| ຫວຽດນາມຍົກອອກ 3 ກຸ່ມວິທີການຟື້ນຟູເສດຖະກິດໄລຍະຫຼັງ ໂລກລະບາດ Covid – 19 | |
| ສະພາບການໂລກລະບາດ Covid – 19 ຢູ່ຫວຽດນາມ ແລະ ໃນໂລກ |
ຕາມນັກຂ່າວສຳນັກຂ່າວສານຫວຽດນາມ ປະຈຳ Ottawa, ເວັບໄຊ CBC.ca ຂອງປະເທດການາດາ ໃນວັນທີ 11 ກໍລະກົດມີບົດຂຽນທີ່ມີຫົວຂໍ້ວ່າ “ນັກບິນຄົນອັງກິດ ໄດ້ປິ່ນປົວຫາຍດີ - ສັນຍາລັກຂອງຜົນສຳເລັດໃນການສະກັດກັ້ນພະຍາດ COVID-19.
ອີງຕາມບົດຂຽນ, ກໍລະນີຂອງຄົນເຈັບອັງກິດ Stephen Cameron - ນັກບິນທີ່ເຮັດວຽກໃຫ້ບໍລິສັດການບິນແຫ່ງຊາດຫວຽດນາມ.
 |
| ຄົນເຈັບທີ 91 ໄດ້ຖ່າຍຮູບກັບຜູ້ຕາງໜ້າກົງສຸນອັງກິດ ປະຈຳຫວຽດນາມ. (ພາບ: TTXVN) |
ບົດຂຽນຊີ້ແຈ້ງວ່າສະພາບການ “ເຈັບປ່ວຍໜັກຍາກທີ່ຈະລອດ” ຂອງນັກບິນຄົນອັງກິດ Cameron ແລະ ຄວາມບຸກບືນຂອງບັນດາແພດໝໍຫວຽດນາມ ເພື່ອຊ່ວຍຊູຊີວິດຂອງຄົນເຈັບທີ 91 ນີ້ ເຊິ່ງໄດ້ກາຍເປັນສັນຍາລັກຂອງຜົນສຳເລັດໃນການສະກັດກັ້ນພະຍາດ COVID-19 ຂອງຫວຽດນາມ.
ເຈົ້າໜ້າທີ່ສາທາລະນະສຸກຂອງຫວຽດນາມ ໄດ້ກ່າວວ່າມີບາງຈຸດເວລາປອດຂອງທ້າວ Cameron ແມ່ນມີພຽງ 10% ໄດ້ເຄື່ອນໄຫວເທົ່ານັ້ນ ແລະ ຄົນເຈັບນີ້ຖືກເປັນສະພາບອັນຕະລາຍສຸດຂີດ. ໃນຕົ້ນເດືອນເມສາປີ 2020, ທ້າວ Cameron ຕ້ອງໄດ້ນຳໃຊ້ເຄື່ອງຊ່ວຍຫາຍໃຈ ແລະ ໄດ້ຮັບການປິ່ນປົວດ້ວຍວິທີການ ECMO ຢູ່ໂຮງໝໍພະຍາດເຂດຮ້ອນໃນນະຄອນໂຮ່ຈີມິນ. ມາຮອດເດືອນພຶດສະພາປີ 2020, ບັນດາເຈົ້າໜ້າທີ່ຂະແໜງການສາທາລະນະສຸກ ໄດ້ກ່າວວ່າຄົນເຈັບນີ້ ຕ້ອງການ ປະຕິບັດດ່ວນການຜ່າຕັດປ່ຽນຖ່າຍປອດ.
ແຕ່ວ່າ, ດ້ວຍການເບິ່ງແຍງດູແລທັງກາງເວັນ ແລະ ກາງຄືນທີ່ບໍ່ມີການຢຸດຢັ້ງ, ສະພາບສຸຂະພາບຂອງ ທ້າວ Cameron ໄດ້ດີຂື້ນ. ຮອດເດືອນມິຖຸນາປີ 2020, ຄົນເຈັບຜູ້ນີ້ ບໍ່ຕ້ອງຜ່າຕັດຖ່າຍປອດ ແລະ ບໍ່ຕ້ອງນໍາໃຊ້ມີເຄື່ອງຊ່ວຍຫາຍໃຈ.
