| ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ມີການໂທລະສັບກັບເລຂາທິການໃຫຍ່ພັກກອມມູນິດກູບາ | |
| ເພີ່ມພູນຄູນສ້າງສາຍພົວພັນ ລະຫວ່າງ ສອງປະເທດ ຫວຽດນາມ-ກູບາ |
ໃນຕອນເຊົ້າວັນທີ 16 ມີນາ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິງ ໄດ້ມີການໂທລະສັບກັບ ທ່ານລັດຖະມົນຕີການຕ່າງປະເທດກູບາ Bruno Rodriguez Parrilla ເພື່ອປຶກສາຫາລືທິດທາງ ແລະ ມາດຕະການເພື່ອສືບຕໍ່ເພີ່ມທະວີການພົວພັນມິດຕະພາບ, ການຮ່ວມມືພິເສດລະຫວ່າງສອງປະເທດ.
ໃນການໂອ້ລົມທາງໂທລະສັບ, ທ່ານ ຟ້າມບິ່ງມິງ ໄດ້ສົ່ງຄຳຢ້ຽມຢາມຖາມຂ່າວຂອງການນໍາຂັ້ນສູງຂອງພັກ, ລັດ ແລະລັດຖະບານຫວຽດນາມ ເຖິງການນໍາຂັ້ນສູງຂອງພັກ, ລັດ ແລະລັດຖະບານກູບາ; ຢັ້ງຢືນຫຼັກໝັ້ນສະເໝີຕົ້ນສະເໝີປາຍຂອງຫວຽດນາມ ໃນການຄຽງບ່າຄຽງໄຫຼ່ກັບຄວາມສາມັກຄີ ແລະ ການສະໜັບສະໜູນສຳລັບປະເທດກູບາ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິງ. (ພາບ: YTXVN) |
ທ່ານລັດຖະມົນຕີ Bruno Rodriguez Parrilla ໄດ້ສະແດງໃຫ້ເຫັນວ່າ, ກູບາຖືເປັນສຳຄັນ ແລະ ປາດຖະໜາຢາກເຮັດໃຫ້ສາຍພົວພັນແບບພິເສດ ແລະ ການຮ່ວມມືຮອບດ້ານກັບຫວຽດນາມ ໄດ້ເລິກເຊິ່ງກວ່າເກົ່າ, ພ້ອມທັງຕີລາຄາສູງບັນດາຄວາມມານະພະຍາຍາມຂອງຫວຽດນາມ ໃນການຮັບມືກັບການລະບາດຂອງ COVID-19 ເພື່ອຮັກສາການເຕີບໂຕຂອງເສດຖະກິດ.
ທີ່ການສົນທະນາ, ສອງຝ່າຍໄດ້ຕີລາຄາສູງໝາກຜົນ ຂອງກອງປະຊຸມປຶກສາຫາລືການເມືອງ ຂັ້ນຮອງລັດຖະມົນຕີຕ່າງປະເທດ ຄັ້ງທີ 6, ທີ່ໄດ້ປະຕິບັດດ້ວຍຮູບການຖ່າຍທອດສົດ ໃນວັນທີ 2 ມີນາປີ 2021, ຜ່ານນັ້ນເຫັນດີເປັນເອກະພາບບັນດາໂຄງການຮ່ວມມືສອງຝ່າຍ ທີ່ປະສົບຜົນສຳເລັດ ແລະ ຢ່າງແທດຈິງ.
ລັດຖະມົນຕີການຕ່າງປະເທດສອງທ່ານ ໄດ້ຢືນຢັນຄວາມຕັດສິນໃຈປະຕິບັດບັນດາຄຳໝັ້ນສັນຍາຂັ້ນສູງ ເພື່ອຮັດແໜ້ນຄວາມສາມັກຄີ, ມິດຕະພາບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ກູບາ, ປະຕິບັດຢ່າງມີປະສິດທິຜົນວາລະປະຊຸມສອງຝ່າຍປີ 2021, ໃນນັ້ນເພີ່ມທະວີການແລກປ່ຽນ, ແລກປ່ຽນປະສົບການ ແລະ ປຶກສາຫາລືກ່ຽວກັບບັນດາບັນຫາທີ່ມີຄວາມສົນໃຈລວມ; ປະສານສົມທົບຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາອົງການຈັດຕັ້ງສາກົນ ແລະ ເວທີປາໄສຫຼາຍຝ່າຍ.
 | ຫົວໜ້າຄະນະພົວພັນຕ່າງປະເທດສູນກາງພັກ ພົບປະທາງໄກ ກັບຫົວໜ້າ ຄະນະຈັດຕັ້ງ ແລະ ນະໂຍບາຍສູນກາງພັກກອມມູນິດກູບາ ສອງຝ່າຍໄດ້ເປັນ ເອກະພາບຕີລາຄາສູງ ຕໍ່ສາຍພົວພັນຮ່ວມມື ມິດຕະພາບທີ່ປັນມູນເຊື້ອ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ກູບາ ໃນໄລຍະຜ່ານມາ, ປຶກສາຫາລືກ່ຽວກັບ ທິດທາງການຮ່ວມມື ລະຫວ່າງສອງພັກ ໃນຊຸມປີຕໍ່ໜ້າ, ພ້ອມທັງໄດ້ແລກປ່ຽນ ທັດສະນະ ຕໍ່ສະພາບການພາກພື້ນ ແລະ ສາກົນ ຈຳນວນໜຶ່ງທີ່ສອງຝ່າຍ ມີຄວາມສົນໃຈຮ່ວມກັນ. |
 | ບັນດາການນໍາພັກ, ລັດຫວຽດນາມ ໄດ້ສົ່ງສານອວຍພອນວັນຊາດແຫ່ງ ສາທາລະນະລັດ ກູບາ ຄົບຮອບ 62 ປີ ຍສໝ - ວັນທີ 31 ທັນວາ, ບັນດາການນໍາພັກ, ລັດຫວຽດນາມ ໄດ້ສົ່ງສານອວຍພອນເຖິງບັນດາສະຫາຍການນໍາກູບາ ເນື່ອງໃນໂອກາດສະເຫຼີມສະຫຼອງວັນຊາດແຫ່ງ ສາທາລະນະລັດ ກູບາ ຄົບຮອບ 62 ປີ (1-1-1959 / 1-1-2021). |
 | ເພີ່ມທະວີການເພີ່ມບູນຄູນສ້າງມິດຕະພາບ, ພັດທະນາກາລະໂອກາດຮ່ວມມືລົງທຶນລະຫວ່າງຫວຽດນາມ ແລະກູບາ ຍສໝ - ທ່ານນາງ ກົງສຸນໃຫຍ່ສາທາລະນະລັດກູບາ ປະຈຳ ນະຄອນໂຮ່ຈີມິນ Indira Lopez Arguelles ໄດ້ຢືນຢັນວ່າ ກູບາຍາມໃດກໍ່ພ້ອມແລ້ວທີ່ຈະສືບຕໍ່ຊ່ວຍເຫຼືອຫວຽດນາມໃນບັນດາຂົງເຂດຄື: ການສຶກສາ, ວັດທະນະທຳ, ການທ່ອງທ່ຽວ ແລະ ສາທາລະນະສຸກ. |
ຄຳຮຸ່ງ
