| ແຂວງເງ້ອານ ໜູນຊ່ວຍ ສປປ.ລາວ ໃນການປ້ອງກັນ ແລະ ຄວບຄຸມພະຍາດ Covid - 19 | |
| ດ້ຽນບຽນ ແລະ ກວາງຈີ້ ໄດ້ມອບເຂົ້າສານ ແລະ ອຸປະກອນການແພດເພື່ອສະໜັບ ສະໜູນ ລາວ ໃນການຕໍ່ສູ້ກັບ ໂລກລະບາດ COVID-19 |
 |
| ຫຼາຍພາກສ່ວນ ສືບຕໍ່ມອບເງິນ ແລະ ເຄື່ອງຊ່ວຍເຫຼືອຕ້ານ ໂຄວິດ-19.(ພາບ:pasaxon.org.la) |
ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງ ການເງິນ ໄດ້ຕ່າງໜ້າ ໃຫ້ລັດຖະບານລາວ ຮັບເຄື່ອງຊ່ວຍເຫລືອ ຈາກບໍລິສັດທາງລົດໄຟ ລາວ-ຈີນ ປະກອບມີ ຜ້າປິດປາກ 286.000 ອັນ ແລະ ເຄື່ອງວັດ ແທກອຸນຫະພູມ 250 ອັນ, ລວມມູນຄ່າ 1.679.400.000 ກີບ ຕາງໜ້າ ມອບໂດຍ ທ່ານ ລິ ປິ່ງ ສວນ ຜູ້ອໍານວຍການໃຫຍ່ ບໍລິສັດທາງລົດໄຟລາວ-ຈີນ ; ຈາກບໍລິສັດ ກໍ່ສ້າງ ແລະ ລົງທຶນ ແຂວງ ຢຸນນານ ຫຸ້ນສ່ວນຈຳກັດ ມອບເງິນສົດມູນຄ່າ 500.000.000 ກີບ, ຕາງໜ້າມອບໂດຍ ທ່ານ ຫລິວ ຫູ້ ຫົວໜ້າຫ້ອງການ ກຸ່ມບໍລິສັດ ກໍ່ສ້າງ ແລະ ລົງທຶນ ແຂວງ ຢຸນນານ ຫຸ້ນສ່ວນຈຳກັດ ປະຈຳລາວ ທັງເປັນປະທານ ບໍລິສັດຮ່ວມທຶນລາວຈີນ; ຈາກບໍລິສັດ ໄທເມດ (ມູນນິທິ ວິລະພຸຊົງ) ມອບເງິນສົດ ມູນຄ່າ 150.000.000 ກີບ ມອບໂດຍທ່ານ ອະນັນ ອິນທະວົງ ຕາງໜ້າບໍລິສັດ ໄທເມດ; ຈາກບໍລິສັດ ສົມວັນຈະເລີນເປໂຕຣລ້ຽມ ເຈວລີ ຈຳກັດ ມອບເງິນ ສົດມູນຄ່າ 100.000.000 ກີບ ຕາງໜ້າມອບໂດຍ ທ່ານ ສັນຕິ ສີດາວົງ ຮອງອຳນວຍການ ບໍລິສັດ ສົມວັນຈະເລີນເປໂຕຣລ້ຽມ ເຈວລີ ຈຳກັດ.
ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ຢືນຢັນ ມາຮອດວັນທີ 28 ເມສາ 2020 ສປປ ລາວ ບໍ່ພົບຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນ ນັບເປັນເວລາ 16 ມື້ຕິດຕໍ່ກັນ, ຕົວເລກຍັງຄົງຕົວ ຢູ່ 19 ກໍລະນີ ຄືເກົ່າ, ໃນຄະນະທີ່ມີຜູ້ປິ່ນປົວດີ ແລະ ໄດ້ອອກໂຮງໝໍແລ້ວ 7 ຄົນ, ຍັງເຫລືອຜູ້ຕິດເຊື້ອ 12 ຄົນ, ປັດຈຸບັນ ອາການຄົງຕົວຂັ້ນເບົາບາງ ຍັງຕິດຕາມການກວດຫາເຊື້ອ ເພື່ອຢັ້ງຢືນ.
