 |
| ທ່ານນາຍົກລັດຖະຕີ ຫງວຽນຊວັນຟຸກ ໂອ້ລົມສົນທະນາທາງໂທລະສັບກັບທ່ານ Ursula von der Leyen ປະທານຄະນະກຳມະການເອີລົບ (ພາບ: VGP) |
ທີ່ການໂອ້ລົມສົນທະນາທາງໂທລະສັບໃນຕອນບ່າຍວັນທີ 29 ກໍລະກົດ, ຢູ່ຫ້ອງການລັດຖະບານ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ສະແດງຄວາມຊົມເຊີຍຕໍ່ການແລກປ່ຽຮກັບທ່ານ Ursula von der Leyen ປະທານຄະນະກຳມະການເອີລົບ ໃນຈຸດເວລາທີ່ພິເສດໃນການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ສະຫະພາບເອີລົບ EU ເມື່ອສັນຍາການຄ້າເສລີຫວຽດນາມ - EU EVFTA ຈະມີຜົນສັກສິດຢ່າງເປັນທາງການໃນວັນທີ 01 ສິງຫາ 2020, ເປີດອອກບັນດາກາລະໂອກາດ ແລະ ແງ່ຫວັງທີ່ຍິ່ງໃຫຍ່ ໃນການນຳການພົວພັນລະຫວ່າງ ຫວຽດນາມ - EU ຂຶ້ນສູ່ລະດັບສູງໃໝ່, ພ້ອມທັງແມ່ນເຫດການທີ່ມີຄວາມໝາຍຕົງກັບໂອກາດສະເຫຼີມສະຫຼອງ 30 ປີແຫ່ງການສ້າງການພົວພັນທາງການທູດລະຫວ່າງ ຫວຽດນາມ - EU (1990 - 2020).
ສອງຝ່າຍໄດ້ເຫັນດີເປັນເອກະພາບແລະ ຖືວ່າ ພ້ອມກັບສັນຍາຄູ່ຮ່ວມມື ແລະ ການຮ່ວມມືຮອບດ້ານລະຫວ່າງ ຫວຽດນາມ - EU (PCA), ການລົງນາມ ແລະ ປະຕິບັດສັນຍາ EVFTA ແລະ ສັນຍາອາລັກຂາການລົງທຶນ EVIPA ຈະນຳຫວຽດນາມ ກາຍເປັນຄູ່ຮ່ວມມືແຖວໜ້າຂອງ EU ໃນ ອາຊຽນ ແລະ ແມ່ນໜຶ່ງໃນບັນດາປະເທດ ອາຊີ - ປາຊີຟິກ ເຊິ່ງ EU ມີການພົວພັນຢ່າງເລິກເຊິ່ງກວ້າງຂວາງທີ່ສຸດນັບທັງດ້ານການເມືອງ, ເສດຖະກິດ, ການຄ້າ, ການຮ່ວມມືພັດທະນາ, ສິ່ງແວດລ້ອມ, ພະລັກງານແບບຍືນຍົງ ແລະ ຄວາມໝັ້ນຄົງດ້ານປ້ອງກັຊາດ.
ສອງຝ່າຍໄດ້ເນັ້ນໜັກເຖິງຄວາມສຳຄັນ ແລະ ຄຳໝັ້ນສັນຍາສືບຕໍ່ສົມທົບກັນຢ່າງແໜ້ນແຟ້ນເພື່ອແນໃສ່ຜັນຂະຫຍາຍສັນຍາ EVFTA ຢ່າງມີປະສິດທິຜົນ, ເສີມຂະຫຍາຍບັນດາຜົນປະໂຫຍດເຊິ່ງ ສັນຍາດັ່ງກ່າວນຳມາໃຫ້ສອງຝ່າຍຢ່າງດີທີ່ສຸດ, ປະກອບສ່ວນເຂົ້າການຊຸກຍູ້ການຫັນການຄ້າ, ການຮ່ວມມື ແລະ ເຊື່ອມຕໍ່ຢູ່ພາກພື້ນ ອາຊີ - ປາຊີຟິກເປັນເສລີ, ປະກອບສ່ວນຟື້ນຟູການເຕີບໂຕໃນສະພາບການເສດຖະກິດທົ່ວໂລກ ແລະ ພາກພື້ນ ພວມຖືກຮັບຜົນກະທົບຢ່າງເລິກເຊິ່ງຈາກໂລກລະບາດ Covid – 19.
