ເຂົ້າຮ່ວມກອງປະຊຸມເຮັດວຽກ ມີພົນຈັດຕະວາ ຫງວ໋ຽນຫ໋າຍຈຸງ ຮອງກົມໃຫຍ່ ຫວົໜ້າກົມໃຫຍ່ການເມືອງ ຕຳຫຼວດປະຊາຊົນ, ກະຊວງປ້ອງກັນຄວາມສະຫງົບ ຫວຽດນາມ; ພັນເອກ ສຸວັນນີ ສີສຸພາບມີໄຊ ຮອງກົມໃຫຍ່ ຫົວໜ້າກົມໃຫຍ່ການເມືອງ, ກະຊວງປ້ອງກັນຄວາມສະຫງົບ ຮ່ວມກັບຕ່າງໜ້າການນຳ ບັນດາອົງການຈັດຕັ້ງ ກະຊວງປ້ອງກັນຄວາມສະຫງົບຫວຽດນາມ ແລະ ກະຊວງປ້ອງກັນຄວາມສະຫງົບລາວ.
 |
ພົນຈັດຕະວາ ຫງວ໋ຽນຫ໋າຍຈຸງ ປາໄສທີ່ກອງປະຊຸມ. (ພາບ: cand.com.vn)
ປາໄສທີ່ກອງປະຊຸມ ພົນຈັດຕະວາ ຫງວ໋ຽໜຫ໋າຍຈຸງ ສະແດງຄວາມດີໃຈແລະຍິນດີ ເມື່ອເປັນກຽດຮັບ ຄະນະຜູ້ແທນ ຂອງ ກົມໃຫຍ່ການເມືອງ, ກະຊວງປ້ອງກັນຄວາມສະຫງົບ ລາວ ຢ້ຽມຢາມແລະເຮັດວຽກຢູ່ຫວຽດນາມ; ພ້ອມກັນນັ້ນເນັ້ນໜັກວ່າ: ຫວຽດນາມ ແລະ ລາວ ແມ່ນສອງປະເທດເພື່ອນບ້ານໄກ້ຄຽງ “ ພູຕິດພູ, ແມ່ນ້ຳຕິດກັບແມ່ນ້ຳ ”, ມິດຕະພາບຜູກພັນ ອ້າຍນ້ອງ ລະຫວ່າງປະຊາຊົນສອງຊາດ ໄດ້ຮັບການສ້າງຕັ້ງ ແລະ ຫຼໍ່ຫຼອມ ໃນປະຫວັດສາດສ້າງສາ ແລະ ປົກປັກຮັກສາປະເທດຊາດ.
ການພົວພັນຮ່ວມມືລະຫວ່າງສອງປະເທດ ໃນແຕ່ລະຂົງເຂດຄື: ການເມືອງ, ເສດຖະກິດ, ວັດທະນະທຳ, ສັງຄົມ, ຄວາມສະຫົງບ , ປ້ອງກັນປະເທດ ນັບມື້ນັບດີຂື້ນ, ມີການພັດທະນາ, ມີຄວາມເລິກເຊິ່ງ ແລະ ມີປະສິດທິຜົນເປັນຮູບປະທຳ.
 |
ບັນຍາກາດກອງປະຊຸມປືກສາຫາລື. (http://cand.com.vn)
ພ້ອມກັນນັ້ນ ສາຍພົວພັນຮ່ວມມື ລະຫວ່າງ ກະຊວງປ້ອງກັນຄວາມສະຫງົບ ຫວຽດນາມ ແລະ ກະຊວງປ້ອງກັນຄວາມສະຫງົບລາວ ແລະ ອົງການທີ່ກ່ຽວຂ້ອງຂອງລາວ; ລະຫວ່າງ ກົມໃຫຍ່ການເມືອງ ຕຳຫຼວດປະຊາຊົນ, ກະຊວງປະກັນຄວາມສະຫງົບຫວຽດນາມ ແລະ ກົມໃຫຍ່ການເມືອງ ກະຊວງປ້ອງກັນຄວາມສະຫງົບລາວ; ລະຫວ່າງບັນດາອົງການມະຫາຊົນ ຂອງກະຊວງປ້ອງກັນຄວາມສະຫງົບຫວຽດນາມ ແລະ ບັນດາອົງການຈັດຕັ້ງມະຫາຊົນ ຂອງກະຊວງປ້ອງກັນຄວາມສະຫງົບ ລາວ ສືບຕໍ່ໄດ້ຮັບການເສີມຂະຫຍາຍ, ພັດທະນາຢ່າງບໍ່ຢຸດຢັ້ງ ແລະ ເປີດກວ້າງທຸກໆດ້ານ.
