 | 5 ການເຄື່ອນໄຫວໃຫຍ່ເພື່ອເຊື່ອມຕໍ່ຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນໃນເດືອນເມສາ |
| ເພີ່ມທະວີການສົມທົບກັນຜັນຂະຫຍາຍວຽກງານໜູນຊ່ວຍຊາວຫວຽດນາມຢູ່ຕ່າງປະເທດ |
ແລກປ່ຽນຕໍ່ນັກຂ່າວສານຫວຽດນາມ ປະຈຳ ລາວ, ທ່ານນາງ ຫງວຽນທິທູຮວ່ຽນ ທີ່ດຳລົງຊີວິດ ແລະ ເຮັດວຽກຢູ່ນະຄອນຫຼວງວຽງຈັນ ໃຫ້ຮູ້ວ່າ: ຍາມໃດກໍ່ຕິດຕາມບັນດານະໂຍບາຍປ່ຽນແປງໃໝ່ຂອງບ້ານເກີດເມືອງນອນຢ່າງໃກ້ຊິດ. ຕາມທ່ານນາງແລ້ວ, ຫວຽດນາມ ພວມມີການປ່ຽນແປງໃໝ່ຮອບດ້ານຢ່າງບໍ່ຢຸດຢັ້ງ, ນັບແຕ່ເສດຖະກິດ, ສັງຄົມ, ພື້ນຖານໂຄງລ່າງ ເຖິງຊີວິດດ້ານວັດທະນະທຳ ແລະ ຈິດໃຈ.
 |
| ທ່ານນາງ ຫງວຽນທິທູຮັ່ງ, ຊາວຫວຽດນາມ ອາໄສຢູ່ຕ່າງປະເທດລາວ ເຊື່ອໝັ້ນເຂົ້າໃນຄວາມຕັດສິນໃຈຂອງ ຫວຽດນາມ ໃນການປ່ຽນແປງໃໝ່. (ພາບ: ສຳນັກຂ່າວສານ ຫວຽດນາມ) |
ການເຊື່ອມຈອດເຂດແດນບໍລິຫານ ແລະ ກະທັດລັດກົງຈັກຈາກ 3 ລະດັບ ລົງເປັນ 2 ລະດັບ ແມ່ນຖືວ່າເປັນບາດກ້າວທີ່ເໝາະສົມ ແລະ ມີຄວາມຈຳເປັນໃນໄລຍະປະຈຸບັນ. ແຜນນະໂຍບາຍນີ້ບໍ່ພຽງແຕ່ປະກອບສ່ວນຫຼຸດຜ່ອນລະດັບປານກາງ ແລະ ປະຢັດງົບປະມານເທົ່ານັ້ນ ຫາກຍັງສ້າງເງື່ອນໄຂເພື່ອຊຸກຍູ້ການພັດທະນາເສດຖະກິດ-ສັງຄົມແບບຍືນຍົງ. ນາງໄດ້ສະແດງຄວາມເຊື່ອໝັ້ນຢ່າງແຂງແຮງຕໍ່ເສັ້ນທາງການພັດທະນາຂອງປະເທດ.
ກໍ່ຢູ່ນະຄອນຫຼວງວຽງຈັນ, ທ່ານ ຫງວຽນຊວນຮ່າ, ຊາວຫວຽດນາມ ທີ່ດຳລົງຊີວິດ ແລະ ເຮັດວຽກຢູ່ລາວ ຕະຫຼອດ 33 ປີ ໄດ້ສະແດງຄວາມເຫັນດີເຫັນພ້ອມກັບການຈັດຕັ້ງບັນດາຫົວໜ່ວຍບໍລິຫານງານຄືນໃໝ່. ທ່ານກ່າວວ່າ, ນີ້ແມ່ນແຜນນະໂຍບາຍສະແດງໃຫ້ເຫັນວິໄສທັດອັນຍາວນານຂອງພັກ ແລະ ລັດ, ທັງຫຼຸດຜ່ອນລະດັບຕົວກາງ, ປະຢັດແຫຼ່ງກຳລັງ, ທັງຍົກສູງປະສິດທິຜົນບໍລິຫານກົງຈັກ.
