕະພັນທີ່ຫຼາກຫຼາຍອື່ນໆ.

ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ
ສະຖານທູດຫວຽດນາມ ປະຈຳອຸດີອາຣາເບຍ ເປີດຫ້ອງແນະນຳຜະລິດຕະພັນສົ່ງອອກ. (ພາບ: baoquocte)

ເຂົ້າຮ່ວມພິທີເປີດຫ້ອງແນະນຳຜະລິດຕະພັນສົ່ງອອກດັ່ງກ່າວ ມີທ່ານລັດຖະມົນຕີຊ່ວຍວ່າການກະຊວງເສດຖະກິດ ແລະ ແຜນການ ຊາອຸດີອາຣາເບຍ, ທ່ານ Bandar Alkhamies; ເລຂາທິການໃຫຍ່ຂອງສະພາການຄ້າ ແລະ ອຸດສາຫະກຳ ຊາອຸດິອາຣາເບຍ, ທ່ານ Khalid Alyahya; ຜູ້ຕາງໜ້າ ກະຊວງການຕ່າງປະເທດ.

ເນື່ອງຈາກປ້ອງກັນພະຍາດ ເຮັດໃຫ້ຈຳກັດຈຳນວນຜູ້ເຂົ້າຮ່ວມ, ມີພຽງແຕ່ວິສາຫະກິດ 20 ແຫ່ງຂອງຊາອຸດິອາຣາເບຍ ເທົ່ານັ້ນທີ່ໄດ້ເຊີນເຂົ້າຮ່ວມຢ່າງໂດຍກົງ, ແລະ ມີວິສາຫະກິດຈຳນວນໜຶ່ງ ໄດ້ເຂົ້າຮ່ວມດ້ວຍຮູບການຖ່າຍທອດສົດ.

ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ

(ພາບ: baoquocte)

ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ
ທ່ານເອກອັກຄະລັດຖະທູດຫວຽດນາມ ປະຈຳຊາອຸດີອາຣາເບຍ ຫວູຫວຽດຢູງ ແນະນຳຜະລິດຕະພັນສົ່ງອອກ. (ພາບ: baoquocte)

ກ່າວຄຳເຫັນທີ່ພິທີເປີດ, ທ່ານເອກອັກຄະລັດຖະທູດຫວຽດນາມ ປະຈຳຊາອຸດີອາຣາເບຍ ຫວູຫວຽດຢູງ ໄດ້ເນັ້ນໜັກວ່າ, ການຄ້າລະຫວ່າງສອງປະເທດ ຍັງແມ່ນຄວາມຕ້ອງການທີ່ຂາດບໍ່ໄດ້ ເຖິງແມ່ນວ່າການລະບາດຂອງ COVID-19 ພວມສົ່ງຜົນສະທ້ອນຢ່າງໃຫຍ່ຫຼວງ, ສະນັ້ນສະຖານທູດຫວຽດນາມ ປະຈຳຊາອຸດີອາຣາເບຍ ໄດ້ຮຽກຮ້ອງ, ຂົນຂວາຍໃຫ້ມີຂະບວນການໃນຄັ້ງນີ້ມີ 60 ກວ່າວິສາຫະກິດຫວຽດນາມ ນໍາຜະລິດຕະພັນສົ່ງອອກມາແນະນຳ, ຫວັງວ່າ ບັນດາວິສາຫະກິດຊາອຸດີອາຣາເບຍ ຈະກຳນົດຄວາມຕ້ອງການຂອງຕະຫຼາດທ້ອງຖິ່ນ ແລະ ເຊື່ອມຕໍ່ກັບບັນດາວິສາຫະກິດຫວຽດນາມ ທີ່ຕະຫຼາດປະຈຳຖິ່ນ ເພື່ອບັນລຸໄດ້ຜົນປະໂຫຍດເຊິ່ງກັນ ແລະ ກັນ. ສະຖານທູດຫວຽດນາມ ປະຈຳຊາອຸດີອາຣາເບຍ ແມ່ນກຽມພ້ອມຮ່ວມເດີນທາງກັບບັນດາວິສາຫະກິດຂອງທັງສອງປະເທດ.

ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ
(ພາບ: baoquocte)

ຜູ້ຕາງໜ້າກະຊວງເສດຖະກິດ ແລະ ແຜນການ, ທ່ານຮອງລັດຖະມົນຕີ Bandar Alkhamies ໄດ້ຕີລາຄາສູງການເປີດຫ້ອງແນະນຳຜະລິດຕະພັນໃນຄັ້ງນີ້ຂອງຫວຽດນາມ, ຖືວ່ານີ້ແມ່ນກິດຈະກຳທີ່ແທດຈິງ ເພື່ອໂຄສະນາສິນຄ້າຂອງຫວຽດນາມ ອອກສະເໜີຕົວສູ່ຕະຫລາດໃນໄລຍະເກີດໂລກລະບາດ COVID-19.

ສະຖານທູດໄດ້ຈັດຕັ້ງການເຊື່ອມຕໍ່ພົວພັນການຄ້າ B2B ດ້ວຍຫູບການທາງອິນເຕີເນັດ ລະຫວ່າງວິສາຫະກິດມີສິນຄາ້ທີ່ເປັນແບບຢ່າງ.

ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ
(ພາບ: baoquocte)
ສະຖານທູດຫວຽດນາມ ປະຈຳຊາອຸດີອາຣາເບຍ  ເປີດຫ້ອງແນະນຳຜະລິດຕະພັນສົ່ງອອກ
(ພາບ: baoquocte)

ຜ່ານເຫດການດັ່ງກ່າວ, ບັນດາບັນດາວິສາຫະກິດອາຣັບ ໄດ້ຮັບຮູ້ຄຸນນະພາບ ແລະ ຮູບແບບຂອງຜະລິດຕະພັນຫວຽດນາມ, ເຊັ່ນ: ໝາກມັງກອນ, ໝາກນາວທີ່ບໍ່ມີແກ່ນ, ເຂົ້າສານ, ກາເຟ, ໝາກ ພິກໄທ, ເຂົ້າໜົມທັນຍາຫານຫ້າຊະນິດ, ແຜ່ນແພ, ອຸປະກອນປ້ອງກັນພະຍາດ…

ສະຖານທູດຫວຽດນາມ ເພີ່ມທະວີການຮ່ວມມືກັບມະຫາວິທະຍາໄລ FHNW ປະເທດສະວິດເຊີແລນ

ຍສໝ - ຄະນະກຳມະການຂອງມະຫາວິທະຍາໄລ FHNW ໄດ້ສະແດງຄວາມປາດຖະໜາ ຢາກສົມທົບກັບສະຖານທູດຫວຽດນາມ ປະຈຳສະວິດເຊີແລນ ຈັດຕັ້ງບັນດາການເຄື່ອນໄຫວແທດຈິງ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ສະວິດເຊີແລນ ໃນປີ 2021.

ມອບຫຼຽນໄຊມິດຕະພາບໃຫ້ແກ່ທ່ານ Siegfried Kaulfuß - ຊາວເຢຍລະມັນຜູ້ທີ່ຫ່ວງໃຍກັບກາເຟຫວຽດນາມ

ຍສໝ - ເມື່ອບໍ່ດົນມານີ້, ຢູ່ສຳນັກງານໃຫຍ່ຂອງສະຖານທູດຫວຽດນາມ ປະຈຳ Berlin, ໄດ້ຈັດຕັ້ງພິທີມອບລາງວັນຫຼຽນໄຊມິດຕະພາບໃຫ້ແກ່ທ່ານ Siegfried Kaulfuß, ເຢຍລະມັນຜູ້ທີ່ຫ່ວງໃຍກັບກາເຟຂອງຫວຽດນາມ.

ພົບປະແລກປ່ຽນຜ່ານທາງອອນລາຍ ກັບປະຊາຄົມຊາວຫວຽດນາມຢູ່ອິນໂດເນເຊຍ ເນື່ອງໃນໂອກາດ ປີໃໝ່ 2021

ຍສໝ - ເມື່ອບໍ່ດົນມານີ້, ສະຖານທູດຫວຽດນາມ ປະຈຳອິນໂດເນເຊຍ ໄດ້ຈັດງານສະເຫຼີມສະຫຼອງປີໃໝ່ 2021 ດ້ວຍຮູບການຖ່າຍທອດສົດ ໂດຍມີບັນຍາກາດທີ່ອົບອຸ່ນ ແລະ ສະໜິດສະໜົມບ້ານເກີດເມືອງນອນ.

ຄຳຮຸ່ງ

ທ່ານອາດຈະມັກ

ເຫດການ