ທ່ານປະທານ EC ໄດ້ເນັ້ນໜັກວ່າ EU ຖືເປັນສຳຄັນການຮ່ວມມືກັບຫວຽດນາມ ໃນທຸກດ້ານ, ຕີລາຄາສູງບັນດາຄວາມມານະພະຍາຍາມຂອງຫວຽດນາມ ໃນການຮັບດຳລົງຕຳແໜ່ງເປັນປະທານອາຊຽນ ແລະ ກຳມະການບໍ່ປະຈຳການຂອງສະພາຄວາມໝັ້ນຄົງສປຊ. ທ່ານກໍ່ແບ່ງປັນຄວາມວິຕົກກັງວົນກ່ຽວກັບບັນດາການຜັນແປຫວ່າງແລ້ວນີ້ຢູ່ທະເລຕາເວັນອອກ. ສອງຝ່າຍໄດ້ເນັ້ນໜັ້ກເຖິງຄວາມສຳຄັນຂອງການຮັກສາສັນຕິພາບ, ຄວາມໝັ້ນຄົງ, ຄວາມເຄົາລົບກົດໝາຍສາກົນ ໃນນັ້ນມີ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ ປີ 1982 ແລະ ການຮັບປະກັນສິດເສລີໃນການເດີນເຮືອ ແລະ ການບິນຢູ່ທະເລຕາເວັນອອກ.
 | ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ການຕ້ອນຮັບທ່ານ Ousmane Dione ຜູ້ອຳນວຍການທະນາຄານໂລກ (WB) ຍສໝ - ທ່ານນາຍົກລັດຖະມົນຕີຕີລາຄາສູງ ຕໍ່ທ່ານ Ousmane Dione ໂດຍແມ່ນ ເພື່ອນມິດທີ່ສະໜິດສະໜົມຂອງຫວຽດນາມ, ເປັນຜູ້ທີ່ມີການປະກອບສ່ວນຫຼາຍຢ່າງໃຫ້ແກ່ການພົວພັນລະຫວ່າງທະນາຄານໂລກ ແລະ ຫວຽດນາມ. |
 | ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ການຕ້ອນຮັບເອກອັກຄະລັດຖະທູດຍີ່ປຸ່ນຜູ້ໃໝ່ປະຈຳຫວຽດນາມ ຍສໝ - ທ່ານນາຍົກລັດຖະມົນຕີ ຫງວຽນຊວັນຟຸກ ກໍ່ຕີລາຄາສູງບັນດາໝາກຜົນເຊິ່ງລັດຖະບານ ແລະ ປະຊາຊົນ ຍີ່ປຸ່ນບັນລຸໄດ້ໃນການປ້ອງກັນ, ສະກັດກັ້ນໂລກລະບາດ Covid – 19, ຢັ້ງຢືນວ່າ ສອງຝ່າຍຕ້ອງສືບຕໍ່ຈັດຕັ້ງສຳເລັດກອງປະຊຸມທາງອອນລາຍຂອງບັນດາການນຳອາຊຽນ + 3 ໃນການຮັບມືກັບໂລກລະບາດ Covid – 19. |
 | ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ມີການໂອ້ລົມທາງໂທລະສັບກັບ ປະທານາທິບໍດີ ຟີລິບປີນ Rodrigo Duterte ຍສໝ - ການນຳສອງທ່ານໄດ້ເຫັນດີເປັນເອກະພາບຍູ້ແຮງການພົວພັນສອງຝ່າຍຢ່າງແທດຈິງ, ຍົກສູງປະສິດທິຜົນການຮ່ວມມືໃນບັນດາຂົງເຂດທັງໝົດ; ເຫັນດີກັນສືບຕໍ່ເພີ່ມທະວີການສົມທົບກັນ, ສະໜັບສະໜຸນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ. |
ບຸນຄົງ
