ເພີ່ມທະວີການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ກູບາ

	ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກູບາ
	ເພີ່ມທະວີການຮ່ວມມືສອງຝ່າຍລະຫວ່າງ ຫວຽດນາມ - ກູບາ

ໃນຕອນບ່າຍວັນທີ 30 ພະຈິກ, ທີ່ຮ່າໂນ້ຍ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງກອງປະຊຸມສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ກູບາ.

ທີ່ພິທີສະເຫຼີມສະຫຼອງ, ທ່ານພົນພົນໂທ ເຈີນເດີນ - ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ທົບທວນຄືນວິລະຊົນໃນໄລຍະ 60 ປີແຫ່ງຄວາມສາມັກຄີແບບອ້າຍນ້ອງຮ່ວມມືຢ່າງຮອບດ້ານ ລະຫວ່າງພັກ, ລັດ, ກອງທັບ ແລະ ປະຊາຊົນສອງປະເທດຫວຽດນາມ - ກູບາ.

ທ່ານພົນພົນໂທ ເຈີນເດີນ - ຮອງລັດຖະມົນຕີກະຊວງປ້ອງກັນປະເທດຫວຽດນາມ. (ພາບ: vietnamplus)

ທ່ານພົນພົນໂທ ເຈີນເດີນ ໃຫ້ຮູ້ວ່າ ຄຽງຄູ່ກັບການທູດລັດ, ການທູດປະຊາຊົນ, ການພົວພັນດ້ານປ້ອງກັນຊາດລະຫວ່າງສອງປະເທດ ນັບມື້ນັບເຂົ້າສູ່ລວງເລິກ, ແທດຈິງ, ມີປະສິດທິຜົນ, ໄດ້ຮັບການຕີລາຄາສູງຈາກການນຳຂອງສອງປະເທດ, ຖືເປັນໜຶ່ງໃນບັນດາຂົງເຂດຕົ້ນຕໍ ຂອງການຮ່ວມມືໃນສາຍພົວພັນຮ່ວມມືລະຫວ່າງສອງປະເທດ.

ຜ່ານການຮ່ວມມືດ້ານປ້ອງກັນຊາດ, ສອງຝ່າຍສືບຕໍ່ຢັ້ງຢືນຄຳໝັ້ນສັນຍາ ຂອງການນຳຂັ້ນສູງຂອງສອງປະເທດ, ເພີ່ມທະວີຄວາມໄວ້ເນື້ອເຊື່ອໃຈ ເຊິ່ງກັນ ແລະກັນ. ທ່ານພົນພົນໂທ ເຈີນເດີນ ໄດ້ສະແດງຄວາມຂອບໃຈຕໍ່ກູບາ ທີ່ໄດ້ສະໜັບສະໜູນຫວຽດນາມ ໃນການປ້ອງກັນ ແລະ ຄວບຄຸມການລະບາດຂອງພະຍາດ COVID-19, ຖືການສະໜັບສະໜູນນັ້ນ ໄດ້ສະແດງໃຫ້ເຫັນຈິດໃຈເປັນອ້າຍນ້ອງ, ການແບ່ງປັນ ແລະ ຄວາມສາມັກຄີຂອງສອງປະເທດ.

ທ່ານພັນເອກ Juan Miguel Garcia Montano - ທູດການທະຫານກຸຍບາຢູ່ຫວຽດນາມ. (ພາບ: vietnamplus)

ສ່ວນທ່ານພັນເອກ Juan Miguel Garcia Montano - ທູດການທະຫານກຸຍບາຢູ່ຫວຽດນາມ ໄດ້ສະແດງຄວາມດີໃຈຕໍ່ການພັດທະນາສາຍພົວພັນສາມັກຄີ ແລະ ການຮ່ວມມືລະຫວ່າງສອງປະເທດໃນຕະຫຼອດ 60 ປີທີ່ຜ່ານມາ; ຄິດວ່າການພົວພັນລະຫວ່າງສອງປະເທດ ໄດ້ນັບມື້ນັບເລິກເຊິ່ງ ແລະ ມີປະສິດທິຜົນກວ່າເກົ່າ.

ໃນໂອກາດນີ້, ທ່ານພັນເອກ Juan Miguel Garcia Montano ໄດ້ສະແດງຄວາມຂອບໃຈຕໍ່ການຊ່ວຍເຫຼືອຂອງຫວຽດນາມ ໃຫ້ແກ່ປະເທດກູບາ, ໂດຍສະເພາະ ໃນສະພາບການທີ່ຫຍຸ້ງຍາກທີ່ສຸດ; ຢືນຢັນວ່າ, ກູບາ ຈະສືບຕໍ່ມີການປະກອບສ່ວນຫຼາຍກ່ວາອີກ ເພື່ອຊຸກຍູ້ການພົວພັນຮ່ວມມືທີ່ເປັນມູນເຊື້ອອັນດີງາມ ລະຫວ່າງສອງປະເທດ, ໃນນັ້ນມີການຮ່ວມມືດ້ານປ້ອງກັນຊາດ.

ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ໃຫ້ການຕ້ອນຮັບເອກອັກຄະລັດຖະທູດກູບາ ຍສໝ - ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ຕີລາຄາສູງ ບັນດາການປະກອບສ່ວນຢ່າງຕັ້ງໜ້າ ແລະ ມີປະສິດທິຜົນ ຂອງທ່ານນາງເອກອັກຄະລັດຖະທູດກູບາ ໃນການເພີ່ມທະວີແລະເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອພິເສດ ລະຫວ່າງສອງພັກ ແລະ ສອງປະເທດຫວຽດນາມ - ກູບາ ໄດ້ນັບມື້ນັບແໜ້ນແຟ້ນຍິ່ງຂຶ້ນ.

VUFO ໄດ້ມອບຫຼຽນກາລະນຶກໃຫ້ແກ່ ທ່ານນາງ Lianys Torres Rivera ເອກອັກຄະລັດຖະທູດ ກູບາ ປະຈຳຫວຽດນາມ ຍສໝ - ທ່ານນາງ ຫງວຽນເຟືອງງາ ໄດ້ຫວັງວ່າ ບໍ່ວ່າໃນຖານະຕຳແໜ່ງໃດກໍ່ຕາມ, ທ່ານນາງເອກອັກຄະລັດຖະທູດ Lianys Torres Rivera ກໍ່ມີການປະກອບສ່ວນຢ່າງຕັ້ງໜ້າ ຕໍ່ການປັບປຸງ ແລະ ພັດທະນາສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືລະຫວ່າງສອງປະເທດຫວຽດນາມ ແລະ ກູບາ.

ທ່ານນາງເອກອັກຄະລັດຖະທູດກູບາ: ສະຫະພັນມິດຕະພາບ ໄດ້ປະກອບສ່ວນສ້າງຄວາມຊົງຈຳທີ່ດີ ລະຫວ່າງຫວຽດນາມ ແລະ ກູບາ ຍສໝ - ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນມູນເຊື້ອ (17 ພະຈິກ 1950 - 17 ພະຈິກ 2020) ຂອງສະຫະພັນບັນດາອົງການມິດຕະພາບຫວຽດນາມ, ທ່ານນາງ Torres Rivera - ເອກອັກຄະລັດຖະທູດກູບາ ປະຈຳຫວຽດນາມ ໄດ້ແບ່ງປັນຄວາມປາດຖະໜາ ແລະ ຄວາມຄອງຫວັງກ່ຽວກັບສະຫະພັນໃນອະນາຄົດ.