| ສະຖານທູດລາວ ປະຈຳຫວຽດນາມ ຈັດຕັ້ງພິທີສະເຫຼີມສະຫຼອງວັນຊາດແຫ່ງ ສປປ.ລາວ ຄົບຮອບ 45 ປີ | |
| VUFO ຈະພ້ອມກັບສະຖານທູດລາວ ເພື່ອເພີ່ມພູນຄູນສ້າງສາຍພົວພັນມິດຕະພາບ ແລະ ຄວາມສາມັກຄີພິເສດ ລະຫວ່າງ ສສ.ຫວຽດນາມ ແລະ ສປປ.ລາວ |
ເນື່ອງໃນໂອກາດ ສະເຫຼີມສະຫຼອງວັນຊາດ ສປປ.ລາວ ໄດ້ຄົບຮອບ 45 ປີ (2 ທັນວາ 1975 - 2 ທັນວາ 2020), ສະຖານທູດ ສປປ.ລາວ ປະຈຳ ຫວຽດນາມ ໄດ້ຮັບການມາອອວຍພອນຈາກບັນດາອົງການ, ກະຊວງ, ພະແນກການ... ຂອງຫວຽດນາມ.
ຕໍ່ໜ້າສະພາບການໄພນ້ຳຖ້ວມຢູ່ເຂດພາກກາງທີ່ສ້າງຄວາມເສຍຫາຍຢ່າງໜັກໜ່ວງຕໍ່ປະຊາຊົນ ໃນເມື່ອບໍ່ດົນມານີ້, ສະຖານທູດ ສປປ.ລາວ ປະຈຳຫວຽດນາມ ໄດ້ສະເໜີຂໍ້ລິເລີ່ມວ່າ “ຫັນປ່ຽນຄ່າຊື້ດອກໄມ້ ມາເປັນການບໍລິຈາກສະໜັບສະໜູນ ໃຫ້ແກ່ປະຊາຊົນເຂດພາກກາງຫວຽດນາມ ທີ່ໄຮັບຜົນກະທົບຈາກໄພພິບັດທຳມະຊາດ ແລະ ນ້ຳຖ້ວມ.”
 |
| ຄະນະຜູ້ແທນວາລະສານ ຍຸກສະໄໝ ໄດ້ມາຢ້ຽມຢາມ ແລະ ອວຍພອນ ເນື່ອງໃນໂອກາດສະເຫຼີມສະຫຼອງວັນຊາດປະເທດລາວ. |
ໃນຕອນບ່າຍວັນທີ 2 ທັນວາ, ຄະນະຜູ້ແທນວາລະສານ ຍຸກສະໄໝ ນຳໂດຍ ທ່ານ ຟ້າມດິງຫາຍ ຮອງຫົວໜ້າບັນນາທິການໃຫຍ່ ໄດ້ມາຢ້ຽມຢາມ ແລະ ອວຍພອນ ເນື່ອງໃນໂອກາດສະເຫຼີມສະຫຼອງວັນຊາດປະເທດລາວ ແລະ ມອບຂອງຂວັນສະໜັບສະໜຸນປະຊາຊົນເຂດພາກກາງຫວຽດນາມ.
ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ແບ່ງປັນຄວາມລຳບາກ ແລະ ຄວາມຫຍຸ້ງຍາກທີ່ປະຊາຊົນພາກກາງ ຫວຽດນາມປະເຊີນໜ້າເນື່ອງຈາກໄພພິບັດທຳມະຊາດ ແລະ ໄພນ້ຳຖ້ວມ ກໍ່ຂຶ້ນ. ສະນັ້ນ, ສະຖານທູດ ສປປ.ລາວ ປະຈຳຫວຽດນາມ ໄດ້ແລກປ່ຽນຄຳຄິດຄຳເຫັນກັບບັນດາອົງການທີ່ມີໜ້າທີ່ຂອງຫວຽດນາມ ແລະ ຮຽກຮ້ອງໃຫ້ບັນດາອົງການ, ໜ່ວຍງານ ແລະ ເພື່ອນມິດຂອງຫວຽດນາມ ເພື່ອຫັນປ່ຽນຄ່າໃຊ້ຈ່າຍຊື້ດອກໄມ້ ມາເປັນການບໍລິຈາກສະໜັບສະໜູນ ໃຫ້ແກ່ປະຊາຊົນເຂດພາກກາງຫວຽດນາມ ທີ່ໄຮັບຜົນກະທົບຈາກໄພພິບັດທາງທຳມະຊາດ ແລະ ນ້ຳຖ້ວມ, ປະກອບສ່ວນຊ່ວຍເຫຼືອປະຊາຊົນ ໄດ້ຜ່ານຜ່າຄວາມຫຍຸ້ງຍາກ, ສະຖຽນລະພາບຊີວິດການເປັນຢູ່.
 |
| ທ່ານ ຟ້າມດິງຫາຍ - ຮອງຫົວໜ້າບັນນາທິການໃຫຍ່ ວາລະສານ ຍຸກສະໄໝ ແລະ ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ. (ພາບ: thoidai.com.vn) |
ຂໍ້ລິເລີ່ມດັ່ງກ່າວຂອງສະຖານທູດຫວຽດນາມ ໄດ້ຮັບການສະໜັບສະໜູນຢ່າງຟົດຟື້ນຫ້າວຫັນ ໂດຍກະຊວງການຕ່າງປະເທດ ແລະ ບັນດາພະແນກ, ອົງການຕ່າງໆຂອງຫວຽດນາມ.
