 |
ທະຫານຊາຍແດນດ່ານຊາຍແດນ ເບີ່ອີ, ທະຫານຊາຍແດນ ກອນຕູມ ຮ່ວມກັນລາດຕະເວນ ສອງຝ່າຍກັບ ກຳລັງປ້ອງກັນຊາຍແດນ ລາວ. (ພາບ: ວັນຫຼີ)
ຮ່ວມມືປ້ອງກັນປະເທດ-ສາຍພົວພັນ “ ພິເສດ ຂອງ ພິເສດ”
ຄຽງຄູ່ກັບສາຍພົວພັນດ້ານການເມືອງ, ເສດຖະກິດ, ການຄ້າ, ສາຍພົວພັນຮ່ວມມື ປ້ອງກັນປະເທດ ລະຫວ່າງສອງປະເທດ ມີທີ່ຕັ້ງອັນສຳຄັນ, ກາຍເປັນໜຶ່ງໃນເສົາຫຼັກຂອງສາຍພົວພັນ ພິເສດ ລະຫວ່າງ ສອງພັກ, ສອງລັດ. ທັງສອງສືບຕໍ່ຜັນຂະຫຍາຍ ການເຄື່ອນໄຫວ ຮ່ວມມືປ້ອງກັນປະເທດ ຕາມສົນທິສັນຍາ ຮ່ວມມື ໄລຍະເວລາ 2015-2019 ແລະ ແຜນການຮ່ວມມືປ້ອງກັນປະເທດປະຈຳປີ, ສຸມໃສ່ບາງຂົງເຂດ ທີ່ສຳຄັນໃຈກາງ ຄື: ແລກປ່ຽນຄະນະ; ກໍ່ສ້າງ, ສືກສາອົບຮົມພະນັກງານ; ວຽກງານການຄຸ້ມຄອງ, ປົກປັກຮັກສາຊາຍແດນ; ວຽກງານພັກ, ວຽກງານການເມືອງ; ຊອກຫາ, ນຳເອົາອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມ ທີ່ເສຍສະຫຼະຊີວິດ ຢູ່ລາວ. ແຕ່ປີ 2010 ມາຮອດປະຈຸບັນ, ທັງສອງຝ່າຍ ໄດ້ປະສານສົມທົບໃນການຊອກຫາ, ຂຸດຄົ້ນ ແລະ ນຳກັບບ້ານເກີດເມືອງນອນ ໄດ້ 2.700 ອັດຖິ ຂອງທະຫານຜູ້ເສຍສະຫຼະ, ປະກອບສ່ວນເຂົ້າໃນການຫຼຸດຜ່ອນຄວາມໂສກເສົ້າ ໃຫ້ແກ່ບັນດາຄອບຄົວທີ່ມີນຳ້ໃຈເສຍສະຫຼະ.
ຄຽງຄູ່ກັບສາຍພົວພັນດ້ານການເມືອງ, ເສດຖະກິດ, ການຄ້າ, ສາຍພົວພັນຮ່ວມມື ປ້ອງກັນປະເທດ ລະຫວ່າງສອງປະເທດ ມີທີ່ຕັ້ງອັນສຳຄັນ, ກາຍເປັນໜຶ່ງໃນເສົາຫຼັກຂອງສາຍພົວພັນ ພິເສດ ລະຫວ່າງ ສອງພັກ, ສອງລັດ. ທັງສອງສືບຕໍ່ຜັນຂະຫຍາຍ ການເຄື່ອນໄຫວ ຮ່ວມມືປ້ອງກັນປະເທດ ຕາມສົນທິສັນຍາ ຮ່ວມມື ໄລຍະເວລາ 2015-2019 ແລະ ແຜນການຮ່ວມມືປ້ອງກັນປະເທດປະຈຳປີ, ສຸມໃສ່ບາງຂົງເຂດ ທີ່ສຳຄັນໃຈກາງ ຄື: ແລກປ່ຽນຄະນະ; ກໍ່ສ້າງ, ສືກສາອົບຮົມພະນັກງານ; ວຽກງານການຄຸ້ມຄອງ, ປົກປັກຮັກສາຊາຍແດນ; ວຽກງານພັກ, ວຽກງານການເມືອງ; ຊອກຫາ, ນຳເອົາອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມ ທີ່ເສຍສະຫຼະຊີວິດ ຢູ່ລາວ. ແຕ່ປີ 2010 ມາຮອດປະຈຸບັນ, ທັງສອງຝ່າຍ ໄດ້ປະສານສົມທົບໃນການຊອກຫາ, ຂຸດຄົ້ນ ແລະ ນຳກັບບ້ານເກີດເມືອງນອນ ໄດ້ 2.700 ອັດຖິ ຂອງທະຫານຜູ້ເສຍສະຫຼະ, ປະກອບສ່ວນເຂົ້າໃນການຫຼຸດຜ່ອນຄວາມໂສກເສົ້າ ໃຫ້ແກ່ບັນດາຄອບຄົວທີ່ມີນຳ້ໃຈເສຍສະຫຼະ.
