ຢືນຢັນຄວາມໝາຍປະຫວັດສາດຂອງການປະຕິວັດເດືອນສິງຫາ
ໃນຈົດໝາຍໄດ້ສົ່ງເຖິງທ່ານເລຂາທິການໃຫຍ່ ໂຕເລີມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເຈີ່ນແທງເໝີນ, ທ່ານປະທານສະຫະພັນບັນດາອົງການມິດຕະພາບຫວຽດນາມ ຟານແອງເຊີນ ແລະ ທ່ານປະທານສະມາຄົມມິດຕະພາບ ຫວຽດນາມ - ສະຫະພັນລັດເຊຍ ຟານຈິ໋ຫຽວ, ທ່ານ ສາດສະດາຈານ, ປະລິນຍາເອກເສດຖະກິດ V.P. Buyanov - ປະທານສະມາຄົມມິດຕະພາບສ.ລັດເຊຍ - ຫວຽດນາມ ເນັ້ນໜັກວ່າ:
“ໃນບັນດາເຫດການໃນສະຕະວັດທີ 20, ການປະຕິວັດເດືອນສິງຫາຂອງຫວຽດນາມ ແມ່ນໜຶ່ງໃນບັນດາເຫດການໃຫຍ່ທີ່ສຸດ. ນີ້ແມ່ນໜຶ່ງໃນບັນດາເຫດການລຸກຮື້ຂຶ້ນຕ້ານອານານິຄົມຄັ້ງທຳອິດທີ່ຜູ້ຖືກກົດຂີ່ຂົ່ມເຫັງໄດ້ຮັບໄຊຊະນະ. ປະເທດ ຫວຽດນາມ ປະຊາທິປະໄຕ ສາທາລະນະລັດ ເອກະລາດ ໄດ້ກຳເນີດຂຶ້ນ, ສິ້ນສຸດການຄອບຄອງຂອງລະບອບສັກດີນາຂອງລາຊະວົງ ຫງວຽນ. ຜ່ານການປະຕິວັດເດືອນສິງຫາສຳເລັດຜົນ, ປະຊາຊົນຫວຽດນາມ ໄດ້ປະກອບສ່ວນເຂົ້າໃນບັນດາການຕໍ່ສູ້ຕ້ານລັດທິຟາຊິດ. ໄຊຊະນະຂອງການປະຕິວັດເດືອນສິງຫາໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການຕໍ່ຕ້ານລັດທິອານານິຄົມ ແລະ ການເຄື່ອນໄຫວຕ້ານຈັກກະພັດລັດທິຈັກກະພັດໃນທົ່ວໂລກ, ໂດຍສະເພາະແມ່ນເຂດອານານິຄົມຂອງຝຣັ່ງ”.
 |
| ທະຫານສ.ລັດເຊຍ ເຂົ້າຮ່ວມການຊ້ອມສວນສະໜາມຄັ້ງທີ 2 (24 ສິງຫາ 2025) ເພື່ອກະກຽມໃຫ້ແກ່ພິທີສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະ ວັນຊາດ ວັນທີ 2 ກັນຍາ. (ພາບ: VnExpress) |
ບັນດາຈົດໝາຍລ້ວນແຕ່ຢັ້ງຢືນວ່າ ປັດໄຈຕັດສິນໄຊຊະນະແມ່ນການນຳພາຂອງພັກກອມມູນິດຫວຽດນາມ ໂດຍປະທານ ໂຮ່ຈີມິນ ນຳໜ້າ ດ້ວຍ “ວິໄສທັດອັນສະຫຼາດ” ຂອງຕົນໃນການເລືອກເຟັ້ນກາລະໂອກາດຍຶດອຳນາດໂດຍໄວ, ເກືອບບໍ່ມີການນອງເລືອດ.
