| ທ່ານເລຂາທິການໃຫຍ່ສູນອາຊຽນ - ຍີ່ປຸ່ນ ຕີລາຄາສູງບົດບາດເປັນປະທານອາຊຽນຂອງ ຫວຽດນາມ | |
| ອາຊຽນຮ່ວມແຮງຮ່ວມໃຈປ້ອງກັນຕ້ານໂລກລະບາດ Covid – 19 |
 |
| ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ເຈິ່ນຕ໊ວນແອັງ (ພາບ: Baoquocte.vn) |
ໃນຂອບເຂດບັນດາການເຄື່ອນໄຫວກະກຽມໃຫ້ແກ່ກອງປະຊຸມສຸດຍອດ ອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ, ຕອນເຊົ້າວັນທີ 11 ພະຈິກ, ກອງປະຊຸມລັດຖະມົນຕີເສດຖະກິດ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໄດ້ດຳເນີນວາລະຈັດກຽມ ພາຍໃຕ້ຮູບການທາງອອນລາຍ. ທີ່ກອງປະຊຸມຂ່າວ ກ່ຽວກັບກອງປະຊຸມສຸດຍອດ ອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ, ວັນທີ 9 ພະຈິກ, ທ່ານ ຫງວຽນກວ໊ກຢຸງ ຮອງລັດຖະມົນຕີການຕ່າງປະເທດ ຫວຽດນາມ, ຫົວໜ້າ SOM ອາຊຽນ ຫວຽດນາມ, ໃຫ້ຮູ້ວ່າ ປັດຈຸບັນການເຈລະຈາ ສັນຍາ RCEP ໄດ້ສຳເລັດແລ້ວ.
ບັນດາປະເທດພວມຊຸກຍູ້ການປະຕິບັດລະບຽບການຕ່າງໆພາຍໃນປະເທດ ເພື່ອສາມາດລົງນາມໃນວັນທີ 15 ພະຈິກ ຈະມາເຖິງ. ກ່ອນໜ້ານັ້ນ, ບັນດາປະເທດສະມາຊິກຢັ້ງຢືນເຖິງເປົ້າໝາຍ ຈະເຮັດໃຫ້ສຳເລັດກ່ຽວກັບການລົງນາມໃນສັນຍາ RCEP ໃນປີ 2020 ເພື່ອແນໃສ່ຊຸກຍູ້ລະບົບການຄ້າຫຼາຍຝ່າຍ, ຫັນການຄ້າ ແລະ ການລົງທຶນເປັນເສລີ ແລະ ກໍແມ່ນການປະກອບສ່ວນສຳຄັນເຂົ້າໃນວິວັດການຟື້ນຟູພາຍຫຼັງໂລກລະບາດຢູ່ພາກພື້ນ.
"ສັນຍາ RCEP ໄດ້ໃຊ້ເວລາເຈລະຈາຫຼາຍປີ, ເພື່ອເຫັນໄດ້ວ່າ ມັນມີຄວາມໝາຍຢ່າງໃຫຍ່ຫຼວງຕໍ່ພາກພື້ນ, ພິເສດໃນສະພາບການປັດຈຸບັນ ເມື່ອໂລກຖືກຜົນກະທົບຈາກໂລກລະບາດໂຄວິດ - 19. ການລົງນາມໃນສັນຍາ RCEP ຈະສ້າງກຳລັງແຮງ, ຄວາມຜັກດັນໃໝ່ໃຫ້ແກ່ການພັດທະນາການຄ້າໃນພາກພື້ນ. ການລົງນາມໃນສັນຍາສະບັບນີ້ ແມ່ນຄວາມຄອງຄອຍຂອງທຸກປະເທດ ແລະ ມີຄວາມໝາຍສຳລັບ ຫວຽດນາມ ເມື່ອເປັນປະທານ ອາຊຽນ 2020.”
ເມື່ອສັນຍາສະບັບດັ່ງກ່າວໄດ້ຮັບການລົງນາມ ຈະສ້າງຕະຫຼາດມີຂອບຂະໜາດຜູ້ບໍລິໂພກປະມານ 3,5 ຕື້ຄົນ ແລະ GDP ເກືອບ 49.000 ຕື້ USD, ເຊິ່ງກວມເອົາປະມານ 39% GDP ທົ່ວໂລກ. ແລະກໍ່ໃນວັນທີ 10 ພະຈິກ, ບັນດາລັດຖະມົນຕີເສດຖະກິດຂອງ 10 ປະເທດ ອາຊຽນ ໄດ້ລົງນາມໃນບົດບັນທຶກຊ່ວຍຈຳ (MOU) ກ່ຽວກັບການປະຕິບັດບັນດາມາດຕະການຍົກເວັ້ນພາສີສຳລັບປະເພດສິນຄ້າທີ່ຈຳເປັນ ໃນກອງປະຊຸມສະມັດຊາປະຊາຄົມເສດຖະກິດ ອາຊຽນ (AEC) ຄັ້ງທີ 19 ເຊິ່ງຖືກຈັດຂຶ້ນຜ່ານຮູບການທາງອອນລາຍ.