ໃນປີ 2017 ກະຊວງປ້ອງກັນປະເທດ ຫວຽດນາມ ໄດ້ເປັນເຈົ້າການໃນການຊ່ວຍເຫຼືອ ທະຫານປະຊາຊົນລາວ ອ້າຍນ້ອງ ໃນການເຄື່ອນໄຫວກໍ່ສ້າງ ກຳລັງ, ປະກອບສ່ວນສຳຄັນເຂົ້າໃນການຈັດຕັ້ງປະຕິບັດ ບັນດາເປົ້າໝາຍ ພັດທະນາ ເສດຖະກິດ-ສັງຄົມ ລາວ. ພິເສດແມ່ນ ທັງສອງຝ່າຍໄດ້ມີການເຄື່ອນໄຫວປະສານສົມທົບ, ສ້າງເງື່ອນໄຂ ສະດວກເພື່ອປັບປຸງແກ້ໄຂຊີວິດການເປັນຢູ່, ສ້າງວຽກເຮັດງານທຳ ໃຫ້ພໍ່ແມ່ປະຊາຊົນ ທັງສອງປະເທດ ດຳລົງຊີວິດຢູ່ລຽບຕາມ ຊາຍແດນ ຫວຽດ-ລາວ. ການເຄື່ອນໄຫວດັ່ງກ່າວນີ້ ໄດ້ຮັບຄວາມເຫັນດີເຫັນຊອບ ແລະ ເປັນເອກກະພາບສູງ ຈາກປະຊາຊົນທັງສອງຊາດ.
ສາມາດຢືນຢັນໄດ້ວ່າ ການຮ່ວມມືປ້ອງກັນປະເທດ ລະຫວ່າງສອງປະເທດ ໃນປີທີ່ຜ່ານມາ ໄດ້ປະກອບສ່ວນຢ່າງຕັ້ງໜ້າ ໃນການປັບປຸງແກ້ໄຂ ແລະ ພັດທະນາ ສາຍພົວພັນມິດຕະພາບ, ມູນເຊື້ອ, ຄວາມສາມັກຄີພິເສດ ລະຫວ່າງ ພັກ, ລັດ, ທະຫານ ແລະ ປະຊາຊົນ ສອງຊາດ, ປະກອບສ່ວນສຳຄັນເຂົ້າໃນການປ້ອງກັນອຳນາດອະທິປະໄຕ, ເສີມສ້າງຄວາມເຂັ້ມແຂງ ໃຫ້ແກ່ເສັ້ນຊາຍແດນພາກຕາເວັນຕົກ ຂອງປະເທດ. ຄືຄຳເວົ້າຂອງ ສະຫາຍເລຂາທິການໃຫຍ່, ປະທານປະເທດ ແຫ່ງ ສປປ ລາວ ບຸນຍັງ ວໍລະຈິດ: “ການຮ່ວມມື ລະຫວ່າງສອງຊາດ ແມ່ນສາຍພົວພັນພິເສດຂອງພິເສດ, ມີແຕ່ສາຍພົວພັນມິດຕະພາບ, ສາມັກຄີພິເສດ ຫວຽດນາມ-ລາວ, ລາວ-ຫວຽດນາມ ຈັ່ງເຮັດໄດ້ຄືແນວນີ້”.
（ຫັດທະບູນ）
