ໃນການໂອ້ລົມ, ທ່ານຮອງປະທານສະພາແຫ່ງຊາດ ຝູ່ງກ໋ວກຫຽນ ໄດ້ຕີລາຄາສູງການມາຢ້ຽມຢາມຫວຽດນາມ ເປັນຄັ້ງທຳອິດໃນຖານະເປັນຮອງປະທານສະພາແຫ່ງຊາດ ຂອງທ່ານ ບຸນປອນ ບຸດຕະນະວົງ ແລະ ເຊື່ອໝັ້ນວ່າ ຕໍ່ປະເພນີການຮ່ວມມືທີ່ດີ ລະຫວ່າງສອງສະພາແຫ່ງຊາດ, ການຢ້ຽມຢາມຂອງຄະນະຜູ້ແທນຂັ້ນສູງສະພາແຫ່ງຊາດຄັ້ງນີ້ ຈະປະກອບສ່ວນເພີ່ມທະວີປະສິດທິຜົນ ແລະ ຜົນສຳເລັດ ຂອງການຮ່ວມມືລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ ໃນໄລຍະຈະມາເຖິງ.
 |
ທ່ານຮອງປະທານສະພາແຫ່ງຊາດ ຝູ່ງກ໋ວກຫຽນ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ລາວ. (ພາບ: quochoi.vn)
ທ່ານຮອງປະທານສະພາແຫ່ງຊາດ ຝູ່ງກ໋ວກຫຽນ ຢັ້ງຢືນວ່າ, ການຮ່ວມມືດ້ານເສດຖະກິດລະຫວ່າງ ຫວຽດນາມ ແລະ ລາວໄດ້ພັດທະນາຢ່າງບໍ່ຢຸດຢັ້ງ, ກາຍເປັນພື້ນຖານໄລຍະຍາວໃນການພົວພັນຫວຽດນາມ - ລາວ. ສອງຝ່າຍສືບຕໍ່ປະຕິບັດຂໍ້ຕົກລົງການຄ້າສະບັບໃໝ່ ແລະ ສັນຍາການຄ້າຊາຍແດນຢ່າງມີຈຸດປະສົງ ເພື່ອຮັກສາອັດຕາການເຕີບໂຕຂອງມູນຄ່າການຄ້າໃຫ້ໄດ້ 10% ຕໍ່ປີ.
ທ່ານຮອງປະທານສະພາແຫ່ງຊາດ ລາວ ໄດ້ຕີລາຄາສູງ ໝາກຜົນທີ່ ຫວຽດນາມບັນລຸໄດ້ໃນການປະຕິບັດເອກະສານຂອງກອງປະຊຸມໃຫຍ່ຜູ້ແທນພັກທົ່ວປະເທດຄັ້ງທີ 12 ຂອງພັກ, ການເມືອງທີ່ ໝັ້ນ ຄົງ ແລະ ການພັດທະນາເສດຖະກິດຢ່າງໄວວາ, ຊີວິດຂອງປະຊາຊົນນັບມື້ນັບດີຂື້ນ, ມີຖານະບົດບາດທີ່ສູງຂື້ນໃນເວທີສາກົນ.
ຮອງປະທານສະພາແຫ່ງຊາດລາວ ບຸນປອນ ບຸດຕະນະວົງ ໃຫ້ຮູ້ວ່າ, ການພົວພັນລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ ນັບມື້ນັບເລິກເຊິ່ງ, ມີປະສິດທິຜົນ, ມີປະສິດທິຜົນຢ່າງດີກວ່າ ແລະ ຕີລາຄາສູງບັນດາການສຳມະນາວິທະຍາສາດທີ່ໄດ້ຮັບການມອບໝາຍ ຈາກບາງຄະນະກຳມະການ ຂອງສະພາແຫ່ງຊາດຫວຽດນາມຈັດຂຶ້ນ ທີ່ຊ່ວຍສະພາແຫ່ງຊາດ ລາວ ຖອດຖອນບົດຮຽນ ທີ່ມີປະໂຫຍດຫຼາຍຢ່າງໃນການຄຸ້ມຄອງທີ່ດິນ ແລະ ການເງິນ…ປະກອບສ່ວນຍົກສູງປະສິດທິພາບການດຳເນີນງານສຳລັບ ສະພາແຫ່ງຊາດ ສປປ ລາວ. ຫວຽດນາມສືບຕໍ່ ດຳລົງ ຕຳແໜ່ງ ເປັນ ນັກລົງທຶນຕ່າງປະເທດໃຫຍ່ທີ 3 ຢູ່ລາວ. ໂຄງການ ດຳເນີນງານທີ່ມີປະສິດທິຜົນໃນຂະແໜງ ການທະນາຄານ, ໂຮງແຮມ ແມ່ນການປະກອບສ່ວນເຂົ້າໃນງົບປະມານ ແລະ ຄວາມໝັ້ນຄົງທາງສັງຄົມຂອງລັດ.
ຕາມຄຳສະເໜີ ຂອງຜູ້ນຳ ສະພາແຫ່ງຊາດລາວ, ທ່ານຮອງປະທານສະພາແຫ່ງຊາດ ຝູ່ງກ໋ວກຫຽນ ໃຫ້ຮູ້ວ່າ, ສະພາແຫ່ງຊາດສອງປະເທດຈະຄົ້ນຄ້ວາ ແລະ ປະສານສົມທົບ ເພື່ອສ້າງຕັ້ງກຸ່ມຕິດຕາມກວດກາຮ່ວມກັນກ່ຽວກັບການເຄື່ອນໄຫວຂອງປະຕູຊາຍແດນ ຂອງສອງປະເທດ ເພື່ອໃຫ້ ກຳຈັດບັນດາຄວາມຫຍຸ້ງຍາກ, ປະກອບສ່ວນ ອຳນວຍຄວາມສະດວກໃຫ້ແກ່ວົງເງິນການຄ້າເພີ່ມຂຶ້ນຂອງສອງປະເທດ.
（ຄຳຮຸ່ງ）