ບົດບັນທຶກຊ່ວຍຈຳໄດ້ສະແດງໃຫ້ເຫັນບັນດາຄຳໝັ້ນສັນຍາລວມຂອງບັນດາປະເທດ ອາຊຽນ ກ່ຽວກັບການສ້າງເງື່ອນໄຂສະດວກໃຫ້ແກ່ການຈໍລະຈອນການຄ້າໃນພາກພື້ນ ສຳລັບບັນດາປະເພດສິນຄ້າທີ່ຈຳເປັນໃນຄວາມມານະພະຍາຍາມຕ້ານຄືນໂລກລະບາດໂຄວິດ - 19. ບົດບັນທຶກຊ່ວຍຈຳດັ່ງກ່າວ ແມ່ນສ່ວນໜຶ່ງຂອງແຜນການດຳເນີນງານຂອງ ອາຊຽນ ເພື່ອແນໃສ່ເພີ່ມທະວີ ແລະ ປັບປຸງການຮ່ວມມືດ້ານເສດຖະກິດ ແລະ ການເຊື່ອມຕໍ່ລະບົບມູນຄ່າ.
ໃນກອງປະຊຸມດັ່ງກ່າວ, ບັນດາລັດຖະມົນຕີ ອາຊຽນ ກໍປຶກສາຫາລື ແລະ ຮັບຮອງເອົາກອບແຜນການຟື້ນຟູຮອບດ້ານ ອາຊຽນ (ACRF) ເພື່ອແນໃສ່ຢັ້ງຢືນຄືນຄຳໝັ້ນສັນຍາສົມທົບກັນເພື່ອຫຼຸດຜ່ອນບັນດາຜົນກະທົບຫຍໍ້ທໍ້ ຍ້ອນໂລກລະບາດໂຄວິດ - 19 ກໍ່ຂຶ້ນສຳລັບພາກພື້ນ, ໃນສະພາບການທີ່ບັນດາປະເທດພວມເປີດປະຕູພື້ນຖານເສດຖະກິດຄືນໃໝ່ເທື່ອລະກ້າວ.
 | ຫວຽດນາມ ມຸ່ງໄປສຸ່ການລົງນາມໃນສັນຍາ RCEP ໃນທ້າຍປີ 2020 ຍສໝ - ກ່າວຄຳເຫັນໄຂກອງປະຊຸມ, ທ່ານເຈິ່ນຕ໊ວນແອງ ຕີລາຄາສູງຕໍ່ບັນດາຄວາມມານະພະຍາຍາມຂອງບັນດານັກເຈລະຈາສັນຍາ RCEP ທີ່ບັນລຸໄດ້ນັບແຕ່ຕົ້ນປີມາຮອດປັດຈຸບັນ; ພ້ອມທັງເນັ້ນໜັກວ່າ ໂລກລະບາດໂຄວິດ - 19 ບໍ່ພຽງແຕ່ກໍ່ໃຫ້ເກີດວິກິດການດ້ານສາທາລະນະສຸກເທົ່ານັ້ນ ຫາກຍັງກໍ່ໃຫ້ເກີດວິກິດການດ້ານເສດຖະກິດ - ສັງຄົມ ອີກດ້ວຍ, ສະນັ້ນ ເພື່ອສາມາດຍູ້ໄວລະດັບຟື້ນຟູເສດຖະກິດນັ້ນ ບໍ່ແມ່ນເລື່ອງງ່າຍດາຍ ຖ້າຫາກວ່າພວກເຮົາບໍ່ມີບັນດາການກະທຳທີ່ຂ້ຽວຂາດນັບແຕ່ນີ້ເປັນຕົ້ນໄປ. |
 | ສາດສະດາຈານຍີ່ປຸ່ນຍົກອອກບົດບາດຂອງຫວຽດນາມໃນວິວັດແຫ່ງການເຈລະຈາ RCEP ຍສໝ - ທ່ານ ສາດສະດາຈານ Ryo Ikebe ໄດ້້ເນັ້ນໜັ້ກວ່າ ໃນຖານະເປັນສະມາຊິກຂອງ ອາຊຽນ, ຫວຽດນາມ ໄດ້ມີ FTA ດ້ວຍບັນດາປະເທດເຂົ້າຮ່ວມ RCEP ທັງໝົດ. |
 | ອາຊຽນມຸ່ງໄປສູ່ເປົ້າໝາຍລົງນາມ RCEP ໃນປີ 2020 ຍສໝ - ເມື່ອທຽບໃສ່ກັບບັນດາຫຼັກການຂອງອົງການການຄ້າໂລກ WTO, RCEP ໄດ້ສົມທົບຢ່າງສົມດຸນບັນດາຄຳໝັ້ນສັນຍາ WTO+ ເພື່ອຫຼຸດລົງບັນດາຮົ້ວກີດຂວາງທາງການຄ້າຢູ່ເຂດຊາຍແດນ ແລະ ບັນດາມາດຕາເພີ່ມເຕີມຂອງ WTO ເພື່ອແນໃສ່ແກ້ໄຂບັນດາບັນຫາດ້ານນິຕິກຳລະຫວ່າງ ຊາຍແດນ. |
ບຸນຄົງ
