 |
| ທ່ານເອກອັກຄະລັດຖະທູດ ເຈິ່ນດຶກບິ່ງ, ຫົວໜ້າຄະນະຜູ້ຕາງໜ້າຂອງຫວຽດນາມປະຈຳອາຊຽນ (ພາບ: baoquocte.vn) |
ໃນກອງປະຊຸມຄະນະກຳມະການຮ່ວມມືລວມຕາມຂົງເຂດ ລະຫວ່າງ ອາຊຽນ - ສະວິດ ຄັ້ງທີ 5 ທີ່ໄດ້ຈັດຂຶ້ນທາງອອນລາຍ ໃນຕອນເຊົ້າວັນທີ 16 ຕຸລາ, ສອງຝ່າຍໄດ້ເນັ້ນໜັກເຖິງຄຳໝັ້ນສັນຍາເພີ່ມທະວີການຮ່ວມມືເຈລະຈາຕາມຂົງເຂດ ລະຫວ່າງ ອາຊຽນ - ສະວິດ. ນີ້ແມ່ນກອງປະຊຸມປະຈຳປີຂັ້ນເອກອັກຄະລັດຖະທູດເພື່ອທົບທວນແລະແລກປ່ຽນມາດຕະການຕ່າງໆເພື່ອຊຸກຍູ້ການຈັດຕັ້ງປະຕິບັດບັນດາໂຄງການແລະກິດຈະກຳການຮ່ວມມືອາຊຽນ - ສະວິດ. ທ່ານເອກອັກຄະລັດຖະທູດ ເຈິ່ນດຶກບິ່ງ, ຫົວໜ້າຄະນະຜູ້ຕາງໜ້າຂອງຫວຽດນາມປະຈຳອາຊຽນໄດ້ເຂົ້າຮ່ວມກອງປະຊຸມ.
ທີ່ກອງປະຊຸມ, ສະວິດ ໄດ້ຕີລາຄາສູງວ່າ ຫວຽດນາມ ແມ່ນປະເທດ ອາຊຽນ 2020 ໄດ້ສະແດງໃຫ້ເຫັນບົດບາດປະສານງານ, ຮັກສາບັນດາການເຄື່ອນໄຫວຮ່ວມມືພາຍໃນກຸ່ມ ກໍຄື ເພີ່ມທະວີການຮ່ວມມືກັບບັນດາຄູ່ຮ່ວມມືພາຍນອກຂອງ ອາຊຽນ ໄດ້ເປັນຢ່າງດີ, ຈັດຕັ້ງສຳເລັດຫຼາຍກອງປະຊຸມສຳຄັນຂອງ ອາຊຽນ; ຍົກສູງບັນດາຄວາມມານະພະຍາຍາມໃນການຮ່ວມມື, ບັນດາຂໍ້ລິເລີ່ມ ແລະ ມາດຕະການຮັບມືຢ່າງການ, ມີປະສິດທິຜົນຂອງບັນດາປະເທດ ອາຊຽນ ໃນການຮັບມືກັບໂລກລະບາດໂຄວິດ - 19.
ສະວິດ ກໍພວມພິຈາລະນາຄວາມສາມາດປະກອບສ່ວນເຂົ້າໃນກອງທຶນ ອາຊຽນ ເພື່ອຮັບມືກັບໂລກລະບາດໂຄວິດ - 19 ເມື່ອໄດ້ສ້າງຕັ້ງຂຶ້ນຢ່າງເປັນທາງການ, ພ້ອມທັງເຫັນດີຄວນເພີ່ມທະວີການຮ່ວມມື, ສ້າງເງື່ອນໄຂສະດວກໃຫ້ແກ່ດ້ານການຄ້າ, ການລົງທຶນ, ເພີ່ມທະວີລະບົບເຊື່ອມຕໍ່ເພື່ອແນໃສ່ຟື້ນຟູໃນທຸກດ້ານ ພາຍຫຼັງໂລກລະບາດໂຄວິດ - 19.
ສະວິດຢັ້ງຢືນວ່າ ຈະສະໜັບສະໜູນການຮ່ວມມືຫຼາຍຝ່າຍ, ໃຫ້ຄຳໝັ້ນສັນຍາຖືການພົວພັນກັບ ອາຊຽນ ເປັນສຳຄັນ, ສະໜັບສະໜູນບົດບາດເປັນໃຈກາງຂອງ ອາຊຽນ ຢູ່ພາກພື້ນ, ພ້ອມທັງປາດຖະໜາຢາກສ້າງການພົວພັນຮ່ວມມືຢ່າງແໜ້ນແຟ້ນ ກັບ ອາຊຽນ.
 | ຫວຽດນາມ ລື່ມກາຍ ສິງກະໂປ, ມາເລເຊຍ ກາຍເປັນພື້ນຖານເສດຖະກິດໃຫຍ່ທີ 4 ໃນພາກພື້ນ ອາຊີຕາເວັນອອກສ່ຽງໃຕ້ ຫວ່າງແລ້ວນີ້, ກອງທຶນເງິນຕາສາກົນ (IMF) ໄດ້ປະກາດບົດລາຍງານແງ່ຫວັງເສດຖະກິດໂລກປີ 2020 ສະບັບອັບເດດຫຼ້າສຸດ. |
 | ກອງປະຊຸມ ການນຳບັນດາສະພາກາແດງ ແລະ ຊິກວົງເດືອນແດງ ອາຊຽນຄັ້ງທີ 17 ວັນທີ 14 ຕຸລາ, ກອງປະຊຸມການນຳສະພາກາແດງ ແລະ ຊິກວົງເດືອນແດງ ພາກພື້ນ ອາຊີຕາເວັນອອກສ່ຽງໃຕ້ຄັ້ງທີ 17 ໄດ້ຈັດຂຶ້ນຕາມຮູບການທາງອອນລາຍ ໃນລະຫວ່າງວັນທີ 14 – 15 ຕຸລາ. |
 | ຫວຽດນາມ ແລະ ສະວິດ: ການໂອ້ລົມສົນທະນາດ້ານວິທະຍາສາດການຫັນເປັນດີຈີຕອນ ແລະ ປ່ຽນແປງໃໝ່ປະດິດຄິດສ້າງໄລຍະຫຼັງ Covid – 19 ຍສໝ - ບັນດານັກຊ່ຽວຊານຂອງ AVIES ຖືວ່າ ໃນຂົງເຂດຫັນເປັນດີຈີຕອນ ແລະ ປ່ຽນແປງໃໝ່ປະດິດຄິດສ້າງ, ຫວຽດນາມ ແລະ ສະວິດມີຄວາມສາມາດບົ່ມຊ້ອນຢ່າງຫຼາງຫຼາຍເພື່ອຊຸກຍູ້ການຮ່ວມມືໃນໄລຍະຈະມາເຖິງ. |
ບຸນຄົງ