ຈາກປະເທດຊາດອານານິຄົມໄປສູ່ເສດຖະກິດແບບເຄື່ອນໄຫວ
ສານຂອງສະມາຄົມມິດຕະພາບສ.ລັດເຊຍ - ຫວຽດນາມ ໃຫ້ຮູ້ວ່າ ພາຍຫຼັງ 80 ປີ, ຫວຽດນາມ ໄດ້ຫັນປ່ຽນຈາກປະເທດທຸກຍາກ, ຖອຍຫຼັງ ກາຍເປັນປະເທດທີ່ມີລະດັບເສດຖະກິດພັດທະນາສະເລ່ຍ. ະຈຸບັນ ຫວຽດນາມ ຖືເປັນອັນດັບແຖວໜ້າຂອງໂລກ ບໍ່ພຽງແຕ່ແມ່ນເຂົ້າສານ, ກາເຟ, ຊາ ແລະ ຜະລິດຕະພັນກະເສດອື່ນໆອີກຫຼາຍຢ່າງເທົ່ານັ້ນ, ຫາກຍັງແມ່ນຜະລິດຕະພັນເອເລັກໂຕນິກ, ເກີບໜັງ, ແຜ່ນແພ ແລະ ຜະລິດຕະພັນອຸດສາຫະກຳຫຼາຍຢ່າງ. ຫວຽດນາມ ໄດ້ຮັບການຮັບຮູ້ວ່າແມ່ນສະມາຊິກທີ່ຕັ້ງໜ້າຂອງ 70 ອົງການຈັດຕັ້ງສາກົນ ແລະ ໄດ້ຮັບການເລືອກຕັ້ງເປັນສະມາຊິກບໍ່ປະຈຳການຂອງສະພາຄວາມໝັ້ນຄົງ ສປຊ.
ຕາງໜ້າໃຫ້ສະມາຊິກທັງໝົດ, ທ່ານສາດສະດາຈານ V.P Buyanov ຢືນຢັນວ່າ “ປະຊາຊົນ ສ.ລັດເຊຍ ມີຄວາມປິຕິຍິນດີທີ່ເຫັນວ່າ ຕະຫຼອດໄລຍະປະຫວັດສາດຂອງ ຫວຽດນາມ ເອກະລາດ, ພວກຂາ້ພະເຈົ້າຍາມໃດກໍສະເໝີຕົ້ນສະເໝີປາຍຄຽງຄູ່ກັບຊາວຫວຽດນາມ ໃນໄລຍະສົງຄາມຕ້ານຜູ້ຮຸກຮານແລະ ໃນຊຸມປີແຫ່ງການກໍ່ສ້າງສັງຄົມໃໝ່ (...) ຂໍອວຍພອນໃຫ້ສາຍພົວພັນມິດຕະພາບສ.ລັດເຊຍ - ຫວຽດນາມ ໄດ້ຮັບການພັດທະນາແບບຍືນຍົງ, ຮັດແໜ້ນ ແລະ ພັດທະນາ; ຂໍອວຍພອນໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ສ.ລັດເຊຍ ແລະ ຫວຽດນາມ ນັບມື້ນັບເປີດກວ້າງ ແລະ ກ້າວເຂົ້າສູ່ລວງເລິກ”.
ໃນຈົດໝາຍຝາກເຖິງປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ແລະ ປະທານສະມາຄົມມິດຕະພາບ ຫວຽດນາມ - ສ.ລັດເຊຍ ຟານຈິ໋ຫຽວ, ທ່ານສາດສະດາຈານ V.P Buyanov ໄດ້ເນັ້ນໜັກເຖິງບົດບາດສຳຄັນຂອງການທູດປະຊາຊົນໃນການເພີ່ມພູນຄູນສ້າງຄວາມສາມັກຄີ. ທ່ານຢືນຢັນວ່າ ສະມາຄົມມິດຕະພາບຫວຽດນາມ - ສ.ລັດເຊຍ ແມ່ນ “ເພື່ອນມິດທີ່ໄວ້ເນື້ອເຊື່ອໃຈ” ຂອງເພື່ອນມິດລັດເຊຍ.