ທ່ານ ຮ່າ ຍັງໄດ້ແບ່ງປັນຄວາມພາກພູມໃຈເມື່ອປະເທດນັບມື້ນັບເຂັ້ມແຂງເຊື່ອມໂຍງກັບພາກພື້ນ ແລະ ໂລກ ຢ່າງເລິກກວ້າງ. ທ່ານເຊື່ອໝັ້ນວ່າ ດ້ວຍຈິດໃຈສາມັກຄີ, ເຈດຈຳນົງເປັນເຈົ້າຕົນເອງ ແລະ ຄວາມຕັດສິນໃຈປະດິດສ້າງ, ຊາວຫວຽດນາມ ຈະກ້າວເຂົ້າສູ່ໄລຍະພັດທະນາໃໝ່ເຕັມໄປດ້ວຍຄວາມຫວັງ.
 |
| ທ່ານນາງ ເຈືອງທິຮົ່ງ - ປະທານສະມາຄົມ ຫວຽດນາມ ປະຈຳ ອິດສະຣາແອນ. (ພາບ: ສຳນັກຂ່າວສານ ຫວຽດນາມ) |
ຈາກ ອິດສະຣາແອນ, ທ່ານນາງ ເຈືອງທິຮົ່ງ, ປະທານສະມາຄົມ ຫວຽດນາມ ຢູ່ ອິດສະຣາແອນ ຕີລາຄາວ່າ: ການປະຕິບັດຕົວແບບລັດຖະບານ 2 ຊັ້ນ ແມ່ນການປະຕິຮູບດ້ານບໍລິຫານໃຫຍ່, ສະແດງໃຫ້ເຫັນຄວາມຕັດສິນໃຈຂອງພັກ ແລະ ລັດ ໃນການປ່ຽນແປງໃໝ່ກໍ່ສ້າງກົງຈັກກະທັດລັດ ແລະ ມີປະສິດທິຜົນ.
ຕາມທ່ານນາງຮົ່ງ ແລ້ວ, ການກະທັດລັດກົງຈັກບໍລິຫານຈະນຳມາເຊິ່ງການປ່ຽນແປງຢ່າງຈະແຈ້ງໃຫ້ແກ່ປະຊາຊົນ, ໃນນັ້ນ ມີຊາວຫວຽດນາມຢູ່ຕ່າງປະເທດ, ຜ່ານການບໍລິການສາທາລະນະຢ່າງໄວ, ເຂົ້າເຖິງງ່າຍ ແລະ ໂປ່ງໃສກວ່າ. ສິ່ງດັ່ງກ່າວບໍ່ພຽງແຕ່ຈະປັບປຸ່ງຄວາມໄວ້ເນື້ອເຊື່ອໃຈຂອງຊາວຫວຽດນາມ ອາໄສຢູ່ຕ່າງປະເທດທີ່ມີຕໍ່ບ້ານເກີດເມືອງນອນຂອງຕົນເທົ່ານັ້ນ, ຫາກຍັງຊຸກຍູ້ການພົວພັນ ແລະ ການເຊື່ອມໂຍງເຂົ້າກັບປະເທດຢ່າງແໜ້ນແຟ້ນກ່ວາອີກ.
ຈາກນະຄອນຫຼວງ ຈາກາຕາ (ອິນໂດເນເຊຍ), ທ່ານນາງ ເຈີ່ນລຽວ ໄດ້ສະແດງການສະໜັບສະໜູນການປະຕິບັດຮູບແບບລັດຖະບານ 2 ຊັ້ນ ແລະ ການສົມທົບກັນຂອງທ້ອງຖິ່ນ. ນາງກ່າວວ່າ, ບ້ານເກີດຂອງນາງແມ່ນເມືອງ ຫາຍເຢື່ອງ - ປະຈຸບັນໄດ້ລວມເຂົ້າກັບ ຫາຍຟອງ - ດັ່ງນັ້ນໃນຕອນທຳອິດນາງມີຄວາມລັງເລໃຈ. ແຕ່ວ່າ, ດ້ວຍບັນດາການແນະນຳສະເພາະຂອງອຳນາດການປົກຄອງ, ນາງເຊື່ອໝັ້ນຕໍ່ແນວທາງນະໂຍບາຍອັນຖືກຕ້ອງຂອງພັກ ແລະ ລັດ, ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນ ແລະ ພັດທະນາປະເທດຊາດ.
 |
| ທ່ານ ໄທແທງລອງ - ຫົວໜ້າຄະນະພົວພັນຕ່າງປະເທດສະມາຄົມວິສາຫະກິດ ຫວຽດນາມ ປະຈຳ ອິນໂດເນເຊຍ. (ຮູບ: VOV) |
ທ່ານ ໄທແທງລອງ, ຫົວໜ້າຄະນະພົວພັນຕ່າງປະເທດສະມາຄົມວິສາຫະກິດ ຫວຽດນາມ ປະຈຳ ອິນໂດເນເຊຍ, ໃຫ້ຄຳເຫັນວ່າ ການປະຕິຮູບບັນດາກົນໄກ ແລະ ລະບຽບການບໍລິຫານແມ່ນໜຶ່ງໃນບັນດາປັດໄຈຫຼັກເພື່ອສ້າງສະພາບແວດລ້ອມແຫ່ງການລົງທຶນທີ່ສະດວກກວ່າ, ພິເສດແມ່ນບັນດາວິສາຫະກິດຕ່າງປະເທດ.
