ລັດຖະບານລາວ ປະດັບຫຼຽນໄຊ ໃຫ້ແກ່ຄະນະ ແລະ ບຸກຄົນ ຂອງຫ້ອງການສູນກາງພັກ ຫວຽດນາມ

ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຕ່າງໜ້າມອບຫຼຽນໄຊ, ຫຼຽນການ ແລະ ໃບຍ້ອງຍໍໃຫ້ ແກ່ ພະນັກງານ ຫ້ອງການສູນກາງພັກ ຫວຽດນາມ.

ທ່ານ ຫງວ໋ຽນ ວັນເນນ ກຳມະການສູນກາງພັກ, ຫົວໜ້າຫ້ອງການສູນກາງພັກ ຄອມມູນິດຫວຽດນາມ ແະລ ທ່ານ ບໍແສງຄຳ ວົງດາລາ , ກຳມະການສູນກາງພັກ ປະຊາຊົນປະຕິວັດລາວ, ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ຮ່ວມເປັນປະທານໃນພິທີປະດັບຫຼຽນໄຊ ຄັ້ງນີ້.

ໃນພິທີປະດັບຫຼຽນໄຊ ທ່ານ ບໍແສງຄຳ ວົງດາລາ ຕ່າງໜ້າປະທານປະເທດ, ນາຍົກລັດຖະມົນຕີ ແຫ່ງ ສປປ ລາວ ໄດ້ປະດັບຫຼຽນໄຊ ແຮງງານຫຼາຍຊັ້ນ: ຊັ້ນ 1, ຊັ້ນ 2 ໃຫ້ ແກ່ ບຸກຄົນຈຳນວນ 2 ສະຫາຍ; ປະດັບຫຼຽນກາແຮງງານ ໃຫ້ແກ່ບຸກຄົນຈຳນວນ 6 ສະຫາຍ ແລະ ໝູ່ຄະນະ ຈຳນວນ 4 ໝູ່ຄະນະ; ມອບໃບຍ້ອງຍໍໃຫ້ແກ່ບຸກຄົນ ຂອງຫ້ອງການສູນກາງພັກ ຄອມມູນິດຫວຽດນາມ.

ກ່າວຄຳເຫັນໃນພິທີປະດັບຫຼຽນໄຊ ດັ່ງກ່າວ ທ່ານ ຫງວ໋ຽນ ວັນເນນ ຫົວໜ້າຫ້ອງການສູນກາງພັກ ຕ່າງໜ້າໃຫ້ແກ່ໝູ່ຄະນະ ແລະ ບຸກຄົນ ທີ່ໄດ້ຮັບ ຫຼຽນໄຊ, ຫຼຽນກາ ແລະ ໃບຍ້ອງຍໍ ກ່າວຄຳຂອບອົກຂອບໃຈຢ່າງຍິ່ງ ເຖິງພັກ, ລັດ ແລະ ປະຊາຊົນລາວອ້າຍນ້ອງ; ຂອບໃຈປະທານປະເທດ, ນາຍົກລັດຖະມົນຕີ ໄດ້ຮັບຮູ້ເຖິງການປະກອບສ່ວນຂອງໝູ່ຄະນະ ກໍ່ຄືບຸກຄົນ ຂອງຫ້ອງການສູນກາງພັກ ເຂົ້າໃນການພັດທະນາ ພາລະກິດຂ່າວສານ, ວັດທະນະທຳ ແລະ ການຈັດພິມຈຳໜ່າຍ ຂອງລາວໃນໄລຍະປີ 2005 ຮອດປະ 2013.

ທ່ານ ຫງວ໋ຽນ ວັນເນນ ໄດ້ໃຫ້ຮູ້ວ່າ ການປະຕິບັດພາລະກິດແມ່ນອົງການທີ່ປຶກສາ ຊ່ວຍຄະນະບໍລິຫານສູນກາງ, ຮັບໃຊ້ໂດຍກົງແມ່ນ ກົມການເມືອງ, ຄະນະກຳມະການໃນອົງການຈັດຕັ້ງ, ບໍລິຫານວຽກງານການນຳຂອງພັກ, ໃນຊຸມປີທີ່ຜ່ານມາ, ຫ້ອງການສູນກາງພັກ ໄດ້ເປັນທີ່ປຶກສາ, ຈັດຕັ້ງປະຕິບັດ ຫຼາຍໆການເຄື່ອນໄຫວ ຮ່ວມມືກັບບັນດາຄູ່ຮ່ວມມືຂອງລາວ; ໄດ້ຮັບການຍອມຮັບຈາກພັກ ມອບໝາຍໃຫ້ຜັນຂະຫຍາຍ ຫຼາຍໆໂຄງການ ຊ່ວຍເຫຼືອ ປະເທດເພື່ອບ້ານລາວ.

ທ່ານ ຫງວ໋ຽນ ວັນເນນ ເນັ້ນໜັກວ່າ: ໝາກຜົນຂອງການຮ່ວມມື ໃນຊຸມປີທີ່ຜ່ານມາ ສະແດງເຖິງຄວາມມີຊີວິດຊີວາຂອງສາຍພົວພັນອັນເກົ່າແກ່, ຄວາມສາມັກຄີພິເສດ, ຮ່ວມມືຮອບດ້ານ ລະຫວ່າງ ສອງພັກສອງລັດ ແລະ ປະຊາຊົນ ທັງສອງປະເທດ ຫວຽດນາມ-ລາວ. ພ້ອມທັງບັດນາຜົນສຳເລັດອັນສຳຄັນ, ຮອບດ້ານ ທີ່ສອງພັກ ບັນລຸໄດ້ໃນຂະບວນການປ່ຽນແປງໃໝ່, ສາຍພົວພັນພິເສດ ຫວຽດນາມ-ລາວ ນັບມື້ນັບພັດທະນາລົງສູ່ລົງເລິກ ແລະ ກວ້າງຂວາງ ໃນທຸກໆຂົງເຂດ, ປະກອບສ່ວນສຳຄັນເຂົ້າໃນການຮັກສາຄວາມໝັ້ນຄົງດ້ານການເມືອງ, ພັດທະນາເສດຖະກິດສັງຄົມໃນແຕ່ລະປະເທດ.

ໃນສະພາບການທີ່ພູມມິພາກ ແລະ ໂລກ ກຳລັງດຳເນີນໄປຢ່າງສັບສົນ, ບໍ່ສາມາດຄາດຄະເນໄດ້, ແຫ່ງຕ້ອງໄດ້ຮັດແໜ້ນ, ຊຸກຍູ້ສາຍພົວພັນ ສາມັກຄີພິເສດ ແລະ ພັດທະນາຮອບດ້ານ ຫວຽດນາມ-ລາວ ພັດທະນາ ລົງສູ່ລວງເລິກ, ມີປະສິດທິຜົນໃນທຸກໆຂົງເຂດ, ເພື່ອຜົນປະໂຫຍດຂອງປະຊາຊົນ ແຕ່ລະປະເທດ, ເພື່ອສັນຕິພາບ, ຄວາມສະຫງົບ ແລະ ພັດທະນາ ຂອງພູມມິພາກ ແລະ ໃນໂລກ.

（ຫັດ​ທະ​ບູນ）