ມອບ-ຮັບຕໍາແໜ່ງປະທານຄະນະກໍາມະການອາຊຽນ ປະຈໍາ Caracas ໃຫ້ແກ່ປະເທດ ອິນໂດເນເຊຍ
	ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ສົ່ງສານສະແດງຄວາມເສົ້າສະຫຼົດໃຈເຖິງທ່ານປະທານາທິບໍດີອິນໂດເນເຊຍ

ມີປະຊາຊົນກວ່າ 100 ຄົນໄດ້ເຂົ້າຮ່ວມງານສະເຫຼີມສະຫຼອງປີໃໝ່, ລວມມີຊາວຫວຽດນາມອາໄສ ແລະ ເຮັດວຽກ ແລະ ຮ່ຳຮຽນຢູ່ຫລາຍເມືອງຂອງອິນໂດເນເຊຍ, ຕີມໍເລສເຕ ແລະ ຫວຽດນາມ, ພ້ອມດ້ວຍພະນັກງານ, ລັດຖະກອນຂອງບັນດາອົງການຕາງໜ້າຂອງຫວຽດນາມຢູ່ອິນໂດເນເຊຍ.

ກ່າວຄຳເຫັນທີ່ພິທີສະເຫຼີມສະຫຼອງປີໃໝ່, ທ່ານເອກອັກຄະລັດຖະທູດຫວຽດນາມ ປະຈຳອິນໂດເນເຊຍ ຟ້າມວິງກ່ວາງ ໄດ້ແຈ້ງໃຫ້ຊຸມຊົນຮູ້ກ່ຽວກັບສະພາບການຂອງປະເທດ, ບັນດາຜົນງານພົ້ນເດັ່ນຢູ່ພາຍໃນ ແລະ ຕ່າງປະເທດຂອງຫວຽດນາມໃນປີ 2020 ແລະ ຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ທີ່ວາງອອກທິດທາງຍຸດທະສາດຂອງປະເທດມາເຖິງປີ 2030 ດ້ວຍວິໄສທັດຮອດປີ 2045.

ທ່ານເອກອັກຄະລັດຖະທູດຫວຽດນາມ ປະຈຳອິນໂດເນເຊຍ ຟ້າມວິງກ່ວາງ. (ພາບ: baoquocte)

ທ່ານເອກອັກຄະລັດຖະທູດຫວຽດນາມ ປະຈຳອິນໂດເນເຊຍ ຟ້າມວີງກວາງ ໃຫ້ຮູ້ວ່າໃນປີ 2020 ແມ່ນປີທີ່ຫຍຸ້ງຍາກ, ໂດຍສະເພາະແມ່ນການລະບາດຂອງພະຍາດ COVID-19 ໄດ້ສົ່ງຜົນກະທົບທົ່ວໂລກ, ໃນນັ້ນມີຫວຽດນາມ. ເຖິງຢ່າງໃດກໍ່ຕາມ, ພາຍໃຕ້ການນຳພາຂອງພັກ ແລະ ລັດຢ່າງຖືກຕ້ອງ ແລະ ທັນເວລາ, ທິດທາງທີ່ໜັກແໜ້ນຂອງລັດຖະບານ ແລະ ຄວາມສາມັກຄີ ແລະ ເປັນເອກະພາບຂອງທົ່ວປວງຊົນ, ຫວຽດນາມໄດ້ກາຍເປັນໜຶ່ງໃນບັນດາຈຸດທີ່ສົດໃສຂອງໂລກ ເມື່ອປະຕິບັດສຳເລັດທັງສອງເປົ້າໝາຍແມ່ນ ການຄວບຄຸມການລະບາດ COVID -19 ແລະ ການຟື້ນຕົວຂອງເສດຖະກິດ.

ທ່ານເອກອັກຄະລັດຖະທູດຫວຽດນາມ ປະຈຳອິນໂດເນເຊຍ ຟ້າມວີງກວາງ ໄດ້ເນັ້ນໜັກວ່າ, ການພົວພັນສອງຝ່າຍຫວຽດນາມ - ອິນໂດເນເຊຍ ມີບາດກ້າວພັດທະນາສຳຄັນ. ໃນສະພາບການຖືກຜົນສະທ້ອນຢ່າງຮ້າຍແຮງຈາກການລະບາດຂອງພະຍາດ COVID-19, ການຄ້າສອງຝ່າຍຍັງບັນລຸປະມານ 8,2 ຕື້ USD ເມື່ອທຽບໃສ່ກັບປີ 2019 ບັນລຸ 9,1 ຕື້ USD.

