ປະເທດລາວ ຈັດພິທີເປີດອານຸສອນສະຖານຄຸກກັກຂັງຜູ້ນຳພັກ-ແນວລາວຮັກຊາດ

	ປະເທດລາວ: 95 ມື້ຕິດຕໍ່ກັນ ສປປ.ລາວ ບໍ່ພົບຜູ້ຕິດເຊື້ອພະຍາດ COVID-19 ລາຍໃໝ່ຢູ່ໃນສັງຄົມ
	ປະເທດລາວ ເຂົ້າຮ່ວມກອງປະຊຸມຖ່າຍທອດສົດຜູ້ບັນຊາການທະຫານບົກອາຊຽນ

ພິທີເປີດອະນຸສອນສະຖານຄຸກກັກຂັງຜູ້ນຳພັກ-ແນວລາວ ຮັກຊາດ ໄດ້ຈັດຕັ້ງໂດຍ ການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີກະຊວງ ປ້ອງກັນປະເທດ, ເປັນກຽດເຂົ້າ ຮ່ວມຂອງສະຫາຍ ປອ ພັນຄຳ ວິພາວັນ ກຳມະການກົມການ ເມືອງສູນກາງພັກ, ຜູ້ປະຈຳການ ຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ, ພ້ອມດ້ວຍບັນດາສະຫາຍ ກົມການເມືອງສູນກາງພັກ, ຄະນະເລຂາທິການສູນກາງພັກ, ກຳມະການສູນກາງພັກ, ບັນດາທ່ານ ລັດຖະມົນຕີ, ຮອງລັດຖະມົນຕີ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານປະຕິ ວັດອາວຸໂສບຳນານ, ຕາງໜ້າ ຄອບຄົວຜູ້ນຳພັກ-ແນວລາວຮັກ ຊາດ ຈຳນວນ 16 ທ່ານ, ຕາງໜ້າ ຄອບຄົວນາຍທະຫານສາລະວັດ ຜູ້ນຳພາແຫກຄຸກຄັ້ງມະຫັດສະ ຈັນ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ພິທີເປີດອານຸສອນສະຖານຄຸກກັກຂັງຜູ້ນຳພັກ-ແນວລາວຮັກຊາດ. (ພາບ: kongthap)

ສະຫາຍ ພົນເອກ ຈັນສະໝອນ ຈັນຍາລາດ ໄດ້ມີຄຳເຫັນຕໍ່ພິທີ ອັນມີຄວາມໝາຍສຳຄັນໃນຄັ້ງນີ້​ວ່າ: ໂດຍປະຕິບັດຕາມການຕົກລົງຂອງກົມການເເມືອງສູນກາງ ພັກ ວ່າດ້ວຍ ການຟື້ນຟູສ້າງອະ ນຸສອນສະຖານເຫດການປະ ຫວັດສາດຂອງຜູ້ນຳແນວລາວ ຮັກຊາດ ຈຳນວນ 16 ທ່ານ ໂຕນ ອອກຈາກຄຸກໂພນເຄັງຄັ້ງມະຫັດ ສະຈັນ ໃນປີ 1960 ສະບັບເລກທີ 37/ກມສພ ລົງວັນ ທີ 15 ມິຖຸນາ 2019 ຈາກນັ້ນກະຊວງປ້ອງກັນ ປະເທດຈຶ່ງໄດ້ອອກຂໍ້ຕົກລົງແຕ່ງຕັ້ງຄະນະຮັບຜີດຊອບກໍ່ສ້າງອະນຸສອນສະຖານຄຸກກັກຂັງຜູ້ນຳ ພັກ-ແນວລາວຮັກຊາດ ຢູ່ທີ່ຄ້າຍ ໂພນເຄັງຄືນໃໝ່ຕາມຮູບແບບ ເດີມ ແລະ ມອບໃຫ້ບໍລິສັດ ສຸພັດ ທອນ ທີ່ປຶກສາ ແລະ ບໍລິການຄົບ ວົງຈອນ ເປັນຜູ້ຮັບເໝົາ ໂດຍໄດ້ ກໍ່ເປັນຮູບແບບຄຸກ, ອາຄານຊັ້ນດຽວ, ໂຄງສ້າງເບຕົງເສີມເຫຼັກ ຂະໜາດ 9x45 ແມັດ, ມີທັງໝົດ 30 ຫ້ອງ, ແຕ່ລະຫ້ອງມີຂະໜາດ 2,5x3 ແມັດ, ພາຍໃນປະກອບ ເຄື່ອງຮັບໃຊ້ຄົບຊຸດ, ໃນເນື້ອທີ່ທັງ ໝົດ 35x60 ແມັດ, ມີກຳແພງ 3 ຊັ້ນ, ມີເຮືອນວາງສະແດງ 1 ຫຼັງ, ຫ້ອງນ້ຳ 1 ຫຼັງ, ເລີ່ມລົງມືກໍ່ສ້າງ ໃນວັນທີ 15 ກໍລະກົດ 2019 ແລະ ສຳເລັດ 100% ໃນວັນທີ 16 ມັງກອນ 2020 ລວມມູນຄ່າໃນ ການກໍ່ສ້າງ 8.500.000.000 ກີບ ໂດຍແມ່ນງົບປະມານຂອງ ກະຊວງປ້ອງກັນປະເທດ ແລະ ໄດ້ເປີດນຳໃຊ້ຢ່າງເປັນທາງການ ເຊິ່ງກົງກັບວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 111 ປີ.

