ຫວຽດນາມ ໄດ້ເຂົ້າຮ່ວມກອງປະຊຸມທາງອອນລາຍ ອາຊຽນ - ການາດາ ຄັ້ງທີ 17
	ລັດຖະບານ ຫວຽດນາມ ມອບຜ້າອັດປາກໃຫ້ແກ່ຊາວຫວຽດນາມ ຢູ່ ການາດາ ເພື່ອຕໍ່ສູ້ຕ້ານກັບ COVID-19

ໃນກອງປະຊຸມສຳມະນາທາງຖ່າຍທອດສົດ ໃນວັນທີ 3 ຕຸລາທີ່ຈັດໂດຍສະພາການຄ້າການາດາ - ຫວຽດນາມ, ທ່ານນາງ Kendal Hembroff - ຜູ້ອຳນວຍການໃຫຍ່ນະໂຍບາຍການຄ້າ ແລະ ການເຈລະຈາ ທີ່ພະແນກກິດຈະການທົ່ວໂລກ (GAC) ຂອງການາດາ, ໃຫ້ຮູ້ວ່າ: "ການາດາ ແລະ ຫວຽດນາມ ມີສາຍພົວພັນທາງການຄ້າທີ່ເຂັ້ມແຂງ, ໄດ້ສ້າງຂື້ນບົນພື້ນຖານຂອງການພົວພັນລະຫວ່າງປະຊາຊົນຢ່າງດີງາມ."

ປະຈຸບັນ, ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງການາດາ ໃນສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ), ດ້ວຍມູນຄ່າແລກປ່ຽນສິນຄ້າສອງຝ່າຍບັນລຸ 7,98 ຕື້ CAD (ເທົ່າກັບ 6,01 ຕື້ໂດລາສະຫະລັດ) ໃນປີ 2019, ທຽບໃສ່ 6,5 ຕື້ CAD ໃນປີ 2018.

ການາດາ ຢັ້ງຢືນການພົວພັນດ້ານການຄ້າຢ່າງແໜ້ນແຟ້ນກັບ ຫວຽດນາມ.

ທ່ານນາງ Hembroff ໄດ້ຄາດຄະເນວ່າ ສັນຍາການຄ້າຮອບດ້ານລະຫວ່າງການາດາ ແລະ ອາຊຽນຈະມີຜົນປະໂຫຍດແກ່ທຸກໆຝ່າຍທີ່ກ່ຽວຂ້ອງ. ຂໍ້ຕົກລົງດັ່ງກ່າວ ຈະຊ່ວຍໃຫ້ຫວຽດນາມ ມີໂອກາດສູງສຸດທີ່ໄດ້ນຳມາໂດຍສັນຍາການຄ້າເສລີ (FTA), ເຊິ່ງໃນຂະນະດຽວກັນ ໄດ້ສ້າງເງື່ອນໄຂໃຫ້ຫວຽດນາມ “ຍົກສູງຜົນກະທົບທີ່ດີ” ຂອງສັນຍາ CPTPP ໃນຂອບເຂດມີຜົນປະໂຫຍດສ່ວນລວມ.

ກ່າວຄຳເຫັນທີ່ກອງປະຊຸມສຳມະນາ, ທ່ານ ຟ້າມກ່າວຟ່ອງ - ເອກອັກຄະລັດຖະທູດຫວຽດນາມ ປະຈຳ ການາດາ ໃຫ້ຮູ້ວ່າ: ດ້ວຍຜົນປະໂຫຍດເປັນບົດບາດ “ໃຈກາງ” ຂອງ FTA ໃນອາຊີ - ປາຊີຟິກ, ຫວຽດນາມ ຈະແມ່ນຂົວເຊື່ອມຕໍ່ນຳເອົາສິນຄ້າ ແລະ ການບໍລິການຂອງປະເທດການາດາ ເຊິ່ງສາມາດເຂົ້າເຖິງທ້ອງຕະຫຼາດ ມີຜູ້ບໍລິໂພກ 660 ລ້ານຄົນຂອງອາຊຽນ, ກໍ່ຄືເປັນທ້ອງຕະຫລາດທີ່ສຳຄັນອື່ນໆໃນພາກພື້ນ.

