| ສປປ ລາວ ສະເໜີອົງການແຮງງານສາກົນ ຊວ່ຍເຫລືອແກ້ໄຂ ຜົນກະທົບດ້ານແຮງງານ ຈາກພະຍາດໂຄວິດ-19 | |
| ສະຫາຍ ພົນເອກ ສີສະຫວາດ ແກ້ວບຸນພັນເຖິງແກ່ມໍລະນະກໍາ |
ພາຍຫຼັງພິທີໄວ້ອາໄລ, ທ່ານ ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຂຽນໃສ່ປຶ້ມໄວ້ອາໄລດ້ວຍເນື້ອໃນວ່າ:
“ຂໍສະແດງຄວາມອາໄລອາວອນຢ່າງສຸດຊື້ງ ຕໍ່ທ່ານພົນເອກ ສີສະຫວາດ ແກ້ວບຸນພັນ, ຜູ້ນຳປີຊາສາມາດ, ເປັນລູກຮັກຫຼານແພງທີ່ດີເດັ່ນຂອງປະຊາຊົນລາວບັນດາເຜົ່າ, ເປັນນັກຮົບປະຕິວັດທີ່ອົງອາດກ້າຫານ, ຍອມເສຍສະຫຼະຕະຫຼອດຊີວິດສູ້ຊົນເພື່ອເອກະລາດແຫ່ງຊາດ, ເສລີພາບ, ຄວາມຜາສຸກຂອງປະຊາຊົນ ແລະ ການພັດທະນາຄວາມຮຸ່ງເຮືອງສີວິໄລຂອງປະເທດລາວ, ເພື່ອເຮັດໃຫ້ປະເທດລາວ ໄດ້ນັບມື້ນັບຈະເລີນຮຸ່ງເຮືອງ ແລະ ເຊື່ອມໂຍງເຂົ້າກັບສາກົນ.
 |
| ທ່ານຟ້າມບິ່ງມິງ - ຮອງນາຍົກລັດຖະມົນຕີຫວຽດນາມ ໄດ້ຂຽນໃສ່ປຶ້ມໄວ້ອາໄລ. (ພາບ: baoquocte) |
ທ່ານ ສີສະຫວາດ ແກ້ວບຸນພັນ ແມ່ນຜູ້ເພື່ອນທີ່ດີ, ແມ່ນເພື່ອນສະຫາຍທີ່ສະໜິດສະໜົມ ແລະ ສຸດຈິດສຸດໃຈຂອງພັກ, ລັດ ແລະ ປະຊາຊົນຫວຽດນາມ, ເຊິ່ງໄດ້ປະກອບສ່ວນຢ່າງໃຫຍ່ຫຼວງເຂົ້າໃນວຽກງານສ້າງສາ, ເສີມຂະຫຍາຍ ແລະ ພັດທະນາສາຍພົວພັນ ມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສສ.ຫວຽດນາມ ແລະ ສປປ.ລາວ.
ຕາງໜ້າກະຊວງການຕ່າງປະເທດຫວຽດນາມ ແລະ ໃນນາມສ່ວນຕົວ, ຂ້າພະເຈົ້າຂໍສະແດງຄວາມເສົ້າສະຫຼົດໃຈຢ່າງຈິງໃຈ ແລະ ເລິກເຊິ່ງ ໄປຍັງພັກ, ລັດ ແລະ ປະຊາຊົນ ສປປ.ລາວ ແລະ ຄອບຄົວຂອງທ່ານ ສີສະຫວາດ ແກ້ວບຸນພັນ."
ກໍ່ໃນຕອນເຊົ້າວັນທີ 15 ພຶດສະພາ, ທ່ານເຈືອງຮ່ວາບິ່ງ ກຳມະການກົມການເມືອງ, ຮອງນາຍົກລັດຖະມົນຕີຜູ້ປະຈຳການລັດຖະບານ; ທ່ານຟ້າມບິ່ງມິງ ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ, ທ່ານນາງຕ່ອງທິຟອງ ກຳມະການກົມການເມືອງ, ຮອງປະທານຜູ້ປະຈຳການສະພາແຫ່ງຊາດ, ຂະແໜງການ, ສຳນັກງານອົງການຈັດຕັ້ງ, ມະຫາຊົນຫວຽດນາມເຂົ້າຮ່ວມພິທີ.
