 | ທ່ານປະທານ ຄໍາໄຕ ສີພັນດອນ: ການນຳດີເດັ່ນຂອງລາວ, ເພື່ອນມິດທີ່ຍິ່ງໃຫຍ່ຂອງຫວຽດນາມ |
| ຊາວໜຸ່ມທຸກຄົນແມ່ນທູດແຫ່ງສັນຕິພາບ, ເປັນຂົວຕໍ່ສ້າງນ້ຳໃຈມິດຕະພາບ. |
ໃນປຶ້ມໄວ້ອາໄລ, ທ່ານ ຟານແອງເຊີນ ໄດ້ຂຽນວ່າ: “ສະຫະພັນບັນດາອົງການມິດຕະພາບ ຫວຽດນາມ ຂໍສະແດງຄວາມເສົ້າສະຫລົດໃຈຢ່າງສຸດຈິດສຸດໃຈມາຍັງບັນດາສະຫາຍ, ເພື່ອນມິດປະຊາຊົນ ລາວ ແລະ ຄອບຄົວຂອງທ່ານພົນເອກ ຄຳໄຕ ສີພັນດອນ, ອະດີດປະທານຄະນະບໍລິຫານງານສູນກາງພັກປະຊາຊົນປະຕິວັດລາວ, ອະດີດປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ການຈາກໄປຂອງສະຫາຍ ແມ່ນຄວາມເສຍຫາຍອັນໃຫຍ່ຫຼວງຂອງພັກ, ລັດ ແລະ ປະຊາຊົນລາວ ແລະ ຫວຽດນາມ.
 |
| ທ່ານປະທານສະຫະພັນບັນດາອົງການມິດຕະພາບຫວຽດນາມ ຟານແອງເຊີນ ເຂົ້າໄວ້ອາໄລທ່ານພົນໂທ ຄຳໄຕ ສີພັນດອນ. (ພາບ: Dinh Hoa) |
ສະຫະພັນບັນດາອົງການມິດຕະພາບຫວຽດນາມ ຈະມານະພະຍາຍາມຮ່ວມກັບສະຫາຍ, ເພື່ອນມິດ ແລະ ປະຊາຊົນລາວ ສືບຕໍ່ຮັກສາ, ເພີ່ມພຸນຄຸນສ້າງແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ - ຫວຽດນາມ, ເປັນຊັບສົມບັດລວມອັນລ້ຳຄ່າທີ່ບັນດາການນຳຂອງສອງປະເທດໃນທຸກລຸ້ນຄົນໄດ້ມານະພະຍາຍາມກໍ່ສ້າງ ແລະ ເພີ່ມພຸນຄຸນສ້າງ.
ຂໍສະແດງຄວາມເຄົາລົບນັບຖືຢ່າງຈິງໃຈ, ຄວາມກະຕັນຍູອັນເປັນນິດ ແລະອະທິຖານຂໍໃຫ້ທ່ານຈົ່ງມີຄວາມສະຫງົບສຸກຊົ່ວນິລັນດອນ”.
 |
| ທ່ານຟານແອງເຊີນ ຂຽນໃນປຶ້ມອາໄລຫາທ່ານພົນເອກ ຄຳໄຕ ສີພັນດອນ. (ພາບ: Dinh Hoa) |
ກໍ່ໃນວັນດຽວກັນ, ຄະນະຜູ້ແທນສະມາຄົມມິດຕະພາບຫວຽດນາມ - ລາວ ໂດຍທ່ານພົນຕີ ຫງວຽນຕ໋ຽນລອງ, ຮອງປະທານສະມາຄົມ ເປັນນຳໜ້າ ໄດ້ໄປໄວ້ອາໄລ ແລະ ເຊັນປຶ້ມໄວ້ອາໄລຫາທ່ານພົນເອກ ຄຳໄຕ ສີພັນດອນ.