ປະຈຸບັນ, ຫວຽດນາມພວມຢູ່ໃນອັນດັບທີ 10 ຂອງທ້ອງຕະຫຼາດສົ່ງອອກອາຫານທະເລ ຂອງການາດາ. ໃນຂະນະນັ້ນ, ການາດາ ອາດຈະແມ່ນການຕະຫຼາດເພື່ອໃຫ້ບັນດາຜະລິດຕະພັນຂອງຫວຽດນາມ ໄດ້ແຊກລິ້ມເຂົ້າຕະຫຼາດອື່ນຢູ່ພາກພື້ນອາເມລິກາ.

ໃນສະພາບການຂອງການພົວພັນດ້ານການຄ້າການາດາ - ອາຊຽນ ມີທ່າແຮງການເຕີບໂຕທີ່ເຂັ້ມແຂງ, ບັນດາຜູ້ຊ່ຽວຊານການາດາ ໄດ້ກ່າວວ່າຈຳເປັນຕ້ອງສ້າງໂຄງປະກອບເພື່ອອຳນວຍຄວາມສະດວກ ໃຫ້ແກ່ການເຕີບໂຕ ແລະ ປັບຕົວເຂົ້າກັບບັນດາທ່າອ່ຽງ ແລະ ສິ່ງທ້າທາຍໃໝ່ໃນເຄື່ອນໄຫວການຄ້າ ແລະ ການລົງທືນສາກົນ.

ສະຖານທູດຫວຽດນາມປະຈຳ ການາດາຮ່ວມ​ເດີນ​ທາງ​ກັບພົນລະເມືອງໃນ​ການປ້ອງກັນ ແລະ ຕ້ານ​ໂລກ​ລະ​ບາດ Covid-19 ຍ​ສ​ໝ - ທ່ານເອກອັກຄະລັດຖະທູດ ຟ້າມເຟືອກຟອງ ໃຫ້ຮູ້ວ່າ, ໃນໄລຍະເບື້ອ​ງ​ຕົ້ນຂອງໂລກລະບາດ, ສະຖານທູດໄດ້ມອບວຽກໃຫ້ພະນັກງານ, ລັດຖະກອນຢ່າງ ເໝາະສົມ, ຕັ້ງໂທລະສັບສາຍດ່ວນ (3 ສາຍ) ແລະ ກ່ອງຈົດໝາຍເອ​ເລັກ​ໂຕ​ນິກ 24/24 ຊົ່ວ​ໂມງ ແລະ 7 ວັນ/ອາທິດເພື່ອຮັກ​ສາ​ການຕິດຕໍ່ພົວພັນໃນ​ການສະໜັບສະໜູນ ພົນລະເມືອງໃຫ້ດີທີ່ສຸດໃນສະພາບການອຳ​ນາດ​ການ​ປົກ​ຄອງ​ຂອງ​ປະ​ເທດ​ປະ​ຈຳ​ຖິ່ນ​ປະ​ຕິ​ບັດ​ການ​ແຍກ​ຫ່າງໃນສັງຄົມ.

ລັດຖະບານ ຫວຽດນາມ ມອບຜ້າອັດປາກໃຫ້ແກ່ຊາວຫວຽດນາມ ຢູ່ ການາດາ ເພື່ອຕໍ່ສູ້ຕ້ານກັບ COVID-19 ຍສໝ - ຫວ່າງມໍ່ໆມານີ້, ສະຖານກົງສຸນໃຫຍ່ຫວຽດນາມປະຈຳ Vancouver, ການາດາໄດ້ຈັດພິທີມອບຜ້າອັດປາກຂອງລັດຖະບານໃຫ້ແກ່ຊາວຫວຽດນາມ ຢູ່ ບັນດາແຂວງທາງທິດຕາເວັນຕົກຂອງການາດາ.

ໜັງສືພິມການາດາ: ຄົນເຈັບທີ 91 - ສັນຍາລັກຂອງຜົນສຳເລັດໃນການສະກັດກັ້ນພະຍາດ COVID-19 ຂອງຫວຽດນາມ ຍສໝ - ບົດຂຽນຊີ້ແຈ້ງວ່າສະພາບການ “ເຈັບປ່ວຍໜັກຍາກທີ່ຈະລອດ” ຂອງນັກບິນຄົນອັງກິດ Cameron ແລະ ຄວາມບຸກບືນຂອງບັນດາແພດໝໍຫວຽດນາມ ເພື່ອຊ່ວຍຊູຊີວິດຂອງຄົນເຈັບທີ 91 ນີ້ ເຊິ່ງໄດ້ກາຍເປັນສັນຍາລັກຂອງຜົນສຳເລັດໃນການສະກັດກັ້ນພະຍາດ COVID-19 ຂອງຫວຽດນາມ.