ພ້ອມກັນນັ້ນ, ອີງຕາມບົດຂຽນ ໃຫ້ຮູ້ວ່າລັດຖະບານຫວຽດນາມ ໄດ້ຜ່ານຜ່າເຊື້ອໄວຣັສ SARS-CoV-2 ໂດຍການໂດດດ່ຽວແຍກອອກຫ່າງ, ການຊອກຄົ້ນຫາ ແລະ ການຍຸດທະນາການໂຄສະນາສື່ສັງຄົມ ເພື່ອສຶກສາຊຸມຊົນໄດ້ຮັບຄວາມຮູ້ເພີ່ມເຕີມກ່ຽວກັບວິທີການປ້ອງກັນ ແລະ ສະກັດກັ້ນພະຍາດ COVID-19.
ເມື່ອບໍ່ດົນມານີ້, ໃນການໃຫ້ສຳພາດຂອງນັກຂ່າວສຳນັກຂ່າວສານຫວຽດນາມ, ທ່ານ Thomas Alexander - ຊ່ຽວຊານການາດາ ທີ່ເຮັດວຽກໃນການໃຫ້ຄຳປຶກສາດ້ານການສຶກສາ, ປະຈຸບັນກຳ ລັງເຮັດວຽກຢູ່ນະຄອນໂຮ່ຈີມິນ, ໄດ້ສະແດງຄວາມປະທັບໃຈຕໍ່ວິໄສທັດຂອງບັນດາຜູ້ນຳຫວຽດນາມ ໃນການຕໍ່ສູ້ສະກັດກັ້ນພະຍາດ COVID-19 ຂອງຫວຽດນາມ.
ດ້ວຍດຳລົງຊີວິດຢູ່ຫວຽດນາມໃນໄລຍະການລະບາດຂອງພະຍາດ COVID 19, ທ່ານ Thomas ກ່າວວ່າ “ຂ້າພະເຈົ້າຮູ້ສຶກໂຊກດີຫຼາຍ ທີ່ໄດ້ພັກພາອາໄສຢູ່ຫວຽດນາມໃນໄລຍະນີ້. ຂ້າພະເຈົ້າ ໄດ້ເຮັດຫຼ້ອນພາລະໜ້າທີ່ຂອງຕົນ ເພື່ອປ້ອງກັນສະກັດກັ້ນພະຍາດ COVID-19 ໃຫ້ປະສົບຜົນສຳເລັດ.
 | ທົ່ວໂລກມີຜູ້ຕິດເຊື້ອ Covid -19 ທັງໝົດ 12.625.155 ຄົນ, ໃນນັ້ນມີຜູ້ເສຍຊີວິດ 562.769ຄົນ ຍສໝ - ໄລ່ຮອດຈຸດເວລານີ້ ທົ່ວໂລກມີຜູ້ຕິດເຊື້ອ Covid -19 ທັງໝົດ 12.625.155 ຄົນ, ໃນນັ້ນມີຜູ້ເສຍຊີວິດ 562.769ຄົນ. |
 | ຕັດສິນໃຈບໍ່ປະໃຫ້ໂລກລະບາດ Covid – 19 ເກີດຂຶ້ນຄືນໃໝ່ຢູ່ຫວຽດນາມ ຍສໝ - ຫ້ອງວ່າການລັດຖະບານຫວຽດນາມ ຫາກໍ່ປະກາດບົດສະຫຼຸບ ຂອງທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ທີ່ກອງປະຊຸມ ຂອງຄະນະປະຈຳລັດຖະບານກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19. |
 | ຫວຽດນາມ ຊຸກຍູ້ບັນດາຄວາມມານະພະຍາຍາມຂອງອາຊຽນໃນການຮັບມືກັບບັນດາຜົນກະທົບຂອງໂລກລະລາດ Covid - 19 ຍສໝ - ທ່ານຫງວຽນກ໊ວກຢຸງເນັ້ນໜັກວ່າ : ດ້ວຍຫົວຂໍ້ອາຊຽນ 2020 ແມ່ນ ສະໜິດຕິດພັນ ແລະ ເປັນເຈົ້າການໃນການຮັບມື, ຫວຽດນາມໄດ້ເປັນເຈົ້າການ ໃນການຊຸກຍູ້ບັນດາຄວາມມານະພະຍາຍາມຮັບມືກັບບັນດາຜົນກະທົບຂອງໂລກລະບາດ Covid – 19ຂອງ ອາຊຽນ ໂດຍໄວ. |
ຄຳຮຸ່ງ