 |
ພົນຈັດຕະວາ ຫງວ໋ຽນຫ໋າຍຈຸງ ມອງຂອງທີ່ລະລືກໃຫ້ແກ່ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ລາວ. (ttp://cand.com.vn)
ສະມາຊິກໃນຄະນະ, ສະມາຊິກສະມາຄົມ ສອງປະເທດ ໄດ້ມີການແລກປ່ຽນກັນຫຼາຍເທື່ອ ແລະ ຈັດຕັ້ງບັນດາການເຄື່ອນໄຫວມິດຕະພາບ ດ້ວຍຫຼາຍເນື້ອໃນຢ່າງເລິກເຊິງ, ມີປະໂຫຍດ; ພະນັກງານໄວໝຸ່ມຂອງສອງກະຊວງ ຕາມແນວຊາຍແດນ ໄດ້ປະສານສົມທົບ ຈັດຕັ້ງຫຼາຍໆການເຄື່ອນໄຫວ ອາສາສະໝັກ ຊ່ວຍເຫຼືອປັບປຸງ ຊີວິດການເປັນຢູ່ຂອງພໍ່ແມ່ປະຊາຊົນ, ບັນດາການເຄື່ອນໄຫວ ປະສານສົມທົບຕໍ່ສູ້ຕ້ານ, ປ້ອງກັນ ຜູ້ກໍ່ການຮ້າຍຂ້າມຊາດ; ຈັດຕັ້ງ ສະມາຄົມ ແມ່ຍິງ ຂອງສອງກະຊວງ ພົບປະແລກປ່ຽນກັນ, ແລກປ່ຽນບົດຮຽນ ໃນການເສີມຂະຫຍາຍ ບົດບາດຂອງແມ່ຍິງ ໃນວຽກງານວິຊາສະເພາະ; ອົງການຈັດຕັ້ງກຳມະບານ ມີຄວາມຜູກພັນ, ປະສານສົມທົບຢ່າງຮັດແໜ້ນ ໃນການປ້ອງກັນສິດຜົນປະໂຫຍດອັນຊອບທຳ ແລະ ຊ່ວຍເຫຼືອຊາວຜູ້ອອກແຮງງານ ປັບປຸງຊີວິດການເປັນຢູ່, ຍົກສູງຝີມື-ວິຊາສະເພາະ … ຈາກນັ້ນປະກອບສ່ວນສຳຄັນເຂົ້າໃນພາລະກິດປ້ອງກັນຄວາມສະຫງົບສຸກ ແຫ່ງຊາດ ແລະ ຮັບປະກັນຄວາມເປັນລະບຽບຮຽບຮ້ອຍຂອງສັງຄົມ, ຮັບໃຊ້ໃນການເຊື່ອມໂຍງ ແລະ ພັດທະນາ ເສດຖະກິດ-ສັງຄົມຂອງແຕ່ລະປະເທດ.
 |
ບັນດາຄະນະຜູ້ແທນຖ່າຍຮູບເປັນທີ່ລະນືກ. (ພາບ: http://cand.com.vn)
ໃນໂອກາດນີ້ ພົນຈັດຕະວາ ຫງວ໋ຽນຫ໋າຍຈຸງ ຫວັງເປັນຢ່າງຍິ່ງວ່າ: ອົງການຮັບຜິດຊອບ ຂອງສອງຝ່າຍ ຈະເຈລະຈາ ແລະ ເສນາທິການ ສະເໜີບັນດາເນື້ອໃນຮ່ວມມືຈັດຕັ້ງປະຕິບັດຢ່າງມີປະສິດທິຜົນໃນຂະບວນການກໍ່ສ້າງກອງກຳລັງ ແລະ ພິເສດແມ່ນວຽກງານມະຫາຊົນ ຂອງສອງກະຊວງໃນອານາຄົດ; ຢືນຢັນຄວາມຕັດສິນໃຈຜ່ານຜ່າສືບທອດ ແລະ ເສີມສ້າງຄວາມສາມັກຄີພິເສດ, ສາຍພົວພັນມິດຕະພາບ ຊື່ສັດຮັດແໜ້ນ ແລະ ການປະສານສົມທົບຮ່ວມມືຮອບດ້ານ ລະຫວ່າງສອງພັກ-ສອງລັດ, ປະຊາຊົນສອງປະເທດ ຫວຽດນາມ-ລາວເວົ້າລວມ; ການຮ່ວມມື ຊ່ວຍເຫຼືອຮອບດ້ານລະຫວ່າງກະຊວງປ້ອງກັນຄວາມສະຫງົບຫວຽດນາມ ແລະ ກະຊວງປ້ອງກັນຄວາມສະຫງົບລາວ; ກົມໃຫຍ່ການເມືອງ ຕຳຫຼວດປະຊາຊົນ ແລະ ກົມໃຫຍ່ການເມືອງ ກະຊວງປ້ອງກັນຄວາມສະຫງົບລາວ ເວົ້າສະເພາະ, ປະກອບສ່ວນຈັດຕັ້ງປະຕິບັດໄຊຊະນະ ພາລະກິດການເມືອງຂອງສອງພັກ-ສອງລັດ.
ຜ່ານການເຮັດວຽກນຳກັນ ທັງສອງອົງການຈັດຕັ້ງ ໄດ້ແລກປ່ຽນຢ່າງຕັ້ງໜ້ານຳກັນ ແບ່ງປັນບັນດາບົດຮຽນໃນການຈັດຕັ້ງປະຕິບັດວຽກງານອົງການຈັດຕັ້ງມະຫາຊົນ ພ້ອມກັນນັ້ນສະເໜີບັນດາເນື້ອໃນ ການຮ່ວມມືອັນເລິກເຊີ່ງ ໃນອານາຄົດ, ປະກອບສ່ວນເຂົ້າໃນໄຊຊະນະ ພາລະກິດປະຕິວັດຂອງສອງຊາດ; ຢືນຢັນ ແລະ ເສີມຂະຫຍາຍສາຍພົວພັນອັນດີງາມ, ຊື່ສັດ ລະຫວ່າງສອງພັກສອງລັດ ສາຍພົວພັນມິດຕະພາບ ຮ່ວມມືຮອບດ້ານລະຫວ່າງ ກະຊວງປ້ອງກັນຄວາມສະຫງົບ ຫວຽດນາມ ແລະ ກະຊວງປ້ອງກັນຄວາມສະຫງົບລາວ.
（ຫັດທະບູນ）
