ຫວຽດນາມ - ລາວ ຮ່ວມມືປະຕິບັດກົດໝາຍວ່າດ້ວຍປ່າໄມ້

ບັນຍາກາດທີ່ກອງປະຊຸມ. ພາບ: nongnghiep.vn.

ໃນປີ 2017-2018, ກົມກວດກາປ່າໄມ້ຫວຽດນາມ ແລະກົມກວດກາປ່າໄມ້ລາວ ໄດ້ເປັນເຈົ້າການສົມທົບກັບທະຫານຊາຍແດນ, ຕໍາຫຼວດ, ພາສີຈັດຕັ້ງການລາດຕະເວນ, ການກວດກາເປັນຫຼາຍຄັ້ງ, ສະໜອງຂໍ້ມູນຂ່າວສານໃຫ້ກັນ, ຈາກນັ້ນພົບເຫັນ, ຈັບຕົວ, ແກ້ໄຂນັບຮ້ອຍຄະດີທີ່ກ່ຽວຂ້ອງເຖິງການຄ້າເຖື່ອນເຄື່ອງປ່າຂອງດົງ, ສັດປ່າປະເພດຕ່າງໆ.

ການນໍາບັນດາແຂວງທີ່ຂຶ້ນກັບສອງປະເທດ ຫວຽດນາມ-ລາວ ມອບຂອງຂວັນທີ່ລະນຶກໃຫ້ກັນ. ພາບ: nongnghiep.vn.

ທ່ານ ດັ້ງງອັກເຊີນ, ຮອງປະທານຄະນະກໍາມະການແຂວງຮ່າຕີ໋ງ ເນັ້ນໜັກວ່າ: ພາຍຫຼັງກົມໃຫຍ່ປ່າໄມ້ຫວຽດນາມ ແລະກົມກວດກາປ່າໄມ້ລາວ ລົງນາມໃນບົດບັນທຶກຊ່ວຍຈໍາ, ແຂວງຮ່າຕີ໋ງ ກໍ່ໄດ້ລົງນາມໃນບັນດາແຜນການຮ່ວມມືກ່ຽວກັບວຽກງານຄຸ້ມຄອງ, ປ້ອງກັນປ່າໄມ້ ແລະປະຕິບັດກົດໝາຍວ່າດ້ວຍປ່າໄມ້ ກັບແຂວງ ຄໍາມ່ວນ ແລະແຂວງບໍລິຄໍາໄຊ ຂອງລາວ. ໃນວິວັດແຫ່ງການຮ່ວມມື, ສອງຝ່າຍໄດ້ຈັດຕັ້ງການລາດຕະເວນຮ່ວມ 3 ຄັ້ງ ແລະກອງປະຊຸມສໍາມະນາຝືກອົບຮົມ, ເຜີຍແຜ່ບັນດາເອກະສານນິຕິກໍາກ່ຽວກັບການຄຸ້ມຄອງ, ປ້ອງກັນປ່າໄມ້ ຄື: ສົນທິສັນຍາ Cites, ກົດໝາຍປ້ອງກັນ ແລະພັດທະນາປ່າໄມ້, ບັນດາດໍາລັດຂອງລັດຖະບານ..., ຈາກນັ້ນເຫັນດີເປັນເອກະສັນໃນການຄຸ້ມຄອງ, ຫຼີກລ່ຽງບໍ່ໃຫ້ເກີດສິ່ງທີ່ຄົງຄ້າງກ້າວກ່າຍໃນການຈາລະຈອນເຄື່ອງປ່າຂອງດົງ.

（ແຫຼ່ງ​ຂໍ້​ມູນ​： ທູຈາງ/ກປ.ອອນໄລ）