 |
| ລັດຖະບານລາວ ໄດ້ເງິນກູ້ຈາກທະນາຄານ ພັດທະນາອາຊີ (ADB) ເພີ່ມມູນຄ່າ 20 ລ້ານໂດລາ ສະຫະລັດ ເພື່ອສະໜັບສະໜູນ ການຕອບໂຕ້ການແຜ່ລະບາດ ຂອງພະຍາດອັກເສບປອດ ຈາກ ເຊື້ອຈຸລະໂລກ ສາຍພັນໃໝ່ (ໂຄວິດ-19) |
ພິທີລົງນາມເຊັນສັນຍາ ເງິນກູ້ດັ່ງກ່າວ, ໄດ້ຈັດຂຶ້ນໃນວັນທີ 27 ພຶດສະພາ 2020 ທີ່ນະຄອນຫລວງວຽງຈັນ ລະຫວ່າງ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີ ກະຊວງການເງິນ ແລະ ທ່ານ ຢະຊູກິ ເນກິຊິ ຜູ້ຕາງໜ້າສຳນັກງານ ADB ປະຈຳ ສປປ ລາວ, ມີຜູ້ຕາງໜ້າ ຈາກກະຊວງສາທາລະນະສຸກ ແລະ ກະຊວງແຜນການ ແລະ ການລົງທຶນ ເຂົ້າຮ່ວມເປັນສັກຂີພິຍານ.
ເງິນກູ້ດັ່ງກ່າວ, ເປັນບ້ວງທຶນທີ່ສະໜອງເພີ່ມຕື່ມ ໃຫ້ກັບບ້ວງເງິນກູ້ ແລະ ທຶນຊ່ວຍເຫລືອລ້າ ມູນຄ່າ 12 ລ້ານໂດລາສະຫະລັດ ທີ່ໄດ້ສະໜອງໄປແລ້ວໃຫ້ແກ່ໂຄງການ ປະກັນສຸຂະພາບອານຸພາກພື້ນ ແມ່ນ້ຳຂອງທີ່ພວມ ຈັດຕັ້ງປະຕິບັດຢູ່ໃນ ສປປ ລາວ, ຈະຊ່ວຍກະຊວງສາທາລະນະສຸກ ໃນການຈັດຊື້ອຸປະກອນປ້ອງກັນໂຕ ຂອງບຸກ ຄະລາກອນການແພດ, ອຸປະກອນໃຊ້ໃນຫ້ອງທົດລອງ, ຊຸດເຄື່ອງກວດ, ອຸປະກອນການແພດ ແລະ ລົດຮັບສົ່ງຄົນເຈັບ. ພ້ອມກັນນີ້, ບ້ວງທຶນນີ້ຍັງຈະຊ່ວຍໃຫ້ລັດຖະບານ ໃນການສະໜອງອຸປະກອນເຄື່ອງມື ແລະ ການຝຶກອົບຮົມ ໃຫ້ແກ່ພະນັກງານ ທີ່ເຮັດວຽກແນວໜ້າຕົວຈິງ ເພື່ອປ້ອງກັນ ແລະ ຄວບຄຸມພະຍາດຕິດຕໍ່, ການທົດລອງ ໃນຫ້ອງທົດລອງ ແລະ ການປິ່ນປົວໃນໂຮງໝໍ ສຳລັບກໍລະນີຜູ້ຕິດເຊື້ອ ພະຍາດໂຄວິດ-19.
ນອກຈາກ, ນີ້ຍັງຈະຊ່ວຍຖົມຂຸມດ້ານລາຍຈ່າຍ ໃຫ້ແກ່ລັດຖະບານ ໃນການຕາມຫາຜູ້ທີ່ພົວພັນ ກັບກໍລະນີ ຜູ້ຕິດເຊື້ອພະຍາດ, ການສື່ສານທີ່ມີຄວາມສ່ຽງ ແລະ ການເຂົ້າຮ່ວມພົວພັນໃນດ້ານອື່ນໆ.
 | ADB: ພື້ນຖານເສດຖະກິດຂອງຫວຽດນາມ ຍັງຄົງຮັກສາໄດ້ລະດັບເຕີບໂຕຢ່າງແຮງໃນປີ 2019 ແລະ ປີ 2020 ຍສໝ - ພື້ນຖານເສດຖະກິດຂອງຫວຽດນາມ ໄດ້ຮັບການຕີລາຄາວ່າ ຍັງຄົງຮັກສາໄດ້ລະດັບເຕີບໂຕຢ່າງແຮງໃນປີ 2019 ແລະ ປີ 2020 ຢູ່ລະດັບ ທຽບເທົ່າແມ່ນ 6,8% ແລະ 6,7%, ພາຍຫຼັງມີບາດກ້າວບຸກທະລຸຢ່າງແຮງດ້ວຍລະດັບ 7,1% ໃນປີ 2018. |
 | ລັດຖະບານລາວ ປະດັບຫຼຽນໄຊ ໃຫ້ແກ່ຄະນະ ແລະ ບຸກຄົນ ຂອງຫ້ອງການສູນກາງພັກ ຫວຽດນາມ ຍສມ - ຕອນເຊົ້າຂອງວັນທີ 16 ມັງກອນ, ພິທີປະດັບຫຼຽນໄຊ ແຮງງານ ຂອງລັດຖະບານ ສປປ ລາວ; ຫຼຽນກາແຮງງານ, ໃບຍ້ອງຍໍ ຂອງນາຍົກລັດຖະມົນຕີ ແຫ່ງ ສປປ ລາວ ມອບໃຫ້ຄະນະ ແລະ ບຸກຄົນ ຂອງ ຫ້ອງວ່າການສູນກາງພັກ ຄອມມູນິດຫວຽດນາມ ຍ້ອນການປະກອບສ່ວນໃນພາລະກິດຂ່າວສານ, ວັດທະນະທຳ ແລະ ... |
 | ADB ຄາດເສດຖະກິດລາວ ສືບຕໍ່ຂະຫຍາຍຕົວລະດັບ 6,5% ການຂະຫຍາຍຕົວເສດຖະກິດຂອງລາວ ຄາດວ່າຈະໝັ້ນທ່ຽງສຳລັບປີນີ້ ແລະ ປີຕໍ່ໄປ ໂດຍໄດ້ຮັບແຮງສະໜັບສະໜູນຈາກ ການຂະຫຍາຍຕົວຂອງຂະແໜງກະສິກຳ ຂະແໜງພະລັງງານ ຂະແໜງອຸດສາຫະກໍາ ແລະ ຂະແໜງບໍລິການ. |
ຂປລ
