 | ||||
| ພາບປະກອບ (ພາບ: TTXVN) |
ພາຍຫລັງ ສັນຍາການຄ້າເສລີ ລະຫວ່າງຫວຽດນາມ ແລະ ອັງກິດ, ໄອແລນເຫນືອ(UKVFTA) ໄດ້ຮັບການລົງນາມຢ່າງເປັນທາງການໃນວັນທີ 29 ທັນວາປີ 2020 ຢູ່ ລອນດອນ ອັງກິດ, ຫວຽດນາມ ແລະ ອັງກິດ ໄດ້ສຳເລັດລະບຽບການຢູ່ພາຍໃນປະເທດ ໂດຍອະນຸຍາດໃຫ້ປະຕິບັດສັນຍາ ນັບແຕ່ເວລາ 23 ໂມງ GMT ຂອງວັນທີ 31 ທັນວາປີ 2020 (ກົງກັບ 6 ໂມງເຊົ້າ ວັນທີ 1 ມັງກອນປີ 2021 ຕາມເວລາຫວຽດນາມ). ຕາມກະຊວງອຸດສາຫະກຳ ການຄ້າຫວຽດນາມແລ້ວ, ໃນສະພາບການລາຊະອານາຈັກ ອັງກິດ ໄດ້ຖອນຕົວອອກຈາກ ສະຫະພາບເອີລົບ ຢ່າງເປັນທາງການ ແລະ ໄລຍະສົ່ງຜ່ານເກືອບຈະສິ້ນສຸດລົງ (ວັນທີ 31 ທັນວາ 2020) ເລື່ອງປະຕິບັດສັນຍາ UKVFTA ໂດຍຊົ່ວຄາວ ຈະຮັບປະກັນການຄ້າສອງຝ່າຍ ລະຫວ່າງຫວຽດນາມ ແລະ ອັງກິດ ບໍ່ຖືກຕັດຕອນ ພາຍຫລັງສິ້ນສຸດໄລຍະສົ່ງຜ່ານໃນຂະນະສອງຝ່າຍສືບຕໍ່ສຳເລັດບັນດາລະບຽບການຢູ່ພາຍໃນປະເທດໃຫ້ສອດຄ່ອງກັບຂໍ້ກຳນົດຂອງກົດໝາຍແຕ່ລະຝ່າຍ.
ໃນເວລາຈະມາເຖິງ, ໄປຄຽງຄູ່ກັບການສຳເລັດບັນດາລະບຽບການພາຍໃນປະເທດເພື່ອໃຫ້ສັດຕະຍາບັນສັນຍາ UKVFTA, ກະຊວງອຸດສາຫະກຳ ແລະ ການຄ້າຈະສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງເພື່ອປະກາດໃຊ້ບັນດາເອກະສານແນະນຳຢ່າງລະອຽດເພື່ອນຳໃຊ້ສັນຍາໂດຍຊົ່ວຄາວ, ພ້ອມທັງຜັນຂະຫຍາຍວຽກງານສ້າງແຜນການຜັນຂະຫຍາຍປະຕິບັດ ເພື່ອແນໃສ່ຮັບປະກັນການສວຍໃຊ້ກາລະໂອກາດມາຈາກສັນຍາ ນີ້, ນຳມາເຊິ່ງຜົນປະໂຫຍດມາໃຫ້ປະຊາຊົນ ແລະ ວິສາຫະກິດ ຫວຽດນາມ.
 | ສັນຍາ UKVFTA ເປີດອະນາຄົດທີ່ສົດໃສໃນສາຍພົວພັນອັງກິດ - ຫວຽດນາມ ຍສໝ - ຕາມສະຖານທູດຫວຽດນາມ ປະຈຳອັງກິດແລ້ວ, ການປະຕິບັດສັນຍາການຄ້າເສລີຫວຽດນາມ - ອັງກິດ (UKVFTA) ຈະປະກອບສ່ວນສ້າງກຳລັງໜູນໃໝ່ ໃນການຟື້ນຟູເສດຖະກິດຂອງຫວຽດນາມ ໃນສະພາບການໂລກລະບາດຂອງ COVID-19. ກ່ຽວກັບຄວາມໝາຍຍຸດທະສາດ, ສັນຍາດັ່ງກ່າວ ໄດ້ປະກອບສ່ວນເຂົ້າໃນການຈັດຕັ້ງປະຕິບັດນະໂຍບາຍການຕ່າງປະເທດຫຼາຍຝ່າຍ, ການຫັນປ່ຽນຫຼາຍຮູບຫຼາຍແບບ, ຕັ້ງໜ້າ ແລະ ເປັນເຈົ້າການ ໃນການເຊື່ອມໂຍງສາກົນຢ່າງມີປະສິດທິຜົນ. |
 | ສັນຍາ UKVFTA ນຳມາເຊິ່ງຜົນປະໂຫຍດມາໃຫ້ ຂະແໜງຕ່ຳແຜ່ນຕັດຫຍິບ ແລະ ເກີບໜັງ ຫວຽດນາມ ຍສໝ - ດ້ວຍບັນດາຄຳໝັ້ນສັນຍາກ່ຽວກັບວັດສະດຸຊີ້ນຈາກສ.ເກົາຫຼີ ແລະ EU ຈະຊ່ວຍໃຫ້ບັນດາວິສາຫະກິດຕ່ຳແຜ່ນຕັດຫຍິບເພື່ອຊຸກຍູ້ການເປີດກ້ວາງແຫຼ່ງສະໜອງວັດສະດຸໃນຂະແໜງ ເພື່ອຍາດແຍ້ງໄດ້ບຸລິມະສິດ. |
 | ສັນຍາ FTA ຄຸນນະພາບສູງສົ່ງຜົນກະທົບຢ່າງຕັ້ງໜ້າຕໍ່ເສດຖະກິດ ຫວຽດນາມ ອີຢູ ແມ່ນຄູ່ຮ່ວມມືດ້ານການຄ້າໃຫຍ່ທີ 2 ຂອງ ອາຊຽນ ໃນໄລຍະ 2009 – 2018, ກໍ່ຄືແມ່ນນັກລົງທຶນໃຫຍ່ກ່ວາໝູ່ຂອງ ອາຊຽນ ດ້ວຍຍອດເງິນລົງທຶນໂດຍກົງ 190 ຕື້ USD. |
ບຸນຄົງ