ຄວາມຊົງຈຳຂອງສົງຄາມ, ນ້ຳໃຈມິດຕະພາບຕະຫຼອດໄປ
ໃນຈົດໝາຍຝາກເຖິງທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານ Nikolai Kolesnik, ປະທານສະມາຄົມນັກຮົບເກົ່າ ລັດເຊຍ ທີ່ເຄີຍປະຕິບັດງານຢູ່ ຫວຽດນາມ ໄດ້ສະແດງຄວາມຮູ້ສຶກວ່າ “ໃນໂອກາດບຸນງານອັນສະຫງ່າລາສີນີ້, ບັນດາອະດີດນັກຊ່ຽວຊານການທະຫານໂຊວຽດ ທີ່ເຄີຍປະຕິບັດງານຢູ່ ຫວຽດນາມ ລ້ວນແຕ່ມີຄວາມຫວັ່ນໄຫວເມື່ອລະນຶກເຖິງເພື່ອນມິດຫວຽດນາມ ທີ່ຮ່ວມຕໍ່ສູ້, ກໍ່ສ້າງກຳລັງປ້ອງກັນລູກສອນໄຟ-ອາກາດ, ຕໍ່ສູ້ຕ້ານຄືນການບຸກໂຈມຕີຂອງກອງທັບອາກາດອາເມລິກາ, ຮ່ວມກັນແບ່ງປັນຄວາມສຸກຂອງໄຊຊະນະ ແລະ ຄວາມເຈັບປວດຂອງການສູນເສຍໃນໄລຍະຫຼາຍປີຂອງສົງຄາມ. ພວກຂາ້ພະເຈົ້າຂໍກົ້ມຫົວໄວ້ໃນຄວາມຊົງຈຳຂອງສະຫາຍ ແລະ ເພື່ອນຮ່ວມທີມທີ່ເສຍສະລະ (...) ຄວາມເປັນອ້າຍນ້ອງຂອງພວກເຮົາໃນການສູ້ຮົບແມ່ນສັກສິດທີ່ສຸດ ແລະ ຈະຖືກຮັກສາໄວ້ໃນໃຈຂອງພວກຂາ້ພະເຈົ້າຕະຫຼອດໄປ”.
ສືບຕໍ່ນ້ຳໃຈມິດຕະພາບທີ່ເຂັ້ມແຂງ
ບັນດາເພື່ອນມິດສາກົນ ປາດຖະໜາວ່າ ຫວຽດນາມ ຈະສືບຕໍ່ຕັ້ງໜ້າໃນເສັ້ນທາງແຫ່ງການເຊື່ອມໂຍງ, ກໍ່ສ້າງປະເທດທີ່ເຂັ້ມແຂງ ແລະ ວັດທະນາຖາວອນ, ປະກອບສ່ວນເພີ່ມທະວີສັນຕິພາບ, ການຮ່ວມມື ແລະ ພັດທະນາຂອງມວນມະນຸດ.
 |
| ຮ່າໂນ້ຍ ພວມຟົດຟື້ນດ້ວຍທຸງ, ດອກໄມ້ ເພື່ອສະເຫຼີມສະຫຼອງ 80 ປີແຫ່ງວັນຊາດ. (ພາບ: ໜັງສືພິມເສດຖະກິດ-ຕົວເມືອງ) |
ທ່ານ Mauri Raveala, ປະທານສະມາຄົມມິດຕະພາບ ແຟງລັງ - ຫວຽດນາມ ໄດ້ຂຽນວ່າ “ຂ້າພະເຈົ້າຂໍສົ່ງຄຳຊົມເຊີຍອັນອົບອຸ່ນຂອງສະມາຄົມມິດຕະພາບແຟງລັງ - ຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນປະກາດເອກະລາດຂອງພັກ ແລະ ລັດ ຫວຽດນາມ (...) ຂໍໃຫ້ວັນພິເສດນີ້ເຕັມໄປດ້ວຍຄວາມເບີກບານມ່ວນຊື່ນ, ແລະ ພາກພູມໃຈ. ຂໍໃຫ້ຫວຽດນາມ ສືບຕໍ່ມີສັນຕິພາບ, ວັດທະນາຖາວອນ ແລະ ພັດທະນາ”.
