ນຳ​ສົ່ງ​ພົນ​ລະ​ເມືອງ ຫວຽດ​ນາມ ຈາກ​ອາ​ເມ​ລິ​ກາ ແລະ ສິງ​ກະ​ໂປ​ກັບ​ຄືນ​ປະ​ເທດ
	ສື່ມວນ​ຊົນ ສິງ​ກະ​ໂປ: ບັນ​ດາ​ການ​ນຳ​ອາ​ຊຽນ​ເຫັນ​ດີ​ເປັນ​ເອ​ກະ​ພາບ ປະ​ຕິ​ບັດ​ບັນ​ດາ​ມາດ​ຕະ​ການ​ຢ່າງ​ລະ​ອຽດ​ເພື່ອ​ຜ່ານ​ຜ່າ​ສິ່ງ​ທ້າ​ທາຍ

ທ່ານພົນເອກ ໂຕ​ເລິມ, ລັດຖະມົນຕີກະຊວງຕຳຫຼວດ ຫວຽດ​ນາມ ໄດ້ໃຫ້​ການຕ້ອນຮັບທ່ານນາງ Catherine Wong Siow Ping, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດສິງກະໂປປະຈຳ ຫວຽດນາມ​

ຕອນບ່າຍວັນທີ 28 ທັນວາ 2020, ຢູ່ຮ່າໂນ້ຍ, ທ່ານພົນເອກ ໂຕ​ເລິມ, ລັດຖະມົນຕີກະຊວງຕຳຫຼວດ ຫວຽດ​ນາມ ໄດ້ໃຫ້​ການຕ້ອນຮັບທ່ານນາງ Catherine Wong Siow Ping, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດ ສິງກະໂປ ປະຈຳ ຫວຽດນາມ​ມາ​ເຂົ້າ​ຢ້​ຽມ​ອຳ​ລາ ເນື່ອງ​ໃນ​ໂອ​ກາດ ສິ້ນ​ສຸດ​ອາ​ຍຸການ​ປະ​ຕິ​ບັດ​ງາ​ນ​ທາງ​ການ​ທູດ ຢູ່​ຫວຽດ​ນາມ.

ໂດຍ​ສະ​ແດງ​ຄວາມຊົມເຊີຍຕ​ໍ່ ທ່ານນາງເອກອັກຄະລັດຖະທູດ Catherine Wong Siow Pingທີ່ໄດ້ສຳເລັດໜ້າທີ່ ແລະ ປະກອບສ່ວນຫຼາຍຢ່າງເຂົ້າໃນການພົວພັນລະຫວ່າງຫວຽດນາມແລະສິງກະໂປ, ຕາງໜ້າໃຫ້ກະຊວງຕຳຫຼວດຫວຽດນາມ, ລັດຖະມົນຕີ ໂຕ​ເລິມໄດ້ ເນັ້ນໜັກວ່າ, ລັດຖະບານ ແລະ ປະຊາຊົນ ຫວຽດນາມ ເວົ້າ​ລວມແລະ ກຳລັງປ້ອງກັນຄວາມສະຫງົບປະຊາຊົນເວົ້າສະເພາະ ໄດ້ຕີລາຄາສູງຕໍ່ການປະກອບສ່ວນຂອງທ່ານນາງເອກອັກຄະລັດຖະທູດ ໃນການພົວພັນສອງຝ່າຍລະຫວ່າງສອງປະເທດແລະການພົວພັນລະຫວ່າງ ກຳລັງ​ຕຳຫຼວດປະຊາຊົນຫວຽດນາມແລະ ກຳລັງປະຕິບັດກົດໝາຍສິງກະໂປ.

ທ່ານລັດຖະມົນຕີ ໂຕ​ເລິມ ໃຫ້ຮູ້ວ່າ, ໃນໄລຍະຜ່ານມາ, ການຮ່ວມມືທີ່ດີລະຫວ່າງກະຊວງຕຳຫຼວດຫວຽດນາມແລະບັນດາອົງການປະຕິບັດກົດໝາຍ ສິງກະໂປສືບຕໍ່ໄດ້ຮັບການຮັກສາແລະພັດທະນາໃນທຸກຂົງເຂດ. ຜ່ານນັ້ນ, ປະກອບສ່ວນເຂົ້າໃນການເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ເຮັດໃຫ້ການພົວພັນຄູ່ຮ່ວມມືຍຸດທະສາດເລິກເຊິ່ງກ່ວາສອງປະເທດ. ການຮ່ວມມືຢ່າງມີປະສິດທິຜົນລະຫວ່າງກະຊວງຕຳຫຼວດຫວຽດນາມແລະບັນດາອົງການປະ​ຕິ​ບັດກົດໝາຍ ສິງກະໂປໄດ້ປະກອບສ່ວນຢ່າງຕັ້ງໜ້າເຂົ້າໃນ“ ການຮ່ວມມືການ​ປ້ອງ​ກັນ​ຊາດ - ປ້ອງກັນຄວາມ​ສະ​ຫງົ​ບ” ລະຫວ່າງສອງປະເທດ.

