ນຳສົ່ງພົນລະເມືອງຫວຽດນາມເກືອບ 300 ຄົນ ຈາກສະຫະລັດອາເມລິກາ ແລະ ຍີ່ປຸ່ນ ກັບຄືນປະເທດ
	ຫວຽດນາມ: ນຳສົ່ງພົນລະເມືອງຫວຽດນາມ ຈຳນວນ 309 ຄົນຈາກປະເທດອັງໂກລາ ກັບຄືນປະເທດຢ່າງປອດໄພ

ຜູ້ໂດຍສານໄດ້ນຳສົ່ງກັບຄືນປະເທດໃນຄັ້ງນີ້ ແມ່ນບັນດາຜູ້ທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.

ພົນລະເມືອງຫວຽດນາມ ຈຳນວນເກືອບ 280 ຄົນຈາກເອີຣົບ ໄດ້ນຳສົ່ງກັບຄືນບ້ານຢ່າງປອດໄພ. (ພາບ: baoquocte)

ເພື່ອຈັດຕັ້ງການບິນໄດ້ປະສົບຜົນສຳເລັດ, ບັນດາສຳນັກຕົວແທນຂອງຫວຽດນາມຢູ່ເອີຣົບ ແລະ ອາຟຼິກກາ ໄດ້ແນະນຳໃຫ້ແກ່ພົນລະເມືອງ ກ່ຽວກັບຂັ້ນຕອນລະບຽບການທີ່ຈຳເປັນ, ສົມທົບກັບບັນດາອົງການທີ່ມີໜ້າທີ່ທ້ອງຖິ່ນ ເພື່ອສ້າງເງື່ອນໄຂສະດວກໃຫ້ແກ່ພົນລະເມືອງ ໃນລະຫວ່າງການເຄື່ອນຍ້າຍໄປສະຫນາມບິນໃນປາຣີ.

ສະຖານທູດຫວຽດນາມ ປະຈຳຝລັ່ງ ຍັງໄດ້ສົ່ງພະນັກງານໄປສະໜາມບິນເພື່ອຊ່ວຍເຫຼືອພົນລະເມືອງໂດຍກົງ ແລະ ປະຕິບັດຂັ້ນຕອນລະບຽບການ ກ່ອນຂຶ້ນເຮືອບິນກັບຄືນບ້ານ.

ດ້ວຍເປົ້າໝາຍຮັບປະກັນດ້ານສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ COVID-19, ບໍລິສັດການບິນແຫ່ງຊາດຫວຽດນາມ Vietnam Airlines ໄດ້ປະຕິບັດມາດຕະການຕ່າງໆກ່ຽວກັບຄວາມປອດໄພ, ຄວາມໝັ້ນຄົງ, ປ້ອງກັນ ແລະ ຕ້ານພະຍາດລະບາດ ໃນຕະຫຼອດການບິນ.

ທັນທີຫຼັງຈາກລົງຈອດຢູ່ສະໜາມບິນສາກົນ ເວີນໂດນ, ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.

ຫວຽດນາມ ຈະສືບຕໍ່ປະຕິບັດບັນດາຖ້ຽວບິນ ເພື່ອນຳສົ່ງພົນລະເມືອງກັບຄືນປະເທດ, ໂດຍອີງໃສ່ການຜັນແປຂອງພະຍາດໃນປະເທດ ແລະ ທົ່ວໂລກ, ຄວາມປາຖະໜາຂອງພົນລະເມືອງ ແລະ ຄວາມສາມາດໃນການແຍກຫ່າງຂອງທ້ອງຖິ່ນ.

ອາຊຽນປີ 2020: ການສົນທະນາທາງອອນລາຍ ລະດັບສູງ ກ່ຽວກັບການຟື້ນຕົວຫຼັງພະຍາດ COVID-19 ຍສໝ - ທ່ານ ຫງວຽນກວກຢຸງ - ລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ, ຫົວໜ້າ ອາຊຽນ SOM ຫວຽດນາມ ໄດ້ເຂົ້າຮ່ວມການໂອ້ລົມສົນທະນາ ທາງອອນລາຍ ລະດັບສູງ ດ້ວຍຫົວຂໍ້ “ການຟື້ນຕົວ ຫຼັງພະຍາດ COVID-19: ມຸ່ງໄປສູ່ປະຊາຄົມອາຊຽນທີ່ມີຄວາມເຂັ້ມແຂງກວ່າເກົ່າ”.

ຫວຽດນາມ ໄດ້ມອບເຄື່ອງອຸປະກອນການແພດສະໜັບສະໜູນບັນດາປະເທດອາຟຣິກາ ເພື່ອປ້ອງກັນ ແລະ ຄວບຄຸມ Covid-19 ຍສໝ - ຕອນບ່າຍວັນທີ 30 ກໍລະກົດ, ຢູ່ ສຳນັກງານໃຫຍ່ກະຊວງການຕ່າງປະເທດ, ທ່ານ ໂຕແອງຢູ້ງ ຮອງລັດຖະມົນຕີການຕ່າງປະເທດ ໄດ້ມອບເຄື່ອງອຸປະກອນການແພດທີ່ເປັນສັນຍາລັກເພື່ອຕ້ານໂລກລະບາດ Covid-19 ຂອງລັດຖະບານຫວຽດນາມໃຫ້ 5 ປະເທດອາຟຼິກາ.

ຫວຽດນາມ ພ້ອມແລ້ວທີ່ ເພີ່ມທະວີການຮ່ວມມືໃນການປ້ອງກັນ ແລະ ຄວບຄຸມພະຍາດ COVID-19 ກັບປະເທດ ອັງໂກລາ ຍສໝ - ຕອນເຊົ້າວັນທີ 20 ກໍລະກົດ, ຢູ່ສຳນັກງານໃຫຍ່ຂອງກະຊວງການຕ່າງປະເທດຫວຽດນາມ, ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ໃຫ້ການຕ້ອນຮັບ ທ່ານ Agostinho Andre de Carvalho Fernandes - ເອກອັກຄະລັດຖະທູດປະເທດ ອັງໂກລາ ປະຈຳ ຫວຽດນາມ.