ສອງປະເທດຍັງໄດ້ຮ່ວມມືກັນໃນຂອບການຮ່ວມມືລະຫວ່າງອາຊຽນ ແລະ ສະພາຄວາມໝັ້ນຄົງສະຫະປະຊາຊາດ; ໄດ້ຈັດຕັ້ງການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດສອງປະເທດ ດ້ວຍຮູບການທີ່ເໝາະສົມ…

ທ່ານເອກອັກຄະລັດຖະທູດໄດ້ຕີລາຄາສູງຕໍ່ປະຊາຄົມຊາວຫວຽດນາມຢູ່ອິນໂດເນເຊຍ ໃນປີທີ່ຜ່ານມາ, ເຊິ່ງໄດ້ສົ່ງເສີມຈິດໃຈ ແລະ ເຈດຈຳນົງ, ຄຽງຄູ່ກັບອິນໂດເນເຊຍໄດ້ຜ່ານຜ່າທຸກຄວາມຫຍຸ້ງຍາກ ແລະ ສິ່ງທ້າທາຍຕ່າງໆຂອງການລະບາດ ເພື່ອເຮັດໃຫ້ຊີວິດ ແລະ ເສດຖະກິດຟື້ນຟູຢ່າງສະຖຽນລະພາບ.

ທ່ານເອກອັກຄະລັດຖະທູດ ໄດ້ເນັ້ນໜັກວ່າ ລັດຖະບານຫວຽດນາມຍາມໃດກໍ່ຖືປະຊາຄົມຊາວຫວຽດນາມຢູ່ຕ່າງປະເທດ ແມ່ນພາກສ່ວນໜຶ່ງຂອງປະເທດ. ສະຖານທູດຫວຽດນາມ ປະຈຳອິນໂດເນເຊຍ ຍາມໃດກໍ່ເອົາໃຈໃສ່, ສະໜັບສະໜູນ ແລະ ນຳພາປະຊາຊົນໃນກິດຈະກຳປ້ອງກັນຕ້ານພະຍາດ COVID-19 ແລະ ປົກປ້ອງສິດຂອງພົນລະເມືອງ, ແລະຈັດຕັ້ງ 3 ຖ້ຽວບິນເພື່ອນຳ ພົນລະເມືອງ ຫວຽດນາມ ທັງໝົດ 405 ຄົນກັບບ້ານຢ່າງປອດໄພ.

ທ່ານເອກອັກຄະລັດຖະທູດ ຟ້າມວີງກວາງ ກໍ່ປາດຖະໜາວ່າ, ປະຊາຊົນຫວຽດນາມຢູ່ອິນໂດເນເຊຍ ຍາມໃດກໍ່ສະໜັບສະໜູນ, ໄວ້ເນື້ອເຊື່ອໃຈ, ພ້ອມກັນຄຽງບ່າຄຽງໄຫຼ່ກັບປະເທດ ແລະ ປະເທດຊາດເພື່ອປະກອບສ່ວນເຂົ້າໃນການກໍ່ສ້າງ ແລະ ປົກປັກຮັກສາປະເທດ...

ຫວຽດນາມ ແລະ ອິນໂດເນເຊຍ ແນໃສ່ເພີ່ມທະວີການຮ່ວມມືຢ່າງຮອບດ້ານ ຍສໝ - ອິນໂດເນເຊຍ ແລະ ຫວຽດນາມໄດ້ຈັດກອງປະຊຸມທາງຖ່າຍທອດສົດ ເພື່ອແລກປ່ຽນທິດທາງການຮ່ວມມືຂອງສະມາຄົມໃນປີ 2021 ໃນສະພາບການທີ່ສັບສົນຂອງການລະບາດພະຍາດ COVID-19.

ສະເຫຼີມສະຫຼອງ 65 ປີແຫ່ງການພົວພັນທາງການທູດລະຫວ່າງຫວຽດນາມ ແລະ ອິນໂດເນເຊຍ ຢູ່ນະຄອນໂຮ່ຈີມິນ ຍສໝ - ກ່າວຄຳເຫັນທີ່ພິທີ, ທ່ານຫງວຽນແອງຫງອກ - ຮອງປະທານສະມາຄົມມິດຕະພາບຫວຽດນາມ - ອິນໂດເນເຊຍ ຢູ່ ນະຄອນໂຮ່ຈີມິນ ໃຫ້ຮູ້ວ່າ ໃນໄລຍະ 65 ປີທີ່ຜ່ານມາ, ສາຍພົວພັນຫວຽດນາມ - ອິນໂດເນເຊຍນັບມື້ນັບໄດ້ຮັບການເພີ່ມທະວີ ແລະ ພັດທະນາ.

ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ປະດັບຫຼຽນໄຊມິດຕະພາບໃຫ້ແກ່ທ່ານ Ibnu Hadi ເອກອັກຄະລັດຖະທູດອິນໂດເນເຊຍ ປະຈຳ ຫວຽດນາມ ຍສໝ - ນີ້ແມ່ນລາງວັນອັນປະເສີດເລີດລໍ້າຂອງລັດຫວຽດນາມ ແນໃສ່ຮັບຮູ້ຄວາມມານະພະຍາຍາມຂອງທ່ານ Ibnu Hadi ເອກອັກຄະລັດຖະທູດອິນໂດເນເຊຍ ໃນການຊຸກຍູ້ການພົວພັນສອງປະເທດ.