| ສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ປະຊາຊົນໃນປະເທດອິນເດຍ | |
| ທ່ານນາງ Ann Mawe, ເອກອັກຄະລັດຖະທູດ ຊູແອັດ: ໃນໄລຍະທີ່ຫຍຸ້ງຍາກ ຈຶ່ງຮູ້ວ່າໃຜແມ່ນໝູ່ເພື່ອນຂອງຕົນ |
ການມອບຂອງຂວັນອຸປະກອນການແພດໃຫ້ແກ່ສະຖານທູດ ສປປ.ລາວໃນຄັ້ງນີ້ ລວມມີ: ຊຸດປ້ອງກັນພະຍາດ 500 ຊຸດ; ຜ້າບັງປາກທາງການແພດ 18,500 ແຜ່ນ (ລວມທັງຜ້າບັງປາກທາງການແພດ 17,500 ແຜ່ນ ແລະ ຜ້າບັງປາກຂ້າເຊື້ອ 1,000 ແຜ່ນ).
 |
| ບັນຍາກາດທີ່ການຕ້ອນຮັບ. (ພາບ: thoidai.com.vn) |
ທີ່ພິທີການມອບຮັບຂອງຂວັນອຸປະກອນການແພດດັ່ງກ່າວ, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດ ແຫ່ງ ສປປ.ລາວ ປະຈຳ ຫວຽດນາມ ໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງເລິກເຊິ່ງຕໍ່ສະມາຄົມມິດຕະພາບຫວຽດນາມ - ລາວ. ເຖິງວ່າ ຫວຽດນາມ ກໍ່ໄດ້ຮັບຜົນກະທົບຈາກການລະບາດຂອງພະຍາດ ແລະ ປະສົບກັບຄວາມຫຍຸ້ງຍາກຫຼາຍຢ່າງ, ແຕ່ປະຊາຊົນຫວຽດນາມ ກໍ່ຍັງໄດ້ອຸທິດ ທັງໃນທາງດ້ານວັດຖຸ ແລະ ຈິດໃຈ ເພື່ອຊ່ວຍເຫຼືອປະຊາຊົນລາວໃນການປ້ອງກັນ ແລະ ຕໍ່ສູ້ກັບການລະບາດຂອງພະຍາດ COVID – 19.
ທ່ານ ແສງເພັດ ຮຸ່ງບຸນຍວງ , ເອກອັກຄະລັດຖະທູດ ແຫ່ງ ສປປ.ລາວ ໄດ້ເນັ້ນໜັກວ່າ “ບັນດາອຸປະກອນການແພດໄດ້ມອບໃຫ້ສະຖານທູດ ສປປ.ລາວ ໃນຄັ້ງນີ້ ໂດຍສະມາຄົມມິດຕະພາບຫວຽດນາມ - ລາວ ຈະໄດ້ສົ່ງ ໄປຍັງປະເທດລາວ ເພື່ອປະກອບສ່ວນເຂົ້າໃນການຕ້ານການລະບາດຂອງພະຍາດ Covid - 19. ການຊ່ວຍເຫຼືອໃນຄັ້ງນີ້ໄດ້ສະແດງໃຫ້ເຫັນ ຄວາມມິດຕະພາບພິເສດ, ຄວາມຮັກແພງຊ່ວຍເຫຼືອເຊິ່ງກັນ ແລະ ກັນ ລະຫວ່າງສອງລັດຖະບານ ແລະ ປະຊາຊົນ ລາວ - ຫວຽດນາມ.
ສ່ວນ ທ່ານ ຫງວຽນແມັ້ງຫູ່ງ, ຮອງປະທານສະມາຄົມ ໃຫ້ຮູ້ວ່າ: ບັນດາສະມາຊິກຂອງສະມາຄົມ ຢາກຮ່ວມແຮງຮ່ວມໃຈກັບບັນດາເພື່ອນມິດປະຊາຊົນລາວ ໃນການຕໍ່ສູ້ ແລະ ສະກັດກັ້ນການລະບາດຂອງພະຍາດ COVID - 19. ຂອງຂວັນແມ່ນນ້ອຍ ແຕ່ມັນສະແດງເຖິງຄວາມຮັກແພງຂອງປະຊາຊົນຫວຽດນາມ ທີ່ສະຫງວນໃຫ້ແກ່ປະຊາຊົນລາວ ແລະສະມາຄົມມິດຕະພາບ ລາວ - ຫວຽດນາມ.
 |
| ຂອງຂວັນອຸປະກອນການແພດ ໃນຄັ້ງນີ້ ລວມມີ: ຊຸດປ້ອງກັນພະຍາດ 500 ຊຸດ; ຜ້າບັງປາກທາງການແພດ 18,500 ແຜ່ນ. (ພາບ: thoidai.com.vn) |
ທ່ານ ຫງວຽນແມັ້ງຫູ່ງ ເຊື່ອວ່າ ດ້ວຍຄວາມສາມັກຄີພິເສດ ແລະ ຄວາມມິດຕະພາບຢ່າງພິເສດ ລະຫວ່າງປະຊາຊົນສອງຊາດຫວຽດນາມ ແລະ ລາວ, ສອງປະເທດຈະຜ່ານຜ່າຄວາມຫຍຸ້ງຍາກ ຂອງການລະບາດຂອງພະຍາດ Covid - 19, ພ້ອມກັນນັ້ນ ສອງປະເທດຈະໄດ້ຟື້ນຟູການພັດທະນາເສດຖະກິດ - ສັງຄົມພາຍຫຼັງການລະບາດພະຍາດ COVID - 19 ສິ້ນສຸດລົງ.