ໃນປຶ້ມໄວ້ອາໄລ, ທ່ານພົນຕີ ຫງວຽນຕ໋ຽນລອງ ໄດ້ສະແດງຄວາມເສົ້າສະຫຼົດໃຈຢ່າງສຸດຈິດສຸດໃຈທີ່ໄດ້ຮັບຟັງການເສຍຊີວິດຂອງທ່ານພົນເອກ ຄຳໄຕ ສີພັນດອນ.
 |
| ຄະນະຜູ້ແທນສະມາຄົມມິດຕະພາບຫວຽດນາມ - ລາວ ເຂົ້າໄວ້ອາທ່ານພົນໂທ ຄຳໄຕ ສີພັນດອນ. (ພາບ: Dinh Hoa) |
“ການຈາກໄປຂອງ ສະຫາຍ ຄຳໄຕ ສີພັນດອນ ແມ່ນການສູນເສຍອັນໃຫຍ່ຫຼວງຂອງພັກ, ລັດ, ປະຊາຊົນລາວ ແລະ ຄອບຄົວຂອງສະຫາຍ. ພັກ, ລັດ, ປະຊາຊົນ ແລະ ສະມາຄົມມິດຕະພາບ ຫວຽດນາມ-ລາວ ໄດ້ສູນເສຍເພື່ອນມິດສະຫາຍທີ່ສະໜິດສະໜົມ ແລະ ອ້າຍນ້ອງທີ່ໄດ້ຕໍ່ສູ້ຄຽງບ່າຄຽງໄຫຼ່ຄຽງບ່າຄຽງໄຫຼ່ມາຕະຫຼອດໄລຍະແຫ່ງການຕໍ່ຕ້ານຂອງປະຊາຊົນສອງຊາດ ຫວຽດນາມ-ລາວ ມາເປັນເວລາຍາວນານ.
ສູນກາງສະມາຄົມມິດຕະພາບຫວຽດນາມ - ລາວ ແລະ ບັນດາສະມາຊິກລ້ວນແຕ່ສະແດງຄວາມຂອບອົກຂອບໃຈຢ່າງເລິກເຊິ່ງການປະກອບສ່ວນອັນໃຫຍ່ຫຼວງຂອງສະຫາຍ ຄຳໄຕ ສີພັນດອນ ໃນການກໍ່ສ້າງ, ປັບປຸງ, ພັດທະນາສາຍພົວພັນມິດຕະພາບອັນຍິ່ງໃຫຍ່ ແລະ ຄວາມສາມັກຄີແບບພິເສດຫວຽດນາມ - ລາວ. ສະມາຄົມມິດຕະພາບ ຫວຽດນາມ-ລາວ ຂໍສະແດງຄວາມເສຍໃຈຢ່າງສຸດຊຶ້ງມາຍັງສະມາຄົມມິດຕະພາບລາວ-ຫວຽດນາມ, ປະຊາຊົນລາວ ແລະ ຄອບຄົວຂອງ ສະຫາຍ ຄຳໄຕ ສີພັນດອນ.
ພວກຂ້າພະເຈົ້າຫວັງວ່າ ສະມາຄົມມິດຕະພາບລາວ-ຫວຽດນາມ, ປະຊາຊົນລາວ ແລະ ຄອບຄົວຂອງສະຫາຍ ຄຳໄຕ ສີພັນດອນ ຈະຜ່ານຜ່າການສູນເສຍອັນເຈັບປວດນີ້ໄປໂດຍໄວ ແລະ ສືບຕໍ່ສ້າງສາປະເທດຊາດລາວໃຫ້ນັບມື້ນັບຈະເລີນຮຸ່ງເຮືອງ”, ທ່ານພົນຕີ ຫງວຽນຕ໋ຽນລອງ ຂຽນໃນປຶ້ມໄວ້ອາໄລ.
 |
| ທ່ານພົນຕີ ຫງວຽນຕ໋ຽນລອງ, ຮອງປະທານສະມາຄົມມິດຕະພາບຫວຽດນາມ - ລາວ ຂຽນໃນປຶ້ມອາໄລຫາ. (ພາບ: Dinh Hoa) |
ທ່ານພົນເອກ ຄໍາໄຕ ສີພັນດອນ ໄດ້ເຖິງແກ່ມໍລະນະກຳ ເວລາ 10 ໂມງ 30 ນາທີ ຂອງວັນທີ 2 ເມສາ 2025.
