ຕ້ອນຮັບແລະ ເຮັດວຽກກັບຄະນະ ຂອງພັນເອກ ຮ່າແທັງເຊີນ ຮອງຫົວໜ້າກົມ-ກົມສູ້ຮົບ ກະຊວງປ້ອງກັນປະເທດ ທະຫານປະຊາຊົນຫວຽດນາມ; ພົນໂທ ຮ່າເທາະບິ່ງ ຮອງຜູ້ບັນຊາການ ທະຫານເຂດ 4; ພັນເອກ ເຈີ່ນວັນຮຸ່ງ ຄະນະກຳມະການ ຜູ້ປະຈຳການພັກແຂວງ, ຫົວໜ້າກອງບັນຊາການ ທະຫານແຂວງ ແລະ ສະຫາຍ ເລເຫງະຮວາ ຮອງເຈົ້າແຂວງ.
 |
ບັນຍາກາດກອງປະຊຸມເຮັດວຽກລະຫວ່າງ ສອງກອງບັນຊາການ.(ພາບ: ໜັງສືພິມເຫງະອານ)
ທີ່ການເຮັດວຽກ ກອງບັນຊາການ ທະຫານແຂວງ ໄດ້ລາຍງານຕໍ່ຄະນະທະຫານ ຝ່າຍລາວ ສະພາບການພັດທະນາ ເສດຖະກິດ-ສັງຄົມ ຂອງແຂວງເຫງະອານ ແຕ່ປີ 2018 ຮອດປະຈຸບັນ; ຜົນສຳເລັດໃນການກໍ່ສ້າງພື້ນຖານການປ້ອງກັນປະເທດ ທົ່ວປະຊາຊົນ ຮັດແໜ້ນກັບຄວາມສະຫງົບປະຊາຊົນພາຍໃນແຂວງ. ພິເສດແມ່ນຜົນສຳເລັດໃນການເຮັດວຽກການທູດດ້ານປ້ອງກັນປະເທດ ຂອງແຂວງ ເຫງະອານ ກັບບັນດາແຂວງຂອງປະເທດລາວ ( ແຂວງຊຽງຂວາງ, ແຂວງບໍລິຄຳໄຊ, ແຂວງຫົວພັນ) ທີ່ມີຊາຍແດນຮ່ວມກັນ.
ມາຮອດປະຈຸບັນ ກອງບັນຊາການທະຫານແຂວງ ໄດ້ເປີດ ຊຸດຝຶກອົບຮົມ, ບຳລຸງສ້າງຄວາມຮູ້ດ້ານການທະຫານ ໄດ້ 10ຊຸດແລ້ວ, ກອງປ້ອງກັນປະເທດທ້ອງຖິ່ນໃຫ້ພະນັກງານທະຫານ, ພະນັກງານຂອງກອງບັນຊາການທະຫານແຂວງຊຽງຂວາງ ຫຼາຍກວ່າ 300ຄົນແລ້ວ. ພ້ອມກັນນັ້ນ ກໍ່ໄດ້ຊ່ວຍເຫຼືອລາວກໍ່ສ້າງປະຕູຂົງຄ້າຍທະຫານເມືອງ-ເມືອງໜອງແຮດ ແລະ ສາງຂອງຫ້ອງເສນາທີການ ກອງບັນຊາການທະຫານແຂວງ ຊຽງຂວາງ.
ນອກນັ້ນ ຄະນະກອງບັນຊາການທະຫານ ແຕ່ລະເມືອງ ໄກ້ກັບເຂດຊາຍແດນ ຂອງແຂວງ ເຫງະອານ ໄດ້ຊູກຍູ້ບັນດາການເຄື່ອນໄຫວເວນຍາມ, ແລກປ່ຽນ, ແຮກສ່ຽວ, ມອບຂອງຂວັນ ລະຫວ່າງ ເມືອງກັບເມືອງ, ຕາແສງກັບຕາແສງ, ບ້ານກັບບ້ານ…, ປະກອບສ່ວນຮັບປະກັນຄວາມສະຫງົບດ້ານການເມືອງ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ ລະຫວ່າງສອງປະເທດ.
 |
ທັງສອງກອງບັນຊາການມອບຂອງທີ່ລະນືກໃຫ້ແກ່ກັນ. (ພາບ: ໜັງສືພິມເຫງະອານ)
ຕ່າງໜ້າຄະນະ ທ່ານພັນເອກ ສອນທອງ ແກ້ວລໍຄຳ ໄດ້ສະແດງຄວາມດີໃຈ ທີ່ມາຢ້ຽມຢາມ ແລະ ເຮັດວຽກ ຊອກຮູ້ຮີດຄອງປະເພນີ ປະຫວັດສາວັດທະນະທຳ, ບົດຮຽນໃນການຈັດຕັ້ງປະຕິບັດວຽກງານທະຫານ - ການປ້ອງກັນປະເທດ ທ້ອງຖິ່ນ ຢູ່ແຂວງເຫງະອານ-ບ້ານເກີດເມືອງນອນຂອງ ປະທານ ໂຮ່ຈີ໋ມິງ ອັນເປັນທີ່ຮັກ.
ກ່າວຄຳປາໄສໃນການເຮັດວຽກ ທ່ານພັນເອກ ເຈີ່ນວັນຮຸ່ງ- ຫົວໜ້າກອງບັນຊາການ ທະຫານແຂວງ ເນັ້ນໜັກວ່າ: ໃນອານາຄົດ ສະເໜີຕໍ່ ກົມສູ້ຮົບທະຫານປະຊາຊົນລາວ ສືບຕໍ່ສ້າງເງື່ອນໄຂສະດວກເພື່ອ ໃຫ້ແຂວງເຫງະອານ ແລະ ບັນດາແຂວງຂອງລາວ ທີ່ມີຊາຍແດນຮ່ວມກັນ (ຊຽງຂວາງ, ບໍລິຄຳໄຊ, ຫົວພັນ)ສືບຕໍ່ຊຸກຍູ້ບັນດາການເຄື່ອນໄຫວ ການພົວພັນການທູດປ້ອງກັບປະເທດ, ຮ່ວມມືດ້ານການທະຫານຢ່າງມີປະສິດທິຜົນ, ກໍ່ສ້າງເສັ້ນຊາຍແດນສັນຕິພາບ-ມິດຕະພາບ ລະຫວ່າງສອງປະເທດ.
ພ້ອມກັນນັ້ນ ສືບຕໍ່ປະສານສົມທົບກັບບັນດາແຂວງຄື: ຊຽງຂວາງ, ບໍລິຄຳໄຊ, ຫົວພັນ ຈັດຕັ້ງປະຕິບັດວຽກງານຊອກຫາ-ຂຸດຄົ້ນ ອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດປາງສົງຄາມຢູ່ລາວ. ສືບຕໍ່ເສີມສ້າວສາຍພົວພັນສາມັກຄີ ມິດຕະພາບລະຫວ່າງສອງພັກ-ສອງລັດ, ສອງທະຫານຫວຽດນາມ-ລາວ ໃຫ້ເກີດດອກອອກຜົນຕະຫຼອດໄປຊົ່ວກາລະນານ.
（ຫັດທະບູນ）