ທ່ານ ດຣ.ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ລາຍງານໃຫ້ຮູ້ໃນພິທີຖະແຫລງຂ່າວ ໃນວັນທີ 28 ເມສາ 2020 ນີ້ວ່າ: ໃນວັນທີ 27 ເມສາ 2020, ໄດ້ເກັບຕົວຢ່າງມາກວດທັງໝົດ 19 ຄົນ, ຜົນກວດທັງໝົດບໍ່ພົບເຊື້ອ, ໝາຍຄວາມວ່າ ໃນວັນທີ 28 ເມສາ 2020 ບໍ່ມີກໍລະນີຕິດໃໝ່, ນັບແຕ່ເດືອນມັງກອນ ຮອດ ວັນທີ 28 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1.815 ຕົວຢ່າງ, ກວດພົບເຊື້ອສະສົມ 19 ຄົນ. ໃນຄະນະທີ່ທົ່ວໂລກ ມາຮອດເວລາ 6:00 ໂມງເຊົ້າ ຂອງວັນທີ 28 ເມສາ 2020, ມີການລາຍງານ ການລະບາດ ທັງໝົດ 210 (ປະເທດ/ເຂດ), ມີການຢັ້ງຢືນ ຜູ້ຕິດເຊື້ອ3.058.552 (65.290 ໃໝ່), ເສຍຊິວິດ 211.177 (4.262 ໃໝ່), ປີ່ນປົວຫາຍດີ 919.727 (42.591 ໃໝ່), ມີບາງປະເທດ ຈຳນວນຜູ້ຕິດເຊື້ອມື້ດຽວມີເຖິງ 20.354 ຄົນ ແລະ ເສຍຊີວິດ 1.211 ຄົນຕໍ່ມື້.
 | ຫວຽດນາມ ແລະ ລາວ ຮ່ວມຈິດຮ່ວມໃຈກັນເພື່ອຕໍ່ສູ້ກັບການລະບາດຂອງພະຍາດ COVID – 19 ຍສໝ - ໃນຕອນບ່າຍຂອງວັນທີ 21 ເມສາ, ຄະນະຜູ້ແທນ ສູນກາງສະມາຄົມມິດຕະພາບ ຫວຽດນາມ - ລາວ ນໍາໂດຍທ່ານ ຫງວຽນແມັ້ງຫູ່ງ, ຮອງປະທານສະມາຄົມ ໄດ້ມາຢ້ຽມຢາມ ແລະ ມອບອຸະປະກອນການແພດລວມມີ: ຊຸດປ້ອງກັນລະບາດ ແລະ ຜ້າບັງປາກ ໃຫ້ແກ່ສະຖານທູດ ສປປ.ລາວ ປະຈໍາ ຫວຽດນາມ ເພື່ອສະໜັບສະໜູນ ປະຊາຊົນລາວ ... |
 | ຫວຽດນາມ ມອບເງິນ 50.000 USD ໃຫ້ແກ່ລັດຖະບານ ແລະ ປະຊາຊົນມຽນມາ ເພື່ອປ້ອງກັນ, ຕ້ານພະຍາດ ໂຄວິດ -19 ຍສໝ - ເມື່ອບໍ່ດົນມານີ້, ທ່ານ ຫງວຽນກ໊ວກຢຸ໊ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ມອບສັນຍາລັກເງິນຈໍານວນ 50.000 ໂດລາສະຫະລັດຂອງຫວຽດນາມ ໃຫ້ແກ່ລັດຖະບານ ແລະປະຊາຊົນມຽນມາ ເພື່ອປ້ອງກັນ, ຕ້ານພະຍາດ ໂຄວິດ-19. |
 | ໜັງສືພິມອາເມລິກາ ຊົມເຊີຍເລື່ອງ ຫວຽດນາມ ຊ່ວຍເຫຼືອ ອີຢູ ຍສໝ - ໜັງສືພິມອາເມລິກາ The Diplomat ໄດ້ຄັດສະເໜີຂໍ້ມູນຂ່າວຂອງກະຊວງການຕ່າງປະເທດຫວຽດນາມ ໃຫ້ຮູ້ວ່າ ວັນທີ 7 ເມສາ ຫວຽດນາມ ໄດ້ມອບຜ້າອັດປາກ 550.000 ອັນໃຫ້ແກ່ 5 ປະເທດເອີລົບ ເພື່ອໜູນຊ່ວຍບັນດາປະເທດເຫຼົ່ານີ້ຕໍ່ສູ້ກັບໂລກລະບາດໂຄວິດ-19. |
ໄຊພອນ