 |
| ຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມພິທີໄວ້ອາໄລທ່ານອະດີດນາຍົກລັດຖະມົນຕີ ສປປ.ລາວ. (ພາບ: TTXVN) |
ກ່າວຄຳເຫັນທີ່ພິທີ, ທ່ານ ແສງເພັດ ຮຸ່ງບຸນຍວງ , ເອກອັກຄະລັດຖະທູດແຫ່ງ ສປປ.ລາວ ປະຈຳ ຫວຽດນາມ ໄດ້ສະແດງຄວາມສະເທືອນໃຈ ແລະ ຕາງໜ້າໃຫ້ພັກ, ລັດ ແລະ ປະຊາຊົນລາວ ໄດ້ຂອບໃຈຢ່າງຈິງໃຈ ສຳຫຼັບບັນດາຜູ້ນຳພັກ, ສະພາແຫ່ງຊາດ, ລັດຖະບານ, ຄະນະກຳມະການແນວໂຮມແຫ່ງຊາດຫວຽດນາມ ທີ່ໄດ້ເຂົ້າຮ່ວມພິທີໄວ້ອາໄລ ທ່ານອະດີດນາຍົກລັດຖະມົນຕີລາວ ສີສະຫວາດ ແກ້ວບຸນພັນ, ສະແດງໃຫ້ເຫັນຄວາມຮັກແພງພິເສດ ແລະ ຫາຍາກ, ຕິດພັນກັນສະໜິດແໜ້ນ ລະຫວ່າງປະຊາຊົນສອງປະເທດ.
 | ລັດຖະບານ ສປປ.ລາວ ອະນຸຍາດໃຫ້ວິສາຫະກິດ ໄດ້ດຳເນີນເຄື່ອນໄຫວທຸລະກິດຄືນໃໝ່ ຍສໝ - ທ່ານ ກິແກ້ວ ຈັນທະບູຣີ - ຮອງລັດຖະມົນຕີກະຊວງແຜນການ ແລະ ການລົງທຶນ ສປປ.ລາວ ໃຫ້ຮູ້ວ່າ ລັດຖະບານ ສປປ.ລາວ ໄດ້ອະນຸຍາດໃຫ້ວິສາຫະກິດ ໄດ້ດຳເນີນເຄື່ອນໄຫວທຸລະກິດຄືນໃໝ່, ຟື້ນຟູການຜະລິດ. |
 | ທ່ານ ຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ໄຫວ້ອາໄລ ທ່ານພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີ ລາວ ຍສໝ - ຕອນບ່າຍ ວັນທີ 13 ພຶດສະພາ, ຢູ່ ນະຄອນຫຼວງວຽງຈັນ ສປປ.ລາວ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ນຳໜ້າຄະນະຜູ້ແທນຂັ້ນສູງພັກ ແລະ ລັດຖະບານ ຫວຽດນາມ ໄດ້ໄປໄຫວ້ອາໄລທ່ານ ພົວເອກ ສີສະຫວາດ ແກ້ວບຸນພັນ, ອະດີດກຳມະການກົມການເມືອງ, ອະດີດນາຍົກລັດຖະມົນຕີ, ອະດີດປະທານຄະນະກຳມະການສູນກາງແນວລາວສ້າງຊາດ ທີ່ຫາກໍ່ເຖິງແກ່ມໍລະນະກຳໃນວັນທີ 12 ພຶດສະພາ. |
 | ສະຫາຍ ພົນເອກ ສີສະຫວາດ ແກ້ວບຸນພັນເຖິງແກ່ມໍລະນະກໍາ ເພື່ອຈາລຶກຄຸນງາມຄວາມດີຂອງສະຫາຍ ພົນເອກ ສີສະຫວາດ ແກ້ວບຸນພັນ ທີ່ໄດ້ອຸທິດແກ່ປະເທດຊາດ ແລະ ການປະຕິວັດ; ດ້ວຍຄວາມອາໄລອາວອນຢ່າງສຸດຊຶ້ງຕໍ່ສະຫາຍ ຊຶ່ງເປັນຜູ້ໜຶ່ງທີ່ອົງອາດກ້າແກ່ນ ໃນບັນດາການນໍາຮຸ່ນທໍາອິດກໍ່ຕັ້ງພັກ ແລະ ກອງທັບປະຊາຊົນລາວ. ຄະນະບໍລິຫານງານສູນກາງພັກ, ສະພາແຫ່ງຊາດ, ລັດຖະບານແຫ່ງ ສປປ ລາວ, ສູນກາງແນວລາວສ້າງຊາດ ໄດ້ຕົກລົງໄວ້ອາໄລຢ່າງເປັນທາງການ ເປັນເວລາ 5 ວັນ ນັບແຕ່ວັນທີ 12 ເຖິງວັນທີ ... |
ຄຳຮຸ່ງ