ວີລະກຳໂຕນຄຸກລວມໝູ່ຄັ້ງມະຫັດສະຈັນຂອງບັນດາຜູ້ນຳພັກ - ແນວລາວຮັກຊາດ ແມ່ນເຫດ ການປະຫວັດສາດທີ່ບໍ່ເຄີຍມີມາ ກ່ອນໃນປະຫວັດສາດຂອງຊາດ ລາວເຮົາ ແລະ ຫາໄດ້ຍາກໃນ ໂລກສະແດງໃຫ້ເຫັນເຖິງນ້ຳໃຈ ຕໍ່ສູ້ອັນອົງອາດກ້າແກ່ນ, ບໍ່ຍອມ ຈຳນົນ, ຍອມເສຍສະຫຼະຊີວິດ ຂອງຕົນເພື່ອຍາດເອົາຄວາມເປັນ ເອກະລາດແຫ່ງຊາດມາສູ່ປະຊາຊົນລາວບັນດາເຜົ່າ, ໄດ້ກາຍເປັນ ບົດຮຽນອັນລຳ້ຄ່າໃຫ້ແກ່ພວກ ເຮົານຳໄປຄົ້ນຄວ້າ ແລະ ໝູນໃຊ້ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍແນໃສ່ເພື່ອຈາລຶກ ແລະ ເສີມຂະຫຍາຍຄັງສາງທາງດ້ານ ທິດສະດີ ແລະ ພຶດຕິກຳຕົວຈິງ ໃນການຊີ້ນຳ-ນຳພາຂອງພັກ, ທັງເປັນການຢັ້ງຢືນເຖິງຜົນງານ ອັນໂດດເດັ່ນຄວາມສະຫຼຽວສະ ຫຼາດ, ເກັ່ງກ້າ, ອາດຫານຊານ ໄຊ ແລະ ບໍ່ຍອມຈຳນົນຂອງບັນດາຜູ້ນຳພັກເຮົາທີ່ກ້າປະເຊີນໜ້າ ໂດຍກົງກັບສັດຕູ ແລະ ບໍ່ຫວັ່ນ ໄຫວຕໍ່ເຫດການໃດໆ, ເພື່ອເປັນ ບ່ອນສຶກສາອົບຮົມພະນັກງານ, ສະມາຊິກພັກ, ນັກຮຽນ-ນັກສຶກສາ ແລະ ປະຊາຊົນລາວບັນດາເຜົ່າໄດ້ເຊື່ອມຊຶມ ແລະ ກຳແໜ້ນ ກ່ຽວກັບມູນເຊື້ອປະຫວັດສາດ ແຫ່ງການຈັດຕັ້ງນຳພາຂອງພັກ ໃນການຕໍ່ສູ້ທາງດ້ານການເມືອງ ການທະຫານ, ການຕ່າງປະເທດ, ບົດຮຽນໃນການຂົນຂວາຍກໍ່ ສ້າງຮາກຖານການເມືອງ ແລະ ຍາດແຍ່ງເອົາການສະໜັບສະ ໜູນຈາກພາກສ່ວນຕ່າງໆທີ່ຮັກ ຫອມສັນຕິພາບ, ເພື່ອເປັນບ່ອນ ເຜີຍແຜ່ຂໍ້ມູນກ່ຽວກັບເຫດການ ໂຕນຄຸກໃນຄັ້ງປະຫວັດສາດ ຂອງບັນດາຜູ້ນຳພັກ-ແນວລາວ ຮັກຊາດໃຫ້ບັນດາເພື່ອນມິດທີ່ ຮັກຫອມສັນຕິພາບ, ເອກະລາດ ແລະ ຄວາມກ້າວໜ້າທາງສັງ ຄົມໄດ້ຮັບຮູ້ ແລະ ເຂົ້າໃຈເຫດ ການປະຫວັດສາດແຫ່ງການຕໍ່ສູ້ ຂອງປະຊາຊົນລາວບັນດາເຜົ່າ. ໃນຕອນທ້າຍຄະນະປະທານ ໄດ້ໃຫ້ກຽດຕັດແຖບຜ້າເພື່ອເປີດ ອະນຸສອນສະຖານຄຸກກັກຂັງ ບັນດາຜູ້ນຳພັກ-ແນວລາວຮັກ ຊາດຢ່າງເປັນທາງການ.

