ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກູບາ
	VUFO ໄດ້ມອບຫຼຽນກາລະນຶກໃຫ້ແກ່ ທ່ານນາງ Lianys Torres Rivera ເອກອັກຄະລັດຖະທູດ ກູບາ ປະຈຳຫວຽດນາມ

ໃນຕອນບ່າຍວັນທີ 30 ພະຈິກ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານນາງ Lianys Tores Rivera - ເອກອັກຄະລັດຖະທູດກູບາ ປະຈຳຫວຽດນາມ ໃນໂອກາດສິ້ນສຸດອາຍຸການຢູ່ຫວຽດນາມ.

ຕາງໜ້າໃຫ້ລັດຖະບານຫວຽດນາມ, ທ່ານນາຍົກລັດຖະມົນຕີຫງວຽນຊວນຟຸກ ໄດ້ສະແດງຄວາມຊົມເຊີຍທ່ານນາງເອກອັກຄະລັດຖະທູດກູບາ Lianys Tores Rivera ທີ່ໄດ້ສຳເລັດໜ້າທີ່ທີ່ດີສຸດຂອງທ່ານນາງຢູ່ຫວຽດນາມ, ໃນນັ້ນມີການກະກຽມ ໃຫ້ແກ່ການຢ້ຽມຢາມກູບາ ຂັ້ນສູງຂອງທ່ານເລຂາທິການໃຫຍ່ຫວຽດນາມ ຫງວຽນຟູຈ້ອງ (ເດືອນມີນາ 2018) ແລະ ການຢ້ຽມຢາມຫວຽດນາມ ຂອງປະທານສະພາແຫ່ງລັດກູບາ, ລັດຖະມົນຕີ Miguel Diaz Canel (ເດືອນພະຈິກ 2018).

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບ ທ່ານນາງ Lianys Tores Rivera - ເອກອັກຄະລັດຖະທູດກຸຍບາ. (ພາບ: TTXVN)

ທ່ານນາຍົກລັດຖະມົນຕີ ກໍ່ສະແດງຄວາມຂອບໃຈລັດຖະບານກູບາ ທີ່ໄດ້ສົ່ງຜູ້ຊ່ຽວຊານດ້ານການແພດ ມາຊ່ວຍຫວຽດນາມ ໃນການຮັບມືກັບການລະບາດຂອງພະຍາດ COVID-19.

ໃນຖານະທີ່ເປັນສະມາຊິກບໍ່ຖາວອນ ຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020 - 2021, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ກ່າວວ່າ, ຫວຽດນາມ ຍາມໃດກໍ່ຢັ້ງຢືນຫຼັກໝັ້ນສະເໝີຕົ້ນສະເໝີປາຍ ຂອງຫວຽດນາມ ເພື່ອສະໜັບສະໜູນການຢຸດຕິການປິດລ້ອມ ແລະ ການຂວ້ຳບາດດ້ານເສດຖະກິດ - ການເງິນ ສຳຫຼັບກູບາ.

ທ່ານນາຍົກລັດຖະມົນຕີຫງວຽນຊວນຟຸກ ໄດ້ຢືນຢັນວ່າ ລັດຖະບານຫວຽດນາມຍາມໃດກໍ່ສົ່ງເສີມການສະໜັບສະໜູນກູບາ ໃນການພັດທະນາດ້ານສະບຽງອາຫານ ແລະ ອາຫານທະເລ. ທ່ານນາຍົກລັດຖະມົນຕີ ກໍ່ສະແດງຄວາມປາດຖະໜາວ່າ ບັນດາວິສາຫະກິດຂອງສອງປະເທດ ຕ້ອງຮັດແໜ້ນກ່ວາອີກ, ພິເສດແມ່ນໃນຂົງເຂດນ້ຳມັນອາຍແກັດ, ໂທລະຄົມມະນາຄົມ.