“ສິ່ງກີດຂວາງໃຫຍ່ທີ່ສຸດຂອງວິສາຫະກິດຕ່າງປະເທດເມື່ອລົງທຶນເຂົ້າຫວຽດນາມ ແມ່ນລະບຽບການບໍລິຫານ, ກົດໝາຍ. ຖ້າບັນຫານີ້ໄດ້ຮັບການປັບປຸງດ້ວຍການຫຼຸດຜ່ອນຕົວກາງ, ບັນດາວິສາຫະກິດຈະເບິ່ງຫວຽດນາມ ດ້ວຍສາຍຕາທີ່ຕ່າງກັນ ແລະ ມີຄວາມຕັ້ງໃຈລົງທຶນຢ່າງເຂັມແຂງກວ່າ” ທ່ານ ລອງ ພິນິດໄສ.
ທ່ານກໍ່ໃຫ້ຮູ້ວ່າ, ສະມາຄົມຈະປັບປຸງສະພາບການ ແລະ ບັນດາການປ່ຽນແປງໃໝ່ຂອງຫວຽດນາມ ໃຫ້ປະຊາຄົມວິສາຫະກິດ ອິນໂດເນເຊຍ ດ້ວຍຄວາມຕ້ອງການລົງທຶນ, ພ້ອມກັນນັ້ນ ປາດຖະໜາວ່າ ລັດຈະມີບັນດານະໂຍບາຍໜູນຊ່ວຍທີ່ເໝາະສົມໃຫ້ແກ່ວິສາຫະກິດຫວຽດນາມ ຢູ່ຕ່າງປະເທດເມື່ອກັບຄືນເມືອປະເທດເພື່ອປະຕິບັດບັນດາຂັ້ນຕອນການປ່ຽນແປງທີ່ກ່ຽວຂ້ອງກົດໝາຍລົງທຶນ, ກໍ່ຄືໜູນຊ່ວຍວິສາຫະກິດ ອິນໂດເນເຊຍ ລົງທຶນຢູ່ ຫວຽດນາມ.
 | ຊາວຫວຽດນາມ ອາໄສຢູ່ຕ່າງປະເທດປະມານ 1.000 ຄົນຈະເຂົ້າຮ່ວມ “ລະດູບານໃໝ່ບ້ານເກີດເມືອງນອນ” ປີ 2025 ຍສໝ - ຕອນບ່າຍວັນທີ 9 ມັງກອນ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ສົມທົບກັບຄະນະກຳມະການປະຊາຊົນນະຄອນ ຮ່າໂນ້ຍ ໄດ້ຈັດຕັ້ງກອງປະຊຸມຖະແຫຼງຂ່າວກ່ຽວກັບລາຍການ “ລະດູບານໃໝ່ບ້ານເກີດເມືອງນອນ” ປີ 2025. |
 | ນະຄອນ ໂຮ່ຈິມິນ ເຊີດຊູການປະກອບສ່ວນຂອງບັນດານັກປັນຍາຊົນຫວຽດນາມ ຢູ່ຕ່າງປະເທດ ຍສໝ - ວັນທີ 9 ພະຈິກ, ຄະນະກຳມະການກ່ຽວກັບຊາວ ຫວຽດນາມ ຢູ່ຕ່າງປະເທດ ນະຄອນ ໂຮ່ຈີມິນ ໄດ້ຈັດພິທີຍ້ອງຍໍບັນດານັກຊ່ຽວຊານປັນຍາຊົນ ຫວຽດນາມ ທີ່ອາໄສຢູ່ຕ່າງປະເທດ ຍ້ອນບັນດາປະກອບສ່ວນຄວາມຄິດເຫັນ ແລະ ເຂົ້າຮ່ວມບັນດາການເຄື່ອນໄຫວກໍ່ສ້າງ, ພັດທະນານະຄອນ. |
ແທັງຮັ່ງ
