| ສຳນັກຂ່າວສານ ABC ຂອງປະເທດ ອົດສະຕາລີ: ຫວຽດນາມ ສະກັດກັ້ນໂລກລະບາດໂຄວິດ-19 ຄັ້ງທີ 2 ຢ່າງວ່ອງໄວ, ມີປະສິດທິຜົນ ແລະ ບໍ່ສິ້ນເປືອງ | |
| ໂລກມີຜູ້ຕິດໂລກລະບາດໃໝ່ແມ່ນ 212.700 ຄົນ ແລະ ມີຜູ້ເສຍຊີວິດແມ່ນ 4.862 ຄົນ |
 |
| ທ່ານ ຫງວຽນຕຽນແທ່ງ, ຮອງເລຂາຜູ້ປະຈຳການຄະນະພັກແຂວງ ໄດ້ມອບຜ້າມ່ານໃຫ້ແກ່ສະມາຄົມມິດຕະພາບຫວຽດນາມ - ລາວ ແຂວງ ທາຍບິ່ງ.(ຮູບ:THTB) |
ເມື່ອບໍ່ດົນມານີ້, ສະມາຄົມມິດຕະພາບຫວຽດນາມ - ລາວ ແຂວງ ທາຍບິ່ງໄດ້ຈັດກອງປະຊຸມໃຫຍ່ຜູ້ແທນຄັ້ງທີ 2, ອາຍຸການ 2020 - 2025. ປະຈຸບັນ ສະມາຄົມມິດຕະພາບຫວຽດນາມ - ລາວ ແຂວງທາຍບິ່ງ ມີ 6 ສາຂາສະມາຄົມ ທີ່ມີສະມາຊິກທັງໝົດ 600 ກວ່າຄົນ. ໃນໄລຍະປີ 2015 - 2020, ບັນດາການເຄື່ອນໄຫວຂອງສະມາຄົມໄດ້ປະຕິບັດຕາມແນວທາງໃຫຍ່ທີ່ໄດ້ກຳນົດໂດຍກອງປະຊຸມໃຫຍ່ຜູ້ແທນ ສະມາຄົມມິດຕະພາບຫວຽດນາມ - ລາວ ຄັ້ງທີໜຶ່ງ: ກຳແໜ້ນ ແນວທາງນະໂຍບາຍຂອງພັກ ແລະ ລັດ ກ່ຽວກັບການຂະຫຍາຍວຽກງານການທູດຂອງປະຊາຊົນບົນຈິດໃຈສັນຕິພາບ, ມິດຕະພາບ, ການຮ່ວມມື ແລະມີປະສິດທິຜົນ.
ສະມາຄົມໄດ້ເປັນເຈົ້າການໃນການປະສານງານກັບມະຫາວິທະຍາໄລການແພດ ແລະການຢາ ທາຍບິ່ງ, ຕິດຕໍ່ພົວພັນຢ່າງໃກ້ຊິດກັບຄະນະປະສານງານນັກສຶກສາລາວເພື່ອອັບເດັດສະຖານະການ, ມີວິທີແກ້ໄຂເພື່ອຊ່ວຍຄະນະປະສານງານ ແລະນັກສຶກສາ ປະສົບກັບຄວາມຫຍຸ້ງຍາກ. ສະມາຄົມມິດຕະພາບຫວຽດນາມ - ລາວ ແຂວງ ທາຍບິ່ງ ຍັງໄດ້ປະສານສົມທົບຢ່າງແໜ້ນແຟ້ນກັບບັນດາພະແນກການ, ຂະແໜງການ, ຫົວໜ່ວຍຕ່າງໆ ເພື່ອ ເປັນເສນາທິການໃຫ້ແຂວງມີການຊີ້ນໍາຈັດຕັ້ງປະຕິບັດບັນດານະໂຍບາຍຂອງພັກ, ລັດ ກ່ຽວກັບການສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດແລະ ປະຊາຊົນ ສອງປະເທດ ຫວຽດນາມ ແລະລາວ ຢ່າງທັນການ ແລະ ມີປະສິດທິຜົນ.
ກອງປະຊຸມໃຫຍ່ຍັງໄດ້ເລືອກຕັ້ງຄະນະບໍລິຫານງານ, ປະທານສະມາຄົມ, ຄະນະກວດກາຊຸດໃໝ່ ແລະໄດ້ລົງຄະແນນສຽງຮັບຮອງເອົາມະຕິກອງປະຊຸມໃຫຍ່ຄັ້ງທີ 2 ສະໄໝ 2020 - 2025. ກ່າວຄຳເຫັນທີ່ກອງປະຊຸມໃຫຍ່, ທ່ານນາງ ຫງວຽນທິລິງ, ຮອງປະທານຄະນະກຳມະການປະຊາຊົນແຂວງ ປາດຖະໜາວ່າໃນອາຍຸການໃໝ່, ສະມາຄົມມິດຕະພາບຫວຽດນາມ - ລາວ ສືບຕໍ່ເອົາໃຈໃສ່ເຖິງການສ້າງອົງການຈັດຕັ້ງສະມາຄົມທີ່ເຂັ້ມແຂງ ແລະຮອບດ້ານ, ລະດົມກຳລັງໃຈສະມາຊິກສະມາຄົມ ໃຫ້ມີຄວາມຕັ້ງໜ້າໃນການເຂົ້າຮ່ວມບັນດາການເຄື່ອນໄຫວຢູ່ທ້ອງຖິ່ນ, ເສີມຂະຫຍາຍມູນເຊື້ອສາມັກຄີມິດຕະພາບຫວຽດນາມ - ລາວ, ປະກອບສ່ວນເຂົ້າໃນການປະຕິບັດວຽກງານການທູດຂອງປະຊາຊົນແຂວງຢ່າງມີປະສິດທິຜົນ.