ແບ່ງປັນກັບວາລະສານ ຍຸກສະໄໝ, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດ ແຫ່ງ ສປປ.ລາວ ໄດ້ກ່າວວ່າ ການຊ່ວຍເຫຼືອຂອງລັດຖະບານຫວຽດນາມໂດຍທົ່ວໄປ ແລະ ສະມາຄົມມິດຕະພາບຫວຽດນາມ - ລາວ ເວົ້າສະເພາະ ສຳລັບປະຊາຊົນລາວ ໂດຍຜ່ານສະຖານທູດລາວ ປະຈຳ ຫວຽດນາມ ໃນຊ່ວງເວລາທີ່ຫຍຸ້ງຍາກນີ້, ແມ່ນວຽກງານທີ່ມີຄວາມໝາຍສຳຄັນ ເຊິ່ງໄດ້ສະແດງໃຫ້ເຫັນຄວາມສາມັກຄີ, ຄວາມມິດຕະພາບ, ການພົວພັນທາງການທູດແບບພິເສດ, ການຮ່ວມມືຢ່າງຮອບດ້ານ ລະຫວ່າງສອງພັກ, ສອງປະເທດຫວຽດນາມ - ລາວ, ກໍ່ຄືປະຊາຊົນຂອງສອງຊາດ. ບັນດາຂອງຂວັນ ແລະ ເຄື່ອງມືທາງການແພດ ໃນຄັ້ງນີ້ ແມ່ນການປຸກລະດົມກຳລັງໃຈອັນລ້ຳຄ່າ ໃຫ້ແກ່ປະຊາຊົນລາວ ໃນການຕໍ່ສູ້ ແລະ ສະກັດກັ້ນການລະບາດພະຍາດ COVID – 19.
 | ບັນດາວິສາຫະກິດຫວຽດນາມ ໄດ້ມອບຂອງຂວັນເພື່ອຊ່ວຍເຫຼືອປະຊາຊົນກຳປູເຈຍ ໃນການຕໍ່ສູ້ກັບພະຍາດ COVID-19 ຍສໝ - ທີ່ພິທີມອບຮັບເຄື່ອງກຸສົນ, ຄະນະຈັດຕັ້ງໄດ້ເຄື່ອງກຸສົນລວມມີເຂົ້າສານ, ໝີ່, ຜ້າບັງປາກຂ້າເຊື້ອ ໃຫ້ແກ່ຊາວຫວຽດນາມ ທີ່ໄດ້ຮັບຜົນກະທົບຈາກພະຍາດ COVID-19. ເຄື່ອງກຸສົນໃນຄັ້ງນີ້ ໄດ້ຮັບການບໍລິຈາກໂດຍການສະ ໜັບສະໜູນ ຂອງບັນດາວິສາຫະກິດຂະໜາດນ້ອຍຫວຽດນາມ ແລະ ການສະໜັບສະໜູນຂອງສະຖານທູດ ຫວຽດນາມ ປະຈຳກຳປູເຈຍ. |
 | ນັກຊ່ຽວຊານອົດສະຕາລີ: ການກະທຳຂອງ ຈີນແມ່ນການກະທຳເກາະຜິດ ຍສໝ - ທ່ານສາດສະດາຈານ Carl Thayer ມະຫາວິທະຍາໄລ New South Wales ປະເທດອົດສະຕາລີ ໄດ້ຢັ້ງຢືນວ່າ ເລື່ອງ ຈີນປະກາດ ສ້າງຕັ້ງອັນທີ່ໄດ້ເອີ້ນວ່າ ເມືອງ ຊີຊາ ແລະ ເມືອງ ໜານຊາ ຢູ່ນະຄອນ ຕາມຊາ ແມ່ນການກະທຳເກາະຜິດ. |
 | ສື່ສັງຄົມເຢຍລະມັນ: ການແຍກຫ່າງໃນສັງຄົມເປັນປັດໃຈສໍາຄັນ ເພື່ອຊ່ວຍໃຫ້ ຫວຽດນາມ ຄວບຄຸມພະຍາດ Covid-19 ໄດ້ມີປະສິດທິຜົນ ຍສໝ - ວັນທີ 18 ເມສາ, ໜັງສືພິມ Junge Welt ຂອງເຢຍລະມັນ ໄດ້ມີບົດຄວາມອະທິບາຍ ກ່ຽວກັບການຄວບຄຸມພະຍາດຢ່າງຜົນສຳເລັດ ຂອງຫວຽດນາມ ເນື່ອງຈາກວ່າ ຫວຽດນາມໄດ້ປະຕິບັດການແຍກຫ່າງໃນສັງຄົມຢ່າງເຂັ້ມງວດ ແຕ່ຫົວທີ. |
ຄຳຮຸ່ງ