ປະເທດລາວ ໄດ້ສົ່ງເສີມການສົ່ງອອກຜະລິດຕະພັນກະເສດ13 ປະເພດໄປມາຫວຽດນາມ ຍສໝ - ລາວ ຈະສືບຕໍ່ເພີ່ມທະວີການສົ່ງອອກຜະລິດຕະພັນກະເສດເມື່ອບັນລຸໄດ້ຂໍ້ຕົກລົງສົ່ງອອກຜະລິດຕະພັນກະເສດໄປຍັງຕະຫຼາດສາກົນລວມມີ ຈີນ, ຫວຽດນາມ, ໄທ...

ທ່ານ ຟ້າມບິ່ງມີງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ມີການພົບປະສອງຝ່າຍກັບທ່ານ ສະເຫຼີມໄຊ ກົມມະສິດ ລັດຖະມົນຕີການຕ່າງປະເທດລາວ ຍສໝ - ສອງຝ່າຍເຫັນດີເປັນເອກະພາບຊຸກຍູ້ບັນດາກະຊວງ, ຂະແໜງການທີ່ກ່ຽວຂ້ອງຂອງສອງປະເທດໄດ້ສົມທົບກັນຢ່າງແໜ້ນແຟ້ນ, ຜັນຂະຫຍາຍຄໍາຊີ້ນໍາເປີດດ່ານຊາຍແດນຄືນໃໝ່...

ປະເທດລາວ ສຸມໃສ່ຊຸກຍູ້ການລົງທືນໃນ 6 ເດືອນທ້າຍປີ 2020 ຍສໝ - ນັບແຕ່ຕົ້ນປີ 2020 ຈົນເຖິງປະຈຸບັນ, ລັດຖະບານລາວ ໄດ້ສືບຕໍ່ດຳເນີນກິດຈະກຳຕ່າງໆ ເພື່ອດຶງດູດ ແລະ ຊຸກຍູ້ການລົງທຶນ, ເຊັ່ນ: ສ້າງເງື່ອນໄຂສະດວກ, ສົ່ງເສີມການດຳເນີນທຸລະກິດ.