ໃນສົງຄາມຕໍ່ຕ້ານ ແລະ ກູ້ຊາດ, ທ່ານພົນເອກ ຄຳໄຕ ສີພັນດອນ ໄດ້ນຳພາກອງທັບ ແລະ ປະຊາຊົນລາວ ແບ່ງປັນຄວາມປິຕິຊົມຊື່ນ ແລະ ຄວາມໂສກເສົ້າ, ຢືນຄຽງຂ້າງບັນດານັກຊ່ຽວຊານ ແລະ ທະຫານອາສາສະໝັກ ຫວຽດນາມ ໃນທຸກສະພາບການ, ປະກອບສ່ວນນຳເອົາໄຊຊະນະອັນສະຫງ່າລາສີຂອງປະຊາຊົນສອງປະເທດໃນການຕໍ່ສູ້ຕ້ານກັບສັດຕູຮ່ວມກັນ.
ໃນຂະບວນການປົກປັກຮັກສາ, ສ້າງສາ ແລະ ພັດທະນາປະເທດຊາດ, ທ່ານພົນເອກ ຄຳໄຕ ສີພັນດອນ ຍາມໃດກໍ່ຮ່ວມມືຢ່າງແໜ້ນແຟ້ນກັບຫວຽດນາມ ເພື່ອແລກປ່ຽນ ແລະ ແບ່ງປັນປະສົບການ, ສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນ.
ທ່ານຍັງແມ່ນໜຶ່ງໃນບັນດາການນຳລາວທີ່ມີການພົວພັນສະໜິດແໜ້ນ ແລະ ໃກ້ຊິດສະໜິດສະໜົມກັບບັນດາຜູ້ນຳຫວຽດນາມ ໃນທຸກເວລາ. ຍາມໃດກໍມີຄວາມສົນໃຈໃນການປູກຝັງ, ຊຸກຍູ້ ແລະ ປະກອບສ່ວນເຂົ້າໃນການຮັດແໜ້ນສາຍພົວພັນລະຫວ່າງ 2 ປະເທດໃຫ້ເລິກເຊິ່ງກ່ວາອີກ, ຊ່ວຍໃຫ້ສາຍພົວພັນນີ້ນັບມື້ນັບແໜ້ນແຟ້ນ ແລະ ໝັ້ນຄົງຕະຫຼອດໄປ.
 | ຍສໝ - ສະພາບການໂລກ ແລະພາກພື້ນໃນປັດຈຸບັນ ພວມມີການປ່ຽນແປງຢ່າງ ວ່ອງໄວ ແລະຜັນປ່ຽນຢ່າງສັບສົນ, ເລີ່ມຈາກສະພາບຕົວຈິງ “ນໍ້າໃຈ ອ້າຍນ້ອງ” ລະຫວ່າງພັກກອມມູນິດຫວຽດນາມ ແລະ ພັກປະຊາຊົນ ປະຕິວັດລາວ |
 | 3 ໜ້າທີ່ຈຸດສຸມຂອງສະມາຄົມມິດຕະພາບ ຫວຽດນາມ - ລາວ ໃນຂົງເຂດຕຳຫຼວດປະຊາຊົນອາຍຸການ 2025 - 2030 ຍສໝ - ໃນວັນທີ 20 ມີນາ, ຢູ່ຮ່າໂນ້ຍ, ໄດ້ດຳເນີນກອງປະຊຸມໃຫຍ່ຂອງສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ (ສະມາຄົມ) ຄັ້ງທຳອິດ, ອາຍຸການ 2025 - 2030. ທ່ານ ພົນເອກ ເລືອງຕາມກກວາງ, ກຳມະການກົມການເມືອງ, ເລຂາທິການຄະນະພັກຕຳຫຼວດສູນກາງ, ລັດຖະມົນຕີກະຊວງຕຳຫຼວດ ເຂົ້າຮ່ວມ ແລະ ກ່າວຄຳປາໄສຊີ້ນຳທີ່ກອງປະຊຸມໃຫຍ່. |
ມີງດຶກ
