ນາຍົກລັດຖະມົນຕີ ຫວຽດນາມ ຕ້ອນຮັບ ຜູ້ວ່າການທະນາຄານ ແຫ່ງສປປ ລາວ

ບັນຍາກາດການຕ້ອນຮັບຄະນະການນຳທະນາຄານແຫ່ງຊາດ ລາວ

ຊົມເຊີຍ ທ່ານ ສອນໄຊ ສິດພະໄຊ ຜູ້ວ່າການທະນາຄານ ແຫ່ງ ສປປ ລາວ ເຂົ້າຮ່ວມ ກອງປະຊຸມຜັນຂະຫຍາຍ ພາລະກິດ ປີ 2019 ຂອງ ທະນາຄານແຫ່ງຊາດ ຫວຽດນາມ ດຳເນີນໄປໃນຕອນເຊົ້າ ວັນທີ 9 ມັງກອນ, ທ່ານ ຫງວ໋ຽນ ຊົນຟຸກ ຕີລາຄາສູງ ຜົນສຳເລັດຂອງການຮ່ວມມືອັນຫຼາກຫຼາຍ, ນັບມື້ນັບໄປສູ່ລວງເລິກ ລະຫວ່າງ ທະນາຄານ ແຫ່ງຊາດຫວຽດນາມ ແລະ ທະນາຄານ ແຫ່ງສປປ ລາວ.

ທ່ານນາຍົກລັດຖະມົນຕີ ຫງວ໋ຽນ ຊົນຟຸກ ໄດ້ໃຫ້ຮູ້ວ່າຫາກໍ່ຮ່ວມກັບ ທ່ານນາຍົກລັດຖະມົນຕີ ທອງລຸນ ສີສຸລິດ ເປັນປະທານກອງປະຊຸມ ກຳມະການຮ່ວມມື ສອງຝ່າຍຫວຽດນາມ-ລາວ ຄັ້ງທີ 41. ທັງສອງຝ່າຍໄດ້ຮ່ວມກັນທົບທວນ ແລະ ຮັບການເຄື່ອນໄຫວຮ່ວມມື ໃນປີ 2018, ເຫັນດີເປັນເອກກະພາບກັບແຜນການການຮ່ວມມື ປີ 2019, ໃນນັ້ນ ມີພາລະກິດສຳຄັນຕົ້ນຕໍ ແມ່ນ ນຳມູນຄ່າການຄ້າ ນຳເຂົ້າສົ່ງອອກ ຂອງສອງປະເທດ ບໍ່ໃຫ້ຫຼຸດ 10% ທຽບກັບ ປີ 2018.

ແບ່ງປັນ ຄວາມຫຍຸ້ງຍາກຂອງຝ່າຍລາວ ທີ່ກຳລັງປະເຊີນຢູ່, ທ່ານນາຍົກລັດຖະມົນຕີ ຫວຽດນາມ ຢືນຢັນວ່າ ດ້ວຍ ເນື້ອໃນຈິດໃຈ “ຊ່ວຍໝູ່ກໍ່ຄືຊ່ວຍຕົນເອງ”, ຫວຽດນາມ ຍາມໃດກໍ່ພ້ອມທີ່ຈະອຸ້ມຊູຍູ້ໜູນຊ່ວຍ ລັດຖະບານລາວ ໃນທຸກຄວາມມານະພະຍາຍາມ ສ້າງຄວາມສະຖຽນລະພາບ, ພັດທະນາເສດຖະກິດ ຢູ່ ສະເໝີ. ເປັນສອງປະເທດທີ່ມີຄວາມຄ້າຍຄືກັນດ້ານ ເສດຖະກິດ-ສັງຄົມ, ຫວຽດນາມ ມີບົດຮຽນ ແລະ ປະສົບການ ສາມາດແບ່ງປັນກັບ ສປປ ລາວ ເພື່ອປະກອບສ່ວນເຂົ້າໃນການຊ່ວຍເຫຼືອ ແລະ ແກ້ໄຂບັນຫາຕ່າງໆ ທີ່ປະເທດລາວກຳລັງປະເຊີນຢູ່.

ທ່ານນາຍົກລັດຖະມົນຕີຫວຽດນາມ ໄດ້ສະເໜີຕໍ່ ຜູ້ວ່າການທະນາຄານແຫ່ງຊາດຫວຽດນາມ ຊີ້ນຳຂະແໜງການທະນາຄານ ສືບຕໍ່ຮ່ວມມື ແລະ ຊ່ວຍເຫຼືອຢ່າງຕັ້ງໜ້າ ໃຫ້ແກ່ທະນາຄານແຫ່ງ ສປປ ລາວ ໂດຍສະເພາະແມ່ນການສົ່ງພະນັກງານວິຊາການທີ່ເກັ່ງໄປຊ່ວຍ ລາວ.

ທ່ານນາຍົກລັດຖະມົນຕີຫວຽດນາມ ເຊື່ອໝັ້ນວ່າ ທັງສອງຝ່າຍຈະຮ່ວມມືກັນຢ່າງໄກ້ສິດ, ຜັນຂະຫຍາຍ ໝາກຜົນທີ່ມີປະສິດຕິພາບ, ບັນດາແນວຄວາມຄິດ ແລະ ບັນດາສັນຍາ ທີ່ການນຳຂອງສອງປະເທດ ເຫັນດີເປັນເອກກະພາບນຳກັນ ໃນນັ້ນ ປະກອບມີ ການຮ່ວມມືໃນຂົງເຂດທະນາຄານ ແຫ່ງສປປ ລາວ ກໍ່ຄືສິ່ງທີ່ ລັດຖະບານລາວ ໃຫ້ຄວາມສົນໃຈ.

ສະແດງຄວາມດີໃຈ ທີ່ໄດ້ມາຢ້ຽມຢາມ ແລະ ເຂົ້າຮ່ວມກອງປະຊຸມທີ່ສຳຄັນຂອງ ທະນາຄານແຫ່ງຊາດຫວຽດນາມ ຈັດຂື້ນ ທ່ານ ສອນໄຊ ສິພະໄຊ ໄດ້ກ່າວວ່າ: ຜ່ານກອງປະຊຸມດັ່ງກ່າວ ທະນາຄານ ແຫ່ງ ສປປ ລາວ ຈະຮຽນຮູ້ຈາກບັນດາບົດຮຽນກໍ່ຄືປະສົບການໃນການຄຸ້ມຄອງ, ບໍລິຫານ ຂອງ ທະນາຄານ ແຫ່ງຊາດຫວຽດນາມ.

ເນັ້ນໜັກວ່າໃນຊຸມປີຜ່ານມາ ທັງສອງຝ່າຍໄດ້ມີຮ່ວມມືຢ່າງຮັດແໜ້ນ ແລະ ໄກ້ສິດ, ທ່ານ ສອນໄຊ ສິດພະໄຊ ຫວັງເປັນຢ່າງຍິ່ງວ່າ ຈະສືບຕໍ່ໄດ້ຮັບການຮ່ວມມື, ຊ່ວຍເຫຼືອຍູ້ໜູນ, ແບ່ງປັນບົດຮຽນ ຈາກ ຫວຽດນາມ ໃນຂົງເຂດການເງິນ, ການທະນາຄາ ເປັນຕົ້ນແມ່ນ ການຄຸ້ມຄອງເງິນຕາຕ່າງປະເທດ, ບໍລິຫານນະໂຍບາຍການເງິນ, ອັດຕາແລກປ່ຽນ,..

（ຫັດ​ທະ​ບູນ）