ທ່ານ Nils Bull, ປະທານສະມາຄົມມິດຕະພາບ ແດນມາກ - ຫວຽດນາມ, ໃນຈົດໝາຍສະບັບວັນທີ 19 ສິງຫາ, ໄດ້ຕີລາຄາວ່າ “ວັນສຳຄັນນີ້ແມ່ນໂອກາດເພື່ອຫວນຄືນເສັ້ນທາງແຫ່ງການພັດທະນາທີ່ໜ້າປະທັບໃຈຂອງ ຫວຽດນາມ ແລະ ບັນດາຜົນງານອັນໃຫຍ່ຫຼວງນັບແຕ່ປີ 1945 ເປັນຕົ້ນມາ, ໂດຍສະເພາະນັບຕັ້ງແຕ່ການປະຕິຮູບປ່ຽນໃໝ່. ພວກຂ້າພະເຈົ້າຊົມເຊີຍຄວາມຢືດຢຸ່ນ, ຄວາມເຂັ້ມແຂງ ແລະ ວິໄສທັດທີ່ໄດ້ເຮັດໃຫ້ຫວຽດນາມ ກາຍເປັນປະເທດທີ່ຂະຫຍັນຂັນເຄື່ອນ ແລະ ມຸ່ງໄປອະນາຄົດໃນທຸກວັນນີ້”.
ທ່ານກໍສະແດງຄວາມປາດຖະໜາຢາກສືບຕໍ່ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ວັດທະນະທຳລະຫວ່າງ 2 ປະເທດ, ພ້ອມທັງຮັກສາການເຄື່ອນໄຫວໜູນຊ່ວຍໃຫ້ແກ່ເດັກນ້ອຍ ແລະ ຊາວໜຸ່ມໃນສະພາບຫຍຸ້ງຍາກ; ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ແດນມາກ (2026) ແລະ 50 ປີແຫ່ງວັນສ້າງຕັ້ງສະມາຄົມມິດຕະພາບແດນມາກ - ຫວຽດນາມ.
| ບັນດາຈົດໝາຍຊົມເຊີຍ, ໂທລະເລກໄດ້ສົ່ງໃນຫຼາຍຮູບຫຼາຍແບບຄື: ຈົດໝາຍທາງເປັນທາງການ, ໂທລະເລກທາງການ, email... ພິເສດແມ່ນໄດ້ສົ່ງຂອງທີ່ລະນຶກສ່ວນຕົວຫຼາຍຢ່າງເຖິງການນຳຫວຽດນາມ, ສະແດງໃຫ້ເຫັນຄວາມຈິງໃຈ ແລະ ໃກ້ຊິດຂອງເພື່ອນມິດສາກົນ. ທ່ານ ປອ. Keijo Varis, ກຳມະການຄະນະບໍລິຫານງານສະມາຄົມມິດຕະພາບແຟງລັງ - ຫວຽດນາມ ໄດ້ມອບຫຼຽນໄຊທະຫານຂະໜາດນ້ອຍ ແລະ ຮູບພາບລຸງ Jaakko Kettunen ໃຫ້ທ່ານເລຂາທິການໃຫຍ່ ໂຕເລີມ. ຈົດໝາຍຂຽນວ່າ: "(...) ຂາ້ພະເຈົ້າໄດ້ຕັດສິນໃຈມອບຫຼຽນກາທະຫານຂະໜາດນ້ອຍຂອງລຸງ Jaakko Kettunen ພ້ອມກັບຮູບຖ່າຍສອງຮູບຂອງລາວ ໃຫ້ທ່ານ. ລຸງ Jaakko Kettunen ບໍ່ພຽງແຕ່ເປັນອ້າຍຂອງແມ່ຂອງຂາ້ພະເຈົ້າ ເທົ່ານັ້ນ, ແຕ່ຍັງເປັນ "ທະຫານເດັກ" ແລະ "ຮູບພາບສັນຍາລັກ" - ໃບຫນ້າຂອງການໂຄສະນາເຜີຍແຜ່ຂອງກອງທັບແຟງລັງ. ລາວໄດ້ປະຖິ້ມຄອບຄົວທີ່ທຸກຍາກຂອງລາວໄປເປັນນັກດົນຕີໃນກອງທັບຟິນແລນໃນອາຍຸ 