ທີ່ການພົບປະ, ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຕີລາຄາສູງ ວາລະສານ ຍຸກສະໄໝ ໃນຊຸມປີມໍ່ໆມານີ້ ທີ່ໄດ້ແນະນຳພາບພົດ ແລະ ຜູ້ຄົນ ລາວ ໄປຍັງເພື່ອນຜູ້ອ່ານຫວຽດນາມ ແລະ ສາກົນ. ພ້ອມດຽວກັນນັ້ນ, ກໍ່ໄດ້ປັບປຸງຂໍ້ມູນກ່ຽວກັບສະຖານະການຂອງສອງປະເທດ, ຈາກນັ້ນປະກອບສ່ວນເຂົ້າໃນການສ້າງຄວາມເຂົ້າໃຈ ລະຫວ່າງປະຊາຊົນສອງປະເທດ, ສົ່ງເສີມສາຍພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນຫວຽດນາມ - ລາວ.
ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ກໍ່ໄດ້ຮັບຮູ້ການເຄື່ອນໄຫວຂອງວາລະສານຍຸກສະໄໝ ໃນການສະໜັບສະໜູນນັກຮຽນ, ນັກສຶກສາ ແລະ ຊາວລາວ ທີ່ໄດ້ຮ່ຳຮຽນ ແລະ ເຮັດວຽກຢູ່ຫວຽດນາມ ໃນຊຸມປີທີ່ຜ່ານມາ, ໂດຍສະເພາະແມ່ນຢູ່ໃນໄລຍະສະພາບການ COVID-19 ພວມມີການຜັນແປຢ່າງສັບສົນ.
ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ສະແດງຄວາມຂອບໃຈ ແລະ ເນັ້ນໜັກວ່າ: “ການສະໜັບສະໜູນຂອງບັນດາອົງການ, ໜ່ວຍງານ ແລະ ປະຊາຊົນຫວຽດນາມ ຕໍ໋ຂໍ້ລິເລີ່ມຂອງສະຖານທູດລາວ, ໃນນັ້ນມີວາລະສານຍຸກສະໄໝ ແມ່ນສັນຍາລັກທີ່ດີງາມແຫ່ງຄວາມມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຫວຽດນາມ - ລາວ”.
 | ສະຖານທູດລາວ ປະຈຳຫວຽດນາມ ຈັດຕັ້ງພິທີສະເຫຼີມສະຫຼອງວັນຊາດແຫ່ງ ສປປ.ລາວ ຄົບຮອບ 45 ປີ ຍສໝ - ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ເນັ້ນໜັກວ່າ, ໃນໄລຍະ 45 ປີແຫ່ງການສ້າງຕັ້ງສປປ.ລາວ, ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງລາວ - ຫວຽດນາມ ສືບຕໍ່ສ້າງຄວາມເຂັ້ມແຂງ ແລະ ພັດທະນາ ເຂົ້າສູ່ລວງກວ້າງ ແລະ ລວງເລິກ, ໂດຍສະເພາະ ໃນສະພາບການທີ່ມີການປ່ຽນແປງຢ່າງໄວວາ ໃນພາກພື້ນ ແລະ ... |
 | ຫວຽດນາມ ແລະ ລາວ ຮ່ວມຈິດຮ່ວມໃຈກັນເພື່ອຕໍ່ສູ້ກັບການລະບາດຂອງພະຍາດ COVID – 19 ຍສໝ - ໃນຕອນບ່າຍຂອງວັນທີ 21 ເມສາ, ຄະນະຜູ້ແທນ ສູນກາງສະມາຄົມມິດຕະພາບ ຫວຽດນາມ - ລາວ ນໍາໂດຍທ່ານ ຫງວຽນແມັ້ງຫູ່ງ, ຮອງປະທານສະມາຄົມ ໄດ້ມາຢ້ຽມຢາມ ແລະ ມອບອຸະປະກອນການແພດລວມມີ: ຊຸດປ້ອງກັນລະບາດ ແລະ ຜ້າບັງປາກ ໃຫ້ແກ່ສະຖານທູດ ສປປ.ລາວ ປະຈໍາ ຫວຽດນາມ ເພື່ອສະໜັບສະໜູນ ປະຊາຊົນລາວ ... |
 | ມອບຫຼຽນໄຊແຮງງານຊັ້ນໜຶ່ງ ໃຫ້ທ່ານ ທອງສະຫວັນ ພົມວິຫານ, ເອກອັກຄະລັດຖະທູດ ລາວ ປະຈຳ ຫວຽດນາມ ຍສໝ - ຕອນບ່າຍວັນທີ 19 ກັນຍານີ້, ທີ່ສຳນັກງານໃຫຍ່ກະຊວງການຕ່າງປະເທດ, ທ່ານຟ້າມບິ່ງມິງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ໄດ້ຕາງໜ້າໃຫ້ບັນດາການນຳພັກ ແລະ ລັດຖະບານ ຫວຽດນາມ ໄດ້ມອບຫຼຽນໄຊແຮງງານຊັ້ນໜຶ່ງ ຂອງທ່ານປະທານປະເທດ ສາທາລະນະລັດສັງຄົມນິຍົມ ຫວຽດນາມ ໃຫ້ທ່ານເອກອັກຄະລັດຖະທູດລາວປະຈຳ ຫວຽດນາມ ທ່ານ ທອງສະຫວັນ ພົມວິຫານ, ໃນໂອກາດໃກ້ຈະສິ້ນສຸດອາຍຸປະຈຳການ ແລະ ... |
ຄຳຮຸ່ງ
