 |
ບັນຍາກາດກອງປະຊຸມພົບປະ ຂອງສອງຝ່າຍ.
ຈຸດປະສົງຂອງການພົບປະຂອງຄະນະຜູ້ແທນ 05 ແຂວງທີ່ເດີນທາງມາໃນຄັ້ງນີ້ ກໍແມ່ນເພື່ອເປັນການປຶກສາຫາລືແລກປ່ຽນບົດຮຽນດ້ານວຽກງານການທ່ອງທ່ຽວ ແລະ ເປັນການສ້າງເງື່ອນໄຂທີ່ດີໃນການພົວພັນຮ່ວມມືດ້ານການທ່ອງທ່ຽວກັບນັກທຸລະກິດຂອງແຂວງຫຼວງພະບາງ ພ້ອມທັງເປັນການສືບຕໍ່ຈັດຕັ້ງປະຕິບັດບົດບັນທຶກຄວາມເຂົ້າໃຈການຮ່ວມມື ລະຫວ່າງ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງພະບາງກັບ 5 ແຂວງພາກເໜືອຂອງຫວຽດນາມ ໃຫ້ນັບມື້ນັບເຂົ້າສູ່ລວງເລິກ
ການພົບປະຄັ້ງນີ້ເປັນດານສືບຕໍ່ຮັດແໜ້ນຄວາມສາມັກຄີສາຍພົວພັນການຮ່ວມມືແບບພິເສດລະຫວ່າງປະຊາຊົນ 2 ຊາດເວົ້າລວມ, ເວົ້າສະເພາະແມ່ນແຂວງຫຼວງພະບາງ ກັບ5 ແຂວງພາກເໜືອຂອງ ສສ.ຫວຽດນາມ ໃນນັບມື້ນັບແໜ້ນແຟ້ນຂື້ນໄປເລື້ອຍໆ
ໂອກາດດຽວກັນນັ້ນ, ທ່ານ ຟາມຫວຽດຢຸ້ງ ກຳມະການພັກແຂວງ, ຫົວໜ້າພະແນກວັດຖະນະທຳ ແລະ ທ່ອງທ່ຽວແຂວງດຽນບຽນ ກໍ່ໄດ້ກ່າວສະແດງຄວາມຂອບໃຈເປັນຢ່າງສູງຕໍ່່ທ່ານ ນາງສຸດາພອນ ພົມທະວົງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ຫຼວງພະບາງ ພ້ອມດ້ວຍຄະນະ ທີ່ໃຫ້ການຕ້ອນຮັບອັບອົບອຸ່ນຕໍ່ກັບການມາຢ່ຽມຢ່ຽມ ແລະ ເຮັດວຽກຂອງທ່ານຢູ່ໃນແຂວງຫຼວງພະບາງໃນຄັ້ງນີ້.
（ຫັດທະບູນ）