13 ປີ ແລະ ຫຼັງຈາກນັ້ນເຂົ້າຮ່ວມກອງທັບ ແຟງລັງ ເຂົ້າແຖວຫນ້າຂອງໂຊວຽດທີ່ Petrozavodsk ໃນປີ 1941-1942. ຢູ່ທີ່ນັ້ນ, ໃນອາຍຸ 14 ປີ, ລາວໄດ້ຮັບຫຼຽນກຽດຕິຍົດສົງຄາມຄັ້ງທໍາອິດ. ຮູບພາບທີ່ຕິດກັບ (ຮູບພາບ 1), ຖ່າຍລາວກັບເດັກຍິງນ້ອຍ (pikkulotta), ໄດ້ຈັດພີມມາໃນວາລະສານ Suomen Kuvalhti (ວາລະສານຮູບພາບທີ່ສໍາຄັນທີ່ສຸດຂອງ ແຟງລັງ) ໃນວັນທີ 30 ເດືອນສິງຫາ 1941, ກ່ອນທີ່ລາວຈະອອກໄປທາງຫນ້າ. ໂດຍຫວັງວ່າ ບັນດາຫຼຽນກາຂອງລຸງ Jaakko ນີ້ຈະເປັນເຄື່ອງໝາຍເຕືອນໃຈໃຫ້ທ່ານ ແລະ ຫວຽດນາມ ກ່ຽວກັບສິ່ງທີ່ຊາວໜຸ່ມສາມາດເຮັດໄດ້, ຖ້າພວກເຮົາເຊື່ອໝັ້ນ ແລະ ຊຸກຍູ້ໃຫ້ເຂົາເຈົ້າເສີມຂະຫຍາຍຄວາມສາມາດບົ່ມຊ້ອນ”. |
 | ປະທານສະມາຄົມມິດຕະພາບສະວິດ - ຫວຽດນາມ: ຄວາມພາກພູມໃຈທີ່ໄດ້ເຫັນການເຕີບໂຕຂອງຫວຽດນາມ ພາຍຫຼັງ 80 ປີແຫ່ງວັນຊາດ ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ (2 ກັນຍາ 1945 – 2 ກັນຍາ 2025), ທ່ານນາງ Anjuska Marija Weil, ປະທານສະມາຄົມມິດຕະພາບສະວິດ - ຫວຽດນາມ ໄດ້ແບ່ງປັນຄວາມຕື້ນຕັນໃຈເມື່ອໄດ້ເຫັນປະເທດ ເຊິ່ງນາງເຄີຍຕໍ່ສູ້ເພື່ອສັນຕິພາບ ແລະ ເອກະລາດກັບເພື່ອນມິດສາກົນ, ປະຈຸບັນໄດ້ພັດທະນາຢ່າງເຂັ້ມແຂງ ແລະ ... |
 | 4 ແຂວງພາກໃຕ້ຂອງລາວ ເຂົ້າຮ່ວມບັນຍາກາດສະເຫຼີມສະຫຼອງ 80 ປີແຫ່ງວັນຊາດຫວຽດນາມ ຍສໝ - ຕອນຄ່ຳວັນທີ 12 ສິງຫາ, ຢູ່ແຂວງຈໍາປາສັກ, ສະຖານກົງສຸນໃຫຍ່ ສສ ຫວຽດນາມ ປະຈໍາ ປາກເຊ ໄດ້ຈັດຕັ້ງພິທີສະເຫຼີມສະຫຼອງ 80 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ, ໂດຍການເຂົ້າຮ່ວມຂອງບັນດາການນຳ 4 ແຂວງພາກໃຕ້ຂອງລາວ, ຜູ້ຕາງໜ້າບັນດາອົງການການທູດ, ປະຊາຄົມຊາວຫວຽດນາມ ແລະ ເພື່ອນມິດສາກົນ. ນີ້ແມ່ນໂອກາດເພື່ອກວດກາຄືນການເດີນທາງອັນສະຫງ່າລາສີຂອງປະຊາຊົນຫວຽດນາມ, ... |
