ບັນດາທະນາຄານການຄ້າຂອງຫວຽດນາມຢູ່ກຳປູເຈຍປະກອບສ່ວນເຂົ້າໃນການພັດທະນາເສດຖະກິດຂອງກຳປູເຈຍ

	ກອງປະຊຸມສຸດຍອດຮ່ວມມື ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 10
	ການນຳແຂວງຈຳປາສັກ ຕ້ອນຮັບກົງສູນໃຫຍ່ ແຫ່ງ ຣາຊະອານາຈັກ ກຳປູເຈຍ ເຂົ້າອວຍພອນ ວັນຊາດ ຄົບຮອບ 45 ປີ

ກອງ​ປະ​ຊຸມ​ສອງ​ຝ່າຍ​ປີ 2020 ລະ​ຫວ່າງ​ທະ​ນາ​ຄານ​ແຫ່ງ​ລັດ ຫວຽດ​ນາມ ແລະ ທະ​ນາ​ຄານ​ແຫ່ງ​ຊາດ ກຳ​ປູ​ເຈຍ

ຫວ່າງ​ແລ້ວນີ້, ທ່ານນາງຫງວຽນທິຮົ່ງ ຜູ້ວ່າການທະນາຄານແຫ່ງລັດ ຫວຽດນາມ ໄດ້​ເຂົ້າ​ຮ່ວມກອງ​ປະ​ຊຸມທາງ​ອອນ​ລາຍ​ກັບຄະນະຜູ້ແທນທະນາຄານແຫ່ງຊາດ ກຳປູເຈຍ ນຳໂດຍທ່ານ Chea Chanto ຜູ້ວ່າການທະນາຄານແຫ່ງຊາດ ກຳປູເຈຍ.

ໃນກອງປະຊຸມ,ຜູ້ນຳສອງຝ່າຍໄດ້ຕີລາຄາສູງຕໍ່ຄວາມຄືບໜ້າຂອງການຮ່ວມມືສອງຝ່າຍຂອງສອງທະນາຄານກາງ ເຊິ່ງໄດ້ປະກອບສ່ວນສຳຄັນເຂົ້າໃນການຂະຫຍາຍຕົວຂອງຂະ​ແໜງທະນາຄານ ແລະ ເສດຖະກິດຂອງສອງປະເທດໃນຊຸມປີຜ່ານມາ.

ບັນດາຜູ້ແທນໄດ້ຍົກ​ອອກ​ບັນ​ດານະໂຍບາຍບຸລິມະສິດ ແລະ ຢັ້ງຢືນວ່າສືບຕໍ່ການຮ່ວມມື, ເປີດກວ້າງຂອບເຂດແລກປ່ຽນປະສົບການ ແລະ ຂໍ້ມູນຂ່າວສານ, ພ້ອມທັງເພີ່ມທະວີການຮ່ວມມືໃນວຽກງານທົ່ວໄປເຊັ່ນ: ການຄຸ້ມຄອງທະນາຄານ, ເພີ່ມທະວີການຮ່ວມມືເຊື່ອມຕໍ່ລະບົບການຈ່າຍເງິນລະຫວ່າງສອງປະເທດ, ພັດທະນາຊັບພະຍາກອນມະນຸດ.

ໃນໂອກາດນີ້, ທ່ານ Chea Chanto ໄດ້ຕີລາຄາສູງຕໍ່ການເຄື່ອນໄຫວຂອງບັນດາທະນາຄານການ​ຄ້າຫວຽດນາມຢູ່ ກຳປູເຈຍທີ່ໄດ້ປະກອບສ່ວນເຂົ້າໃນການພັດທະນາເສດຖະກິດຂອງກຳປູເຈຍ, ໂດຍສະເພາະໃນສະພາບການເກີດ​ໂລກ​ລະ​ບາດ Covid-19. ທ່ານຍັງໄດ້ສະແດງຄວາມຂອບໃຈຕໍ່ພັກ ແລະ ລັດຖະບານຫວຽດນາມ ເຊິ່ງໄດ້ສືບຕໍ່ສະ​ໜອງທຶນການສຶກສາ ໂດຍຜ່ານທະນາຄານແຫ່ງລັດ ຫວຽດນາມ ໃຫ້ແກ່ພະນັກງານທະນາຄານແຫ່ງຊາດ ກຳປູເຈຍທີ່ກຳລັງສຶກສາລະດັບປະລິນຍາໂທ ແລະ ປະລິນຍາເອກ ຢູ່ປະເທດຫວຽດນາມ, ປະກອບສ່ວນເຂົ້າ​ໃນ​ການຍົກ​ສູງຄຸນນະພາບແຫຼ່ງຊັບພະຍາກອນມະນຸດຢູ່ປະເທດນີ້.

ກອງປະຊຸມສຸດຍອດຮ່ວມມື ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 10 ຍສໝ - ຜູ້ນຳກຳປູເຈຍ, ລາວ ແລະ ມຽນມາ ໄດ້ສະແດງຄວາມຂອບໃຈປະເທດຫວຽດນາມ ທີ່ໄດ້ໃຫ້ທຶນການສຶກສາປະຈຳປີ ໃຫ້ແກ່ນັກສຶກສາຈາກ 3 ປະເທດ ແລະ ປາດຖະໜາວ່າ ຫວຽດນາມຈະສືບຕໍ່ຈັດຕັ້ງປະຕິບັດໂຄງການໃຫ້ທຶນການສຶກສານີ້ ໃນຊຸມປີຕໍ່ໜ້າ.

ການນຳແຂວງຈຳປາສັກ ຕ້ອນຮັບກົງສູນໃຫຍ່ ແຫ່ງ ຣາຊະອານາຈັກ ກຳປູເຈຍ ເຂົ້າອວຍພອນ ວັນຊາດ ຄົບຮອບ 45 ປີ ໃນວັນທີ 30 ພະຈິກ 2020 ນີ້, ທີ່ຫ້ອງວ່າການ ແຂວງຈຳປາສັກ, ທ່ານ ວິໄລວົງ ບຸດດາຄຳ ກຳມະການສູນກາງພັກ, ເລຂາພັກແຂວງ ເຈົ້າແຂວງຈຳປາສັກ ພ້ອມຄະນະ ໄດ້ຕ້ອນຮັບ ທ່ານ ຊິມ ສຸຄົມ ກົງສູນໃຫຍ່ ແຫ່ງ ຣາຊະອານາຈັກ ກຳປູເຈຍ ປະຈຳພາກ ໃຕ້ລາວ, ພ້ອມຄະນະ ໃນໂອກາດ ອວຍພອນວັນຊາດ ຄົບຮອບ 45 ປີ (2/12/1975-2/12/2020) ແລະ ຊົມເຊີຍຕໍ່ຜົນ ສຳເລັດກອງປະຊຸມໃຫຍ່ ຄັ້ງທີ VIII ຂອງອົງຄະນະພັກ ແຂວງຈຳປາສັກ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໂອ້ລົມກັບ ທ່ານນາຍົກລັດຖະມົນຕີກຳປູເຈຍ Hun Sen ຍສໝ - ນາຍົກລັດຖະມົນຕີສອງທ່ານ ໄດ້ສະແດງຄວາມປິຕິຊົມຊື່ນ ຕໍ່ບັນດາບາດກ້າວທີ່ຕັ້ງໜ້າ ໃນການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ກຳປູເຈຍ ໃນຊຸມປີຜ່ານມາ.