ທ່ານນາງເອກອັກຄະລັດຖະທູດ ກໍ່ໄດ້ສະແດງຄວາມຂອບໃຈຕໍ່ລັດຖະບານຫວຽດນາມ ທີ່ໄດ້ສະໜອງ ເຂົ້າສານໃຫ້ກູບາ; ຊົມເຊີຍຫວຽດນາມ ກ່ຽວກັບຜົນສຳເລັດໃນການຄວບຄຸມ ແລະ ປ້ອງກັນການລະບາດຂອງ COVID-19; ສຳເລັດບົດບາດເປັນປະທານອາຊຽນ 2020 ແລະ ຈັດຕັ້ງກອງປະຊຸມຫຼາຍຄັ້ງ.

ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຫວັງວ່າ ເຖິງວ່າທ່ານນາງ Lianys Tores Rivera ຈະຢູ່ໃນຖານະຕຳແໜ່ງໃດກໍ່ຕາມ, ທ່ານນາງເອກອັກຄະລັດຖະທູດ ຈະເປັນຂົວຕໍ່ລະຫວ່າງສອງຊາດ, ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນຫວຽດນາມ - ກູບາ; ຂໍອວຍພອນໃຫ້ທ່ານນາງ Lianys Tores Rivera ຈົ່ງປະສົບຜົນສຳເລັດໃນ ຕຳແໜ່ງໃໝ່ຂອງຕົນ.

ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ໃຫ້ການຕ້ອນຮັບເອກອັກຄະລັດຖະທູດກູບາ ຍສໝ - ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ຕີລາຄາສູງ ບັນດາການປະກອບສ່ວນຢ່າງຕັ້ງໜ້າ ແລະ ມີປະສິດທິຜົນ ຂອງທ່ານນາງເອກອັກຄະລັດຖະທູດກູບາ ໃນການເພີ່ມທະວີແລະເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອພິເສດ ລະຫວ່າງສອງພັກ ແລະ ສອງປະເທດຫວຽດນາມ - ກູບາ ໄດ້ນັບມື້ນັບແໜ້ນແຟ້ນຍິ່ງຂຶ້ນ.

VUFO ໄດ້ມອບຫຼຽນກາລະນຶກໃຫ້ແກ່ ທ່ານນາງ Lianys Torres Rivera ເອກອັກຄະລັດຖະທູດ ກູບາ ປະຈຳຫວຽດນາມ ຍສໝ - ທ່ານນາງ ຫງວຽນເຟືອງງາ ໄດ້ຫວັງວ່າ ບໍ່ວ່າໃນຖານະຕຳແໜ່ງໃດກໍ່ຕາມ, ທ່ານນາງເອກອັກຄະລັດຖະທູດ Lianys Torres Rivera ກໍ່ມີການປະກອບສ່ວນຢ່າງຕັ້ງໜ້າ ຕໍ່ການປັບປຸງ ແລະ ພັດທະນາສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືລະຫວ່າງສອງປະເທດຫວຽດນາມ ແລະ ກູບາ.

ເປີດ​ຕົວ​ປຶ້ມ “Fidel Castro ແລະ ຫວຽດ​ນາມ - ຄວາມ​ອະ​ນຸ​ສອນ​ທີ່​ບໍ່​ສາ​ມາດ​ລືມ​ໄດ້” ຍ​ສ​ໝ - ທ່ານ​ນາງ Lianys Torres Rivera ເອກ​ອັກ​ຄະ​ລັດ​ຖ​ະ​ທູດປະ​ຈຳ​ຫວຽດ​ນາມ​ເນັ້ນ​ໜັກ​ວ່າ ປຶ້ມ Fidel Castro ແລະ ຫວຽດ​ນາມ - ຄວາມ​ອະ​ນຸ​ສອນ​ທີ່​ບໍ່​ສາ​ມາດ​ລືມ​ໄດ້” ໄດ້​ເວົ້າ​ເຖິງນ້ຳ​ໃຈ​ເພື່ອນ​ມິດ​ພິ​ເສດ​ລະ​ຫວ່າງ​ການ​ນຳ​ສອງ​ທ່ານ Fidel Castro ແລະ ໂຮ່​ຈີ​ມິນ ເວົ້າ​ສະ​ເພາະ​ກໍ່​ຄື​ນ້ຳ​ໃຈ​ມິດ​ຕະ​ພາບ​ໝັ້ນ​ແກ່ນ​ລະ​ຫວ່າງ​ກູ​ບາ ແລະ ຫວຽດ​ນາມ.