ທ່ານນາງ ຫງວຽນທິລິງ, ຮອງປະທານຄະນະກຳມະການປະຊາຊົນແຂວງ ກໍ່ສະເໜີສະມາຄົມຂົນຂວາຍສະມາຊິກສະມາຄົມ, ປະຊາຊົນ ຢ່າງຕັ້ງໜ້າ ເຂົ້າຮ່ວມບັນດາການເຄື່ອນໄຫວມິດຕະພາບປະຊາຊົນ ຫວຽດນາມ - ລາວ, ຊຸກຍູ້ການຮ່ວມມື, ການລົງທຶນດ້ານເສດຖະກິດ, ສັງຄົມ, ສາທາລະນະສຸກ ແລະການສຶກສາ ແລະ ບໍາລຸງສ້າງລະຫວ່າງ ແຂວງ ທາຍບິ່ງ ແລະ ແຂວງ ໄຊຍະບູລີ ແລະ ບາງທ້ອງຖິ່ນຂອງສາທາລະນະລັດປະຊາທິປະໄຕປະຊາຊົນລາວ. ສືບຕໍ່ປະສານສົມທົບກັບບັນດາພະແນກການ ແລະ ຂະແໜງການຕ່າງໆເພື່ອເບິ່ງແຍງ ແລະ ສະ ໜັບສະໜູນບັນດານັກສຶກສາລາວ ທີ່ພວມສຶກສາ ຢູ່ ມະຫາວິທະຍາໄລການແພດ ແລະ ການຢາ ທາຍບິ່ງ…
ໃນກອງປະຊຸມໃຫຍ່, ມີໝູ່ຄະນະ ແລະ ບຸກຄົນ 9 ຄົນ ໄດ້ຮັບໃບຍ້ອງຍໍ ຈາກ ສູນກາງສະມາຄົມມິດຕະພາບຫວຽດນາມ - ລາວ ແລະ ປະທານຄະນະກຳມະການປະຊາຊົນແຂວງ; ມີໝູ່ຄະນະ ແລະ ບຸກຄົນ 6 ຄົນ ໄດ້ຮັບໃບຍ້ອງຍໍຈາກສະຫະພັນອົງການຈັດຕັ້ງມິດຕະພາບແຂວງ.
 | ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII: ສສຊ ຮັບຮອງເອົາ 4 ມາດຕາໃນ 2 ຮ່າງກົດໝາຍ ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ໄດ້ດຳເນີນມາເປັນມື້ທີ 6 ໃນວັນທີ 1 ກໍລະກົດ 2020 ທີ່ສະພາແຫ່ງຊາດ (ຫຼັກ 6) ເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ມີທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍສະມາຊິກສະພາໃນແຕ່ລະເຂດເລືອກຕັ້ງ ແລະ ... |
 | ບັດາໝູ່ຄະນະ ແລະ ບຸກຄົນ ຊາວຫວຽດນາມ ໄດ້ຮັບການສັນລະເສີນ ຢູ່ ສາທາລະນະລັດເຊັກ ຍສໝ - ໃນບົດລາຍງານຂອງປະທານສະມາຄົມຊາວຫວຽດນາມ ປະຈຳ ສາທາລະນະລັດເຊັກ, ໃນໄລຍະທີ່ຜ່ານມາ, ປະຊາຄົມຊາວຫວຽດນາມ ຢູ່ສາທາລະນະລັດເຊັກ ໄດ້ມອບເຄື່ອງຊ່ວຍເຫຼືອດ້ານການເງິນ, ຜ້າອັດປາກ ແລະ ອຸປະກອນການແພດທີ່ມີມູນຄ່າທັງ ໝົດ ປະມານ 5 ລ້ານ Korun (ເທົ່າກັບ 5 ຕື້ດົ່ງ). |
 | ຫວຽດນາມ ໄດ້ມອບຜ້າບັງປາກ ແລະ ເຄື່ອງອຸປະກອນດ້ານການແພດ ຄັ້ງທີ 2 ໃຫ້ແກ່ຍີ່ປຸ່ນ ຍສໝ - ທ່ານ ເລຫ່ວາຍຈຸງ - ຮອງລັດຖະມົນຕີການຕ່າງປະເທດຫວຽດນາມ ໄດ້ມອບຜ້າບັງປາກ ຈຳນວນ 140.000 ແຜ່ນ ເຊິ່ງແມ່ນການໜູນຊ່ວຍດ້ານການແພດຮອບໃໝ່ ຂອງລັດຖະບານຫວຽດນາມ ໃຫ້ແກ່ລັດຖະບານ ແລະ ປະຊາຊົນຍີ່ປຸ່ນ. |
vietlao.vietnam.vn