ທ່ານລັດຖະມົນຕີ ໂຕ​ເລິມ ເນັ້ນ ໜັກ ວ່າໃນປີ 2020, ໂລກລະບາດ Covid-19ມີ​ການ​ຜັນ​ແປ​ຢ່າງ​ສັບ​ສົນ ເຮັດໃຫ້ການເຄື່ອນໄຫວຕ່າງປະເທດໂດຍກົງລະຫວ່າງສອງຝ່າຍບໍ່ໄດ້ຮັບການຜັນຂະຫຍາຍ. ເຖິງຢ່າງໃດກໍ່ຕາມ, ສິ່ງດັ່ງກ່າວບໍ່ສາ​ມາດກີດຂວາງຄວາມມານະພະຍາຍາມຮ່ວມຂອງກະຊວງຕຳຫຼວດຫວຽດນາມ ແລະ ບັນດາອົງການປະ​ຕ​ິ​ບັດກົດໝາຍ ຂອງອາຊຽນ, ໃນນັ້ນມີສິງກະໂປ, ໃນ​ວຽກ​ງານສົມທົບກັນ, ແບ່ງປັນຂໍ້ມູນແລະຊອກຫາວິທີແກ້ໄຂ​ຕໍ່ບັນດາຂົງເຂດທີ່ຕ່າງ​ຝ່​າຍ​ຕ່າງ​ມີ​ຄວາມ​ສົນ​ໃຈ. ທ່ານລັດຖະມົນຕີ ໂຕ​ເລິມໄດ້​ສະ​ແດງ​ຄວາມ ເຊື່ອໝັ້ນວ່າໃນໄລ​ຍະຈະ​ມາ​ເຖິງ, ບໍ່ວ່າຈະເປັນ ຕຳເໜ່ງໃດ, ທ່ານນາງເອກອັກຄະລັດຖະທູດ Catherine Wong Siow Ping ກໍ່ຈະສືບຕໍ່ປະກອບສ່ວນຢ່າງໃຫຍ່ຫຼວງເຂົ້າໃນການພົວພັນຫວຽດນາມ - ສິງກະໂປເວົ້າລວມແລະລະຫວ່າງກຳລັງຕຳຫຼວດປະຊາຊົນຫວຽດນາມແລະບັນດາອົງການປະ​ຕ​ິ​ບັດກົດ ໝາຍ ສິງກະໂປເວົ້າສະເພາະ.

ນຳ​ສົ່ງ​ພົນ​ລະ​ເມືອງ ຫວຽດ​ນາມ ຈາກ​ອາ​ເມ​ລິ​ກາ ແລະ ສິງ​ກະ​ໂປ​ກັບ​ຄືນ​ປະ​ເທດ ຍ​ສ​ໝ - ພາຍຫຼັງເຮືອບິນລົງຈອດຢູ່ສະໜາມບິນສາກົນເກິ່ນເທີ, ຜູ້ໂດຍສານທັງໝົດກໍ່ໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.

ສື່ມວນ​ຊົນ ສິງ​ກະ​ໂປ: ບັນ​ດາ​ການ​ນຳ​ອາ​ຊຽນ​ເຫັນ​ດີ​ເປັນ​ເອ​ກະ​ພາບ ປະ​ຕິ​ບັດ​ບັນ​ດາ​ມາດ​ຕະ​ການ​ຢ່າງ​ລະ​ອຽດ​ເພື່ອ​ຜ່ານ​ຜ່າ​ສິ່ງ​ທ້າ​ທາຍ ຍ​ສ​ໝ - ບົດ​ຂຽນ​ໄດ້​ເອົາ​ລົງ​ໃນ​ໜັງ​ສື​ພິມ ASEAN Today ຂອງ ສິງ​ກະ​ໂປ ສະ​ບັບ​ອອກ​ໃນ​ວັນ​ທີ 19 ພະ​ຈິກ ໄດ້​ຫົວ​ຄືນ​ບັນ​ດາ​ໝ​າກ​ຜົນ​ທີ່​ພົ້ນ​ເດັ່ນ​ທີ່ກອງ​ປະ​ຊຸມ​ສຸດຍອດ​ອາ​ຊຽນ​ຄັ້ງ​ທີ 37, ພ້ອມ​ທັງ​ຕີ​ລາ​ຄາ​ສູງ ບົດ​ບາດ​ຂອງ​ຫວຽດ​ນາມ​ໃນ​ການ​ຈັດ​ຕັ້ງ​ສຳ​ເລັດ​ກອງ​ປະ​ຊຸມ.

ສື່ມວນ​ຊົນ​ສິ​ງ​ກະ​ໂປ ​ຍົກ​ໃຫ້​ເຫັນ​​ແຈ້ງ​ບັນ​ດາ​ຜົນສຳ​ເລັດ​ຂອງ ຫວຽດ​ນາມ ຍ​ສ​ໝ - ບັນ​ດາ​ນັກ​ລົງ​ທຶນ​ຕ່າ​ງ​ປະ​ເທດ ມີ​ຄວາມ​ປະ​ທັບ​ໃຈ​ພິ​ເສດ​ຕໍ່​ຈຳ​ນວນ​ຜູ້​ທີ່​ມີ​ລາຍ​ຮັບ​ປານ​ກາງ​ນັບ​ມື້​ນັບຫຼາຍ​ຂຶ້ນ, ເຂດ​ເອ​ກະ​ຊົນ​ມີ​ຄວາມ​ຟົດ​ຟື້ນ ແລະ ພົນ​ລະ​ເມືອງ​ໜຸ່ມກວ່ມ​ເອົາ​ສ່ວນຫຼາຍ. ມີ​ຊາວ​ຫວຽດ​ນາມ​ມີ​ອາ​ຍຸ​ຕໍ່​ກວາ 35 ປີ​ກວມ​ເອົາ70% ຍອດ​ຈຳ​ນວນ​ປະ​ຊາກອນ ຫວຽດ​ນາມ.